Հարթագյուղում մոր կողմից խեղդամահ արված երեխային հայտնաբերել են կնոջ երկրորդ ամուսինն ու սկեսուրը. նոր մանրամասներ

Լոռու մարզի Հարթագյուղ գյուղում ուրբաթ երեկոյան մոր կողմից 7-ամյա աղջնակին խեղդամահ անելով սպանելու լուրը ցնցեց ողջ հանրապետությունը: Հիշեցնենք, որ Հարթագյուղում ժամը 19:00-ի սահմաններում հարեւանները ահազանգել էին համայնքապետին, այնուհետ նաեւ իրավապահներին:

Ահազանգով դեպքի վայր ժամանած ոստիկանության խումբը գյուղի տներից մեկում հայտնաբերել էր 7-ամյա Կ.Կարապետյանի դին, իսկ նրա կողքին՝ մորը՝ 30-ամյա Աննա Կարապետյանին, որը, ըստ ականատեսների, ձեքին պահած է եղել մահացած մոր մեծադիր նկարը:

Մայրը 7-ամյա աղջկան խեղդամահ էր արել մահճակալի մեջ:

Կնոջ կողքին հայտնաբերվել էին նաեւ դեղորայքի դատարկ տուփեր: Իրավապահների ահազանգով դեպքի վայր ժամանած շտապօգնության խումբը դեղորայքային թունավորման կասկածանքով կնոջը տեղափոխել էր Սպիտակի բժշկական կենտրոն, ժամեր անց արդեն՝ Երևան:

Հարթագյուղի համայնքապետ Անդրանիկ Հարությունյանի խոսքով՝ կատարվածի մասին իրեն զանգահարել է կնոջ հարեւանուհին. «Անմիջապես եկա տուն, տանն էին նաեւ կնոջ երկրորդ ամուսինն ու մայրը, իրենք ինձնից 10 րոպե առաջ էին եկել, հենց իրենք էլ հայտնաբերել էին»,-պատմեց համայնքի ղեկավարն ու հավելեց, որ ինքն է իրավապահներին տեղեկացրել կատարվածի մասին:

Գյուղապետը դժվարանում է նշել կատարվածի վարկածները, ասում է՝ երկար տարիներ գյուղում չէր բնակվում, ամուսնացել ու աղջկա հետ տեղափոխվել էր Երեւան. «Անցած տարի մի անգամ է եկել գյուղ՝ մի քանի ժամով: Դեպքի օրն էլ, ցերեկը ժամը 2-ի սահմաններում է գյուղ եկել աղջկա հետ, մի կես ժամ մնացել է ու երեւի իր սեւ գործն արդեն արել, հետո ժամը 18:00-ի սահմաններում իջել է գյուղ՝ ամուսնուն ու սկեսրոջը գյուղի մատուռի մոտ դիմավորելու»:

Համայնքի ղեկավարը պատմում է, որ մահացած երեխան կնոջ առաջին ամուսնուց է եղել, որը մահացել է 2 տարի առաջ. «Ինքը ամուսնացել է Երեւանում, նոր ամուսինն էլ 2 երեխա ուներ, համատեղ ապրել են, իսկ առաջին ամուսինը մեր գյուղից էր»,-ասաց նա:

Կնոջ երկրորդ ամուսինը գյուղապետի հետ զրույցում պատմել է, որ կնոջ հետ նորմալ ընտանեկան կյանք են վարել, որեւէ տարօրինակ բան չի նկատել նրա մոտ:

Դեպքի վայր առաջինը մտած հարեւանը համայնքապետին պատմել է, որ մտնելով տուն՝ տեսել է երեխային խեղդամահ արված ու բազմոցին դրած, իսկ մայրը անտարբեր հայացքով նստած է եղել երեխայի անշնչացած մարմնի մոտ: Կնոջ կողքին նաեւ ճնշման դեղերի տուփեր են թափված եղել:

Սպիտակի բժշկական կենտրոնի տնօրեն Արսեն Մկրտչյանը ՀԺ-ին հայտնեց, որ կնոջը դեղորայքային թունավորում ախտորոշմամբ են ընդունել իրենց մոտ: Առաջին բուժօգնություն են ցուցաբերել ու տեղափոխել Երեւան, վիճակը բավարար է եղել: Երեկ արդեն նա դուրս է գրվել Արմենիա բժշկական կենտրոնից ու տեղափոխվել ոստիկանության Սպիտակի ձերբակալվածների պահման վայր:

Փաստի առթիվ նույն օրը հարուցվել է քրեական գործ ՀՀ քր.օր.-ի 104 հոդվածի 1-ին մասով: Նշանակվել են մի շարք փորձաքննություններ, այդ թվում՝ դատահոգեբանական: Իրավապահներն իրականացնում են լայնածավալ գործողություններ՝ պարզելու համար՝ արդյոք կինն ունեցել է հոգեկան խնդիրներ եւ արդյոք գրանցված է եղել որեւէ հաստատությունում:

Մեր տեղեկություններով՝ նախաքննական մարմինը նրան այսօր մեղադրանք կառաջադրի եւ միջնորդությամբ կդիմի դատարան կնոջ նկատմամբ որպես խափանման միջոց կալանավորումը ընտրելու վերաբերյալ:

Լուսանկարը՝ Shamshyan.com-ի

Տպել
6935 դիտում

Ոստիկանի նկատմամբ բռնություն գործադրելու եւ գողության մեջ մեղադրվող երիտասարդը մեղադրանքը մասնակի է ընդունել. պաշտպան

Ձնահյուսի վտանգի պատճառով Ստեփանծմինդա-Լարս ավտոճանապարհը փակ է բոլոր մեքենաների համար

Ֆրեզնոյում գտնվող Սարոյանի տուն-թանգարանում թարմացված հոլոգրամի առաջին ցուցադրությունն է եղել

ՀՀ նախագահը ստացել է ՀՀ ՌՈ պետին եւ ԶՈՒ բարձրաստիճան պաշտոնյային պաշտոններից ազատելու մասին միջնորդագրերը

Լոռու մարզպետարանում խորհրդատուի 2 հաստիք է բացվել, նշանակվել են մարզպետի վստահելի մարդիկ. դիպլոմ չունենալը էլ խնդիր չէ

ՔԿ զինվորական քննչական գլխավոր վարչության պետն ընդունել է մահացած զինծառայող Տիգրան Մխոյանի հարազատներին

Ֆելիքս Ցոլակյանը երեխաներին է նվիրում «Աղետների ռիսկի նվազեցման կրթություն» վարքականոնների մասին գրքեր

Հզոր «Լիվերպուլը» ոչ մի հարված չի կատարել «Ատլետիկոյի» դարպասին. պարտվել է 0:1 (տեսանյութ)

Խոզերի կերի մեջ հայտնաբերվել են աղիքային խմբի մանրէներ և բորբոսասնկեր. ՍԱՏՄ

Հրդեհ Լերմոնտովո գյուղի բնակելի տներից մեկում. տուժածներ չկան

Նորին Մեծություն Դանիայի թագուհի Մարգրետե Երկրորդն ընդունել է ՀՀ ԱԺ նախագահ Արարատ Միրզոյանին

Փետրվարի 13-ին 3-րդ հարկից ընկած 1,5 տարեկան փոքրիկի վիճակը լավ է, շաբաթվա վերջում դուրս կգրվի

Պաշտպանի աջակցությամբ ՀՀ քաղաքացուն նշանակվել է ՌԴ-ում ծնված երրորդ երեխայի 1 միլիոն դրամ նպաստը

Երեկ դանակահարված անչափահասներից մեկի վիճակը միջին ծանրության է, մյուսինը՝ կայուն

Սերժ Սարգսյանի եւ մյուսների գործով առաջին նիստի օրը հայտնի է

Քրեական ենթամշակույթն ու դրա օրենքները ստեղծում են հանցավոր միջավայր. քննարկում գլխավոր դատախազությունում

Ա. Սարգսյանն ընդունել է Չինաստանի դեսպանին, ստացել Չինաստանի նախագահի շնորհակալությունը

ՊԵԿ-ը 2020 թվականի հունվար ամսին պետական բյուջե է հավաքագրել 161 մլրդ 879 մլն դրամ հարկեր

24 ժամով դադարեցվում է Լոռու մարզի համայնքների մեծ մասի ջրամատակարարումը

Նախարարությունը 50.000 գիրք կտրամադրի դպրոցների գրադարաններին