Ջեքսոնի մահից հետո դիահերձման արդյունքում բացահայտվել է մաշկի գույնի փոփոխության պատճառը

Աշխարհահռչակ երգիչ Մայքլ Ջեքսոնի մահվանից հետո նրա մի շարք գաղտնիքներ հայտնի են դարձել երկրպագուներին: Այսօր՝ հունիսի 25-ին, լրանում է աստղի մահվան 10 տարին, ու միջազգային մամուլը հիշեցնում է նրա վերաբերյալ կարեւոր փաստերը: Թե կյանքի օրոք, եւ թե մահից հետո փոփ-արքան անընդհատ սկանդալների կենտրոնում է եղել, ու գլխավորներից են եղել պլաստիկ վիրահատություններն ու արտաքինի փոփոխությունները:

Հատկապես շատ է խոսվել մաշկի գույնի փոփոխության մասին: Ժամանակին հնչում էին բազմաթիվ կարծիքներ, ըստ որոնց, նա հատուկ վիրահատության է դիմել: Ինքը՝ երգիչը, պնդում էր, որ մաշկային հիվանդություն ունի, ինչի պատճառով էլ մաշկի գույնը բացվել է: Ըստ մամուլի՝ դիահերձումը ցույց է տվել, որ նա իսկապես մաշկային հիվանդություն է ունեցել:

Դիահերձումը նաեւ եւս մեկ անգամ հաստատել է, որ նա պլասիկ բազմաթիվ վիրահատությունների է դիմել ու որ կոսմետիկ դաջվածքներ է արել արտաքինը շտկելու համար: Նա վարդագույն դաջվածք է ունեցել շուրթերի եզրերին: Նաեւ մուգ դաջվածքով ծածկել է գլխի ճաղատ հատվածը (նրա մազերն այրվել են 1984 պեպսիի գովազդի ժամանակ): Նա նաեւ մի շարք սպիեր է ունեցել թեւերին: Դրանց պատճառը, ըստ տեղեկությունների, եղել է այն, որ նա բազմաթիվ ներարկումներ է արել քրոնիկ անքնության դեմ պայքարելու համար:

Ջեքսոնը մահացել է հենց դեղերի գերդոզավորումից: 2009 թ. հունիսի 25-ին 50-ամյա երգչի անձնական բժիշկ Քոնրադ Մյուրեյը Լոս Անջելեսի տանը նրան ներարկում է արել: Հեռացել է, վերադարձել է 2 ժամ անց ու Ջեքսոնին հայտնաբերել է անգիտակից վիճակում: Փորձել է վերակենդանացնել, սակայն չի ստացվել: Զանգահարել է 911: Օգնությունը չի ուշացել, սակայն աստղի կյանքը փրկել չի հաջողվել:

Նրա հրաժեշտի արարողությունը տեղի է ունեցել 2009 թ. հուլիսի 27-ին: Հուղարկավորել են սեպտեմբերի 3-ին: 2011 թ. Մյուրեյը մեղավոր է ճանաչվել ոչ կանխամտածված սպանության համար: Դատապարտվել է 4 տարվա ազատազրկման: 2013 թ. ազատ է արձակվել օրինակելի վարքի համար:

Անգամ Ջեքսոնի մահից հետո նրա անվան շուրջ սկանդալները չեն ավարտվում: Դեռ կյանքի օրոք նա մեղադրվել է մանկապղծության մեջ, իսկ հետո արդարացվել է: Մահից հետո այդ մեղադրանքները շարունակվում են: Այս տարվա սկզբին տեղի է ունեցել «Leaving Neverland» ֆիլմի պրեմիերան: Դրա գլխավոր հերոսներ Ուեյդ Ռոբսոնը եւ Ջեյմս Սեյֆչաքը պատմում են, որ մանուկ ժամանակ սեռական ոտնձգությունների են ենթարկվել Ջեքսոնի առանձնատանը, որտեղ ապրում էին: Երգչի ընտանիքը սա նրա անունը սեւացնելու փորձ է համարում ու խստորեն քննադատել է ֆիլմի հեղինակներին եւ մասնակիցներին:

Մայք Ջեքսոնը համարվում է 20-րդ դարի մշակույթի ամենազդեցիկ դեմքերից եւ պատմության լավագույն արտիստներից մեկը: Նա երաժշտական կարիերան սկսել է 1964 թ.՝ 7 տարեկանում, իր ավագ եղբայրների հետ Jackson 5 խմբում: Սոլո կարիերան սկսել է 1971 թ.: Նա պատմության մեջ ամենաշատ ձայնագրություններ վաճառած երգիչներից է՝ 350 մլն: Նրա «Thriller» ալբոմը պատմության մեջ ամեշատը վաճառվածն է՝ 66 մլն: Նա 15 անգամ արժանացել է Գրեմիի: Ունի նաեւ հարյուրավոր այլ մրցանակներ:

Ջեքսոնի հայրը՝ Ջո Ջքեսոնը, մահացել է 2018 թ. հունիսին, 89 տարեկան հասակում: Մայրը՝ Քեթրինը, 89 տարեկան է: Նրա 5 եղբայրներ, 3 քույրերը, ինչպես նաեւ 3 երեխաները՝ 22-ամյա Փրինսը, 21-ամյա Փերիսը եւ 17-ամյա Բլենքիթը, շարունակում են իրենց կյանքով ապրել:

Մայքլ Ջեքսոնը հոր հետ

Ջեքսոնի մայրը

Փրինս Ջեքսոնը

Փերիս Ջեքսոնը

Բլենքիթ Ջեքսոնը՝ աջից

Տպել
16059 դիտում

Նիկոլ Փաշինյանը՝ մեծ կտավի մեկ մասնիկի առաջին գնորդն ու կտավն ամբողջացնող վերջին այցելուն Գյումրիում

Աննա Հակոբյանը մասնակցել է Ararat challange փառատոնի բացման արարողությանը

Բաքվում չարտոնված ցույցի պատճառով փակել են մետրոյի երեք կայարան

Աննա Հակոբյանը մասնակցել է «Առողջ ապրելակերպը՝ բոլորի համար» խորագրով սպորտային տոնին

Ուկրաինայի խորհրդարանում Հայաստանի հետ միջխորհրդարանական կապերի պատգամավորական խումբ է ստեղծվել

Հյուսիսային մաքսատունը Գյումրիում կբացվի այս տարի. հստակ ժամկետ, սակայն, չկա

«Էրեբունի-Երեւան» միջոցառումների շրջանակներում սպասվում է անակնկալ. Հայկ Մարության

Ապօրինի գույքի «քաղհալածյալ» սեփականատերերը․ նախկին իշխանություններին խիստ մտահոգել է օրենքի նախագիծը

Վարչապետը ծանոթացել է Արտաքին տնտեսական գործունեության սպասարկման կենտրոնի շինաշխատանքներին

Այս տարվա առաջին 9 ամիսներին արձանագրվել է 3444 ճանապարհատրանսպորտային պատահար

Ոստիկանությունում տեղի ունեցած նիստից հետո մարզային պետեր են ազատվել

Հայկ Մարությանը Երվանդ Մանարյանին հանձնեց Երեւանի պատվավոր քաղաքացու կոչումը

Երկիր մոլորակին կմոտենա մեկ կիլոմետր տրամագծով երկնաքար

Արմեն Կարապետյանն ազատվել է էկոնոմիկայի նախարարության գլխավոր քարտուղարի պաշտոնից

Հերքվել է Սամվել Ֆարմանյանի հայտնած այն տեղեկությունը, թե շոգեբաղնիքում իրեն ՀՔԾ քննիչ է մոտեցել․ ոստիկանություն

Դատախազները քննարկումներ են անցկացրել հանրակրթական եւ հատուկ դպրոցների աշակերտների հետ

Մեր տարածաշրջանը վառոդի տակառ է, մեր անվտանգության երաշխիքները՝ երկուսը

Նիկոլ Փաշինյանի ելույթը՝ Պետական եկամուտների կոմիտեի Գյումրիում կազմակերպած ռազմավարական պլանավորման աշխատաժողովին

Գեղարքունիքի մարզում մեքենան բախվել է բետոնե պատնեշին․ 18-ամյա վարորդն ու նույն տարիքի ուղեւորը մահացել են

Երեւանցին նա է, ով սիրում է Երեւանը, սիրում է՝ հոգատար ծնողի ու պատասխանատու ընկերոջ նման․ Հայկ Մարության