Սիսակ Գաբրիելյանը կհանդիպի Ծառուկյանին՝ վերջինիս կողմից լրագրողների հանդեպ անբարյացակամ վերաբերմունքը քննարկելու համար

Ազգային ժողովի «Իմ քայլը» խմբակցության պատգամավոր Սիսակ Գաբրիելյանը պատրաստվում է հանդիպել ԲՀԿ խմբակցության ղեկավար Գագիկ Ծառուկյանի հետ եւ քննարկել վերջինիս կողմից լրագրողների հանդեպ անբարյացակամ վերաբերմունքն ու վիրավորական արտահայտությունները։

Նկատենք, որ Գագիկ Ծառուկյանը ճեպազրույցների ժամանակ պարբերաբար ոչ կոռեկտ արտահայտություններ է հնչեցնում լրագրողների հասցեին՝ հաճախ հայտարարելով, թե լրագրողները կոնկրետ մարդկանցից գումար են վերցնում՝ իրեն անհարմար հարցեր տալու համար, կամ որ ուզում են իրեն հունից հանել։ Վերջերս էլ, երբ լրագրողը ԲՀԿ ղեկավարից հետաքրքրվեց՝ մտավախություն չունի՞, որ Քննչական կոմիտե հարցաքննության չներկայանալու դեպքում կարող է բերման ենթարկվել, ի պատասխան Ծառուկյանն ասաց․

«Դատարկ-դատարկ խոսում ես։ Ես նորից եմ ասում, որ մամուլի խոսնակը իրավունք չունի քննիչի տեղը խոսելու։ Ռեալ բանից խոսացեք», - ասել էր Ծառուկյանը։

Հարցին էլ՝ օրենքին ենթարկվելը դատարկությո՞ւն է, ԲՀԿ ղեկավարն արձագանքել էր. «Հենց դու քո ցեղով գնա օրենքին ենթարկվի։ Ծառուկյանը կետ առ կետ ամեն ինչ կատարում է»։

Իսկ այսօր ԱԺ-ում ճեպազրույցի ժամանակ մեկ այլ լրագրող Ծառուկյանին հարցրեց՝ վերոնշյալ վարքագծի եւ արտահայտությունների համար պատրաստվո՞ւմ է հրապարակային ներողություն խնդրել լրագրողներից, խմբակցության ղեկավարը նույնիսկ ծիծաղեց այս հարցից՝ ասելով․

«Էս ի՞նչ հարց եք տալիս Ծառուկյանին, թող իրենց լրագրողներից պահանջեն Ծառուկյանի հանդեպ պահվածք, Ծառուկյանը բացի քաղցր վերաբերմունքից․․․ բայց եթե լրագրողները թույլ են տալիս ինչ-որ բաներ, որ վիրավորական են․․․ հարցեր կան, հանրությունը, ժողովուրդը զգում է, որ դուք Ծառուկյանին ուզում եք հունից հանեք, հիմա ասեմ՝ էլի կասեք՝ վիրավորում ա, ես չեմ ցանկանում վիրավորել։ Երեք հարց ունենք, անգիր արած, մարդ ա, կարող ա հունից հելնի»,- ասաց Ծառուկյանը՝ նշելով, որ ինքը ճարահատված հունից դուրս չի գալիս, հետո նայում է, թե ոնց է իրեն զսպել։

Այս ճեպազրույցից հետո Խոսքի ազատության պաշտպանության կոմիտեի նախագահ Աշոտ Մելիքյանը ֆեյսբուքյան իր էջում գրառում կատարեց, որտեղ լրագրողական գործունեություն ծավալած ԱԺ պատգամավորներին հորդորել է խորհրդարանում պաշտոնապես նախաձեռնել խնդրի քննարկումը։

Մելիքյանը նշել է, որ զարմանալի կլիներ, եթե Ծառուկյանն ընդուներ իր սխալը ու ներողություն խնդրեր․

«Դրա համար բարեկրթություն է պետք, ինչի խիստ պակաս ունի Ծառուկյանը։ Դա փողով չի գնվում։ Նա նույնիսկ չի էլ պատկերացնում, որ լրագրողի հետ «դու»-ով ու «աղջիկ ջան»-ով խոսելն անթույլատրելի է, եւ դրա համար էլ է պետք ներողություն խնդրել։ Ու քանի որ Ծառուկյանն այս ամենը չի ուզում ընդունել, կոչ եմ անում պատգամավոր գործընկերներիս՝ Հայկ Գեւորգյանին, Վահագն Հովակիմյանին, Գայանե Աբրահամյանին, Վահագն Թեւոսյանին, Սիսակ Գաբրիելյանին, Թագուհի Թովմասյանին եւ մյուսներին, որոնք չեն մոռացել իրենց լրագրողական անցյալը, խորհրդարանում պաշտոնապես նախաձեռնել այս խնդրի քննարկումը՝ պատգամավորական էթիկայի տեսանկյունից եւ տեղեկացնել հանրությանը եզրակացության մասին», - մասնավորապես գրել է Աշոտ Մելիքյանը։

ԱԺ «Իմ քայլը» խմբակցության պատգամավոր, նախկինում լրագրողական գործունեություն ծավալած Սիսակ Գաբրիելյանից «Հայկական ժամանակ»-ը հետաքրքրվեց՝ արդյոք Գագիկ Ծառուկյանի այս վարքագիծը հարի՞ր է պատգամավորին, եւ հատկապես խմբակցության ղեկավարին, եւ ի՞նչ է կարծում խորհրդարանում այս հարցն առանձնապես քննարկելու վերաբերյալ։

Գաբրիելյանը նկատեց, որ իր լրագրողական գործունեության ընթացքում ինքը եւս առիթ ունեցել է Գագիկ Ծառուկյանի կողմից արժանանալ որոշակի պատասխանների, որոնք ոչ միայն լրագրողների, այլեւս քաղհասարակության, այդ թվում՝ Աշոտ Մելիքյանի կողմից որակվել են որպես պատգամավորական էթիկայի կոպտագույն խախտումներ՝ կապված Ծառուկյանի պատասխանի բովանդակության, տոնայնության եւ նաեւ տողատակերում երեւացող մեսիջների հետ։

Ինչ վերաբերում է այս դեպքերին՝ պատգամավորը կարծում է, որ Գագիկ Ծառուկյանը կինի, անձամբ ինքը, թե մեկ այլ պատգամավոր, բնականաբար խորհրդարանում պետք է պահպանվեն բարեվարքության կանոնները՝ անկախ նրանից՝ լրագրողի հետ են զրուցում, թե գործընկերների, թե պարզապես խորհրդարանի մաքրությունն իրականացնող աշխատակցի․

«Պատգամավորի կարգավիճակն այդ մարդուն նախեւառաջ պարտադրում է, ստիպում է, որ ինքը պահպանի էթիկայի կանոնները, որովհետեւ հասարակությունը մեզ ընկալում է այնպիսի անձնավորություն, որից կարելի է օրինակ վերցնել։ Եթե մենք թքած ունենք, ապա հասարակությունը կարող է ասել՝ դուք թքած ունեք, ապա մեզանից մի պահանջեք։ Կարծում եմ, եթե կան վիրավորական արտահատություններ կամ գուցե տոնայնություն, ժեստեր, ապա բնականաբար դա անթույլատրելի է»։

Գաբրիելյանը մեր զրույցում ասաց, որ եթե Ծառուկյանը վաղը ներկայանա ԱԺ արտահերթ նիստին, ապա ինքն անձամբ կմոտենա նրան, հարցը կքննարկի եւ այս մտահոգությունները կփոխանցի վերջինիս․

«Եթե անհրաժեշտություն կլինի, գուցե ներողություն խնդրի, դա ամոթ չէ, անսխալ մարդ չկա։ Ամեն դեպքում Գագիկ Ծառուկյանն ու լրագրողները դեռ շարունակելու են իրար հետ աշխատել, կարծում եմ՝ բարիդրացիական մթնոլորտը կարեւոր է»,- ընդգծեց մեր զրուցակիցը։

Ինչ վերաբերում է էթիկայի հանձնաժողովում այս հարցը քննարկելուն՝ Սիսակ Գաբրիելյանն ասաց, որ «Իմ քայլ»-ի պատգամավորները նույնիսկ գաղափար ունեն այս հանձնաժողովը դարձնել մշտական, քանի որ այն հիմա ստեղծվում է կոնրետ խնդրի եւ նախաձեռնության դեպքում․

«Մտադիր ենք հանձնաժողովը դարձնել մշտական, հույս ունեմ սեպտեմբերին այս հարցը կքննարկենք, որպեսզի նմանատիպ իրավիճաների դեպքում չսպասեն, որ որեւէ մեկը դիմի, այլ հանձնաժողովը սեփական նախաձեռնությամբ հրավիրի նիստ եւ քննարկի որեւէ պատգամավորի վարքագիծ, արտահայտություն կամ գրառում։ Կարծում եմ՝ ամոթ չէ, երբ հանձնաժողովը եզրակացություն անի եւ պատգամավորին հայտնի, որ իր արած որեւէ արտահայտություն սահմանված նորմից դուրս է, սխալ է եւ այլեւս չպիտի կրկնվի։ Իհարկե, սա պատժիչ մեխանիզմ չէ»,-եզրափակեց Սիսակ Գաբրիելյանը։

Հիշեցնենք, որ 2016 թվականին լրագրողների հետ ճեպազրույցի ժամանակ Գագիկ Ծառուկյանը, խոսելով տնտեսության մասին, հիշեցրեց իր կառուցած առեւտրի կենտրոնի մասին, որ առեւտրականներին հնարավորություն է տվել 1-3 տարի անվճար աշխատել: Այն ժամանակ լրագրող Սիսակ Գաբրիելյանի դիտարկմանը, թե խանութները վաճառողներն են կառուցել, Ծառուկյանը վրդովվեց եւ իր պատասխանում Գաբրիելյանին վիրավորեց՝ նրան անվանելով «մուտիլովշիկ» եւ «շպիոն»։

Տպել
4425 դիտում

22 զինծառայող Գորիսում ստացել է սեփական բնակարանը. բնակարանամուտին մասնակցել է նախարարը (լուսանկարներ)

Նախատոնական Երևան. ինչպե՞ս է քաղաքը պատրաստվում իր տոնին

#UNsmoke՝ դիմելով բոլոր նրանց, ովքեր կարող են նպաստել ծխից զերծ ապագա կերտելուն

ՎՏԲ-Հայաստան Բանկը բացեց իր 72-րդ` «Արարատ» մասնաճյուղը

Յունիբանկը ընդլայնել է մոբայլ հավելվածի հնարավորությունները

«Ավրորա»-ի միջոցառումները մեկնարկեցին Շուշիում 155 տարվա պատմություն ունեցող «Գոհար տիկնոջ Վերին մզկիթ»-ի վերաբացմամբ

Թուրքական բանակն այսօր հարվածներ է հասցնում Ադ-Դարբասիա եւ Ալ-Քարմանիա գյուղերի ուղղությամբ

Քոչարյանի մոտ քաղցկեղային բջիջ չի հայտնաբերվել. նա եւս մի քանի օր կմնա հիվանդանոցում

ԿԳՄՍ նախարարությունը կազմակերպել է անգլերենի ուսուցիչների համաժողով` «Դասավանդում հանուն հաջողության»

Լավ վերաբերմունք ցուցաբերեք զբոսաշրջիկներին. Նիկոլ Փաշինյանի խնդրանքը՝ տաքսու վարորդներից մինչեւ պատահական անցորդներին

Երևանում հայտնաբերվել է մեկ սահնօձ տեսակի օձ և տեղափոխվել անվտանգ տարածք

Կյանքից հեռացել է ականավոր մաթեմատիկոս, ՀՀ-ում Մաթեմատիկական տրամաբանության դպրոցի հիմնադիր Իգոր Զասլավսկին

Օլիմպիական չեմպիոն Արթուր Ալեքսանյանը դարձել է Հայաստանում ՅՈՒՆԻՍԵՖ-ի բարի կամքի դեսպան

Ֆրանսիան մտադիր է կանգնեցնել Սիրիայում Թուրքիայի գործողությունները. Ելիսեյան պալատը վճռականորեն դատապարտում է

Երեւան-Գյումրի-Երեւան գնացքներով նախատեսվածից ավելի շատ տո՞մս է վաճառվում (լուսանկար)

Նշանակումները լինելու են անակնկալ. աշխատանքային խորհրդակցություն ոստիկանությունում (տեսանյութ)

7 որդի ունեցող եւ դրա համար Ծնողական փառքի մեդալով պարգեւատրված ընտանիքը զրկվել է նպաստից

Պատրաստ եմ աշխատանք եւ ապաստան տրամադրել սիրիահայ՝ մինչեւ 10 հոգանոց ընտանիքի. Ռ. Երանոսյան

Գեղանիստում տեղի ունեցած սպանությունը բացահայտվել է. կասկածյալը ձերբակալվել է. ՔԿ

Աննա Հակոբյանը ներկա է գտնվել Ժնևի հայկական եկեղեցում Ամենայն Հայոց Կաթողիկոսի մատուցած Սուրբ Պատարագին