ՊՆ-ն մեր անվան տակ մոտ 5 մլն դրամ է յուրացրել. զոհված զինծառայողի ընտանիքը բնակարանի հերթից դուրս է մնացել

Սաթենիկ Սարգսյանի ընտանիքը 2010 թվականից ընդգրկված է եղել զոհված զինծառայողների ընտանիքների բնակարանային պայմանների բարելավման հերթացուցակում, սակայն մինչեւ օրս չստանալով ոչինչ՝ հերթից դուրս է մնացել:

Սաթենիկ Սարգսյանի որդիներից մեկը՝ Պարգեւ Կարապետյանը, զոհվել է 2009 թվականին՝ զինվորական պարտականությունները կատարելիս, իսկ մյուսը՝ Ահարոն Կարապետյանը, զինհաշմանդամ է՝ 2006 թվականին զինվորական ծառայության ընթացքում ականի պայթյունից կորցրել է աջ ոտնաթաթը: Ընտանիքի անդամները տարիներ շարունակ դիմել են ե՛ւ Երեւանի քաղաքապետարան եւ՛ Պաշտպանության նախարարություն, սակայն բնակարանային որեւէ աջակցություն չեն ստացել:

Զինվորների մայրը պնդում է, որ 2010 թվականից մինչեւ օրս պետությունից որեւէ աջակցություն չեն ստացել եւ բոլորովին վերջերս, երբ կրկին հետաքրքրվել են, թե հերթահամարում որ տեղն են զբաղեցնում, տեղեկացել են, որ հերթացուցակում այլեւս ընդգրկված չեն:

Բնակարանային հերթի վերաբերյալ պարզաբանումներ ստանալու խնդրանքով ՊՆ դիմած ընտանիքին տեղեկացրել են, որ Պաշտպանության նախարարի հանձնարարությամբ հարցն ուսումնասիրվել է, որի արդյունքում ՀՀ ՊՆ զոհված եւ հաշմանդամ դարձած զինծառայողների ընտանիքների բնակարանային պայմանները բարելավելու նպատակով ստեղծված հանձնաժողովի 2013 թվականի նիստի որոշմամբ՝ 1 սենյականոց բնակարան գնելու համար Սաթենիկ Սարգսյանի ընտանիքին է հատկացվել 4 միլիոն 920 հազար դրամ ֆինանսական աջակցություն:

Սաթենիկ Սարգսյանը, սակայն, պնդում է՝ նմանատիպ աջակցություն երբեւէ չեն ստացել. «Մեր անվան տակ մոտ 5 միլիոն դրամն իրենք են յուրացրել, առանց խղճի խայթի տարիներ շարունակ որդեկորույս ծնողին այս ու այն կողմ են ուղարկել՝ տարբեր փաստաթղթերի եւ անճշտությունների պատրվակներով: Բնակարանի մասին խոսք անգամ լինել չի կարող, մեր ընտանիքը ոչինչ չի ստացել»:

8 անդամից բաղկացած ընտանիքը անապահով վիճակում է գտնվում եւ Սաթենիկ Սարգսյանը հնրավորություն չունի իր երրորդ որդու ընտանիքին երեք անչափահաս փոքրիկների հետ այլ բնակարան տեղափոխել:

Սաթենիկ Սարգսյանը նշում է, որ ընդամենը 2 տարի առաջ՝ 2017 թվականին, ՊՆ-ից գրավոր տեղեկագրով հայտնել էին, որ իրենք ընդգրկված են Երեւանի քաղաքապետարանի կողմից 2010 թվականի ՀՀ պաշտպանության նախարարություն ուղարկված բնակարանի կարիքավորների ցուցակում եւ իրենց բնակարանային գործը հաշվառված է ՀՀ ՊՆ զինծառայողների սոցիալական պաշտպանության  վարչության հերթացուցակում: Համաձայն ՀՀ ՊՆ Զինծառայողների սոցիալական պաշտպանության վարչության՝ 2017 թվականին այս ընտանիքը բնակարանային հերթագրվածների մեջ 385-րդ համարն է:

Սակայն 2019 թվականին նույն ՀՀ ՊՆ Զինծառայողների սոցիալական պաշտպանության վարչությունից այլ բան են հայտնել՝ ՀՀ կառավարության 2017 թվականի օգոստոսի 10-ի թիվ 1016- Ն որոշմամբ սահմանված կարգով եւ ժամկետներում վերահաշվառված եւ Երեւանի քաղաքապետի 31.10.2017թ. եւ 21.12.2017թ. գրություններով ՀՀ ՊՆ ներկայացված շահառուների անվանացուցակներում Սաթենիկ Սարգսյանի ընտանիքն ընդգրկված չէ:

Երեւանի քաղաքապետարանից էլ հայտնում են, որ ուսումնասիրվել է նախկին զինծառայող, զոհված Պարգեւ Կարապետյանի բնակարանային գործի համապատասխանեցումները, որի ընթացքում պարզվել է, որ ՀՀ ՊՆ զինծառայողների սոցիալական պաշտպանության վարչության կողմից տրամադրված տեղեկանքը սկզբում բացակայել է, որ հետագայում Սաթենիկ Սարգսյանի կողմից ներկայացվել եւ կցվել է փաթեթին:

Երեւանի քաղաքապետարանից միաժամանակ հայտնում են, որ 2018 թվականի գրությամբ ՊՆ-ին առաջարկվել է քննարկել նախկինում ՀՀ կառավարության 2017 թվականի օգոստոսի 10-ի հ.1016-Ն որոշման 2-րդ կետով նախատեսված համապատասխանեցման փուլի չափորոշինչներին չհամապատասխանող եւ համապատասխանող բնակարանային պայմանների բարելավման ենթակա գործերը: Գործի հետ կապված համատեղ քննարկում է եղել: Երեւանի քաղաքապետարանից նաեւ հայտնում են՝ քանի որ քննարկումից հետո տեւական ժամանակ է անցել, իսկ ՊՆ-ն խնդրի կարգավորման վերաբերյալ համապատասխան պարզաբանում չի տվել, ուստի բնակարանների շահառուների կողմից բարձրացված հարցին սպառիչ պատասխան տալու համար ՊՆ-ին առաջարկում են համապատասխան պարզաբանում տրամադրել:

Տպել
18467 դիտում

Դատավոր Աննա Դանիբեկյանին հետապնդած երիտասարդներից մեկն ազատ կարձակվի

Գյումրեցի գործարար Գարիկ Ուզունյանը բերման ենթարկվեց. Կարեն Սարուխանյան

Իրանն ու ԱՄՆ-ն փոխանակվել են դատապարտյալներով

Կաշառքի գործով Ռազմիկ Աբրահամյանն ընդունեց մեղադրանքը, իսկ Արսեն Դավթյանը` ոչ

ՊԵԿ նախագահի տեղակալը խաղային ոլորտի միջազգային փորձագետների հետ քննարկել է հայկական խաղային շուկան

«Ես ասել եմ էտել, իրենք սխալ են հասկացել». Գյումրու N20 դպրոցի բակում ծառեր են հատվել, վնասը կփոխհատուցի տնտեսվարը

ՏԿԵ նախարարությունում քննարկվել են պղնձաձուլարանի կառուցման նախագծին վերաբերող հարցեր

Փարիզում հանդիպել է «Նորմանդական քառյակը». Ռուսաստանը չունի սպասելիքներ, Ուկրաինան ունի հարցեր

Երևանի շոկոլադի գործարանը ավելացրել է արտահանման ծավալները

Ցանկացած դատավոր ցանկանում է այս գործով չզբաղվել. Քոչարյանի պաշտպանը՝ դատավորի ինքնաբացարկի մասին

Նպատակ ունենք կրճատելու վաղաժամ մահացությունների թիվը. Տիգրան Ավինյան

Հանրապետության նախագահի, կառավարության և Ազգային ժողովի միջեւ շատ լավ աշխատանքային մթնոլորտ է ձևավորված. վարչապետ

Ննջասենյակում հայտնաբերվել է 1946 թ.-ին ծնված տղամարդու դի. ԱԻՆ

Համայնքի բնակիչների հրավերով այսօր Գեղարքունիքի մարզի Մեծ Մասրիկ գյուղում էի. Աննա Հակոբյան

«Եվա և Սյուզի» ՍՊԸ-ն կրթօջախների սննդամթերքը մատակարարել է տեխնիկական բնութագրի պահանջների խախտմամբ

Տիգրան Ավինյանը մասնակցել է Հայ-վրացական իրավական համագործակցության երրորդ ֆորումին

Արթուր Պետրոսյանը շուտով եվրոպական ակումբ կգլխավորի

Գվատեմալայի Կոնգրեսի պատվիրակությունն այցելել է Արցախի Հանրապետություն

«Ռեալի» ճանաչված նախկին մարզչի համար Հայաստանը յուրահատուկ է. նա ասել է, թե ինչու

Բնակչության դիմակայունության բարձրացման գործընթացում ԱԻՆ-ը կիրառում է ԵՄ փորձը