Մեղավորին փնտրեք ողջերի մեջ

07/07/2019 schedule15:05

Տպագրվել է «Հայկական Ժամանակ» օրաթերթի՝ 2006 թվականի հուլիսի 7-ի համարում

Ռուսական «Մոսկովսկի կոմսոմոլեց» թերթը երեկ մի նյութ է հրապարակել, որտեղ ամենայն մանրամասնությամբ ներկայացված են «Արմավիայի»՝ մայիսի 3-ին Սոչիի մատույցներում վթարի ենթարկված «A-320» ինքնաթիռի թռիչքի վերջին մոտ մեկուկես րոպեները: Նյութում օգտագործվել են «A-320»-ի «սեւ արկղերի» վերծանումից ստացված տվյալները: Ինքնաթիռի սարքավորումների գործունեության ընթացքի պարամետրերը պարունակող «սեւ արկղի» վերծանման տվյալների հատկապես վերջին հատվածը ներկայացված է դրվագ առ դրվագ, ըստ իրադարձությունների զարգացման ընթացքի: Ի դեպ, հրապարակումից պարզ է դառնում, որ «սեւ արկղերը» ոչ թե Մոսկվայում են վերծանվել, այլ Ֆրանսիայում:

Ավիավթարի պատճառները հետաքննող միջգերատեսչական հանձնաժողովին տրամադրվել են վերծանման արդեն իսկ պատրաստի արդյունքները: Նյութում բերված ամենակարեւոր տվյալներից մեկն այն է, որ ինքնաթիռի երկու ինքնակառավարիչներից երկրորդը (վերծանման տվյալներով՝ գործել են երկու ինքնակառավարիչներ` թիվ 1 եւ թիվ 2) ինչ-ինչ անհասկանալի պատճառներով անջատվել է: Այսինքն, խոսքն այն մասին է, որ թիվ 2 ինքնակառավարիչն ինքնաթիռի հրամանատարը չի անջատել, այլ այն ինքուրույն է անջատվել: Ավելին, հենց այդ անակնկալ անջատման արդյունքում էլ ինքնաթիռը հայտնվել է ոչ ստանդարտ իրավիճակում, քանի որ ինքնաթիռի քիթը ցցվել է վեր, եւ ստեղծվել է վթարային իրավիճակ:

«A-320»-ի հրամանատարը ստիպված է եղել անջատել նաեւ թիվ 1 ինքնակառավարիչը եւ ինքնաթիռի ողջ կառավարումը վերցնել իր վրա: Ըստ վերծանման արդյունքների, հրամանատարին մի պահ հաջողվել է ինքնաթիռը ուղղել եւ բարձրություն հավաքել: Սակայն, քանի որ առջեւում եղել են լեռներ, ինքնաթիռը շրջելու անհրաժեշտություն է առաջացել` դրանցից խույս տալու համար: Հենց այս մանյովրի կատարման ընթացքում էլ ինքնաթիռը վթարի է ենթարկվել: Ի՞նչն է հետաքրքիր, «ՄԿ» լրագրողը, ներկայացնելով վերծանման արդյունքները, նաեւ նկատում է, որ դրանցում որոշ տվյալներ բացակայում են, հենց այդ պատճառով էլ մասնագետները դժվարանում են վթարի ստույգ պատճառները նշել:

Բացակայող տվյալները, ըստ հեղինակի, կարող էին պատկերն ամբողջականացնել: Հետեւաբար հարց է ծագում, իսկ ո՞ւր են եւ ինչո՞ւ են բացակայում այդ տվյալները: Բացակայող տվյալները «սեւ արկղի» կրիչներո՞ւմ չեն պահպանվել, թե՞ ֆրանսիական կողմը ինչ-ինչ պատճառներով դրանք չի ցանկացել տրամադրել: Ռուս լրագրողը երկու տարբերակն էլ չի բացառում, բայց արձանագրում է այն փաստը, որ առանց դրանց վթարի ստույգ պատճառները պարզել հնարավոր չէ: Արդյունքում, «ՄԿ»-ի հրապարակման հեղինակը, որպես վթարի հնարավոր վարկած, առաջ է քաշում ինքնաթիռի անսարքությունը` նկատելով, որ զոհված անձնակազմին հետմահու մեղադրելը շատ հեշտ է, եւ կոչ է անում վթարի մեղավորներին փնտրել ողջ մնացածների մեջ:

Տպել
989 դիտում

Արագիլների անկման կապակցությամբ Հրազդան գետի, Հովտաշենին հարող ցամաքուրդային ջրերի նմուշառման աշխատանքներ են իրականցվում

ՔԿ պարզաբանումը՝ Սամվել Կարապետյանի եղբորորդու գործի վերաբերյալ

Փոխվարչապետ Տիգրան Ավինյանը հանդիպել է ՄԱԿ-ի գլխավոր քարտուղարի հատուկ հանձնակատարին

Բացի աշխատանքից՝ բարեկեցություն ստեղծելու այլ ճանապարհ չկա․ Նիկոլ Փաշինյան

Նեթանյահուն դարձել է Իսրայելի ամենաերկար պաշտոնավարած վարչապետը

Սեւանի ոստիկանները բացահայտել են ապօրինի ծառահատման դեպքը. վարորդը չի ենթարկվել ոստիկանների պահանջին

«Իմ քայլը հանուն Շիրակի» բիզնես համաժողովի ընթացքում ներդրումային ծրագրեր ներկայացրին մոտ 50 ընկերություններ եւ անհատներ

ՍԴ ոչ լեգիտիմ նախագահ Հրայր Թովմասյանը հայտարարում է, որ ՀՀԿ-ի դատավորներին չի կարելի փոխել

Սոս Սարգսյանը ոչ միայն մեծ արվեստագետ էր, այլեւ մեծ քաղաքացի․ Արմեն Սարգսյան

Էդմոն Մարուքյանն ԱՄՆ-ում խոսել է Հայաստանում իրականացվող բարեփոխումների մասին

Հայաստանի Հանրապետությունը պետք է վերագտնի արդյունաբերական երկրի իր երբեմնի փառքը. վարչապետ

ՄԻՊ-ն ամփոփել է Իջեւանի իրադարձություններն ու արձանագրված խնդիրները

Իշխանության ներկայացուցչի նկատմամբ բռնություն գործադրելու մեղադրանքով որոնվողին գտել են Ուջան գյուղում

Արդարադատության նախարարին կից հասարակական խորհրդի նիստում քննարկվել են դատական, հակակոռուպցիոն ոլորտների բարեփոխումները

Դատարանը վարույթ է ընդունել «Արմոս» ՍՊԸ-ի հայցն ընդդեմ պատգամավոր Գեւորգ Գորգիսյանի

Զարեհ Սինանյանը ՌԴ-ում ապրող հայ ակտիվ երիտասարդներին հրավիրեց սերտ համագործակցության

Դիզվառելիք տեղափոխող բեռնատարը Օձունի մոտ շրջվել է. 2 մարդ տեղափոխվել է Ալավերդու ԲԿ

Կոռուպցիոն համակարգին ուղղակիորեն կապված տնտեսական համակարգի հետ կոմպրոմիս չի լինելու․ վարչապետ (ուղիղ)

Անցնող շաբաթ հակառակորդը Արցախի դիրքապահների ուղղությամբ արձակել է 900 կրակոց

Ոստիկանները Երեւանի Կոմիտասի պողոտայից բերման են ենթարկել 31-ամյա գրպանահատի