Երեւանում տեղի է ունեցել ամերիկահայ երաժիշտ Շահան Արծրունու բարեգործական համերգը

23/06/2019 schedule13:23

Երեկ Արամ Խաչատրյանի տուն-թանգարանում տեղի ունեցավ ամերիկահայ անվանի դաշնակահար-կոմպոզիտոր Շահան Արծրունու՝ արդեն ավանդույթ դարձած դարձած բարեգործական համերգը, որն ամփոփում էր մաեստրոյի` վարպետության դասերով ուղեկցվող մարզային շրջագայությունը։

Հունիսի 1-ից Արծրունին վարպետության դասեր եւ համերգներ է իրականացրել Գորիսում, Ստեփանակերտում, Կապանում, Արգավանդում, Դիլիջանում, Վանաձորում եւ Աշտարակում։ Դրանց ընթացքում իրենց լավագույնը դրսեւորած մարզային երաժշտական դպրոցների աշակերտները գալա համերգին ելույթ ունեցան անվանի դաշնակահարի հետ:

«Այս համերգաշարերը նպատակ ունեն ներկայացնելու եւ քաջալերելու Հայաստանի եւ Արցախի երաժշտական դպրոցների շնորհալի սաներին։ Ես նպատակ ունեմ երիտասարդ սերնդին փոխանցելու իմ գիտելիքներն ու վարպետությունը, ճանաչելի դարձնելու նրանց եւ զարգանալու նոր հնավարություն ընձեռնելու»,- ասում է մաեստրո Արծրունին։

Կատարումների ցանկը ներառում էր Արամ Խաչատրյանի, Կոմիտասի, Շոպենի, Շուբերտի, Ալեքսանդր Սպենդիարյանի, Էդվարդ Միրզոյանի, Ծովինար Հովհաննսիյանի, Խաչատուր Ներսիսյանի ու Արամն Սաթյանի գործերից։

Համերգի վերջում Հայ օգնության ֆոնդը շնորհակալագիր հանձնեց Շահան Արծրունուն՝ տարիներ շարունակ պատանի երաժիշտներին աջակցելու, իր գիտելիքներն ու փորձը փոխանցելու համար։ Անվանի դաշնակահարը, ի երախտագիտություն երկար տարիների բարեկամության եւ աջակցության, մրցանակ ստացավ նաեւ Արամ Խաչատրյանի տուն թանգարանից։

Մարզային համերգաշարի գլխավոր կազմակերպիչը Հայ օգնության ֆոնդն է, որը, համագործակցելով ՀՀ Մշակույթի եւ Արցախի մշակույթի ու երիտասարդության հարցերի նախարարությունների հետ, կազմել էր հագեցած ու տպավորիչ ծրագիր։

Շահան Արծրունին ծնվել է Ստամբուլում։ Նախակրթարանն ավարտելուց հետո 1964թ մեկնել է Նյու Յորք՝ Ջուլիարդ քոլեջում մասնագիտական կրթությունը շարունակելու համար, եւ հաստատվել է այնտեղ։ Նրա ոգեշնչման աղբյուր են հանդիսացել Կոմիտասը, Արամ Խաչատրյանը, Ալան հովհաննեսն ու Էդվարդ Միրզոյանը։ Արծրունին տեսական ուսումնասիրություններ է արել հայկական երաժշտության արմատների բացահայտման ուղղությամբ, զարգացրեկ դաշնամուրային կատարողական արվեստը։ Նա համերգներով է հանդես եկել աշխարհի տարբեր երկրներում՝ ներկայացնելով հայ երաժշտությունը։

Մարդասիրությունն ու բարեգործությունն արվեստագետ Արծրունու գործունեության կարեւոր մասն է։ Նա բազմիցս է հանդես եկել բարեգործական համերգներով՝ օգնելու ու աջակցելու համար Հայաստանում ապրող խոցելի խմբերին՝ տարեցներին ու երեխաներին։  

Անվանի երաժշտին՝ որպես բարձրակարգ դաշնակահար, ըստ արժանվույն գնահատել են օտարազգի այնպիսի կոմպոզիտորներ, ինչպիսիք են Ջորջ Քրամբը, Լուիս Թալման, Ուիլյամ Մայերը եւ այլք։ Նրա մասին հոդվածներ են տպագրվել «The New York Times», «Fanfare», «Musical America», «American Record Guide», «La  Nacion», «Cumhuriyet» եւ այլ թերթերում ու պարբերականներում։

Տպել
451 դիտում

Տավուշի մարզի Բագրատաշեն բնակավայրում այրվել է ավտոմեքենա

ՀՀ ոստիկանությունը երեք օրում բացահայտել է հանցագործության 104 դեպք

Հրշեջ-փրկարարները երեկ մարել են մոտ 11.9 հա խոտածածկ տարածքներում բռնկված հրդեհները

Վթարի պատճառով 3 ժամ ջուր չի լինելու Գեղարքունիքի մի քանի համայնքում

Հրաչյա Պապինյանը թողնում է Ալավերդու քաղաքային թատրոնի գեղարվեստական ղեկավարի պաշտոնը

Թթուջուր և Չքնաղ գյուղերի դաշտամիջյան հատվածում տեղի է ունեցել վթար. կան վիրավորներ

Երևանի թիվ 200 դպրոցը կկրի Լեոնիդ Ազգալդյանի անունը

Շիրակի մարզպետարանի սոցիալական ապահովության բաժնի տեսուչը բռնվել է կաշառք ստանալու պահին

26-ամյա աղջիկը «խիստ հուզմունքի մեջ» ինքնասպանություն գործելու նպատակով քացախաթթու է խմել

Իջեւանի բախումների գործով կալանավորված մեղադրյալի դեմ ցուցմունք տված ոստիկանը վրեժխնդի՞ր է եղել. հին հաշիվներ ունեն

Հուլիսի 30-ին ու օգոստոսի 2-ին դատարանը վճիռ կհրապարակի. փաստաբանը՝ «ՍԵՔՅՈՒՐԻԹԻ ԴՐԻՄ»-ից ազատված աշխատակիցների մասին

Երևանի մետրոպոլիտենում կլինեն նաև կայարանների անվանումներով անգլերեն ցուցանակներ

Կան մարդիկ, որոնք ցանկացած պատճառաբանություն բերում են, միայն թե օրինական դաշտ չմտնեն. Վահագ Ռաշ

Գյումրիում աղբատարի վարորդի՝ նռնակի պայթյունից վնասվածք ստանալու դեպքով քննություն է կատարվում

Արարատ գյուղում մասամբ այրվել են մեքենաներ եւ 50 քմ խոտածածկույթ

Էջմիածնում 57-ամյա տղամարդը թափառող շների սպանդն իրականացրել է սեփական հրացանով

Կառավարությունը կփոխհատուցի «խելացի» անասնաշենքերի կառուցման ծախսերի մի մասը (տեսանյութ)

Ucom-ի աջակցությամբ կայացած «Արմաթ» տեխնոճամբարին մասնակցել է ավելի քան  400 դպրոցական

Արցախում է Պարի համաշխարհային խորհրդի փոխնախագահ Ստանիսլավ Պոպովը

Զարեհ Սինանյանը հանդիպել է Ռուսաստանի ազգությունների գործերի դաշնային գործակալության ղեկավարի տեղակալի հետ