Ողղակի հպարտ եմ. Բաչկովը՝ Եվրոպայի կրկնակի չեմպիոն դառնալու մասին

Բռնցքամարտիկ Հովհաննես Բաչկովը (64 կգ) խոստովանում է, որ հպարտություն է զգում Եվրոպական 2-րդ խաղերից հետո: Այնտեղից նա վերադարձավ ոսկե մեդալով: Բռնցքամարտիկների համար Մինսկ 2019 նաեւ Եվրոպայի առաջնություն էր, հետեւաբար Բաչկովը ոչ միայն Եվրոպական խաղերի, այլեւ Եվրոպայի չեմպիոն է: Այսինք՝ նա պաշտպանեց Եվրոպայի չեմպիոնի կոչումը, դարձավ Եվրոպայի կրկնակի չեմպիոն: Այսօր՝ հուլիսի 1-ին, Երեւանի «Զվարթնոց» օդանավակայանում լրագրողների հետ զրույցում նա կիսվեց զգացողություններով:

«Ողղակի հպարտ եմ դրանով»,- ասաց նա՝ ավելացնելով, որ ձգտում է աշխարհի առաջնության ոսկե մեդալին:

Մինսկի եզրափակչում Բաչկովի մրցակիցը ֆրանսիացի Սոֆիան Ումիան էր: Նա առավելության հասավ 3-2 հաշվով: Հայ մարզիկն ընդգծում է, որ հակառակորդը բավական բարդ էր:

«Մենամարտում էի աշխարհի գործող չեմպիոնի, օլիմպիական արծաթեմեդալակրի հետ: Բավականին լուրջ բռնցքամարտիկ է: Զարգացած է տեխնիկապես: Նրան կարողացա հաղթել կամային որակների շնորհիվ»,- ասաց նա:

Սովորաբար բռնցքամարտի մրցումներին հետեւում են անարդար մրցավարության մասին խոսակցությունները: Մինսկում վիճելի մրցավարության մասին արձագանքներ եղան քառորդ եզրափակչում Անուշ Գրիգորյանի (51 կգ) եւ Գուրգեն Հովհաննիսյանի (+91) պարտություններից հետո: Ամեն դեպքում այս անգամ մրցավարներից դժգոհությունները սովորականից քիչ էին: Այդ մասին ասաց նաեւ Բաչկովը:

«Եղան մարզիկներ, որոնք տուժեցին մրցավարների պատճառով, բայց այդքան շատ չէ, որքան առաջ: Հիմա շատ է քչացել: Բռնցքամարտը չի կարող այնպես լինել, որ ամեն ինչ արդար լինի. օրինակ մի մրցավար սիրում է կռվի ոճը, մյուսը խաղակցական ոճը, դրա համար մի քիչ տատանումներ են լինում մրցավարների որոշումների մեջ»,- ասաց նա:

Բռնցքամարտիկները Եվրոպական խաղեր մեկնեցին սկանդալակին մթնոլորտում:  Հայաստան բռնցքամարտի ֆեդերացիայի (ՀԲՖ) շուրջ աղմուկ է շուրջ 1 տարի ու չի հանդարտվում: Ստեղծվել է նաեւ մեկ այլ ֆեդերացիա, որը ճանաչված չէ Բռնցքամարտի միջազգային միության՝ ԱԻԲԱ-ի կողմից: Հայաստանի ազգային օլիմպիական կոմիտեի որոշմամբ՝ Հայաստանի հավաքականի գլխավոր մարզիչ Ռուդիկ Մկրտչյանի ներկայացրած կազմը փոխվեց, ու Մինսկի թիմում ընդգրկվեցին նորաստեղծ ֆեդերացիայի բռնցքամարտիկներ: Այս պատճառով ՀԲՖ մարզիկները նշում էին, որ պատրաստ են բոյկոտելու Մինսկի խաղերը, սակայն ի վերջո մասնակցեցին: Հարցին, թե սկանդալն ինչպես ազդեց բռնցքամարտիկների վրա, Բաչկովը հետեւյալ պատասխանը տվեց.

«Մենք մեր գործն ենք անում, մենք կռվում ենք Հայաստանի Հանրապետության դրոշի համար»,- ասաց նա:

Մինսկի բռնցքամարտի մրցաշարում ոսկե մեդալ նվաճեց ՀԲՖ եւս մեկ ներկայացուցիչ: Արթուր Հովհաննիսյանը լավագույնը դարձավ 49 կգ քաշային կարգում: 2 բրոնզ նվաճեցին մյուս ֆեդերացիան ներկայացնող Կարեն Տոնականյանը (60 կգ) եւ Գոռ Ներսեսյանը (81 կգ): Ընդհանուր առմամբ Հայաստանի պատվիրակությունը վերադարձավ 11 մեդալով՝ 5 ոսկի, 3-ական արծաթ ու բրոնզ: Բաչկովի խոսքով՝ հայրենակիցների նվաճումները ոգեւորիչ էին:

«Այդ մեդալները մեկը մեկին մոտիվացնում էին, որպեսզի լավագույնս հանդես գային»,- ասաց նա:

Մինսկ 2019 մեկնարկել էր հունիսի 21-ին: Ավարտվեց 30-ին: Մասնակցում էր 50 երկրի շուրջ 4000 մարզիկ: Մարզաձեւերը 15-ն էին: ռնցքամարտիկների ու ձյուդոիստների համար Եվրոպական խաղերը նաեւ Եվրոպայի 2019 թ. առաջնություն էին: ՀՀ-ն ուներ 37 մասնակից 9 մարզաձեւում: Մեդալներ նվաճեց 4 մարզաձեւում:

Հ.գ. Լուսանկարում Բաչկովը որդիների հետ է:

Տպել
476 դիտում

Դիզվառելիք տեղափոխող բեռնատարը Օձունի մոտ շրջվել է. 2 մարդ տեղափոխվել է Ալավերդու ԲԿ

Կոռուպցիոն համակարգին ուղղակիորեն կապված տնտեսական համակարգի հետ կոմպրոմիս չի լինելու․ վարչապետ (ուղիղ)

Անցնող շաբաթ հակառակորդը Արցախի դիրքապահների ուղղությամբ արձակել է 900 կրակոց

Ոստիկանները Երեւանի Կոմիտասի պողոտայից բերման են ենթարկել 31-ամյա գրպանահատի

Շարունակվում է «Իմ քայլը հանուն Շիրակի» բիզնես համաժողովի շրջանակներում կազմակերպված էքսպո-ցուցահանդեսը․ (ֆոտոռեպորտաժ)

Հայ պատանի մաթեմատիկոսները նվաճել են երկու արծաթե, մեկ բրոնզե մեդալ. Արայիկ Հարությունյան

Աննա Հակոբյանն այցելել է կոմպոզիտոր Վլադիլեն Բալյանին

Կիպրոսն ավարտել է Հայաստան-ԵՄ համաձայնագրի վավերացման ներպետական ընթացակարգերը

Գյումրիում ջինսեր արտադրող «Զաքարյան եւ ընկերներ» ընկերությունը վարչապետին ջինսե տաբատ նվիրեց

Մեկնարկել է «Իմ քայլը հանուն Շիրակի մարզի» բիզնես-համաժողովը․ վարչապետ Նիկոլ Փաշինյանը Գյումրիում է (լուսանկարներ)

Աննա Հակոբյանն ու Նոր Հարավային Ուելս նահանգի վարչապետ Գլեդիս Բերեջիկլյանը քննարկել են համագործակցության ուղիները

Երեւանում եւ Ելփինում փրկարարները բռնել են 1 իժ եւ 1 շահմար

Օշականում արտադրամասի տանիքին հրդեհ է բռնվել

Չափազանց թանկ կվճարեն, եթե ռազմական «ավանտյուրաներ»-ի դիմեն. Թրամփը սպառնում է Իրանին

Վլադիմիր Զելենսկին 11 դեսպանների է ազատել աշխատանքից, այդ թվում՝ ՀՀ-ում Ուկրաինայի դեսպանին

Ոստիկանությունը բացահայտել է «Սևան» ազգային պարկի կապալառուի կողմից 24 միլիոն 630 դրամի յուրացում

2019-ի առաջին կիսամյակում գրանցված հանցագործությունների ընդհանուր թիվն աճել է 9 տոկոսով

Զորամասի հրամանատարի դրդմամբ մոտ 9 մլն դրամի հափշտակության մասին քրգործը 8 անձի մեղադրանքով դատարանում է

ՀՀ հավաքականի ֆուտբոլիստ Կարապետյանը պատմել է, որ գերմանական անձագրով խնդիրներ չի ունենում

Երեւանում եւ մարզերում միայն այսօր 43.63 հա խոտածածկ տարածք է հրդեհվել