Հայաստանն էլ նույն երկիրը չէ, Հայաստանում կարելի է ներդրում անել եւ փող աշխատել. ամերիկահայ գործարար

01/07/2019 schedule23:10

Այս կարծիքին է Հայ-ամերիկյան գործարար խորհրդի անդամ, բժիշկ Հովհաննես Տեր- Զաքարյանը

Մասնագիտությամբ բժիշկ Հովհաննես Տեր-Զաքարյանը ապրում է ԱՄՆ-ում արդեն 40 տարի:

30 տարի է նա գլխավորում է իր իսկ կողմից հիմնադրած Medical Clinic and Laboratory Services  և Angel Wings Urgent Care կլինիկաները: Մեր զրուցակիցը Կալիֆորնիայում ապրող այն հայերից է, որոնք քաջատեղյակ են հայաստանյան իրադարձություններին: Կատակում է, թե ինքն ԱՄՆ բնակիչ է, որն ամեն գիշեր Հայաստանում է: Տեր-Զաքարյանն ակտիվորեն ներգրավված է Կալիֆորնիայի՝ հայ համայնքի քաղաքական-տնտեսական գործընթացներում: Հայաստանում հռչակված քաղաքական ու տնտեսական հեղափոխության վերջնական հաղթանակի մասին իր պատկերացումները փորձում է իրացնել Հայ-ամերիկյան բիզնես խորհրդի շրջանակներում: Կազմակերպության նպատակը հայ-ամերիկյան գործարար կապերի աշխուժացումն ու ԱՄՆ-ից ներդրումային ծրագրեր Հայաստան ուղղելն է:

Տեր-Զաքարյանի հետ զրույցը սկսեցինք համայնքում տեղի ունեցած վերջին իրադարձությունից՝ Նիկոլ Փաշինյանի տիկնոջ այցից ԱՄՆ:

- ՀՀ վարչապետի տիկինը՝ Աննա Հակոբյանն, ԱՄՆ-ում էր: Ինչպե՞ս եք գնահատում առաջին տիկնոջ՝ բավականին հագեցած օրակարգով այցը ԱՄՆ։

- Շատ դրական եմ գնահատում այցն, այն իսկապես կարևոր իրադարձություն էր համայնքի կյանքում։ Առհասարակ, թավշյա հեղափոխությունն էր հսկա իրադարձություն հայ համայնքի կյանքում: Այստեղ էլ շատերս գիտակցում ենք, որ տեղի ունեցածն առաջընթաց քայլ է բոլորիս համար: Այսօր քննարկում են՝ ի՞նչն է փոխվել, ի՞նչը՝ ոչ: Բավարա՞ր են այդ փոփոխությունները, թե՞ կարելի էր ավելին: Գիտեք պետք է ուղիղ նայել իրականության աչքերին, արձանագրել, որ հեղափոխությամբ ամրագրել ենք Նոր Հայաստան, և հիմա պետք է ամեն մեկս մեր ջանքը ներդնենք երկրի պետականությունն ուժեղացնելու ուղղությամբ: Մենք պետք է ու կարող ենք ունենալ ուժեղ Հայաստան. դրա համար ամեն մարդ իր լուման պիտի դնի: Սա նման է շենքի՝ հիմքը դրած է, ամեն մեկը պիտի իր քարը դնի շենքի ամբողջական տեսքի համար:

- Օրինակ, ձեր լուման ո՞րը կարող է լինել:

- Մեր կազմակերպության լուման այսպես եմ պատկերացնում՝ մենք հայ-ամերիկյան գործարար խորհուրդի միջոցով տարածենք տեղեկությունն այն մասին, որ Հայաստանն էլ նույն Հայաստանը չէ, Հայաստանում կարելի է ներդրում անել և փող աշխատել: Տեղեկությունները, թե մեր երկրում բարենպաստ պայմաններ չեն եղել, պետք է հասցեագրենք անցյալին, իսկ այսօր համոզենք ու ապացուցենք, որ բոլոր բարենպաստ պայմանները կան Հայաստանի հետ գործարար կապերը ուժեղացնելու և լավացնելու։

- Այդ ինֆորմացիան ո՞ր շրջանակի հետ եք share անում:

- Առաջին հերթին ես share եմ անում իմ հիվանդների հետ, որովհետև ամենաշատ նրանց եմ տեսնում: Դուք կասեք, բայց ձեր հիվանդների մեջ էլ, բնականաբար, բոլորը ներդրում անող չե՞ն: Այո, բայց կապ չունի, դրական խոսակցություններն ու մթնոլորտի ճիշտ սպասարկումը կարող են աշխատել շատ արդյունավետորեն: 

- Դուք կառույցի խորհրդի անդամ եք: Այս պահին կա՞ նախաձեռնություն կամ ծրագիր, որի իրականացման հնարավորությունները քննարկվում են Հայաստանի գործող իշխանության որևէ շրջանակի հետ: Կամ պատրաստվո՞ւմ եք նման քննարկման:

- Այո, կան: Այս պահին կազմակերպության ներկայացուցիչների միջև քննարկվում են ծրագրեր: Բոլորն էլ հետաքրքիր ու կարևոր են, բայց կառույցի անդամները կորոշեն, թե դրանցից որո՞նք են առաջնահերթ: Մեր նպատակն է գործարար կապերի աշխուժացումը: Օրինակ, տեսեք, կազմակերպության մեր ընկերներից մեկը առաջարկեց Շիրակի մարզում Աշոցքի շրջանում, որտեղ եղանակային անբարենպաստ պայմաններ են, ստեղծել գյուղատնտեսության համար սարքավորումների կայան: Այն կարելի կլինի տալ վարձով գյուղացիներին՝ մատչելի գներով: Մարդիկ չեն դժվարանա վարուցանքի կազմակերպման ժամանակ, հետն էլ հետաքրքիր, աշխատանքը խթանող ծրագրեր կմշակվեն: Կարծում եմ՝ փոքր բաներից է պետք սկսել:

- Վարչապետը հայտարարել է հեղափոխության երկրորդ փուլի՝ տնտեսական հեղափոխության մասին: Ձեր կարծիքով ի՞նչ պետք է անի դրսում ապրող հայ մարդը, որպեսզի դառնա մասնակից այդ գործընթացին: 

- Դրսում ապրող հայերը պետք է փորձեն հնարավոր ու անհնար բոլոր միջոցներով ներդրումային ծրագրեր տանել Հայաստան: Փող ու ներդրում է պետք՝ մեծ կամ փոքր: Տնտեսական աշխուժությունը մի օրում չի գալիս. օրենսդրական փոփոխություններ, տարբեր երկրների հետ բիզնեսը խթանող համաձայնագրեր, հարկային փոփոխություններ, այո, պետք են: Բայց մեր անելիքը դա չէ, մեր անելիքը հորդորելն ու հրավիրելն է մարդկանց՝  գալ, փորձել մտնել տնտեսական դաշտ, ներդրումային դաշտ եւ անձնապես համոզվել, որ իրեն չեն խանգարի: Մեր կազմակերպության անելիքն է նախ հասկանալ ու հետո բացատրել, թե ի՞նչ ներդրումային հնարավորություններ կան Հայաստանում։ Իր հերթին Հայաստանի Հանրապետությունը պետք է ուղղորդի՝ ցույց տալով այն բնագավառները, որտեղ կարելի է շահեկան բիզնես նախագծեր իրականացնել: 

Մենք ունենք մի բան, որն աշխարհի ժողովուրդներ չունեն՝ 10 միլիոնանոց սփյուռք: Այդ ներուժը լավագույնս կարող է օգտագործվել տուրիզմի մեջ: Տուրիզմի զարգացման ներդրումային փաթեթներ կարելի է մշակել: 5-10 տարով տալ մասնավորին՝ պարտադրել ճանապարհները բարեկարգել, ծառայություններ ներդնել ու մատուցել: Ընդամենը պետք է թույլատրել բիզնեսմեններին այդպիսի նախագծերով մտնել Հայաստան: Բիզնեսն ինքն իրեն կզարգացնի, պետք չի անընդհատ քիթը խոթել այնտեղ: Կարևորը ճիշտ ստարտն է:

- Ձեր ոգևորությունն ու լավատեսությունը իշխանության նկատմամբ վստահությունից է գալի՞ս:

- Հեղափոխությունը շատերիս է լավատես դարձրել: Անշրջելի բան է տեղի ունեցել: էսօրվա վարչապետը կարող է վաղը չլինել, բայց Հայաստանը կշարունակի մեջքը ուղղած ապրել: Ուժեղ Հայաստան ունենալու լավագույն ձևը տնտեսությունը կարգի բերելն է: Թե չէ, հա կլինենք, բայց կլինենք մի աղքատ երրորդ երկիր, որի մասին կարեկցանքով կհիշեն կամ չեն հիշի: Թավշյա հեղափոխության հետևանքով այսօր ունենք խելացի, նորմալ վարչապետ, որը չի կարող տնտեսական հաջողության չտանել երկիրը: Միայն չխանգարեն՝ մնացածը լավ է լինելու:

-Ո՞վ չխանգարի:

- Այն մարդիկ, որոնք հիմա իշխանության մեջ չեն, բայց առաջ եղել են: Բնական է դրանց ձգտումը հետ վերադառնալու, բայց դա այլեւս անցյալ է, բացառում եմ այդ ուժերը հետ վերադարձը: Մենք վստահ ենք, որ Հայաստանը լավ ապագա ունի, եւ յուրաքանչյուրս պարտավոր ենք մի քար ավել դնելու նոր կառուցվող շենքի համար: Չենք կարող սպասել, երբ պետությունը կամ Փաշինյանը մեզ կօգնեն: Ամբողջ լրահոսը էդ է՝ գնում-գալիս Փաշինյանին նամակ են գրում՝ էս արա, էն արա: Ամեն նամակ գրող, որ ինքը առաջին հերթին մի բան անի՝ ավելի արագ կհասնենք արդյունքի: Մի՛ կեղտոտի երկիրդ, մի՛ փչացրու այդ երկրի բնությունը, ծառ տնկի՛ր ու մի՛ կտրիր էդ ծառը: Ամեն բան մեր գլխի մեջ է։ Հեղափոխությունն էլ մեր մտքերում ու մոտեցումներում պետք է լինի: Ու կլինի:

Գոհար Վեզիրյան, Կալիֆորնիա

Տպել
3354 դիտում

Հրշեջ-փրկարարները երեկ մարել են մոտ 11.9 հա խոտածածկ տարածքներում բռնկված հրդեհները

Վթարի պատճառով 3 ժամ ջուր չի լինելու Գեղարքունիքի մի քանի համայնքում

Հրաչյա Պապինյանը թողնում է Ալավերդու քաղաքային թատրոնի գեղարվեստական ղեկավարի պաշտոնը

Թթուջուր և Չքնաղ գյուղերի դաշտամիջյան հատվածում տեղի է ունեցել վթար. կան վիրավորներ

Երևանի թիվ 200 դպրոցը կկրի Լեոնիդ Ազգալդյանի անունը

Շիրակի մարզպետարանի սոցիալական ապահովության բաժնի տեսուչը բռնվել է կաշառք ստանալու պահին

26-ամյա աղջիկը «խիստ հուզմունքի մեջ» ինքնասպանություն գործելու նպատակով քացախաթթու է խմել

Իջեւանի բախումների գործով կալանավորված մեղադրյալի դեմ ցուցմունք տված ոստիկանը վրեժխնդի՞ր է եղել. հին հաշիվներ ունեն

Հուլիսի 30-ին ու օգոստոսի 2-ին դատարանը վճիռ կհրապարակի. փաստաբանը՝ «ՍԵՔՅՈՒՐԻԹԻ ԴՐԻՄ»-ից ազատված աշխատակիցների մասին

Երևանի մետրոպոլիտենում կլինեն նաև կայարանների անվանումներով անգլերեն ցուցանակներ

Կան մարդիկ, որոնք ցանկացած պատճառաբանություն բերում են, միայն թե օրինական դաշտ չմտնեն. Վահագ Ռաշ

Գյումրիում աղբատարի վարորդի՝ նռնակի պայթյունից վնասվածք ստանալու դեպքով քննություն է կատարվում

Արարատ գյուղում մասամբ այրվել են մեքենաներ եւ 50 քմ խոտածածկույթ

Էջմիածնում 57-ամյա տղամարդը թափառող շների սպանդն իրականացրել է սեփական հրացանով

Կառավարությունը կփոխհատուցի «խելացի» անասնաշենքերի կառուցման ծախսերի մի մասը (տեսանյութ)

Ucom-ի աջակցությամբ կայացած «Արմաթ» տեխնոճամբարին մասնակցել է ավելի քան  400 դպրոցական

Արցախում է Պարի համաշխարհային խորհրդի փոխնախագահ Ստանիսլավ Պոպովը

Զարեհ Սինանյանը հանդիպել է Ռուսաստանի ազգությունների գործերի դաշնային գործակալության ղեկավարի տեղակալի հետ

Իջեւանյան սադրանք․ նախկինների բացառիկ լկտիությունն ու երեսպաշտությունն ամենաապշեցուցիչն է

Երևանում թիվ 9 երթուղին սպասարկող տրոլեյբուսը վրաերթի է ենթարկել 27-ամյա քաղաքացու