Պրոֆեսիոնալների համար կռիվ է. ՀՀ բռնցքամարտի ֆեդերացիայի նախագահը՝ ՄՕԿ-ԱԻԲԱ «պատերազմի» մասին

Վերջին շրջանում համաշխարհային սպորտի գլխավոր սկանդալներից մեկը՝ ՄՕԿ- ԱԻԲԱ հակամարտությունը, պարզապես շահերի բախում է: Նման կարծիքի է Հայաստանի բռնցքամարտի ֆեդերացիայի նախագահ Արթուր Գեւորգյանը: Օրերս Միջազգային օլիմպիական կոմիտեն ԱԻԲԱ-ին՝ Բռնցքամարտի միջազգային միությանը, զրկեց օլիմպիական կարգավիճակից: Պատճառաբանությունն էր, որ ԱԻԲԱ-ն չի լուծել իր խնդիրները, որոնք կապված են մրցավարության, էթիկայի ու ֆինանսների հետ: «Հայկական ժամանակ»-ի հետ զրույցում Գեւորգյանը պարզաբանեց՝ ինչ դեր է փողը խաղում այս մարզաձեւում: Ընդգծեց, որ վերջին տարիներին բռնցքամարտիկներն ամենահարուստ մարզիկներն են ու որ պրոֆեսիոնալ բռնցքամարտը ղեկավարողներն ամեն կերպ ցանկանում են իրենց ձեռքը վերցնել նաեւ սիրողականը:

«Բռնցքամարտը մեծ բիզնես է: Այսօրվա ամենաթանկ վճարվող բռնցքամարտիկը տարեկան աշխատում է ավելի շատ գումար, քան Լիոնել Մեսսին ու Ռոնալդու միասին: Եվ սա չի կարող գլոբալ քաղաքականության մեջ ազդեցություն չունենալ: Պրոֆեսիոնալ գոտիների տերերը հակված են սիրողական բռնցքամարտն էլ իրենց ձեռքը վերցնել: Ես տեսնում եմ նման միտում, որ օլիմպիական խաղերի միջոցով է, թե ինչպես է վերահսկեն սիրողական բռնցքամարտիկների մուտքը դեպի պրոֆեսիոնալ»,- ասաց նա:

Գեւորգյանը նշեց, որ նույնը ցանկանում էր անել նաեւ ԱԻԲԱ-ն: Նա նշեց, որ ԱԻԲԱ-ն մանուկ տարիքից սկսած աշխատանքներ է տանում բռնցքամարտիկների հետ: Նրանք աճում են, հետո տեղափոխվում պրոֆեսիոնալ ռինգ, եւ գումարները գնում են պրոֆեսիոնալ գոտիներին: Հետեւաբար, Գեւորգյանի խոսքով, ԱԻԲԱ-ն ինքն էր փորձում գոտի ունենալ ու հզորացնել այն, եւ հենց սա կազմակերպությանը փաստի առաջ կանգնեցրեց:

«Սա ԱԻԲԱ-ին բերեց այնպիսի առճակատման, որտեղ ինքը կարծում եմ՝ պարտվեց: Խնդիրը ո՛չ ֆինանսական է, ո՛չ մրցավարական է, ո՛չ մյուսն է.... Այստեղ պրոֆեսիոնալների համար կռիվ է»,- ասաց նա:

Գեւորգյանն ուշադրություն հրավիրեց այն փաստի վրա, որ ՄՕԿ-ի ժողովի ընթացքում ԱԻԲԱ-ին որակազրկելու օգտին քվեարկել է ԱԻԲԱ-ի նախկին նախագահ Վու Չինգ Կուն: Նշեց, որ հենց այս պաշտոնյայի օրոք են ԱԻԲԱ-ում առաջացել ֆինասնական եւ մյուս խնդիրները, որոնք ՄՕԿ-ը դատապարտում է, սակայն հիմա այդ անձնավորությունը ՄՕԿ-ում բարձր պաշտոն է զբաղեցնում: Գեւորգյանն ընդգծեց, որ, եթե հարցը սպորտում արդարության վերականգնումն է, ապա ինքը ՄՕԿ-ին այս պարագայում չի հասսկանում:

«ԱԻԲԱ-ի այն ղեկավարը, որի օրոք ստեղծվել է այս ճգնաժամը, հիմա ՄՕԿ-ի անդամ է եւ քվեարկում է ԱԻԲԱ-ին օլիմպիական խաղերի անցկացումից զրկելու համար: ՄՕԿ-ի դիրքը, եթե դու արդարության մարտիկ ես քեզ հռչակում, հասկանալի չէ»,- ասաց նա:

ԱԻԲԱ-ն իր իրավունքները կարող է վերականգնել միայն 2020 թ. օլիմպիական խաղերից հետո, իսկ խաղերի վարկանիշային մրցաշարերն անցկացնելու է ՄՕԿ-ը: Դրանք տեղի են ունենալու 2020 թ. հունվարից մայիս: Գեւորգյանը նշում է, որ ՄՕԿ-ը դժգոհ է ԱԻԲԱ-ի մրցավարությունից, սակայն ինքը վստահ չէ, որ նույն ՄՕԿ-ը կկարողանա այդ առումով ավելի լավ աշխատել: Դա Գեւորգյանը նկատել է նաեւ օրերս Մինսկի Եվրոպական խաղերում, որոնցում ՀՀ առաջատար մարզիկներ Անուշ Գրիգորյանն (51 կգ) ու Գուրգեն Հովհաննիսյանը (+91 կգ) պարտվեցին 1/4 եզրափակչում:

«Մեղադրանք թող չհնչի, բայց չեմ վստահում ՄՕԿ-ի անցկացրած մրցաշարերի որակին, ինչը տեսնում ենք Եվրոպական խաղերում: Մեր առաջատար բռնցքամարտիկներ Անուշ Գրիգորյանը եւ Գուրգենը... շատ կասկածելի մենամարտերում հաղթանակը տվեցին նրանց մրցակիցներին»,- ասաց նա:

Գեւորգյանը կրկնեց նախկինում արտահայտած իր միտքը, որ բռնցքամարտում շուտով չի լինի սիրողական եւ պրոֆեսիոնալ տարբերակումը, կլինի 1 բռնցքամարտ: Վերջին շրջանի  խմորումները, նրա կարծիքով, դրա սկիզբն են: Եվ դա, ըստ նրա, ապացուցվում է նաեւ այն փաստով, որ Տոկիո 2020-ը կլինի օլիմպիական 2-րդ խաղերը, որտեղ պրոֆեսիոնալները նույնպես կմասնակցեն:

Ամեն դեպքում նա վստահեցնում է, որ տեղի ունեցող իրադարձությունները Հայաստանի ֆեդերացիայի ու հայ մարզիկների վրա ազդեցություն չեն ունենա: Նշում է, որ նրանք պատրաստվում են աշխարհի առաջնությանը: Ինչ վերաբերում է նրան, որ ԱԻԲԱ-ի մրցումներն օլիմպիական վարկանիշային չեն լինելու, ու դա կարող է մարզիկների մոտ մոտիվացիայի պակասի առիթ դառնալ, Գեւորգյանը շեշտում է, որ աշխարհի չեմպիոնի տիտղոսն օլիմպիական չեմպիոնի տիտղոսին չի զիջում:

Տպել
664 դիտում

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

Ամուլսարի շահագործմանը փայլուն եմ վերաբերվում. Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ

Գյումրիում տոնը շարունակվում է (լուսանկարներ)

ՀՀ վարչապետի գլխավորած պատվիրակությունը Գյումրիից մեկնել է ԱՄՆ

Ամենօրյա պայքար հանուն անկախության

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան