«Արարատ-Արմենիան» կարողանում է վաճառել ՉԼ տնային խաղի տոմսերը. ասում է գլխավոր տնօրենը

«Արարատ-Արմենիա» ֆուտբոլային ակումբը չի բողոքում Չեմպիոնների լիգայի 2019-20 մրցաշրջանի որակավորման առաջին փուլի տնային հանդիպման տոմսերի վաճառքի ընթացքից: Այս մասին «Հայկական ժամանակ»-ի հետ զրույցում ասաց ակումբի գլխավոր տնօրեն Պողոս Գալստյանը: Շվեդական ԱԻԿ-ի դեմ դիմակայության առաջին խաղը կայանալու է հուլիսի 9-ին Երեւանի ֆուտբոլի ակադեմիայում: Սկսվելու է 18:00-ին: Տոմսերն արժեն 2000 դրամ: Հայ ֆուտբոլասերների համար հայկական թիմի հանդիպման համար գումար վճարելն անսովոր երեւույթ է, սակայն Գալստյանը վստահ է, որ իրական ֆուտբոլասերները պատրաստն են գումար տալ:

«Կտան, իհարկե, կտան: Լավ մրցակից է, ֆուտբոլ սիրողներն անպայման, ես համոզված եմ, որ կտան: Ու տոմսերը մեզ մոտ վաճառվում են իմիջայլոց: Նորմալ վաճառվում են»,- ասաց նա:

Ակադեմիայի մարզադաշտը, ինչպես Գալստյանը նշում է, տեղավորում է 1500 հանդիսական: Մոտ 100 տոմս, նրա խոսքով, տվել են շվեդական կողմին: Նշում է, որ մրցակիցը բավական լավն է, ու, եթե հանկարծ մարդիկ ավելի շատ լինեն, ու իրենք չկարողանան նրանց տեղավորել, փաստի առաջ կկանգնեն: Այդ պատճառով էլ, որոշել է, որ մուտքն ազատ չլինի:

«Անշլագ չլինելու համար, քանի որ մարզադաշտը փոքր է՝ 1500-տեղանոց է: Եթե անվճար լինի, կարող է ժողովուրդն ավելի շատ լինել, ու այդ ժամանակ տուգանքների կենթարկվենք: Բացի այդ՝ նաեւ Հայաստանի ֆուտբոլի ֆեդերացիայից են մեզ խնդրել են, որ կարողանանք վաճառքով անել, որպեսզի անշլագ չլինի»,- ասաց նա:

Գալստյանը չի բացառում, որ, եթե հանդիպման օրն ազատ տեղեր լինեն, իրենք տոմս չունեցող երկրպագուներին թույլ կտան ներս մտնել: Մյուս կողմից, սակայն, խնդրում է ըմբռնումով մոտենալ որոշմանը: Կրկին ընդգծում է, որ մարզադաշտը փոքր է:

«Տվել ենք հայտարարություն, եթե տեղեր լինեն, իհարկե կթողնենք, բոլոր երկրպագուներն էլ թող գան նայեն: Բայց պետք է հասկանանք, եթե օրինակ 5 հազար մարդ գա, ինչպե՞ս ենք տեղավորելու, պահանջարկը մեծ է, մեր մրցակիցն էլ՝ ԱԻԿ-ը, լավ թիմ է»,- ասաց նա:

Այս թիմերի պատասխան հանդիպումը Շվեդիայում կայանալու է հուլիսի 17-ին: Դիմակայության ելքի վերաբերյալ Գալստյանը կանխատեսումներ չի անում: Սակայն վստահեցնում է, որ «Արարատ-Արմենիան» առավելագույնն է անլու:

«Ոչ մի թիմ երբեք 100%-ով չի կարող ասել կկարողանա շրջանցել մրցակցին, թե՝ ոչ, բայց կարող եմ 100%-ով ասել, որ մենք մաքսիմալ խաղալու ենք ու լավատեսորեն ենք տրամադրված»,- ասաց նա:

Երեւանյան խաղի տոմսերը կարելի է ձեռք բերել Ֆուտբոլի Ակադեմիայի տոմսարկղից (գլխավոր մասնաշենքի մուտքի հարեւանությամբ): Կարելի է գնել նաեւ «Տաշիր» առեւտրի կենտրոնի առաջին հարկում տեղակայված «Արարատ-Արմենիայի» նորաստեղծ վաճառակետից կամ էլ հնարավոր է պատվիրել առցանց այստեղ:

Տպել
1213 դիտում

Յունիբանկը ընդլայնել է մոբայլ հավելվածի հնարավորությունները

«Ավրորա»-ի միջոցառումները մեկնարկեցին Շուշիում 155 տարվա պատմություն ունեցող «Գոհար տիկնոջ Վերին մզկիթ»-ի վերաբացմամբ

Թուրքական բանակն այսօր հարվածներ է հասցնում Ադ-Դարբասիա եւ Ալ-Քարմանիա գյուղերի ուղղությամբ

Քոչարյանի մոտ քաղցկեղային բջիջ չի հայտնաբերվել. նա եւս մի քանի օր կմնա հիվանդանոցում

ԿԳՄՍ նախարարությունը կազմակերպել է անգլերենի ուսուցիչների համաժողով` «Դասավանդում հանուն հաջողության»

Լավ վերաբերմունք ցուցաբերեք զբոսաշրջիկներին. Նիկոլ Փաշինյանի խնդրանքը՝ տաքսու վարորդներից մինչեւ պատահական անցորդներին

Երևանում հայտնաբերվել է մեկ սահնօձ տեսակի օձ և տեղափոխվել անվտանգ տարածք

Կյանքից հեռացել է ականավոր մաթեմատիկոս, ՀՀ-ում Մաթեմատիկական տրամաբանության դպրոցի հիմնադիր Իգոր Զասլավսկին

Օլիմպիական չեմպիոն Արթուր Ալեքսանյանը դարձել է Հայաստանում ՅՈՒՆԻՍԵՖ-ի բարի կամքի դեսպան

Ֆրանսիան մտադիր է կանգնեցնել Սիրիայում Թուրքիայի գործողությունները. Ելիսեյան պալատը վճռականորեն դատապարտում է

Երեւան-Գյումրի-Երեւան գնացքներով նախատեսվածից ավելի շատ տո՞մս է վաճառվում (լուսանկար)

Նշանակումները լինելու են անակնկալ. աշխատանքային խորհրդակցություն ոստիկանությունում (տեսանյութ)

7 որդի ունեցող եւ դրա համար Ծնողական փառքի մեդալով պարգեւատրված ընտանիքը զրկվել է նպաստից

Պատրաստ եմ աշխատանք եւ ապաստան տրամադրել սիրիահայ՝ մինչեւ 10 հոգանոց ընտանիքի. Ռ. Երանոսյան

Գեղանիստում տեղի ունեցած սպանությունը բացահայտվել է. կասկածյալը ձերբակալվել է. ՔԿ

Աննա Հակոբյանը ներկա է գտնվել Ժնևի հայկական եկեղեցում Ամենայն Հայոց Կաթողիկոսի մատուցած Սուրբ Պատարագին

Քիմ Քարդաշյանը Գառնիում երեխաների համար պաղպաղակ է գնել դրսում տեղադրված սառնարանից (լուսանկար)

ՍԴ-ն այսօր կորոշի Հրայր Թովմասյանի հարցով ԱԺ դիմումը վարույթ ընդունել-չընդունելու հարցը

Աննա Հակոբյանը ներկա է գտնվել Շվեյցարական Կարմիր խաչի՝ Հայաստանին նվիրված բարեգործական երեկոյին

Վանաձորի աղմկոտ սպանությունների գործով կալանավորված տղամարդու քրոջ որդին էլ հայտնաբերվել ու կալանավորվել է. ՔԿ