Միջազգային կարեւոր միջոցառման ժամանակ Ջուլֆալակյանը կլինի Ըմբշամարտի համաշխարհային միության դեսպանը

Օլիմպիական փոխչեմպիոն հունահռոմեական ոճի ըմբիշ, ՀՀ ԱԺ պատգամավոր Արսեն Ջուլֆալակյանը միջազգային միջոցառման ընթացքում լինելու է Ըմբշամարտի համաշխարհային միության դեսպանը: Կազմակերպիչը Միջազգային օլիմպիական կոմիտեն ու Միավորված ազգերի կազմակերպությունն են: Միջոցառումը նվիրված է փախստականներին, այն անց է կացվելու Հորդանանի Ազրակ փախստականների ճամբարում: Նպատակը փախստական երեխաների ու երիտասարդների շրջանում առողջ ապրելակերպ քարոզելն է:

«Նպատակն է, որ ամբողջ աշխարհով մեկ կարողանանք փախստականների ճամբարներում նման միջոցառումներ կազմակերպել եւ քարոզել առողջ ապրելակերպը, սպորտի կարեւորությունը, ֆիզիկական դաստիարակությունը եւ այդ ամենի միջոցով կարողանանք ավելի հետաքրքիր առօրյա կազմակերպել փասխտական երեխաների եւ երիտասարդների համար: Ծրագիրը վերաբերում է երեխաներին ու երիտասարդներին»,- «Հայկական ժամանակ»-ի հետ զրույցում ասաց Արսեն Ջուլֆալակյանը:

Փախստականների ճամբարներում մարզական միջոցառումներ կազմակերպելու գաղափարն առաջացել է 2016 թ. օլիմպիական խաղերից: Ռիո 2016-ին ՄՕԿ-ի ու ՄԱԿ-ի համագործակցության արդյունքում պատմության մեջ առաջին անգամ օլիմպիական խաղերին մասնակցեց փախստականների թիմը: Գաղափարը զարգացնելու համար սկսեցին նման միջոցառումներ կազմակերպվել տարբեր ճամբարներում: 2018 թ. նախաձեռնությանը միացավ Ըմբշամարտի համաշխարհային միությունը, որն այս տարի առաջին անգամ է ներկայացված լինելու միջոցառմանը:

Այն տեղի է ունենալու հուլիսի 19-ին: Բացի ըմբշամարտից՝ ներկայացված է լինելու նաեւ թաեքվոնդո մարզաձեւը: Ներկա են գտնվելու բազմաթիվ բարձրաստիճան պաշտոնյաների 2 մարզաձեւերից: Նախապես պլանավորվում էր, որ կմասնակցի նաեւ Ըմբշամարտի համաշխարհային միության նախագահ Նենադ Լալովիչը, սակայն նա Ջուլֆալակյանին ասել է, որ գուցե ինքը չկարողանա մասնակցել, եւ Ջուլֆալակյանը, որը միության աթլետների հանձնաժողովի անդամ է, միայնակ գնա: Նախատեսվում է տարբեր ոլորտների մի շարք բաձրաստիճան պաշտոնյաների ու գործիչների՝ այդ թվում ՄՕԿ-ի նախագահ Թոմաս Բախի, Հորդանանի օլիմպիական կոմիտեի ղեկավարի, արքայական ընտանիքի անդամների մասնակցությունը:

Միջոցառման շրջանակներում նախ ընդլայնված կազմով հանդիպում է լինելու երեխաների ու երիտասարդների հետ: Ապա ավելի նեղ կազմով հանդիպման ժամանակ ներկայացվելու են 2 մարզաձեւերը: Հետո լինելու է մարզում, որից հետո էլ՝ հարցուպատասխան: Վերջում միջոցառման մասնակիցները լուսանկարվելու են երեխաների ու երիտասարդների հետ եւ բաժանելու են նվերները:

Տպել
1540 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության