Կարո՞ղ ա վաղն էլ բարձրացնեք ձեր հարեւանի տանը մնացած աղջկան ամուսնացնելու հարցը. Գեւորգ Պետրոսյանը՝ Ն․ Բաղդասարյանին

«Ձերբակալված եւ կալանավորված անձանց պահելու մասին» Հայաստանի Հանրապետության օրենքում լրացում կատարելու մասին օրինագիծն Ազգային ժողովում քննարկելու ժամանակ որպես հարակից զեկուցող ելույթ ունեցող «Իմ քայլը» խմբակցության պատգամավոր Նիկոլայ Բաղդասարյանը բուն թեմայից բացի՝ խոսեց նաեւ Սահմանադրական դատարանի դատավոր ընտրված Վահե Գրիգորյանի հայտարարության մասին, ըստ որի՝ ՍԴ-ն այսօր ունի ընդամենը երկու դատավոր:

Նիկոլայ Բաղդասարյանը, մասնավորապես, նշեց, որ իրենց ընդդիմադիր խմբակցությունների իրավաբանները մամուլում տեսակետ են արտահայտել Սահմանադրության անցումային դրույթների 213-րդ հոդվածի վերաբերյալ, որտեղ ասվում է հետեւյալը. «Մինչեւ Սահմանադրության 7-րդ գլխի ուժի մեջ մտնելը նշանակված Սահմանադրական դատարանի նախագահը եւ անդամները շարունակում են պաշտոնավարել մինչեւ իրենց լիազորությունների՝ 2005 թվականի փոփոխություններով Սահմանադրությամբ սահմանված  ժամկետի ավարտը»: Ըստ Բաղդասարյանի՝ այստեղ կա լեզվաբանական եւ իրավական խնդիր․

«Լեզվաբանականն այն է, որ Սահմանադրության հեղինակները, ենթադրում եմ, բաց են թողել միտքը, որտեղ պետք է արձանագրված լիներ, որ իրավունքի ուժով ՍԴ անդամները շարունակելու են պաշտոնավարել որպես ՍԴ դատավորներ»:

Բաղդասարյանը նկատեց, որ եթե ընդդիմադիրները հղում են անում մի իրավական ակտի՝ նախորդ Սահմանադրությանը, որն ուժը կորցրած է, այդ դիսպոզիցիան արդեն իրավական հետեւանքներ չի առաջացնում.

«Այսօր ՍԴ-ում չունենք երկու դատավորից ավելի դատավորներ, հետեւաբար, նույն Սահմանադրությամբ ղեկավարվելով, գործադիր իշխանությունը պետք է կատարի այն գործողությունը, որպեսզի վերականգնվի ՍԴ իրավասությունները որոշում կայացնելիս»:

ԲՀԿ խմբակցության պատգամավոր Գեւորգ Պետրոսյանը վրդովվեց, որ հարակից զեկուցողը «շեղվել է» բուն թեմայից․

«Ես ուզում եմ հասկանալ, թե ձեր ելույթն ինչ կապ ունի նախագծի հետ: Այսինքն դուք մեր ժամանակն եք վատնում, ինքնադրսեւորման հարց եք լուծում: Կարելի՞ է իմանալ, թե ի՞նչ կապ ունի ՍԴ նոր ընտրված դատավորի եւ ինքնահռչակ նախագահի էդ պրպտումների վերծանումն այս նախագծի հետ: Կարո՞ղ է այս տրամաբանությամբ առաջ գնաք ու վաղը ասենք աշխատանքային օրենսգրքի կամ հողային օրենսգրքի քննարկման ժամանակ հընթացս բարձրացնեք այն հարցը, որ ձեր հարեւանի աղջիկը տունն է մնացել եւ ոնց անեք, որ ամուսնացնեք: Ի՞նչ է նշանակում այս ծաղրը ԱԺ-ի նկատմամբ, ո՞վ է ձեզ նման բան թույլ տվել»:

Նիկոլայ Բաղդասարյանն արձագանքեց՝ ասելով, որ չի ավարտել միտքը եւ կապը ցույց կտա․

«Այս նախագիծը պայմանավորված է բացառապես ՍԴ-ի որոշմամբ, եւ արդյոք եթե մենք չունենք ՍԴ դատավորներ, դա կարո՞ղ է իրավական հետեւանքներ առաջացնել մեզ համար: Ես ուզում եմ շատ հստակ նշել, որ այո, կարող են առաջացնել, որովհետեւ գոյություն ունի իրավական անվտանգության խնդիր: Եթե մենք ասենք, որ չենք ունեցել ՍԴ դատավորներ, ապա արդյոք մենք պարտավո՞ր ենք կողմ քվեարկել այս նախագծին: Այո, պարտավոր ենք, հակառակ դեպքում կխաթարենք սահմանադրական իրավունքի գոյությունը, եթե դեմ քվեարկենք այն պատճռաբանությամբ, որ չունենք ՍԴ դատավորներ: Մենք դրանով կխախտենք իրավական անվտանգության սկզբունքը»:

Երբ Բաղդասարյանը բացատրեց, թե ՍԴ դատավորների մասին իր խոսքն ինչ կապ ուներ նախագծի հետ, Գեւորգ Պետրոսյանն այլեւս չարձագանքեց՝ միայն նշելով, թե լռությունը լավագույն արձագանքն է։

Նիկոլայ Բաղդասարյանը պատասխանեց. «Եթե չէիք արձագանգում, պետք է լռեիք: Մենք պետք է ոչ թե գնանք առճակատման, այլ գնանք նրան, որ կարողանանք այսօր ձեւավորել Սահմանադրական դատարան»:

Գեւորգ Պետրոսյանը Բաղդասարյանի խոսելու ընթացքում սկսեց տեղից ինչ-որ բաներ բղավել, որին ի պատասխան՝ ԱԺ փոխնախագահ Ալեն Սիմոնյանն ասաց, որ Պետրոսյանը կարող է ելույթ ունենալ, ոչ թե տեղից խոսել․

«Ելույթ ունեցեք, ի՞նչ է նշանակում տեղից խոսել»,-ասաց Սիմոնյանը:

Տպել
5525 դիտում

Այս տարի Գյումրին լինելու է Հայաստանի անկախության տոնակատարությունների կենտրոնը․Նիկոլ Փաշինյան

Գյումրիում մեկնարկել է քաղաքի օրվան նվիրված տոնական համերգը (լուսանկարներ, ուղիղ միացում)

Կրակոցներ Երեւանում․ կա 1 զոհ եւ վիրավորներ․ հայտնաբերվել են պարկուճներ, դանակներ․ Shamshyan.com

Գյումրին հայի համար աշխատասիրության, տաղանդի ու ոգու քաղաք է․ Կոմանդոսը մասնակցում է Գյումրու օրվա տոնակատարությանը

Հավանաբար այս տարվա ընթացքում կունենանք ժամանակացույցը՝ 2 տարի է, 3 թե 4․ Շիրակի մարզպետը՝ տնակների խնդրի մասին

Հենց նոր մի հետաքրքիր տեղեկություն իմացա. Նիկոլ Փաշինյան

Լարված վերջաբան Գյումրիում. Փյունիկը 1-3 հաշվով պարտվեց «Շիրակին»

Լուծարվող գիշերօթիկների աշխատակիցները վարչապետի հետ չկարողացան խոսել

Գյումրին պետք է դառնա Երեւանին մրցակից. Ֆելիքս Ցոլակյանը մասնակցում է Գյումրու տոնի միջոցառումներին (լուսանկարներ)

Մենք 21-րդ դարում ենք, բայց մեր ունեցած տեխնիկան 20-րդ դարի է. Ֆելիքս Ցոլակյան

Նիկոլ Փաշինյանը եւ Աննա Հակոբյանը պարում են Գյումրու Ռուսթավելի փողոցում (տեսանյութ)

Հոկտեմբերի 11-ին նախատեսված է Գյումրու ավտոմաքսատան բացումը․ Դավիթ Անանյան

Փաշինյանն ընտանիքի հետ մասնակցում է Գյումրու տոնի միջոցառումներին (ֆոտոռեպորտաժ)

«Քաղաքի օր» տոնակատարության շրջանակում շահագործման հանձնվեց Շիրազի փողոցը. բացմանը ներկա էր վարչապետը (տեսանյութ)

«Մալաթիա մոլի» շենքում բռնկված հրդեհը մարվել է

Գյումրու օրվա տոնական միջոցառումներին է միացել վարչապետ Նիկոլ Փաշինյանը (լուսանկարներ, տեսանյութ)

Գյումրին բոլոր հարցերում յուրահատուկ տեղ ունի․ ԱԺ փոխնախագահ Ալեն Սիմոնյանը մասնակցում է «Քաղաքի օր» միջոցառմանը

Չապնի եւ Սեւաքար գյուղերում անօդաչու թռչող սարքերով հետազոտվել են հրդեհի օջախները․ 110 բնակիչ տարհանվել է

Գյումրիում մեծ տոնախմբություն է. նշվում է քաղաքի օրը (լուսանկարներ)

Երեւանյան բնակարանում հայտնաբերվել է ԱԱԾ նախկին աշխատակցի դին, կողքին՝ ատրճանակ. Shamshyan.com