Երևան
24 °C
Հայաստանի արտաքին գործերի նախարարության մամուլի խոսնակ Աննա Նաղդալյանն այսօր ճեպազրույց է ունեցել լրագրողների հետ։ ԱԳՆ պաշտոնական կայքը ներկակացրել է ճեպազրույցի տեքստային տարբերակը.
Բարև ձեզ, հարգելի գործընկերներ,
Ուրախ եմ ողջունելու ձեզ Արտաքին գործերի նախարարությունում: Այս անգամ փորձեմ ելույթս փոքր-ինչ այլ ձև կառուցել: Սկզբում կամփոփեմ անցած ամսվա մի քանի միջոցառումներ, այնուհետև կներկայացնեմ նախարարի առաջիկա օրակարգը և հանդես կգամ մի քանի հարցերի շուրջ մեկնաբանություններով:
Ամփոփելով ամիսը. ինչպես գիտեք, հունիսի 13-ին Բրյուսելում արտաքին գործերի նախարար Մնացականյանի և ԵՄ բարձր ներկայացուցիչ Ֆեդերիկա Մոգերինիի համանախագահությամբ կայացել է ՀՀ-ԵՄ Գործընկերության խորհրդի երկրորդ նիստը:
Հունիսի 17-ին Երևանում տրվել է Հայաստան-Եվրոպայի խորհուրդ 2019-2022թթ. Գործողությունների ծրագրի պաշտոնական մեկնարկը:
Հունիսի 18-20-ը Վաշինգտոն կատարած աշխատանքային այցի շրջանակներում նախարար Մնացականյանը հանդիպումներ է ունեցել ԱՄՆ բարձրաստիճան մի շարք ղեկավարների հետ: Իսկ հունիսի 20-ին, ինչպես տեղյակ եք, կայացել է հանդիպումը Ադրբեջանի արտգործնախարար էլմար Մամեդյարովի հետ:
Օրերս նաև Հայաստանում էր Մալթայի ԱԳ նախարարը, որի այցը, բնականաբար, բոլորդ լուսաբանել եք, և այցի ամփոփումը եղել է արտգործնախարարների կողմից համատեղ մամուլի ասուլիսի ժամանակ:
Հունիսի 28-ին մենք տեղեկացրել էինք, որ Կիպրոսի խորհրդարանը վավերացրել է ՀՀ-ԵՄ ՀԸԳՀ: Քանի որ լինում են բավական մեծ քանակությամբ հարցումներ, ուղղակի ցուցակն ամբողջությամբ ներկայացնեմ: Մինչ այժմ ԵՄ անդամ երկրներից ՀԸԳՀ վավերացման համար անհրաժեշտ ներպետական գործընթացն ավարտելու մասին ԵՄ խորհրդին արդեն իսկ տեղեկացրել Է ԵՄ անդամ 13 պետություն՝ Էստոնիան, Լատվիան, Լիտվան, Բուլղարիան, Լեհաստանը, Լյուքսեմբուրգը, Դանիան, Մալթան, Ռումինիան, Միացյալ Թագավորությունը, Ֆինլանդիան, Հունգարիան և Սլովակիան:
Կիպրոսի հետ միասին համաձայնագիրը վավերացվել է նաև Գերմանիայի Բունդեսթագի, Չեխիայի Պատգամավորների պալատի, Շվեդիայի խորհրդարանի կողմից և անցել է վավերացման հաջորդ փուլին:
Հունիսի 28-ին Հայաստանը, հավատարիմ մնալով միջազգային մարդասիրական իրավունքի նորմերին և իր ստանձնած միջազգային հանձնառություններին, նախաձեռնել էր ս.թ. մարտի 16-ին ապօրինաբար ՀՀ սահմանը հատած Ադրբեջանի քաղաքացու հանձնումը Ադրբեջանին, և նշյալ քաղաքացին հանձնվել է Ադրբեջանում Կարմիր խաչի միջազգային կոմիտեի ներկայացուցիչներին և Ադրբեջանի իշխանություններին: Սա եղել է Հայաստանի Հանրապետության նախաձեռնությունը՝ միջազգային մարդասիրական նորմերից ելնելով, և այս նախաձեռնությանը Հայաստանը գնացել է առանց որևէ նախապայմանի: Նույն օրը ադրբեջանական իշխանությունների կողմից Հայաստանի ԿԽՄԿ ներկայացուցիչներին և Հայաստանի իշխանություններին է փոխանցվել 2017թ. չբացահայտված պայմաններում Ադրբեջանի տարածքում հայտնված ՀՀ քաղաքացի Զավեն Կարապետյանը:
Նախարարի առաջիկա օրակարգի մասով նշեմ, որ վաղը՝ հուլիսի 4-ին արտաքին գործերի նախարարն աշխատանքային այց է կատարելու Արցախ, որտեղ հանդիպումներ է ունենալու Արցախի ղեկավարության հետ:
Հուլիսի 9-ին ԱԳ նախարար Մնացականյանը Սլովակիայում մասնակցելու է ԵԱՀԿ արտգործնախարարների ոչ պաշտոնական հանդիպմանը: Այնտեղ նախատեսված են նաև շփումներ մի շարք գործընկերների հետ:
Հուլիսի 10-ին ԱԳ նախարարը մասնակցելու է Արևելյան գործընկերության 10-ամյակին նվիրված Բաթումիի 16-րդ համաժողովին, որտեղ հանդես է գալու համապատասխան ելույթով:
Այժմ որոշ պարզաբանումների հետ կապված: Ինչպես գիտեք, հունիսի 30-ից հուլիսի 10-ը Բաքվում կայանում է ՅՈՒՆԵՍԿՕ-ի համաշխարհային ժառանգության կոմիտեի 43-րդ նիստը, որին, որպես դիտորդ, մասնակցելու հրավեր, ի շարք այլ պետությունների, ապրիլին ստացել էր նաև ՀՀ պատվիրակությունը: Եվ այս առնչությամբ հայկական կողմը դիմել էր ՅՈՒՆԵՍԿՕ-ին՝ հյուրընկալող պետությունից ստանալու անվտանգության համապատասխան հավելյալ երաշխիքներ ՀՀ պատվիրակության մասնակցության համար՝ հաշվի առնելով ՀՀ քաղաքացիների և ընդհանրապես ազգությամբ հայերի՝ այդ երկիր մուտքի հետ կապված անհնարինությունը և այդ երկրում ամենօրյա ռեժիմով իրականացվող հակահայկական քարոզը և խտրական վերաբերմունքը էթնիկ հայերի նկատմամբ: Մենք այս հարցի առնչությամբ մշտական կապի մեջ ենք եղել քարտուղարության հետ, և քարտուղարության կողմից մշտապես ջանքեր են գործադրվել հյուրընկալող իշխանություններից ստանալու հայկական կողմի համար անհրաժեշտ երաշխիքները: Սակայն ի հեճուկս գործադրված ջանքերի՝ միջոցառումից 2 օր առաջ՝ հունիսի 28-ին, հայկական պատվիրակությունը ստացել է ՅՈՒՆԵՍԿՕ-ի գլխավոր քարտուղարի տեղակալի նամակը, որում, ըստ էության, Ադրբեջանը, հրաժարվել է տրամադրել գրավոր հավելյալ անվտանգության երաշխիքներ՝ ՀՀ պատվիրակության անարգել մուտքը երկիր և մասնակցությունը տվյալ միջոցառմանն ապահովելու համար: Այսպիսով, Ադրբեջանը խոչընդոտել է հայկական պատվիրակության մասնակցությանը տվյալ միջոցառմանը, ինչն իր մեջ արատավոր նախադեպ է պարունակում, երբ «Մշակութային և բնության համաշխարհային ժառանգության պաշտպանության մասին» կոնվենցիայի անդամ մեկ պետություն կարող է արգելափակել անդամ մեկ այլ պետության՝ նիստին մասնակցելու իրավունքների իրականացումը: Այս առնչությամբ Հայաստանը պաշտոնական բողոք է հղել ՅՈՒՆԵՍԿՕ-ի ղեկավարությանը և անդամ պետություններին՝ կոչ անելով ուշադրությունը հրավիրել այդ արատավոր գործելաոճի վրա, ինչպես նաև հանդես գալ խիստ դատապարտող դիրքորոշմամբ:
Մյուս մեկնաբանությունը նույնպես ՅՈՒՆԵՍԿՕ-ին է վերաբերում: Ադրբեջանական մամուլում որոշակի տեղեկատվություն շրջանառվեց, որ ՅՈՒՆԵՍԿՕ-ի գլխավոր տնօրենի տեղակալը հանդես է եկել հայտարարությամբ՝ Արցախ փորձագիտական առաքելություն ուղարկելու վերաբերյալ: Այս առնչությամբ մենք թեև արել ենք պաշտոնական հայտարարություն, բայց դեռևս շահարկումներն այս թեմայի շուրջ շարունակվում են, ուստի նշեմ, որ ՅՈՒՆԵՍԿՕ-ում ՀՀ Մշտական ներկայացուցիչը, լուրը հրապարակվելուն պես, անմիջապես կապ է հաստատել ՅՈՒՆԵՍԿՕ-ի գլխավոր քարտուղարի տեղակալ Էրնեստո Օտտոնեի հետ, և վերջինս հերքել է ադրբեջանական մամուլում իրեն վերագրվող տեղեկատվությունը՝ Արցախ առաքելություն ուղարկելու մասին: Օտտոնեն նշել է, որ ինքն, ի պատասխան հնչեցրած հարցին, ընդհանրապես խոսել է ՅՈՒՆԵՍԿՕ-ի՝ առաքելություններ ուղարկելու պրակտիկայի մասին և նշել, որ տվյալ առաքելություն ուղարկելու համար անհրաժեշտ է, որ շահագրգիռ կողմերը համապատասխան դիմում ներկայացնեն ՅՈՒՆԵՍԿՕ: Նա նաև նշել է, որ առաքելությունների իրականացման համար անհրաժեշտ է ապահովել անվտանգության միջոցներ: Արցախ առաքելություն ուղարկելու մասին իր կողմից որևէ խոսք չի եղել։ Օտտոնեն նաև նշել է, որ իր մեկնաբանությունը եղել է շատ պարզ և չպետք է որևէ տարընթերցման տեղիք տար:
Եվ երրորդ մեկնաբանությունը կապված է Լեհաստանի դեսպանության հետ առաջացած միջադեպի առնչությամբ «Հետք» լրատվամիջոցի հրապարակած տեղեկատվության հետ: Ինչպես նշել էինք «Հետք» լրատվամիջոցին, այս հարցը մենք դիտարկում ենք առավել լայն՝ ԵՄ հետ վիզաների դյուրացման գործընթացի կատարման համատեքստում, և այդ գործընթացի որևէ դրույթների կատարման ուղղությամբ թերացումները մեզ համար անընդունելի են, և մենք խստորեն ենք անդրադառնում այս հարցին: Հարցի առնչությամբ Հայաստանում Լեհաստանի դեսպանը հրավիրվել է ԱԳՆ՝ պարզաբանումների համար, և իրեն ներկայացվել է ՀՀ ԱԳՆ դիրքորոշումը: Նշեմ, որ ԵՄ հետ հարաբերություններում մենք մշտապես ընդգծում ենք մարդկանց միջև շփումների խրախուսման կարևորությունը, և մշտապես հետամուտ ենք լինելու այս հարցում:
Եվ մեկ հայտարարություն, որն ինձ խնդրեցին ներկայացնել, քանի որ կարևորվում է այս միջոցառումը: Դա հուլիսի 10-ից 24-ը ԱԳՆ լրատվության և հանրային դիվանագիտության վարչության կողմից ԱԳՆ դիվանագիտական դպրոցի աջակցությամբ անցկացվելու է արտաքին հարաբերությունների ոլորտը լուսաբանող լրագրողների վերապատրաստման դասընթաց: Դասընթացին արտաքին քաղաքականության առաջնահերթությունների, երկկողմ և բազմակողմ հարաբերությունների, միջազգային և տարածաշրջանային կառույցների մասին “off the record” բաց զրույցով հանդես կգան ԱԳՆ համապատասխան ստորաբաժանումների ղեկավարները և աշխատակիցները: Ուստի կխնդրենք բոլոր այն լրագրողներին, ովքեր հետաքրքրված են տվյալ դասընթացով, մինչև հուլիսի 8-ը գրանցվել:
Ամփոփումից հետո Նաղդալյանը պատասխանել է լրագրողների հարցերին:
Աբովյանի կամրջի հարևանությամբ մեքենաներ են բախվել
Ռուբեն Վարդանյանը դժկամությամբ, բայց համաձայնել է ընդհատել հացադուլը․ նրան թույլ են տվել խոսել կնոջ հետ
Սանոսյանն ու Կոպիրկինը ԱԷԿ-ի 2-րդ էներգաբլոկի շահագործման երկարաձգման աշխատանքների վերաբերյալ հարցեր են քննարկել
Ալեն Սիմոնյանն ու Դըվինազը մտքեր են փոխանակել անվտանգային և տնտեսական դիվերսիֆիկացման հնարավորությունների շուրջ
Ալագյազում Մալխաս և Ռոման Ամոյանների անվան նոր մարզադպրոց կկառուցվի
Փոխվարչապետն ու Իրանի դեսպանն անդրադարձել են սահմանազատման գործընթացի վերջին զարգացումներին
Նոյեմբերյան-Բագրատաշեն ճանապարհը փակած ակցիայի մասնակիցը ձերբակալվել է․ վերջինս հետախուզման մեջ է եղել
Զինծառայողը ականապայթյունային վնասվածք է ստացել
Միրզոյանը Սերբիայի ԱԳ նախարարի հետ հեռախոսազրույցում ընդգծել է Հարավային Կովկասում հարատև խաղաղության կարևորությունը
Կորոնավիրուսի ժամանակ 829 կեղծ պատմագրի հիման վրա Առողջապահության նախարարությունից հափշտակվել է 263 մլն 480 հազար դրամ
Ռեստորանի մոտ մեքենաներ են բախվել․ դրանցից մեկը դուրս է եկել երթևեկելի գոտուց, բախվել օբյեկտներից մեկի պատին
Հիմա հեշտ է պառկել ասֆալտին ու ցույց տալ, թե փրկում եք հայրենիքը․ Սաֆարյանը՝ ԱԺ նախկին գործընկերներին
Հայաստանի և Ադրբեջանի սահմանին կոորդինատների ճշգրտման աշխատանքների շրջանակներում 20 սահմանային սյուն է տեղադրվել
ԱԺԲ-ի հանրահավաքի ժամանակ բռունցքով ոստիկանության ծառայողի գլխին հարվածած կինը ձերբակալվել է
Հակոբ Արշակյանը Սիրիայի Ժողովրդական ժողովի փոխնախագահին է ներկայացրել «Խաղաղության խաչմերուկ» նախագիծը
Պապոյանն ու ՌԴ դեսպանը քննարկել են Վերին Լարսով Վրաստանից Ռուսաստան տանող ճանապարհով բեռնափոխադրումների խնդիրները
Տաքսու մեջ ծխելու հետ կապված վեճի ժամանակ ուղևորը քիմիական նյութ է փչել վարորդի դեմքին․ վերջինս այրվածքներ է ստացել
Հնդկաստանի ԱԳՆ-ն արձագանքել է Հայաստանին զենք մատակարարելու վերաբերյալ Ադրբեջանի քննադատությանը
ՄԻՊ արագ արձագանքման խմբեր են մեկնել Ոստիկանության բաժիններ՝ այսօր բերման ենթարկված անձանց տեսակցելու համար
Դոլարն էժանացել է․ ինչ փոփոխություններ է արձանագրել տարադրամի շուկան ապրիլի 25-ին
«Խաղաղության խաչմերուկը» Հայաստանի տեսլականն է դեպի խաղաղություն. Սիմոնյանը՝ Սիրիայի խորհրդարանի փոխխոսնակին
Ռուսաստանի, Հայաստանի և Ադրբեջանի միջև եռակողմ պայմանավորվածությունները շարունակում են մնալ արդիական. Զախարովա
Կարծում եմ՝ պետք է քննարկենք այդ հարցը․ Ալեն Սիմոնյանը՝ Ադրբեջանից Հայաստան գազ ներկրելու՝ Իլհամ Ալիևի առաջարկի մասին
ՀՀ-ն ԱՄՆ-ին է հանձնել հետախուզման մեջ գտնվող ամերիկացուն
ԵԽ գրասենյակի ղեկավարն ու Պապիկյանը քննարկել են համատեղ իրականացվող ծրագրի մանրամասները
Ուժերը մեզ վրա է պատո՞ւմ, թե չեն ընկալում ՀՀ-ն որպես անկախ պետություն. Սիմոնյան
Բերման է ենթարկվել բողոքի ակցիաների 29 մասնակից
Գառնիկ Դանիելյանին տեղափոխել են հիվանդանոց
Ռուսաստանում մեկնաբանել են Հայաստանի և Ադրբեջանի միջև առաջին սահմանային սյան տեղադրումը
Բերման են ենթարկվել Էդգար Ղազարյանը, Նաիրա Զոհրաբյանն ու Երևանում կազմակերպված ակցիայի այլ անդամներ
Տավուշում ԵԿՄ մեքենան վնասելու, խուլիգանության գործով ձերբակալված «Մարտական եղբայրության» հիմնադիրը կալանավորվել է
Ապրիլի 17-22-ին գրանցված առավելագույն ջերմաստիճանները գերազանցել են բոլոր պատմական արժեքները. անոմալ տաքը կպահպանվի
Քանի դեռ ժողովրդին ոչ մի բան չունեն առաջարկելու, 20, 30, 40 հոգով հավաքվելու են գոռգռան և գնան տներով. Սիմոնյան
Վազգենը որ գար, կասեր՝ «արա, ամբողջ կյանքում «наша раша»-ի տակ տնքալով պարողը իրավունք չունի սահմանից խոսել. Խաչատրյան
ԱԺ Հայաստան-Ֆրանսիա բարեկամական խումբը ֆրանսիացի գործընկերների հետ քննարկել է երկուստեք հետաքրքրության հարցեր
Դրսից թելադրված բան է․ Սիմոնյանը մանրամասնեց, թե ովքեր են ՀՀ-ում ընդդիմախոսները
Հայաստանը դիմացել է, նա գրում է իր և իր ժողովրդի ապագան. Ֆրանսիայի վարչապետ
12 կմ արդեն սահմանազատված է, թե Ալիևը ՌԴ-ի ու Թուրքիայի հետ սակարկելու համար ինչ կասի, չի հետաքրքրում․ Սիմոնյան
Ադրբեջանցին զարթնելու է, տենա՝ եռագույնը ծածանվում է Կզըլ Հաջիլիի բարձունքի վրա, դրա մասին ինչո՞ւ չեք խոսում. Սիմոնյան
Տեղեկատվական հոսքերով փորձ է արվում հրամցնել, թե բազմաթիվ, այդ թվում՝ միջպետական ճանապարհներ են փակ. Չախոյան
© 2024 Հայկական ժամանակ