Իմ ընդդիմադիր գործունեության ընթացքում դուք չեք գտնի մի նախադասություն, որ իշխանությունից որեւէ լծակ ուզենամ․ վարչապետ

Կառավարություն-ԱԺ հարց ու պատասխանի ժամանակ ԲՀԿ խմբակցության պատգամավոր Սերգեյ Բագրատյանն այսօր դիմեց վարչապետին՝ ասելով, թե նա տարիներ շարունակ պայքարում էր, որպեսզի իշխանությունները հավասարակշռված կառավարում իրականացնեն եւ պնդել է, որ իշխանությունը պետք է ընդդիմությանը փոխանցի կառավարման վերահսկիչ ֆունկցիաները․

«Պատրա՞ստ եք այսօր տարիների ձեր պայքարն իրականացնելու, մասնավորապես Պետական վերահսկողական ծառայությունն ու Հաշվեքննիչ պալատը փոխանցելու ընդդիմության կառավարմանը եւ իրականացնելու պետականության կայացմանն ուղղված առաքելությունը»,-ասաց Բագրատյանը՝ նշելով, որ քանի որ օրենսդիրի ու գործադիրի հարցը մեկ ուժը լուծել է, դատականն էլ ընթացքի մեջ է, ժամանակն է մտածել ընդդիմության դերակատարության մասին։ Բագրատյանն իր ասածը համեմատեց ֆուտբոլային խաղի հետ՝ ասելով, թե չունենալ իր ասած կառավարումը, կնշանակի խաղ մեկ դարպասի վրա, իսկ այդպիսի խաղերը, ինչպես նկատեց պատգամավորը, անվավեր են համարվում։

Վարչապետն իր պատասխանում ասաց, որ չի հիշում, թե երբեւէ խոսել է ԱԺ-ում ընդդիմությանը վերահսկողական լծակներ տալու անհրաժեշտության մասին․

«Եթե չեմ սխալվում՝ ինձնից երկու շարք առաջ նստող քաղաքական ուժն էր սովորաբար այդ հարցի մասին խոսում»,- ասաց Փաշինյանը՝ ձեռքով ցույց տալով ԼՀԿ խմբակցությանը։

Փաշինյանը հիշեցրեց, որ նախորդ հարցուպատասխանից հետո ինքը պարտավորություն է ստանձնել, որ ՏՄՊՊՀ-ում եւ ՀԾԿՀ-ում ընդդիմությանը տրամադրվեն տեղեր, եւ ինքը ներկայացնի թեկնածուին, ինչից հետո ԲՀԿ-ն հրաժարվեց առաջարկից՝ պատճառաբանելով, որ ինքը շարքային անդամներ նկատի չի ունեցել, այլ հանձնաժողովի նախագահներին։

Երրորդ հերթին՝ վարչապետը նկատեց, որ տարօրինակ է հնչում՝ վարչապետին առընթեր Պետական վերահսկողական ծառայությունը հանձնել ընդդիմությանը․

«Ասենք՝ վարչապետի խորհրդականների եւ օգնականների ինստիտուտի մասի՞ն ինչ կարծիքի եք: Արժե՞ այսպիսի գաղափար քննարկել, որ վարչապետի օգնականները լինեն բոլորը ընդդիմությունից»,-ասաց նա։

Ինչ վերաբերում է Հաշվեքննիչ պալատը ընդդիմությանը հանձնելուն՝ Փաշինյանն ասաց, որ այն անկախ մարմին պետք է լինի, միջազգայնորեն է այդպես․

«Լավ չի հնչում՝ ՀՊ-ն հանձնել ընդդիմությանը»,-ասաց նա։

Ընդդիմության ու իշխանության գործառույթները բալանսավորելու մասով վարչապետն ասաց, որ ՀՀ-ում հաստատված է ազատ ընտրությունների մեխանիզմ, եւ ցանկացած ուժ ունի հնարավորություն վերցնելու այնքան լծակներ՝ ինչքանով ժողովուրդն ուզում է նրան օժտել։ Ըստ վարչապետի՝ այդ մեխանիզմը ՀՀ-ում լիարժեք աշխատում է, եւ դրանով ընդդիմությունը ՏԻՄ-երում եւ տարբեր մարմիններում լծակներ ունենալու հնարավորություն ունի։

Սերգեյ Բագրատյանն արձագանքեց, որ ցանկացած մարմին, նաեւ ՊՎԾ-ն կարելի է փոփոխել եւ ստանալ անկախ մարմին, խնդիրը պետական կառավարման համակարգում կարեւոր գործառույթ իրականացնող մարմնի մասին է, եւ ինքն այս հարցը տալիս է ոչ թե նախկին իշխանությանը, այլ հենց Նիկոլ Փաշինյանին, քանի որ վերջինս արդեն անցել է ընդդիմության ճանապարհը։

Վարչապետը եւս մեկ անգամ պնդեց, որ ինքը նման բան չի ասել․

«Իմ ընդդիմադիր գործունեության ընթացքում դուք չեք գտնի մի նախադասություն, որ իշխանությունից որեւէ լծակ ուզենամ, բացառվում է, այդպիսի բան չի կարող լինել։ Ես միշտ գտել եմ, որ ընդդիմադիր լինելով ինքս ինձանով վերահսկում ունեմ, ինձ պետք չի որեւէ «պեչատ» լինի իմ ձեռքին»,-ասաց Փաշինյանը՝ ընդգծելով, որ խորհրդարանն այսօր լավ չի պատկերացնում, թե ինչքան ուժեղ վերահսկողական լծակներ ունի․

«Էդ ճանապարհով գնացող ընդդիմությունը դառնում է կոմֆորմիստ, այնպես որ՝ խորհրդարանն ունի անհրաժեշտ վերահսկողական լծակներ»։

Տպել
2577 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան