Եթե բազային աշխատավարձը բարձրանա, պատգամավորի աշխատավարձն էլ կբարձրանա. քննարկում

Նվազագույն աշխատավարձը բարձրացնելու նախաձեռնությունը Ազգային ժողովի ու կառավարության համատեղ նախաձեռնությունն է: Այս մասին «Նվազագույն աշխատավարձը կտրուկ աճում է. նախաձեռնության սոցիալական արդյունքները» թեմայով քննարկման ժամանակ հայտարարեց ԱԺ «Իմ քայլը» խմբակցության պատգամավոր Բաբկեն Թունյանը:

«ԱԺ կողմից եղել է օրենքի նախագիծ, որի վերաբերյալ կառավարությունը տվել է դրական եզրակացություն եւ արել է առաջարկ, որ նվազագույն աշխատավարձը դառնա ոչ թե 63 հազար դրամ, այլ 68 հազար դրամ: Գնդակը հիմա ԱԺ դաշտում է: 63 հազարը կոնսենսուսային տարբերակ է, իսկ դրանից ավելը՝ կքննարկենք: Պրոցեսը զուգահեռ է գնացել»,- ասաց Թունյանը:

Թունյանը նշեց, որ իրենք կասկածով են վերաբերվում, որ հնարավոր կլինի բարձրացնել 68 հազար դրամ, որովհետեւ դրա արդյունքում կբարձրանան բազային ու պետական պաշտոնյաների աշխատավարձերը:

«Պատգամավորը ստանում է բազային աշխատավարձի տասնապատիկը, նախարարը՝ տասներկուսապատիկը: Եթե բազային աշխատավարձը բարձրանա, պատգամավորի աշխատավարձն էլ կբարձրանա: Եթե կառավարությունն առաջարկում է 68 հազար դրամ, որին զուգահեռ կներկայացնի մեխանիզմ, թե ինչպես անփոփոխ թողնել բազայինը, մենք մեծ հաճույքով կհամաձայնենք 68 հազար դրամին»,- ասաց պատգամավորը:

Բաբկեն Թունյանն ասաց, որ պատգամավորը 660 հազար դրամի փոխարեն կստանա 700 հազար դրամ, արդյունքում իրենք իրենց սեփական աշխատավարձը կբարձրացնեն 40 հազար դրամով, իսկ մյուսներինը՝ մոտ 10.000 դրամով:

Աշխատանքի եւ սոցիալական հարցերի փոխնախարար Գեմաֆին Գասպարյանը համաձայնեց, որ իրենց նպատակը նվազագույն աշխատավարձի շեմը, ոչ թե սեփական աշխատավարձերի բարձրացումն է:

«Ամենայն հավանականությամբ, նվազագույն աշխատավարձը կլինի 67 հազար դրամ»,- ասաց Գասպարյանը:

Գասպարյանի կարծիքով Հայաստանում աշխատող մարդը պետք է նվազագույն սպառողական զամբյուղից ավել աշխատավարձ ստանա: «Սա քաղաքական դիրքորոշում է, եւ որպեսզի հասկանանք, թե որքան պետք է բարձրացնենք աշխատավարձը, 4 մեթոդով ուսումնասիրություն ենք կատարել: Նվազագույն սպառողական զամբյուղը մոտ 63 հազար դրամ է: 1580 գործատու ենք ներգրավել մեր ուսումնասիրության մեջ, որոնք ասում են, որ 70 հազար 142 դրամը նորմալ է: Այն մտահոգությունները, որ հնչում են, թե միջին աշխատավարձի բարձրացումը կարող է վնասել ՓՄՁ-ին, այդպես չէ: Հարկային փոփոխություններով, ընտանեկան բիզնես հասկացությունը թույլ է տալիս, որ նոր ստեղծվող բիզնեսը կայանա»,- նշեց Գասպարյանը:

Փոխնախարարի խոսքով աշխատավարձերի բարձրացումը վերաբերում է պետական ոլորտի 35 հազար, իսկ մասնավոր ոլորտի 45 հազար աշխատողի:

Գասպարյանը ասաց, թե իրենց հետազոտությունները ցույց են տալիս, որ այսպիսով 2 տոկոսով կկրճատվի աղքատությունը, իսկ արդեն տարիներ անց կունենանք աղքատության 5 տոկոսանոց կրճատում:

Գասպարյանն ասաց, որ նվազագույն աշխատավարձի բարձրացման հարցը կքննարկվի արդեն ԱԺ աշնանային նստաշրջանում ու դրական արդյունքի դեպքում արդեն հունվարից նվազագույն աշխատավարձը բարձրացված կլինի:

Տնտեսագետ Վահագն Խաչատրյանը ողջունում է կառավարության ու ԱԺ նախաձեռնությունը՝ նվազագույն աշխատավարձը բարձրացնելու վերաբերյալ:

«Նվազագույն աշխատավարձ կատեգորիան ընդունելի՞ է, թե ոչ, ինչո՞ւ են օգտագործում: Սա կապված է եղել ստվերի դեմ պայքարին, դրա ձեւերից մեկն է եղել: Բիզնեսը որոշում է այլ խաղի կանոններով խաղալ, երբ թողնում ենք իրենց վրա: Գերադասում են ավելի ցածր աշխատավարձեր գրել, սեւ փող տալ»,- նշեց Խաչատրյանը:

Տնտեսագետի կարծիքով տեղի է ունենում օպտիմալացում, կրճատումներ ու պետական պաշտոնյաներն էլ քաղաքացի են եի խնդիր չկա, եթե նրանց աշխատավարձն էլ բարձրանա:

«Կարեւորը ձեր աշխատանքի որակը բարձրանա: Ես համոզված եմ, որ եթե պետական ծառայության որակը բարձր է, մարդիկ չեն նայում՝ որքան է աշխատավարձը: Այստեղ ուրիշ հանգամանք կա, որը շահարկվում էր, թե բյուջեի վրա ինչ բեռ է լինելու, տնտեսական կյանքի վրա ինչ ազդեցություն է ունենալու: Մենք պետք է օգտագործենք այս հնարավորությունը տնտեսության մեջ աշխուժություն մտցնելու համար: Հիմա այս գումարը ո՞ւր է գնալու՝ վերադառնալու է ի՞նչ տեսքով: Մենք այս վերլուծության կարիքն ունենք»,- նշեց տնտեսագետը:

Խաչատրյանի խոսքով մոտեցում կա, թե պետական պարտքը պետք է մեծացնել, որ տնտեսությունը աշխուժանա, այնինչ՝ նման ճանապարհով տնտեսության զարգացման հնարավորությունն ավելի մեծ է:

Տպել
14571 դիտում

Երևանի թիվ 200 դպրոցը կկրի Լեոնիդ Ազգալդյանի անունը

Շիրակի մարզպետարանի սոցիալական ապահովության բաժնի տեսուչը բռնվել է կաշառք ստանալու պահին

26-ամյա աղջիկը «խիստ հուզմունքի մեջ» ինքնասպանություն գործելու նպատակով քացախաթթու է խմել

Իջեւանի բախումների գործով կալանավորված մեղադրյալի դեմ ցուցմունք տված ոստիկանը վրեժխնդի՞ր է եղել. հին հաշիվներ ունեն

Հուլիսի 30-ին ու օգոստոսի 2-ին դատարանը վճիռ կհրապարակի. փաստաբանը՝ «ՍԵՔՅՈՒՐԻԹԻ ԴՐԻՄ»-ից ազատված աշխատակիցների մասին

Երևանի մետրոպոլիտենում կլինեն նաև կայարանների անվանումներով անգլերեն ցուցանակներ

Կան մարդիկ, որոնք ցանկացած պատճառաբանություն բերում են, միայն թե օրինական դաշտ չմտնեն. Վահագ Ռաշ

Գյումրիում աղբատարի վարորդի՝ նռնակի պայթյունից վնասվածք ստանալու դեպքով քննություն է կատարվում

Արարատ գյուղում մասամբ այրվել են մեքենաներ եւ 50 քմ խոտածածկույթ

Էջմիածնում 57-ամյա տղամարդը թափառող շների սպանդն իրականացրել է սեփական հրացանով

Կառավարությունը կփոխհատուցի «խելացի» անասնաշենքերի կառուցման ծախսերի մի մասը (տեսանյութ)

Ucom-ի աջակցությամբ կայացած «Արմաթ» տեխնոճամբարին մասնակցել է ավելի քան  400 դպրոցական

Արցախում է Պարի համաշխարհային խորհրդի փոխնախագահ Ստանիսլավ Պոպովը

Զարեհ Սինանյանը հանդիպել է Ռուսաստանի ազգությունների գործերի դաշնային գործակալության ղեկավարի տեղակալի հետ

Իջեւանյան սադրանք․ նախկինների բացառիկ լկտիությունն ու երեսպաշտությունն ամենաապշեցուցիչն է

Երևանում թիվ 9 երթուղին սպասարկող տրոլեյբուսը վրաերթի է ենթարկել 27-ամյա քաղաքացու

Զարեհ Սինանյանը հանդիպել է Ռուսաստանի փոխարտգործնախարար Գրիգորի Կարասինի հետ

Նիկոլ Փաշինյանը ցավակցական հեռագիր է հղել Յուկիյա Ամանոյի մահվան կապակցությամբ

Մեկ ամսից երանի ենք տալու այս օրերին. Գագիկ Սուրենյան

«Փյունկը» «Յաբլոնեցին» հաղթելու դեպքում կարող է խաղալ «Վուլվերհեմփթոնի» դեմ