Բակո Սահակյանը և Արկադի Ղուկասյանը միջնորդության փոխարեն պետք է վկայություն ներկայացնեին. կարծում է մարտի 1-ի զոհի այրին

19/06/2019 schedule17:53

Մարտի 1-ի զոհերից Հովհաննես Հովհաննիսյանի այրին՝ Լիլյա Մինասյանը, Վերաքննիչ դատարանում այսօր կարծիք հայտնեց, որ Արցախի գործող ու նախկին նախագահներ Բակո Սահակյանը եւ Ակադի Ղուկասյանը պետք է ոչ թե Ռոբերտ Քոչարյանի կալանքը փոխելու միջնորդություն ներկայացնեին դատարան, այլ հանդես գային որպես վկա ու պատասխանեին հարցին, թե ինչպես Ղարաբաղից զորք բերվեց Հայաստան:

Ռոբերտ Քոչարյանի եւ մյուսների գործով դատական նիստում ելույթ ունենալով՝ Լիլյա Մինասյանը նշեց.

«Հովհաննես Հովհաննիսյանի կինն եմ, որը զոհվել է 46 տարեկանում, որը կռվել է Ղարաբաղի համար, ունի պարգեւատրում, կարմիր գրքույկ: Ինքը պայքարել է Ղարաբաղի համար, բայց տեսեք իր հայրենիքում ղարաբաղցին կրակում է իր վրա: Ինչի համար, որ հերո՞ս է:

Նույնիսկ այնքան անխիղճ են գտնվել, որ զոհերի քառասունքի օրը տեղափոխեցին, սարքեցին 36 օր, քանի որ Սերժը իր կեղտոտ, արյունոտ ձեռքը պետք է դներ գրքի վրա: Նույնիսկ այդ պահը չեն հարգել: Ոնց կարելի է ներել, ես ինքս չեմ հասկանում: Ես մնացել եմ իմ երեխեքի հույսին, ինչու պետք է ես այդ տարիքում ամուսին կորցնեի, որ սպասեմ՝ ով ինձ պետք է պահի: Ինչու համար, որ հերո՞ս եմ ունեցել, որ պայքարե՞լ է: Ամբողջ կյանքում ինքը պայքարել է, որ Ղարաբաղը մերն է, մերը պետք է լինի, բոլորի հետ վիճում էր, որ մի կտոր հացը չէր փոխի ոչնչի հետ, միայն Ղարաբաղը մերը լինի, ու այսօր ինչի է հասել, հուշարձանի՞: Ինչու համար, որ լա՞վ մարդ է եղել, որ մեծատառով կոնդեցի՞ է եղել, որ մեծատառով ապարանցի՞ է եղել, որ այդ թասիբն ու նամուսը ունեցող մա՞րդ է եղել, որ ղարաբաղցի՞ չէր, որ ղարաբաղցին կարող էր իր հայրենիքի մեջ իրեն կրակե՞լ:

Ամեն արձանների մոտով անցնելիս ասում էր՝ ա՛յ, մարդ սենց պետք է հերոս լինի, ովքեր հերոս էին: Ինչի՞ համար, էսօր իր արձանը պետք է կանգնեցնե՞ն: Հերո՞ս, ինչի համար: Որ իմանաս պատերազմ է, որ իմանաս թուրքն է եկել, որ իմանաս ինչ-որ մեկի դեմն ես կանգնում, գնաս կռվես, իսկ այսօրվա օրով Բակո Սահակյանը, Արկադի Ղուկասյանը չեն իմացել՝ ոնց է Ղարաբաղից զորք եկել Հայաստան, գալիս միջնորդություն են ներկայացնում: Ոչ, նրանք վկայություն պետք է ներկայացնեին՝ ոնց են զորք իջեցրել ներքեւ, ում դեմ, հայերի՞, հայը հայի՞: Ես չեմ հասկանում՝ հիմա թուրքին մեղադրեմ, թե հային: Ոչ թուրք են, ոչ հայ են»:

Մարտի մեկի զոհի իրավահաջորդ Լիլյա Մինասյանը հավելեց, որ դատաբժշկական փորձաքննության եզրակացության համաձայն, ամուսնու օրգանիզմում ալկոհոլ չի եղել, բայց չնայած դրան՝ Եվրադատարանին իշխանություններն այլ տեղեկություններ են տրամադրել: «Դատական բժիշկների եզրակացության մեջ գրված է՝ օրգանիզմում ալկոհոլ չկա, Աղվան Հովսեփյանը, Սերժ Սարգսյանը գրում են՝ հարբած է եղել: Նախ հարբածը ինքը մարդ է, երկրորդը՝ ինչ կապ ունի՝ ով է եղել, ու երրորդը՝ անատոմիկումը գրում է՝ օրգանիզմում ալկոհոլ չկա, ու պատասխանը նորից գնում է Եվրադատարան՝ հարբած է եղել: Ստին ի՞նչ ասես»,- դատարանին փոխանցեց նա:

Տպել
1643 դիտում

«Հյուսիս-Հարավ»-ի գործով մեղադրյալ, «Մուլտի Գրուպ» կոնցեռնի տնօրենը 20 մլն դրամ գրավի դիմաց ազատ է արձակվել

Կդադարեցվի Ծաղկաձորի մի շարք օբյեկտների եւ Արագածոտնի մի շարք գյուղերի գազամատակարարումը

Արարատի մարզում աղջկա համար վիճաբանությունն ավարտվել է դանակահարությամբ. 2 անձ տեղափոխվել է հիվանդանոց. Shamshyan.com

Կրակել են կարմիրգրքյան Սեւ արագիլի վրա, որից Հայաստանում ընդամենը վեց զույգ կա. Նաիրա Զոհրաբյան

Մանվել Գրիգորյանը պաշտոնը դադարեցնելիս 6 անշարժ գույք եւ 9 ավտոմեքենա ավելի է ներկայացրել, քան պաշտոնը ստանձնելիս

Վարչապետ Նիկոլ Փաշինյանն արդեն Լոս Անջելեսում է

Կապանում 3 կգ-անոց գազի բալոնից տեղի է ունեցել գազի արտահոսք՝ հրդեհի բռնկմամբ․ մի քաղաքացի այրվածքներ է ստացել

Այսօր ցրտել է, սակայն առաջիկա օրերին զգալի տաքանալու է․ Գագիկ Սուրենյան

Հրշեջ-փրկարարները մարել են մոտ 59.5 հա խոտածածկ տարածք ընդգրկող 47 հրդեհ

Մեղադրանք է առաջադրվել «Վերածնունդ» միջազգային մրցույթ-փառատոն» ՀԿ նախագահին

Մարտի մեկը պետք է քննություն անցնի, ես կարծեմ 2009-ին ցուցմունք չեմ տվել. Խաչատուր Սուքիասյան

«Ամուլսարի հանքի շահագործմանը փայլուն եմ վերաբերում». Խաչատուր Սուքիասյան

Պետք է զարգացնենք հայոց պետականության նվիրական արժեքը. Արման Թաթոյան

100 փաստերը չեն տալիս ելակետային տվյալներ, որպեսզի համեմատություններ անցկացվեն. Վարդանյան

Փոխվարչապետ Ավինյանն Ուրբասեր ընկերության պատվիրակության հետ քննարկել է բիզնես և ներդրումային միջավայրի հարցեր

ՀՀ պաշտպանության նախարարն ընդունել է Բելառուսի զինված ուժերի գլխավոր շտաբի պետին

Հայաստանի ազատ ոճի ըմբիշները ձեռնունայն կվերադառնան Աշխարհի առաջնությունից

Ադրբեջանում գտնվող Ղազարյանները պետք է վերադարձվեն Հայաստանին. Զոհրաբ Մնացականյան

Ծանրամարտի Աշխարհի առաջնություն. Իզաբելա Յայլյանը 6-րդն է B խմբում

Վարչապետը շնորհավորական ուղերձ է հղել Մալթայի վարչապետին Անկախության օրվա կապակցությամբ