Լոռու մարզպետի խորհրդականը պաշտոնավարել է առանց համապատասխան փաստաթղթերի. ազատվել է աշխատանքից

Օրեր առաջ աշխատանքից ազատման դիմում է ներկայացրել Լոռու մարզպետ Անդրեյ Ղուկասյանի խորհրդական Լեւոն Տեր-Սիմոնյանը: Ազատման դիմումը մարզպետը ստորագրել է:

ՀԺ-ի աղբյուրները հայտնում են, որ մարզպետի խորհրդականը իրականում ազատվել է, քանի որ անձնական գործերում բացակայել է բարձրագույն կրթության մասին հաստատող փաստաթուղթը: Մեզ հայտնեցին նաեւ, որ այս ամենի մասին իմացվել է, երբ ԱԺ-ից պահանջել են մի շարք աշխատակիցների անձնական գործեր: Ասում են նաեւ՝ իրավիճակի մասին հենց սկզբից մարզպետարանում իմացել են բոլորը, սակայն մարզպետի հրահանգով Տեր-Սիմոնյանը շարունակել է պաշտոնավարել, քանի որ խորհրդականի պաշտոնը հայեցողական է, հետեւաբար՝ նրան նշանակում կամ ազատում է մարզպետը: Ասում են, որ եբ մարզպետարանի կադրերի բաժնից խորհրդականից ուզել են բարձրագույն դիպլոմը, ամեն օր խոստացել է այսօր-վաղը բերել:

ՀԺ-ի հետ զրույցում Լոռու մարզպետի արդեն նախկին խորհրդական Լեւոն Տեր-Սիմոնյանը հայտնեց, որ աշխատանքից ազատվել է սեփական նախաձեռնությամբ ու սեփական դիմումի հիման վրա: Հարցին՝ ճի՞շտ են տեղեկությունները, որ նա չի ներկայացրել բարձրագույն ուսումնական հաստատությունն ավարտելու դիպլոմ, պատասխանեց. «Ներկայացրել եմ այն, ինչ ունեցել եմ: Բարձրագույնի դիպլոմ չունեմ, միջնակարգ եմ ավարտել»,-հավելեց նա:

Լոռու մարզպետ Անդրեյ Ղուկասյանը ՀԺ-ի հետ զրույցում հաստատեց իր խորհրդականի ազատման փաստը՝ հորդորելով պատճառների մասին հետաքրքրվել հենց իրենից. «Հստակ չեմ կարող ասել, լավ կլինի իրեն հարցնեք»,-ասաց նա: Մեկնաբանելով լուրերը, թե իրականում իր խորհրդականը չի ունեցել բարձրագույն կրթության մասին վկայող փաստաթուղթ, մարզպետն ասաց. «Չկա նման բան»:

Դիտարկմանը, որ խորհրդականի փաստաթղթերում առկա խնդիրը ջրի երես է դուրս եկել այն բանից հետո, երբ ԱԺ-ից են գործերը պահանջել, ու այլեւս հնարավոր չի եղել թաքցնել, մարզի ղեկավարն ասաց. «ԱԺ-ից անընդհատ հարցումներ են ուղարկում, եւ կոնկրետ փաստաթղթեր են պահանջում, կոնկրետ Լեւոն Տեր-Սիմոնյանի հետ կապված այո, եղել է հարցում, որին պատասխանել ենք, չեմ կարծում, թե խնդիր է եղել, դրանով զբաղվում է անձնակազմի կառավարման բաժինը, բայց չեմ կարծում, թե որեւէ խնդիր է եղել»:

ՀԺ-ին տեղեկություններ են հասել, որ պահանջվել են նաեւ բազմաթիվ այլ աշխատակիցների, մասնավորապես պայմանագրային աշխատողների ու ժամանակավոր պաշտոնակատարների անձնական գործերը, եւ ովքեր հենց նույն օրն ազատվել են աշխատանքից, ապա դարձել պայմանագրային ծառայողներ, այնուհետ ծանուցվել աշխատանքից 2 ամիս հետո ազատվելու մասին, Անդրեյ Ղուկասյանը նշեց. «Իրենք բոլորը պայմանագրային աշխատողներ են, եւ պայմանագրային աշխատողները, ըստ օրենքի, պետք է լինեն փորձագետներ, բայց իրենք փորձագետներ չեն, եւ այդ 15 աշխատողները իներցիայով նախկին իշխանությունների օրոք եղել են ու շարունակել են մինչ օրս աշխատել, բայց իրականում մենք արտահաստիքային աշխատակիցներ ունենալու իրավունք չունենք, պետք է կարգավորենք դա… 2 ամիս հետո մի մասը կազատվի, մի մասին էլ գուցե այլընտրանք կառաջարկենք»:

Տպել
1450 դիտում

«Պատերազմական գործողություն» է. Փոմփեոն՝ Սաուդյան Արաբիայի նավթային օբյեկտների վրա հարձակման մասին

Պարապ եմ համարում բոլոր քննադատությունները. Տեր Վահրամը՝ Կարապետյանների մեծադիր կտավի մասին

Անելու եմ այնպես, որ հանդիսատեսը հարցերով դուրս գա դահլիճից. Սերժ Մելիք-Հովսեփյանը նոր ներկայացում է բեմադրել

ՄԱԿ-ի Անվտանգության խորհուրդը այսօր Սիրիայի վերաբերյալ երկու բանաձև կքվեարկի

Մանվել Գրիգորյանի ունեցվածքը ինչի՞ չեք վաճառում, օգնում մայրերին․ վարչապետը՝ Գրիգորյանի նախկին օգնականին

Ինչ-որ փուլում վարչապետ Նիկոլ Փաշինյանն էլ կարող է դիմել Վճռաբեկ դատարան՝ Մարտի 1-ի գործով արդարացման դատավճռի համար

Ծառայում ենք ուշադիր, զգոն և ոչ ենք ասում անտարբերությանը. ոստիկանության պետի ժամանակավոր պաշտոնակատար (տեսանյութ)

Հայաստանն ու Չինաստանը քննարկել են էկոտուրիզմի ոլորտում համագործակցության հարցեր

Ջոն Բոլթոնը դռնփակ հանդպմանը քննադատության է ենթարկել Թրամփի արտաքին քաղաքականությունը. Politico

ԵԱՏՄ-ն կայացել է որպես ինտեգրացիոն միավորում. նրա անդամ բոլոր երկրները դրական արդյունք են արձանագրել. Մատվիենկո

ՀՀ ֆուտբոլի հավաքականն առաջադիմել է ՖԻՖԱ-ի աղյուսակում

ԱԺ-ն հրապարակեց Հրայր Թովմասյանի լիազորությունները դադարեցնելու հարցով ՍԴ դիմելու որոշման նախագիծը

Թուրք հայտնի դերասանը խոշոր գումար է վճարել հայ նկարչի կտավները ձեռք բերելու համար

ԱՄՆ-ը մտադիր է Իրանի դեմ լայն կոալիցիա ստեղծել ՄԱԿ-ի միջոցով. The Wall Street Journal

Մինչև 2024 թ.-ը 5-6 տարեկանների 90%-ը և 3-6 տարեկանների 70%-ն ընդգրկված կլինի նախադպրոցական հաստատություններում

Վանեցյանը հաստատեց, որ մենակ չի գրել, այլ իրեն օգնել են. խնդիրը դա՞ է, թե ով է գրել. Կարապետյան

Այլ նախարարների հրաժարականների մասին քննարկում կառավարությունում չի եղել. Հակոբ Արշակյան

Եվրոպայի չեմպիոն Հարությունյանը ձեռքից բաց թողեց հաղթանակն ըմբշամարտի աշխարհի առաջնությունում

Կառավարությունը 9.4 մլն դրամ հատկացրեց՝ Թալիշում վիրավորված Հայկ Սեխլիյանի բուժումը Գերմանիայում իրականացնելու համար

Հայաստանն ու Վրաստանը կարեւորել են երկու խորհրդարանների միջև ակտիվ շփումն ու համագործակցությունը