Շատ քիչ եմ հանդիպել մեղադրյալների, ովքեր ասում են՝ կեցցե արդար դատարանը. Դավթյանը՝ Ռոբերտ Քոչարյանի հայտարարության մասին

Վերջին տեղեկություններն, ինչ հրապարակել ենք, դեռեւս այդ փուլում է, անհանգստացնող որեւէ ազդակ այս պահին չունենք:

Այսօր դատախազության օրվան նվիրված միջոցառումից հետո լրագրողների հետ ճեպազրույցում, խոսելով Միհրան Պողոսյանի արտահանձման գործընթացից, ասաց ՀՀ գլխավոր դատախազ Արթուր Դավթյանը՝ վստահեցնելով, որ ռուս գործընկերների հետ ապահովում են համագործակցությունը։

«ՀԺ»-ի դիտարկմանը, թե Մարտի 1-ի գործով տուժողի ներկայացուցիչ Սեդա Սաֆարյանը պնդում է, որ ՀՀ գլխավոր դատախազությունում գործել է գաղտնի շտաբ, Արթուր Դավթյանն արձագանքեց. «Ճիշտն ասած, չգիտեմ՝ ժամանակը կհերիքի հիմա շրջենք դատախազությունով, տեսնենք՝ այստեղ ինչ գաղտնիության պայմանների մասին է խոսքը»։ Ճշտմանը, որ խոսքը 2008-ի մարտիմեկյան դեպքերից հետո ստեղծված շտաբի մասին է, Արթուր Դավթյանը պատասխանեց. «Ինձ այդպիսի տեղեկություններ դեռ հայտնի չեն, որ պահին ինձ այդպիսի տեղեկություններ հայտնի դառնան, նրանք, ովքեր այդ պայմանական շտաբի կազմում դրսեւորել են հանցավոր վարքագիծ, կհամալրեն ձեզ հայտնիների շարքը»,- ասաց նա։

Հարցին՝ Մարտի 1-ի իրադարձությունների ժամանակ Արցախից զինծառայողներ բերվե՞լ են Հայաստան, թե՞ ոչ, Արթուր Դավթյանը պատասխանեց. «Ես առաջարկում եմ սպասել հրապարակային դատաքննության ընթացքին, դուք կտեսենք, թե որտեղից ինչ զորամիավորումներ են բերվել ու որ զորամիավորումները ինչ դերակատարություն են ունեցել։ Մեզ համար էական նշանակություն ունեցողը հետեւյալն է՝ բանակը ներգրավվել է, հիմա բանակ ասածը ամենալայն իմաստով ենք մենք հասկանում՝ առանց կոնկրետ տեղակայման կամ առանց կոնկրետ նշանակության»։

ՀՀ գլխավոր դատախազը նշեց, որ դատախազության նկատմամբ տեղեկատվական առումով ճնշումներ են գործադրվում։

«Վարկաբեկիչ հոդված են գրում, սկսում են նեղացնել ամենատաբեր արտահայտություններով, սրանք բոլորը փորձեր են, որ որեւէ մեկն իր պաշտոնեական պարտականությունները ռիսկով չկատարի, բայց ես ուզում եմ՝ բոլորը իմանան, որ, ճիշտ է, վախն էլ մարդկային զգացում է, բայց դատախազները չունեն էդպիսի բան», - ասաց գլխավոր դատախազը։

Դիտարկմանը, որ այսօր ԱԱԾ տնօրենի եւ ՀՔԾ պետի կողմից իրեն պարգեւատրելը կաշկանդող հանգամանք չե՞ն կարող լինել, Արթուր Դավթյանն արձագանքեց. «Դու հավատո՞ւմ ես, չի կարող այդպիսի բան լինել, դրանք երբեք կաշկանդող նշանակություն չեն կարող ունենալ։ Ուզում եմ մի բան իմանաք, ժողովուրդ, ես եմ պարգեւատրում, ԱԱԾ տնօրենն է պարգեւատրում, ով է պարգեւատրում, մեր տնից չենք բերում, դա մեր անձնական պարգեւը չէ, դա այս պետության կառույցի անունից տրվող պարգեւ է, հետեւաբար, չի կարող որեւէ պարգեւ ստացողի կաշկանդել պարգեւ տվողի անձը, դա ուզում եմ մեկընդմիշտ իմանաք, իմ մոտեցումն այդպիսին է, վստահ եմ՝ իմ գործընկերներինը՝ նույնը»,- ասաց դատախազը։

«ՀԺ»-ի դիտարկմանը՝ այս համատեքստում արդյոք դատարանների շենքերը արգելափակելու հետ կապված դատախազությունը հանցագործության հատկանիշներ չնկատեց, դատախազը պատասխանեց. «Դուք տեսել եք դատախազության վարքագիծը այդ օրերին: Որպեսզի մենք միասնական մոտեցում ցուցաբերենք, այսինքն՝ համընդհանուր գնահատականի արժանանար, ապահովեցինք, որ պատշաճ սուբյեկտը դրանով իրականացներ քննություն, իրականացվել է քննություն, տրվել են իրավական գնահատականներ։ Քանի որ այդ որոշումը ֆորմալ առումով դեռ բողոքարկման գործընթացի մեջ է ու բողոքարկվելու է դատախազությանը, ես չեմ ուզի նախնական կարծիք այդ մասին այսօր հրապարակել, որ չկաշկանդեմ կոնկրետ վարույթն իրականացնող վերադաս դատախազին»։

Արձագանքելով Ռոբերտ Քոչարյանի մինչ կալանավորվելը արած այն հայտարարությանը, որ ոչ օրենք կա, ոչ օրինականություն, Արթուր Դավթյանը ասաց. «Շատ քիչ եմ հանդիպել դատավարական  այնպիսի կարգավիճակ ունեցող անձանց, ովքեր ասում են՝ կեցցե արդար դատարանը, միայն հայտնի ֆիլմում է այդպես»: Դիտարկմանը, որ դատավորը խորհրդակցական սենյակ գնաց՝ առանց Քոչարյանի պաշտպաններին լսելու, Արթուր Դավթյանն արձագանքեց. «Ես խնդրեցի չէ, Էդ թեմային էսօր չանդրադառնանք, բայց ուզում եմ մի բան միշտ իմանաք՝ քրեադատավարական գործընթացները կամ դատավարական իրավունքները տրամաբանություն ունեն, դրանք տրված չեն չարաշահման համար, իրենք արդարադատության լեգիտիմ շահ պետք է ապահովեն, իսկ երբ դու քո կոնկրետ իրավունքը սկում ես իրացնել այնպես, որ դրանով վնասվում է արդարադատության շահը, չի կարող այդ գործընթացը դուրս գալ հունից»։

Հարցին՝ եթե առանց դատախազությանը լսելու գնայի՞ն խորհրդակցական սենյակ, գլխավոր դատախազը պատասխանեց. «Շատ լավ կանեին։ Եթե պաշտոնապես կտեսնենք, որ որեւէ դատախազ որեւէ քննության ընթացքում նմանատիպ վարքագծի կեսը նույնիսկ կցուցաբերի, թող նույն կերպ դիտարկեն մեր կողմից իրավունքի չարաշահում ու մեզ չլսեն։ Եթե պրոցեսները հունից դուրս գան, իրենք կարող է ոչ թե ձգձգման հանգեցնեն, այլ արդարադատության իրականացման անհնարինության հանգեցնեն, ուրեմն դատարանն էդպիսին գնահատեց»:

Պատասխանելով լրագրողների հարցին, Արթուր Դավթյանը ասաց, որ տեղեկություն չունի՝ Մարտի 1-ի իրադարձությունների ժամանակ տասից ավելի է եղել զոհերի թիվը, թե ոչ:

«Այս պահի դրությամբ չունենք այդպիսի տեղեկություն, դա կարեւոր բան է: Այսքան ժամանակ չի եղել նման տեղեկություն: Մեր պրակտիկայում, որպես կանոն, օրինակ մահվան ելքով դեպքերը, հատկապես, սպանությունները, դասում ենք լատենտայնություն գրեթե չունեցող դեպքերի շարքին, որովհետեւ մարդը մահանա ու դրա վերաբերյալ պետությունը կամ հանրությունը, կոպիտ ասած, տեղյակ չլինի, մի քիչ, կարծում եմ, անհնար է», - ասաց ՀՀ գլխավոր դատախազը։

Տպել
2169 դիտում

Արման Սարգսյանը դիրքեր է ճանապարհել ոստիկանության զորքերի ծառայողներին (տեսանյութ)

Արարատի մարզի Նորամարգ գյուղում այրվել է մոտ 200 հակ անասնակեր

ՀՀ կառավարությունը որդեգրել է նորարարական և ներառական տնտեսություն կառուցելու ուղին. Տիգրան Ավինյան

Հանրայինն ունի իր հայեցողությամբ վերահեռարձակող ընտրելու իրավունք. Արա Շիրինյանի պատասխանը՝ Օղլաղչյանին

Իջեւանում՝ մարզպետարանին հարող կամրջից մինչև հիվանդանոցին հարող կամուրջ կտեղադրվեն լեդ լուսատուներ

Գյումրու դրամատիկականը «Թռիչք»-ով բացեց 154-րդ թատերաշրջանը

Աննա Հակոբյանը տեսակցել է շենքի 6-րդ հարկից ընկած 2․5 տարեկան Արվին Վիքսոմին (լուսանկարներ)

Արցախի Հադրութի շրջանի եւ Ֆրանսիայի Իզեր նահանգի միջեւ ստորագրվել է բարեկամության հռչակագիր. Արցախի ԱԳՆ

Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱԳ նախարար Զոհրաբ Մնացականյանը հանդիպել է Ավստրալիայի խորհրդարանական պատվիրակության հետ

Յուրի Ջորկաեֆը հոկտեմբերի 6-ից 9-ը որպես ՖԻՖԱ-ի հիմնադրամի տնօրեն կայցելի Հայաստան. վարչապետ

Արցախի նախագահը շնորհավորել է ՀՀ նախագահին՝ Անկախության օրվա կապակցությամբ

Առաջին ազատումը՝ Վալերի Օսիպյանի հրաժարականից հետո. 7-րդ վարչության պետն ազատվել է աշխատանքից

Վայոց ձորի մարզի որոշ դպրոցներում իրավիճակի թեժացման փորձերը մտահոգիչ ենք համարում. ԿԳՄՍՆ

Ամուլսարի պաշտպանության համար Երեւանում մեկնարկել է հանրահավաք

Նիկոլ Փաշինյանն ու Լիբանանի ազգային պաշտպանության նախարարը քննարկել են պաշտպանության ոլորտի փոխգործակցության հարցեր

Ադրբեջանցիները թող պատրաստվեն ջախջախվելու՝ սա իսկական առիթ է. Լեւոն Շիրինյան

Ես ոչ մի ծանր բան չեմ արել, զինվորական եմ եղել, նշված հրամաններն էլ ես չեմ գրել․ Սեյրան Օհանյան

ԵՄ-ն շարունակելու է լայն աջակցության ցուցաբերել Հայաստանին. Եվրոպական հանձնաժողովի ներկայացուցիչը՝ Տ. Ավինյանին

Հայ ծանրորդները վաղվանից սկսում են պայքարն աշխարհի առաջնությունում