Այսօր միասնական քննություն անցկացվեց երկու առարկայից. քննակենտրոնի բակում էր նաեւ ԿԸՀ նախագահ Տիգրան Մուկուչյանը

Այսօր՝ հունիսի 21-ին, անցկացվեցին հերթական միասնական քննությունները, այս անգամ՝ հայոց պատմություն եւ քիմիա առարկաներից:

Ինչպես ավանդաբար բուհերի ընդունելության բոլոր քննությունների ժամանակ ու բոլոր քննական կենտրոններում, Երեւանի համար 11 դպրոցում տեղակայված քննակենտրոնի բակում էլ բազմաթիվ ծնողներ էին հավաքված, որոնք կիզիչ արեւի տակ ժամեր շարունակ սպասում էին դիմորդ երեխաներին՝ փորձելով իրենց այդ ներկայությամբ հեռակա աջակցել ու ոգեւորել նրանց: Դպրոցի տարածքում հանդիպեցինք նաեւ Կենտրոնական ընտրական հանձնաժողովի (ԿԸՀ) նախագահ Տիգրան Մուկուչյանին: Նա ասաց, որ դուստրը նույնպես քննություն է հանձնում: Դիմել է Երեւանի պետական համալսարանի իրավագիտության ֆակուլտետ: Նախորդ երկու առարկաների քննությունից՝ հայերենից ու անգլերենից, ստացել է համապատասխանաբար 20 եւ 19 միավոր:

«Մասնավոր պարապել է: Դպրոցի գիտելիքները եւս եղել են շատ բարձր, բավարար: Բուհի համար լրացուցիչ պարապում են, իհարկե: Դպրոցում ըստ էության ստանում են իրենց գիտելիքները, բայց, բնական է, ավելի խորը գիտելիքներ ունենալու համար լրացուցիչ պարապելն այսօր առկա է»,- մեր դպրոցներում ստացած գիտելիքի ու բուհի ընդունելության քննությունների բովանդային խզվածքին անդրադառնալով՝ ասաց Տիգրան Մուկուչյանը:

Նրա ղեկավարած մարմնի կողմից կազմակերպվող ընտրությունների ընթացքին բնորոշ ձեւակերպմամբ՝ հետաքրքրվեցինք՝ քննություններն ազատ, արդար ու թափանցի՞կ են: «Թափանցիկ չե՞ն: Թափանցիկ են»,- պատասխանեց նա:

Ինչ վերաբերում է մեզանում առկա մշակույթին, որ ծնողները երեխաներին անպայման ուղեկցում են քննության, ԿԸՀ նախագահը, որն, ի դեպ, ծառայողական մեքենայով էր, արձագանքեց. «Մեզ մոտ այնպես է ձեւավորված, որ յուրաքանչյուր պարագայում էլ ծնողները միշտ երեխաների հետ են՝ անկախ տարիքից: Եվ թերեւս դա է պատճառը, որ քննությունների ժամանակ ծնողներն ուղեկցում են երեխաներին, սպասում անհամբեր: Բնական է, դրսում երեխաների հետ ըստ էության նույն ապրումներով սպասում են նրանց: Գուցե նրանց համար շատ ավելի հեշտ է լինում քննասենյակում, քան սպասողների համար»:

Քննական կենտրոնից դիմորդները դուրս էին գալիս՝ հուզմունքը հիմնականում դեռ չհաղթահարած: Թեստային առաջադրանքների վերաբերյալ շատերի գնահատականը նույնն էր՝ միջին բարդության էին:

Սլավոնական համալսարանի իրավաբանության ֆակուլտետ դիմած Լաուրա Ալեքյանն ասաց. «Թեստերը նորմալ էին, առաջադրանքները շտեմարանից էին, բայց ինչ-որ բարդություն ունեին, տարբերություններ կային: Նաեւ բարդերն էին ընտրվել համեմատաբար: Ու ընտրված էին այն հարցերը, որոնք առարկայի գիտելիքի ստուգման համար մի քիչ սխալ է թեստում ընդգրկելը: Օրինակ՝ զորքի թվի մասին, որ ընդհանրապես պետք չէ: Ասենք մ.թ.ա. տեղի ունեցած պատերազմների ժամանակ զորքի քանակը դժվար թե պատմական գիտելիք ստուգելու համար անհրաժեշտ տեղեկություն լինի: Այդ տեսակ հարցերը բավականին շատ էին: Իսկ ընդհանուր առմամբ լավ էր»:

Կրկնուսույցի մոտ նա հայոց պատմություն է պարապել երեք տարի: Դիմորդը նկատեց, որ դասագրքերը թերի են, հակառակ դեպքում սա այն առարկան է, որ հնարավոր կլիներ քննության ներկայանալ առանց մասնավոր պարապելու:

«Տրամաբանական կապը վերջին տարիների, հատկապես՝ 11-12-րդ դասարանի դասագրքերում, չի պահպանվում, սովորողները պետք է պատմական հոտառություն ունենան, որ կարողանան գլուխ հանել դասագրքերից: Մասնավոր պարապելը այնքանով է օգուտ, որ այդ դասագրքում գրվածը բացատրվում է ավելի հանգամանալից ու ավելի հասանելի է դառնում»,- փաստեց ապագա իրավաբանը:

Մեկ այլ դիմորդ Էլինա Հովհաննիսյանը, որն, ի դեպ, մասնավոր դասեր չի առել, նկատեց. «Թեստերը միջին բարդության էին: Առաջադրանքները բոլորը շտեմարանից էին: Դասագիրքն, իհարկե, շտկումների կարիք ունի, բայց հիմնականում նորմալ է: Նախորդ տարվա թեստերը շատ հեշտ էին թե պատմություն, թե անգլերեն առարկայից: Ամեն առումով շատ հեշտ էին: Ինձ թվում է՝ դա կապված էր այդ տարի քիչ դիմորդ լինելու հետ»: Էլինան դիմել է ԵՊՀ տուրիզմի բաժին: Կարծում է, որ Հայաստանում զբոսաշրջությունը զարգանում է ու դա պահանջված մասնագիտություն է: Թե հետագայում հատկապես ինչ գործունեություն է ծավալելու զբոսաշրջության ոլորտում, կորոշի բուհում ուսումնառության տարիներին:

ԵՊՀ միջազգային հարաբերությունների ֆակուլտետ դիմած Գեւորգ Մադաթյանն էլ կարծիք հայտնեց, որ հայոց պատմություն առարկայի դասագրքերը չեն համապատասխանում շտեմարաններին, որովհետեւ առաջինները ծավալուն են: «Որ ասեմ՝ թեստը շատ հեշտ էր, սուտ կլինի: Նորմալ աստիճանի վրա էր: Ամեն ինչ նորմալ էր ընթանում: Բայց որոշ առաջադրանքներ կային, որ փոխված էին: Թեստերը շտեմարանից են, իսկ շտեմարանը չի համապատասխանում դասագրքին, որովհետեւ շատ ծավալուն է: Առարկան շատ ծավալուն է մեզ ներկայացվում, կան ավելորդ բաներ, որ կարող էին այդքան չմանրանալ: Դրա համար դժվար է, պիտի մի քիչ թեթեւացնեն դասագրքի ծավալը, որպեսզի համապատասխանի շտերամարանին, եւ ըստ դրա էլ կազմեն քննությունների թեստերը: Քննությունը շտեմարանով պիտի լինի, ուրիշ կերպ դժվար լինի»,- կարծիք հայտնեց դիմորդը:

Այսօր անցկացված երկու քննությունների համար մարզերում ու Երեւանում գործել է 18 քննական կենտրոն: 1289 հոգի հայտագրվել է հայոց պատմություն հանձնելու համար, իսկ 978-ը՝ քիմիա:

Տպել
2879 դիտում

Եթե Սերժ Սարգսյանը հրաժարվի գալ Ապրիլյան պատերազմի քննիչ հանձնաժողով, դա կլինի քաղաքական ինքնասպանություն. Ա. Քոչարյան

Գյումրիում կրկին տոն էր, իսկ քաղաքի փողոցներով քայլում էին «Ավրորայի» հերոսները, բարերարներ, Ազնավուրի որդին

1-ին զորամիավորման ուսումնական կենտրոնում անցկացվել են հավաքներ

Մխիթար Հայրապետյանն ընտրվել է Երևանի շախմատի ֆեդերացիայի նախագահ՝ փոխարինելով Տարոն Մարգարյանին

Վարչապետը ներկա է գտնվել արցախյան թեմային նվիրված «Դրախտի դարպասը» ֆիլմի պրեմիերային

Հրդեհ «Դիլիջան ազգային պարկ» ՊՈԱԿ-ի տարածքում. 60 ծառի կոճղ է այրվել, ջերմահարվել՝ 20 հաճարենի

Կառավարությունը «Ryanair»-ին ոչ մի 5 միլիոն էլ չի տալու. ինչո՞վ է պայմանավորված ավիատոմսերի էժան գինը

Քաղաքապետ Հայկ Մարությանը հանդիպել է Մեծ Բրիտանիայի լորդերի պալատի անդամ Արա Դարզիի հետ

Դավիթ Տոնոյանը և ԵՄ հատուկ ներկայացուցիչը քննարկել են ԼՂ հակամարտության հետ կապված հարցեր

Փաշինյանը և Ճապոնիայի վարչապետի հատուկ խորհրդականը քննարկել են ենթակառուցվածքների զարգացման ծրագրերը

Սա մեր երկրի նկատմամբ միջազգային հանրության մեծ վստահության վկայություն է. վարչապետը ՀՀ-ի՝ ՄԱԿ-ում ընտրվելու մասին

Հայաստանը 144 ձայնով ընտրվել է ՄԱԿ Մարդու իրավունքների խորհրդի անդամ 2020-2022 թթ. համար. ԱԳՆ

Նոյեմբերյանի ոստիկանները ապօրինի ծառահատումներ են բացահայտել (տեսանյութ)

Թուրքերի ռազմական օպերացիան Փայլանը որակել է որպես տեղահանություն և ցեղասպանության փորձ

Երեւանի բժշկական քոլեջում տեղի ունեցած հանելուկը. մեկ տուժած շմոլ գազից թունավորմամբ տեղափոխվել է հիվանդանոց

Առաջին անգամ եմ նման տեսակետ լսում. Իվետա Մուկուչյանը՝ իր ու Բեյոնսեի տեսահոլովակների նմանության մասին

Վարչապետը հարգանքի տուրք է մատուցել երեկ գիշեր ծառայության ընթացքում սպանված ոստիկանին (տեսանյութ)

Նախորդ մեկ ամսում Երեւանում այրվել է 10 աղբաման. վերջին դեպքով քաղաքացին ինքնախոստովանական ցուցմունք է տվել

«Էրեբունի-Երևան 2801» տոնակատարության միջոցառումների կազմակերպման համար փակ կլինեն մի շարք փողոցներ

«ԱԺ-ն իրավասու չէ տվյալ հարցով դիմելու ՍԴ». հրապարակվել են Հրայր Թովմասյանի հարցով դիմումի մերժման հիմքերը