Կառավարությունը փորձում է ամեն ինչ անել, որ որոշակի փոփոխություն լինի. Փամբուխչյանը՝ 2020-ից սպասվող փոփոխության մասին

Ինչպես գիտենք՝ 2020 թվականի հունվարի 1-ից ՀՀ-ում երրորդ երկրներից ներկրվող ավտոմեքենաների մաքսազերծման գինը բարձրանալու է մի քանի անգամ: 2015 թվականի հունվարից Հայաստանն անդամակցում է Եվրասիական տնտեսական միությանը եւ քանի որ ԵԱՏՄ-ում ապրանքների մաքսային դրույքաչափերն էապես ավել էին Հայաստանում գործող դրույքաչափերից, Հայաստանն իր անդամակցության առաջին տարիների համար շուրջ 780 ապրանքատեսակների մասով ստացավ ԵԱՏՄ մաքսային դրույքաչափերի ներդրման տարաժամկետում: Տարաժամկետումների զգալի մասը 5 տարով էր, եւ ԵԱՏՄ դրույքաչափերն ուժի մեջ կմտնեն 2020 թվականի հունվարից: Բարձրացումներից մեկը վերաբերում է թեթեւ մարդատար ավտոմեքենաների ներմուծման դրույքաչափին, որն էապես ավելանալու է: Ամենաշատը թանկանալու են 5 տարուց ավելի հին մեքենաները: 7 տարուց ավելի հին մեքենաների թանկացումն է՛լ ավելի մեծ է լինելու: Վերջերս հրապարակումներ եղան այն մասին, որ ՌԴ նախագահ Վլադիմիր Պուտինի հոկտեմբերին Հայաստան նախատեսված այցի շրջանակներում ՀՀ վարչապետ Նիկոլ Փաշինյանը այս հարցին նույնպես կանդրադառնա:

ՀՀ ԱԺ Տարածաշրջանային եւ եվրասիական ինտեգրման հարցերի մշտական հանձնաժողովի նախագահի տեղակալ Արմեն Փամբուխչյանը «Հայկական ժամանակ»-ի հետ զրույցում ասաց, որ իրենց հանձնաժողովում տեխնիկական կանոնակարգերի ընդունման հետ կապված քննարկումներ եղել են: «Քննարկումները պարբերաբար շարունակվում են, ուղղակի այստեղ մի հարց կա, քանի որ Հայաստանը նախապես ստանձնել է այդ պարտավորվածությունը եւ այս 5 տարիները եղել են արտոնյալ ժամանակահատված, հիմա այդ հարցը մենք բարձրացնում ենք, բայց կառավարությունների մակարդակով շատ իրատեսական չեմ համարում դա: Չնայած մեր կառավարությունը փորձում է ամեն ինչ անել, որպեսզի որոշակի փոփոխություն լինի: Ես դա քիչ հավանական եմ համարում՝ պայմանավորված նրանով, որ պարտավորվածություն կա ստորագրված, բայց ամեն դեպքում մենք խնդիրը գիտենք եւ բարձրացնում ենք այդ հարցը»:

Հարցին՝ 5 տարի առաջ այդ պարտավորվածությունները ստանձնելը արդյո՞ք ճիշտ էր, քանի որ դրանով ավտոներկրողները լուրջ խնդրի առաջ են կանգնելու, Փամբուխչյանը պատասխանեց. «ԵԱՏՄ-ի համագործակցության տրամաբանությունը հենց նրանում է կայանում, որ պետք է որոշ բաներ ընդհանուր լինեն՝ կանոնակարգեր, տեխնիկական կանոնակարգեր: Ու այդ տրամաբանության մեջ այստեղ հարցը ոչ թե ճիշտ եւ սխալն է, այլ մեր մասնակցությունը: Կարծում եմ, որ նախկին բանակցությունների ժամանակ պետք է այդ հարցերը բարձրացվեին: Մեր ղազախ գործընկերներն էլ շատ լավ տիրապետում են այս իրավիճակին եւ ասում են, որ այդ արտոնություններով փաստացի հայկական մեքենաներն ամբողջությամբ տեղափոխվում են Ղազախստան»:

Անդրադառնալով հարցին, թե Փաշինյան-Պուտին՝ հոկտեմբերին Հայաստանում սպասվող հանդիպման ժամանակ հնարավո՞ր է այս թեմային անդրադարձ կատարվի, Փամբուխչյանը պատասխանեց. «Անկեղծ ասած, ես չեմ կարծում, որ դա այդ մակարդակի հարց է: Կարծում եմ, որ օրակարգում ավելի լուրջ հարցեր կլինեն, բայց նաեւ չեմ բացառում, որ միգուցե այդ մասով քննարկումներ տեղի ունենան»:

Հարցին՝ գների բարձրացումը հնարավո՞ր էր ավելի մեղմացնել, որպեսզի մի քանի անգամ չբարձրանար, Փամբուխչյանը պատասխանեց. «Անհնարին միայն այն կլիներ, եթե մենք ընդհանրապես չմիանայինք ԵԱՏՄ-ին: Մնացածը հարցերը քննարկելի են: Բայց հիմա մենք ունենք փաստ եւ չենք կարող չհամակերպվել այդ փաստի հետ»:

Տպել
7148 դիտում

Ճնշում կա՞, թե չկա. «Իմ քայլի» պատգամավորն այդ հարցում վստահում է Հրայր Թովմասյանին

Արցախի պետնախարարն ընդունել է «Հանրային կապերի և տեղեկատվության կենտրոն» ՊՈԱԿ-ի պատվիրակությանը

Օհանավանի բնակիչը հրացանով կրակել է շան ուղղությամբ, դիպել է գյուղի 32-ամյա մի բնակչուհու

ԱԱԾ-ն պարզաբանում է՝ Հ. Թովմասյանի ազգականների հետ կապված ինչ գործողություններ են կատարվել եւ ինչու

Նախագահ Արմեն Սարգսյանը ստորագրել է Ազգային ժողովի ընդունած մի շարք օրենքներ

Պարեկային ոստիկանները բերման են ենթարկել մի տղամարդու, որի մոտ ատրճանակ ու դանակ է եղել (տեսանյութ)

Նիկոլ Փաշինյանի որոշմամբ Էկոնոմիկայի նախարարության գլխավոր քարտուղարն ազատվել է պաշտոնից

Սա իրավաբանություն չի. «Իմ քայլ»-ի պատգամավորը անհիմն է համարում ՍԴ-ի որոշումը

Դիլիջան քաղաքում այրվել են մոտ 4 հա անտառամիջյան չորացած տերևներ, 25 ծառի կոճղ և 2 չորացած ծառ

Երեւանում, «Գրանդ Սպորտ»-ի մոտ բախվել են 3 ավտոմեքենաներ. կա տուժած

Գյումրու «Թռչունյան տան» խնդրից տեղյակ եմ. Ռուբեն Վարդանյանը չի բացառում, որ աջակցություն կտրվի երեխաների կենտրոնին

Քաղբանտարկյալ Նիկոլ Փաշինյանի մոտից անգամ առգրավվել են թուղթն ու գրիչը, տեսակցության իրավունք չի եղել. Կարապետյան

ՆԱՏՕ-ի դիտորդական խումբը գնահատել է ՀՀ ԶՈՒ դաշտային հոսպիտալը

Տեղի ունեցավ Տիգրան Առաքելյանի հոգեհանգստի արարողությունը (տեսանյութ)

Գյումրու ծերանոցը լուծարվեց. աշխատակազմը կառավարության որոշումը բոյկոտում է

Էմանուել Մակրոնը մտադիր է Անգելա Մերկելի և Բորիս Ջոնսոնի հետ միասին հանդիպել Էրդողանին

ՀՀ զինված ուժերում ստեղծվել է կին զինծառայողների խնդիրներն ուսումնասիրող նոր ստորաբաժանում

Ադրբեջանցի հաքերները ՀՀ վարչապետի պաշտոնական կայքի էջերից մեկում գրել են «Ղարաբաղն Ադրբեջան է». Կ. Վրթանեսյան

Երեւանի հասարակական տրանսպորտի աշխատանքը գնալով վատթարանում է. փոխվարչապետի մոտ քննարկում է եղել նոր ցանցի վերաբերյալ

Թուրքիան խախտում է հրադադարի պայմանավորվածությունը. Սիրիան հայտարարել է 13 զոհի, 70 տուժածի մասին