Երբ ճոճանակից օգտվելն այլեւս երազանք չէ. Վանաձորում բացվեց առաջին ներառական խաղահրապարակը (լուսանկարներ)

Վանաձորցի 9-ամյա փոքրիկ Անգելինան, ով հենաշարժողական խնդիրներ ունի,  ամեն անգամ այգի գալուց բարի նախանձով է նայել բոլոր այն փոքրիկներին, որոնք ճոճանակ են նստել, ճոճվել ու զգացել խաղահրապարակի տարբեր խաղերի բերկրանքը: Սա գունեղ մանկություն ունենալու մի օրինակ է, որից Վանաձորում զրկված են եղել Անգելինայի նման բազմաթիվ փոքրիկներ:

Վանաձորը, որ Հայաստանի 3-րդ քաղաքն է, անբարեկարգ այգիներով ու պուրակներով միշտ է աչքի ընկել: Իսկ հաշմանդամություն ունեցող փոքրիկների համար թերեւս ոչ մի կարուսել հարմարեցված չի եղել: Այս փաստը տանջել է ոչ միայն հենաշարժողական խնդիրներ ունեցող փոքրիկներին, այլ նաեւ նրանց ծնողներին:Վանաձորի «Դիմաց» թաղամասում այսօր բացվեց Նոյի անունը կրող առաջին ներառական խաղահրապարակը: Այս ամենը ի կատար ածվեց «Վանաձորցի մայրիկների Ամենամամա» ակումբի ղեկավար Լիլիա Աբրահամյանի նախաձեռնությամբ եւ Aid beyond Borders կազմակերպության հովանավորչությամբ:Միջոցառմանը ներկա էին տեղական ու մարզային իշխանությունների ներկայացուցիչներ, հարյուրավոր փոքրիկներ: Մինչ այգու բացումը ներկաներին ողջունեցին, ապա իրենց ուրախ կատարումներ ժպիտներ պարգեւեցին մուլտհերոսներն ու ծաղրածուները:ՀԺ-ի հետ զրույցում Լիլիա Աբրահամյանն ասաց, որ տարիներ շարունակ իրեն ցավ է պատճառել այն փաստը, որ Վանաձորը չի ունեցել  այնպիսի խաղահրապարակ, որում կարող էին խաղալ նաեւ հաշմանդամություն ունեցող երեխաները. «Երկար ժամանակ այդ միտքը տանջում էր ինձ, ֆինանսավորման աղբյուրներ էի փնտրում, Aid beyond Borders կազմակերպությունը, որը Լոռու մարզում արդեն իսկ բազմաթիվ ծրագրեր էր իրականացրել, իմանալով իմ մտադրության մասին, միացավ մեզ, մեզ համար գտավ Նշան եւ Լիլիթ Օդաբաշյաններին, ովքեր ունեն Նոյ անունով երեխա, որն ունի մանկական ուղեղային կաթված, եւ ընտանիքը ֆինանսավորեց այս խաղահրապարակի կառուցումը»,-ասաց նա՝ նշելով, որ ներառական խաղահրապարակը կոչվել է հենց Նոյի անունով, այն տղայի, ում ընտանիքի շնորհիվ կառուցվել է այս ամենը:

Լիլիա Աբրահամյանի խոսքով՝ խաղահրապարակից կարող են օգտվել բոլոր երեխաները, տեղադրվել են հատուկ ճոճանակներ հենաշարժողական խնդիրներ ունեցող երեխաների համար, ինչպես նաեւ  ֆիթնես սարքավորումներ. «Այն ամենը, ինչի համար ծնողները ստիպված էին հասնել Երեւան, որպեսզի երեխաները կարողանան օգտվել, այսօր կարող են գտնել Վանաձորում ու բացարձակ անվճար»:Լիլիա Աբրահամյանն ասում է, որ համայնքին դիմել են, որպեսզի տարածք տրամադրեն, սակայն տարածքը տրամադրել է Վանաձոր համայնքի ավագանու անդամԴավիթ Հակոբյանը` համայնքապետարանի թույլտվությամբ,  որն էլ իրականացրել է տարածքի հարթեցման ու բարեկարգման աշխատանքները: Լիլիա Աբրահամյանը նշում է՝  ստեղծվածն արժեք է, որը պետք է պահել ու պահպանել:Կազմակերպիչը  ակնկալում է համայնքի աջակցությունը, որպեսզի կարողանան ներառական խաղահրապարակից եւս մեկ օրինակ բացել Վանաձորի մեկ այլ վայրում. «Ֆինանսավորողներ գտնելու դեպքում այնպես անենք, որ համատեղ կառուցենք նման խաղահրապարակներ առողջական խնդիրներ ունեցող երեխաների համար: Քաղաքը մեծ է, եւ այս մեկ խաղահրապարակը չի կարող բավարարել բոլորին: Առհասարակ Հայաստանում քիչ են ներառական խաղահրապարակները, եւ սա կարող է նախադեպ դառնալ ու ոգեւորիչ լինել՝ իրենց համայնքում եւս կառուցելու, քանի որ բոլոր երեխաները հավասար են ու բոլոր երեխաներն իրավունք ունեն ունենալ գեղեցիկ մանկություն»:

Տպել
14527 դիտում

Անելու եմ այնպես, որ հանդիսատեսը հարցերով դուրս գա դահլիճից. Սերժ Մելիք-Հովսեփյանը նոր ներկայացում է բեմադրել

ՄԱԿ-ի Անվտանգության խորհուրդը այսօր Սիրիայի վերաբերյալ երկու բանաձև կքվեարկի

Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

Ինչ-որ փուլում վարչապետ Նիկոլ Փաշինյանն էլ կարող է դիմել Վճռաբեկ դատարան՝ Մարտի 1-ի գործով արդարացման դատավճռի համար

Ծառայում ենք ուշադիր, զգոն և ոչ ենք ասում անտարբերությանը. ոստիկանության պետի ժամանակավոր պաշտոնակատար (տեսանյութ)

Հայաստանն ու Չինաստանը քննարկել են էկոտուրիզմի ոլորտում համագործակցության հարցեր

Ջոն Բոլթոնը դռնփակ հանդպմանը քննադատության է ենթարկել Թրամփի արտաքին քաղաքականությունը. Politico

ԵԱՏՄ-ն կայացել է որպես ինտեգրացիոն միավորում. նրա անդամ բոլոր երկրները դրական արդյունք են արձանագրել. Մատվիենկո

ՀՀ ֆուտբոլի հավաքականն առաջադիմել է ՖԻՖԱ-ի աղյուսակում

ԱԺ-ն հրապարակեց Հրայր Թովմասյանի լիազորությունները դադարեցնելու հարցով ՍԴ դիմելու որոշման նախագիծը

Թուրք հայտնի դերասանը խոշոր գումար է վճարել հայ նկարչի կտավները ձեռք բերելու համար

ԱՄՆ-ը մտադիր է Իրանի դեմ լայն կոալիցիա ստեղծել ՄԱԿ-ի միջոցով. The Wall Street Journal

Մինչև 2024 թ.-ը 5-6 տարեկանների 90%-ը և 3-6 տարեկանների 70%-ն ընդգրկված կլինի նախադպրոցական հաստատություններում

Վանեցյանը հաստատեց, որ մենակ չի գրել, այլ իրեն օգնել են. խնդիրը դա՞ է, թե ով է գրել. Կարապետյան

Այլ նախարարների հրաժարականների մասին քննարկում կառավարությունում չի եղել. Հակոբ Արշակյան

Եվրոպայի չեմպիոն Հարությունյանը ձեռքից բաց թողեց հաղթանակն ըմբշամարտի աշխարհի առաջնությունում

Կառավարությունը 9.4 մլն դրամ հատկացրեց՝ Թալիշում վիրավորված Հայկ Սեխլիյանի բուժումը Գերմանիայում իրականացնելու համար

Հայաստանն ու Վրաստանը կարեւորել են երկու խորհրդարանների միջև ակտիվ շփումն ու համագործակցությունը

2 մեդալով. Հունահռոմեական ոճի ըմբիշները վերադարձան Հայաստան

Հափշտակվել է շուրջ 9.3 մլն դրամ. ՔԿ-ն պաշտոնապես հաստատել է Հրայր Թովմասյանի սանիկի ձերբակալությունը