Դավթաշեն եւ Նուբարաշեն վարչական շրջանները արդեն տարեվերջին կունենան «լեդ» լուսատուներ

Երեւանի ավագանու այսօրվա նիստում, որն, ի տարբերություն ձեւավորված ավանդույթի, անցնում էր համերաշխության մթնոլորտում, որոշվեց շարունակել մայրաքաղաքում էլեկտրախնայող լուսավորության ռեժիմի անցումը:

Ավագանին որոշեց 2019 թվականի բյուջեում փոփոխություններ կատարելու միջոցով հատկացնել 110 միլիոն դրամ՝ Դավթաշեն եւ Նուբարաշեն վարչական շրջանների, ինչպես նաեւ երկու այլ վարչական շրջաններում գտնվող Հալաբյան ու Կիեւյան փողոցների արտաքին լուսավորության համակարգերի արդիականացման ծրագրի իրականացման համար: Վերջինս իրականացվելու է ՄԱԿ-ի զարգացման ծրագրի աջակցությամբ:  

«Երեւան քաղաքում կան որոշ տարածքներ, օրինակ՝ Մաշտոցի պողոտա, Իսակովի պողոտա, Ծիծեռնակաբերդի խճուղի, որտեղ լուսավորությունը փոխվել է «լեդ» լուսավորության եւ ստեղծվել է առանձին հաշիվ, որտեղ կուտակվել են խնայողությունները, ու այդ խնայողությունները օգտագործվելու են Երեւան քաղաքի այլ փողոցների լուսավորության համար: Այս պահի դրությամբ անցյալ տարի կուտակվել էր մոտավորապես 60 միլիոն դրամի չափով գումար, որն ուղղել ենք Բաբաջանյան եւ Շիրակ փողոցներում, ինչպես նաեւ Կիեւյան կամրջի եւ կամրջից մինչեւ Մոնթե Մելքոնյան փողոցն ընկած հատվածում «լեդ» լուսատուների փոփոխությանը»,- ասաց քաղաքապետի տեղակալ Հրաչյա Սարգսյանը:

Բայց ՄԱԿ-ի հետ համագործակցության շրջանակում նպատակահարմար է գտնվել փոփոխություններն իրականացնել համալիր մոտեցմամբ, որպեսզի յուրաքանչյուր վարչական շրջանում խնդիրները լուծվեն ամբողջությամբ եւ ոչ ըստ առանձին փողոցների: Ծրագրվում է Դավթաշենում եւ Նուբարաշենում նշված աշխատանքները ավարտին հասցնել ընթացիկ տարվա ավարտին:  

«Նրանք տրամադրել են համապատասխան մասնագետներ, որոնք վեց ամիսների ընթացքում մոդելավորել են այդ երկու վարչական շրջաններում բոլոր փողոցների լուսավորությունը եւ տրվել համապատասխան եզրակացություն, թե որ հենասյուներն են անհրաժեշտ տեղափոխել, որ փողոցում ինչ հզորությամբ լուսատու է հարկավոր դնել, որպեսզի մենք իրոք ունենանք նորմալ լուսավորություն»,- ասաց Հրաչյա Սարգսյանը:

Լուսատուների ձեռքբերումը կլինի ՄԱԿ-ի միջոցով: Երեւան համայնքը նախագծի իրականացման համար անհրաժեշտ գումարի 50 տոկոսը կվճարի միանգամից, մյուս հիսուն տոկոսը՝ մաս-մաս՝ 5 տարի ժամկետում: Խոսելով լեդ լուսատուների խնայողականության մասին, քաղաքապետի տեղակալը նկատեց, որ Երքաղլույսը էլեկտրաէներգիայի դիմաց տարեկան վճարում է 1 միլիարդ 400 միլիոն դրամ: Հաշվարկված է, որ ամբողջությամբ խնայողության ռեժմի անցնելու դեպքում այդ ծախսը կկրճատվի 60 տոկոսով:

«Մի խոսքով՝ Նուբարաշեն վարչական շրջանում բնակարանները սկսելու են թանկանալ»,- կեսկատակ արձագանքեց քաղաքապետ Հայկ Մարությանը, երբ տեղակալ Սարգսյանը վերը նշվածից բացի նաեւ ներկայացրեց, որ Նուբարաշենում պետք է 8 հա տարածք կանաչապատվի ու անտառատիպ վայր դառնա, որ աղբավայրը ցանկապատվելու է, որ հրաշալի ասֆալտ է արված եւ այլն:

Տպել
3347 դիտում

«Gazprom»-ը սկսել է գազով լցնել «Թուրքական հոսքի» խողովակաշարը

Փրկարարները Երեւանում եւ Եղվարդում հայտնաբերված օձերին տեղափոխել են անվտանգ տարածք

Աշտարակի ոստիկանները ապօրինի թմրաշրջանառության դեպքեր են բացահայտել (տեսանյութ)

ՀՀ ԱԳՆ-ն ողջունում է Ուկրաինայի խորհրդարանում Հայաստանի հետ բարեկամական խմբի ձևավորումը

Երևանի պատվավոր քաղաքացու կոչումը ստանալուց հետո Մանարյանը հուզմունքից համբուրում էր մեդալը

Հայաստանում եղանակը կցրտի մինչև 8 աստիճանով, սպասվում է անձրև և ամպրոպ

Հրդեհ Վարդենիս քաղաքում. այրվել է տան փայտյա տանիքը

«Ավրորա» ֆորումի մասնակիցներն այցելել են Ծիծեռնակաբերդ. Իրականացվել է «Հիշատակի ծառատունկ»

Փոխվարչապետ Մհեր Գրիգորյանը հանդիպել է ԱՄՀ հոլանդաբելգիական ենթախմբի գործադիր տնօրենի հետ

Հայկ Մարությանն ընդունել է Ստեփանակերտի նորընտիր քաղաքապետին

Այսօր կանցկացվի Խնձորի առաջին փառատոնը

Մեր սիրած կիրակին. Նիկոլ Փաշինյանն ընտանիքի հետ պիկնիկ է անում (տեսանյութ)

Արտաշատում հարազատների գերեզմանի մոտից հրազենային վնասվածքով հիվանդանոց է տեղափոխվել 35-ամյա տղամարդ

Մեր սիրած կիրակին. Աննա Հակոբյանը լուսանկար է հրապարակել

«Ավրորա»-ն դարձել է մեր՝ «Խաղաղության համար շնորհվող Նոբելյան Մրցանակը». Նիկոլ Փաշինյան

Հայկ Մարությանն ու Էրմիտաժի գլխավոր տնօրենն այցելել են Կարմիր բլուր հնավայր

Երևանի բոլոր վարչական շրջաններում գիշերը տոնական միաժամանակյա հրավառություն է եղել

Հրդեհ է բռնկվել Արագածոտնի մարզի Աղձք գյուղի մշակույթի նախկին տանը

Տեղեկությունները, թե «Գյումրու տուն-ինտերնատ»ի տարեց խնամյալները դուրս են հանվելու, կեղտոտ մանիպուլյացիա են. նախարար

Սյունիքի մարզում ՈւԱԶ-ը դուրս է եկել երթևեկելի գոտուց և հայտնվել ձորում. վարորդը հոսպիտալացվել է