Քաղաքապետարանից 200 մլն դրամ ստացող ՀՈԱԿ-ը շաբաթական 100 շան բուժօգնություն է իրականացնում

2019 թվականի մարտ ամսից Երեւան քաղաքում մեկնարկել է թափառող կենդանիների հավաքման, տեղափոխման, նախնական զննման, պատվաստման եւ ստերջացման ծրագիրը: Ծրագիրն իրականացվում է Երեւանի քաղաքապետարանի ենթակայությամբ գործող «Թափառող կենդանիների վնասազերծման կենտրոն» ՀՈԱԿ-ի միջոցով: ՀՈԱԿ-ի տնօրեն Արմեն Բեգոյանի խոսքով՝ շուրջ 700 կենդանի արդեն պաշտպանված է՝ ստերջացված, անհրաժեշտ պատվաստումները՝ կատարված: Արմեն Բեգոյանի հետ մեր զրույցը ստորեւ.

Պարոն Բեգոյան, շաբաթական քանի՞ կենդանու եք ցուցաբերում անհրաժեշտ օգնություն:

- Ներկայումս շաբաթական 100 շան բուժօգնություն ենք իրականացնում: ՀՈԱԿ-ն այս պահին ունի 28 աշխատող, որոնք էլ իրականցնում են բոլոր աշխատանքները: Անհրաժեշտ բուժզննումներն ու բուժումներն անցնելուց հետո կենդանիները բաց են թողնվում այն վայրերը, որտեղից հավաքվել էին: Քանի որ Հայաստանում չկա նմանատիպ կառույց, մեր ՀՈԱԿ-ը պատրաստվում է նաեւ մարզերին աջակցություն ցուցաբերել, մասնավորապես, Մասիս քաղաքը տենդեր է հայտարարել 90 շան պահպանման համար, մենք մասնակցել ենք, կարծում եմ՝ կհաղթենք:

- Նորաբաց ՀՈԱԿ եք, ի՞նչ հիմնական խոչընդոտների եք բախվում:

- Հիմնական խնդիրն այս պահին տարածք չունենալն է: Այս պահին աշխատում ենք Ագրարային համալսարանում: Նրանք տրամադրել են իրենց ֆակուլտետի վիրահատարաններից մեկը: Պայմանագիր ենք կազմել, որի արդյունքում մենք ժամանակավոր աշխատում ենք իրենց մոտ՝ մինչեւ կլինիկան կկառուցվի: Իրենց ուսանողներն էլ մեզ մոտ պրակտիկա են անցնում եւ երկար տարիներ իրենց մոտ նման բան չի եղել, նաեւ փոխշահավետ համագործակցության մեջ ենք:

- Հիմնական տարածք ունենալու հնարավորություն չկա՞ այս պահին:

- Շենգավիթ վարչական շրջանում, Թեյշեբանի 8 հասցեում կլինիկա է կառուցվում: Այս պահին շինարարություն է ընթանում: Կենտրոնն իր մեջ պարունակելու է կենդանիների համար նախատեսված վիրահատական բլոգ, ադմինիստրատիվ բլոգ, հետվիրահատական, կարանտինային, սկզբնական բուժզննման եւ կացարանային բլոգ: Մեծ կոմպլեքս է լինելու, եւ այդ ժամանակ մեր աշխատանքները կթեթեւանան ու կկարողանանք տարբեր տեսակի ծառայություններ մատուցել:

- Ի՞նչ միջոցներով է կենտրոնը կառուցվում:

- Ֆինանսավորվում է միայն Երեւանի քաղաքապետարանի միջոցներով: Այս պահին կենտրոնի կառուցման եւ մեր այս աշխատանքերի ընդհանուր ծրագրի իրականացման համար հատկացվել է 200 միլիոն դրամ: Կլինիկայի կառուցման, շների ստերջացման, ՀՈԱԿ-ի բոլոր ծախսերի, գույքի, աշխատավարձերի եւ մնացած բոլոր ծախսերի համար նախատեսված է այդ 200 միլիոնը: Այդ գումարով պետք է իրականացնենք Երեւան քաղաքի թափառող կենդանիների 60-ից 70 տոկոսի բուժզննման աշխատանքը, վակցինա անենք եւ բաց թողնենք: Այն կենդանիները, որոնք մարդկանց եւ մնացած կենդանիների համար վտանգ են ներկայացնում, ունեն հիվանդություններ, դրանք հետ չեն վերադարձվում: Կենդանիների մոտ ժանտախտ կամ նմանատիպ հիվանդություններ հայտնաբերելու դեպքում կենդանին քնեցվում եւ ուղարկվում է այրման: Ստերջացման դեպքում էլ թափառող կենդանիները սերունդ չեն տալիս, դրանից հետո նրանք այլեւս ոհմակներ չեն կազմում: Հորմոնալ ֆոնի անկումից հետո նրանց վարքագիծը փոփոխվում է: Ստերջացման գործողությունները հանգեցնում են նաեւ նրան, որ կենդանիներն այլեւս չեն ձգտելու բազմանալու եւ գալու է մի օր, որ Երեւան քաղաքում, ինչպես Եվրոպական մի շարք երկրներում, չենք ունենալու թափառող շներ: Խնդիրը պետք է լուծվի նաեւ Երեւան քաղաքին հարող համայնքներում, որպեսզի այս մի քանի տարիների ընթացքում թափառող կենդանիների թիվը պակասի:

- Սկզբնական շրջանում ձեր գործունեությունը կենդանասերների բողոքն էր բարձրացրել, հիմա է՞լ է այդպես:

- Նրանք ինչ-ինչ ճանապարհներով գումարներ են ստանում, իրենց ձեռնտու չէ, որ ՀՈԱԿ-ը այդ խնդիրը հիմնովին լուծի: Փորձում են մեզ սեւացնել: Չակերտավոր կենդանասերներ կան, որոնք շահագրգռված են սեւացնելու մեր աշխատանքը: Տպավորություն է, թե իրենք չեն էլ ուզում, որ Երեւան քաղաքում լուծվի թափառող կենդանիների հարցը:

- Ի՞նչ շահ է հետապնդում իրենց այդ քայլը:

- Իրենք են զբաղվում այդ գործունեությամբ եւ երեւի թե հենց դա է շահը: Մտածում են, որ եթե մի օր վերանա այդ ամեն ինչը, իրենք զբաղմունք չեն ունենա: Մենք առաջնորդվում ենք համաշխարհային փորձով: Հենց հիմա Երեւանի քաղաքապետ Հայկ Մարությանի հրավերով մեր ՀՈԱԿ-ում են գտնվում միջազգային կենդանասերների ասոցիացիայի լավագույն մասնագետները: Կուզենայի նաեւ կոչով հանդես գալ, եւ խնդրել, որ երբ մեր քաղաքացիները տեսնում են կենդանի՝ ականջին դեղին գույնի կլիպսներ, կարող են լիովին հանգիստ լինել, որ կենդանին որեւէ վնասակար հիվանդություն չունի եւ անվտանգ է: Եթե կենդանին ագրեսիվ վարքագիծ է դրսեւորում՝ դա պատասխանն է քաղաքացու վարքագծի: Մեր ազգաբնակչությանը կխնդրեի՝ մի փոքր ավելի սիրով մոտենալ բաց թողնված եւ թափառող կենդանիներին, քարով, փայտով չխփել չվնասել, որ կենդանին իզուր չագրեսիվանա: Հաջորդ տարվանից մենք նախատեսում ենք չիպավորել բոլոր շներին: Միկրոչիպն իր մեջ կոդ է պարունակում, որը ցույց է տալիս, թե տվյալ կենդանուն ինչ կեր են տվել, ինչ պատվաստումներ են արել, ինչ կենդանի է, քանի տարեկան է եւ այլն: Այդ ամենն իմանալու համար կա հատուկ սարք, որը մենք ունենք, երբ մոտեցնում ես կենդանուն՝ այդ սարքը ամեն ինչ ցույց է տալիս:

Տպել
1027 դիտում

«Gazprom»-ը սկսել է գազով լցնել «Թուրքական հոսքի» խողովակաշարը

Փրկարարները Երեւանում եւ Եղվարդում հայտնաբերված օձերին տեղափոխել են անվտանգ տարածք

Աշտարակի ոստիկանները ապօրինի թմրաշրջանառության դեպքեր են բացահայտել (տեսանյութ)

ՀՀ ԱԳՆ-ն ողջունում է Ուկրաինայի խորհրդարանում Հայաստանի հետ բարեկամական խմբի ձևավորումը

Երևանի պատվավոր քաղաքացու կոչումը ստանալուց հետո Մանարյանը հուզմունքից համբուրում էր մեդալը

Հայաստանում եղանակը կցրտի մինչև 8 աստիճանով, սպասվում է անձրև և ամպրոպ

Հրդեհ Վարդենիս քաղաքում. այրվել է տան փայտյա տանիքը

«Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ»

Փոխվարչապետ Մհեր Գրիգորյանը հանդիպել է ԱՄՀ հոլանդաբելգիական ենթախմբի գործադիր տնօրենի հետ

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է