Լոռիում տարին չորային է. խոտը գրեթե կիսով չափ պակաս է հավաքվել

Լոռու մարզում թեպետ խոտհունձը վաղուց է մեկնարկել, սակայն արդյունքները գոհացուցիչ չեն: Մարզպետարանի աշխատակազմի գյուղատնտեսության եւ բնապահպանության վարչության պետի ժամանակավոր պաշտոնակատար Արտյոմ Շահվերդյանը ՀԺ-ին տեղեկացրեց, որ խոտի առումով տարին երաշտային է՝ համեմատության կարգով նշելով, որ եթե նախորդ տարի կուտակվել է 5000 տոննա, ապա այս տարի՝ 3000 տոննա խոտ. «Գրեթե կրկնակի պակաս է հավաքվել, ամենալուրջը թերեւս Թումանյանի եւ Սպիտակի տարածաշրջաններում է, պատճառը չորային տարին է, ինչպես նաեւ նորմայից ցածր ջերմաստիճանը, պատճառը սա է»,-ասաց Արտյոմ Շահվերդյանը:

Մարզի գյուղատնտեսության ոլորտի պատասխանատուի խոսքով՝ համայնքներից ստացված օպերատիվ տվյալներն են ներկայումս վերլուծում. «Սա, իհարկե, կարող է լրացուցիչ խնդիր առաջացնել անասնապահությամբ զբաղվողների մոտ, բայց համայնքների ղեկավարները լրացուցիչ հողեր կտրամադրեն, խոտհունձ կիրականացվի, մեր անասնագլխաքանակին կհերիքի հավանաբար: 2019թ-ի հունվարի 1-ի դրությամբ մարզում կա 70 հազար գլուխ խոշոր եղջերավոր անասուն»,- նշեց Արտյոմ Շահվերդյանը՝ բացառելով, թե անասնակերի բացակայությունը կարող է պատճառ դառնալ անասուններին հարկադիր մորթի ենթարկելուն. «Անհրաժեշտության դեպքում հարեւան մարզերից կբերվի, նաեւ նախորդ տարվանից կուտակված խոտի պաշարներ կան»:

Դիտարկմանը, որ գյուղացիները բազմիցս են բարձրաձայնել հեռավոր արոտների անբարեկարգ ճանապարհների ու հնձող-հավաքող տեխնիկաների անանցանելիության մասին, մարզի գլխավոր գյուղատնտեսը չհերքեց. «Հեռագնա խոտհարքների ճանապարհների հետ կապված իսկապես ունենք խնդիր, բայց անհրաժեշտության դեպքում համայնքների ղեկավարներին կհանձնարարվի քայլեր ձեռնարկել, հարթեցնել ու աջակցել գյուղացիներին՝ կազմակերպել աշխատանքները»:

Մարզի Թումանյանի տարածաշրջանում մեկնարկել է նաեւ ցորենի եւ գարու հունձը: Ստացված բերքի ցուցանիշները եւս գոհացուցիչ չեն. «Ախթալա խոշորացված համայնքն էլ է դժգոհություն արտահայտել քիչ բերքատվության հետ կապված, ինչի պատճառը եւս եղանակային պայմաններն են եղել»:

«Ընթացքի մեջ են նաեւ պտղի հավաքման աշխատանքները: Թե՛ որակի ու թե մթերման մասով որեւէ խնդիր մինչ օրս չի առաջացել»,- վստահեցրեց Արտյոմ Շահվերդյանը:

Տպել
7006 դիտում

Սուրեն Պապիկյանը հրավիրվել է ՀՔԾ. նա կունենա տուժողի կարգավիճակ

Բակո Սահակյանը բարձրագույն սպայակազմին ներկայացրել է ՊԲ նոր հրամանատար Ջալալ Հարությունյանին

Զոհրաբ Մնացականյանը հանդիպել է Հունաստանի ԱԳ նախարար Նիկոս Դենդիասի հետ

«ԱՅՈ»-ի քարոզարշավը մեկնարկելու է մարտի 2-ից, Սյունիքի մարզի Մեղրի քաղաքից, Փաշինյանը կմիանա մարտի 10-ից. Պապիկյան

Քաղավիացիայի կոմիտեի Թռիչքային գործունեության վարչության պետն ազատման դիմում է ներկայացրել

Մեղրիի անցակետով մտնող բեռնատարները հսկվում են անգամ ՊԵԿ պահեստներում. մասնագետ է մեկնել Թեհրան. նախարար

Որեւէ մեկը թող իշխանությանն արջի ծառայություն չմատուցի, մենք դրա կարիքը չունենք. Պապիկյանը՝ քվեներ կեղծելու մասին

Կենդանու մոտ առկա են եղել ժանտախտի նշաններ, շունը անկել է բուժակի ներկայությամբ. պարզաբանում

Էջմիածնի քաղաքապետարանը ոչ թե կգնի, այլ արդեն գնել է ադամանդե քարերով ոսկե մատանիներ. քաղաքապետ

ՀՀ հավաքականի հարձակվող Սարգիս Ադամյանը հավանաբար այս մրցաշրջանում խաղադաշտ չի վերադառնա

Հայտարարվել է, որ դրամահավաքը կուսակցության ընթացիկ կարիքների համար է. իրավական ու բարոյական որեւէ խնդիր չկա. Պապիկյան

«Բավարիան» Չեմպիոնների լիգայի 4 արտագնա խաղում 19 գոլ է խփել (տեսանյութ)

Սանասարյանը հնարավորություն չի ունեցել կանխելու վրաերթը. տուժողի փաստաբանը մանրամասնում է

«Արտահանման հնարավորություններն ավելի են հեշտացել». տնտեսագետները դրական են գնահատում 8.9 տոկոս ՏԱՑ-ը

Կանադայի նորանշանակ դեսպանն իր հավատարմագրերի պատճենն է հանձնել ԱԳ նախարարի տեղակալին

Հայտնիները կոչով դիմում են ՀՀ վարչապետին՝ Գերման Ավագյանին հետմահու պարգեւատրելու պահանջով

Կողոպուտի մեղադրանքով հետախուզվող է հայտնաբերվել

Զոհրաբ Մնացականյանը հեռախոսազրույց է ունեցել ԵՄ ԱԳ և անվտանգության հարցերով բարձր ներկայացուցչի հետ

Գավառ քաղաքում քաղաքացին տնից դուրս է եկել և չի վերադարձել. իրականացվում են որոնողական աշխատանքներ

Զոհրաբ Մնացականյանը ելույթ է ունեցել ՄԱԿ Մարդու իրավունքների խորհրդի 43-րդ նիստին