Պետբյուջեն ծախսային մասով թերակատարվել է 5,3 տոկոսով կամ շուրջ 80 մլրդ դրամով․ Բաբկեն Թունյանը՝ ֆինանսների նախարարին

Պետական բյուջեն ծախսային մասով թերակատարվել է 5,3 տոկոսով կամ շուրջ 80 մլրդ դրամով: Պետք է հստակ գնահատական լինի՝ դա ինչքան զսպող ազդեցություն է ունեցել մեր տնտեսական աճի վրա։ Այս մասին այսօր ԱԺ-ում բյուջեի կատարողականի ժամանակ դիմելով ֆինանսների նախարար Ատոմ Ջանջուղազյանին՝ ասաց «Իմ քայլը» խմբակցության պատգամավոր, տնտեսական հարցերի հանձնաժողովի նախագահ Բաբկեն Թունյանը՝ հետաքրքրվելով՝ այդ գնահատականը կա՞․

«Այդ ծախսերի թերակատարումը պայմանավորված էր վարկային միջոցների կոռուպցիոն ռիսկերով, այդ ռիսկերի վնասն ու տնտեսական աճի վրա բացասական ազդեցությունը իրար համադրելի՞ են։ Ես ծարավ եմ եւ ուզում եմ ջուր խմել ու կասկած ունեմ, որ այդ ջուրը կարող է՝ թունավոր է, հիմա ի՞նչ անեմ, ես էդ ջուրը չխմեմ, ծարավից վատանա՞մ, թե՞ ամեն դեպքում հաշվի առնելով ռիսկը՝ խմեմ։ Այս երկուսի համեմատական գնահատականներն ունե՞ք»,- հավելեց Թունյանը։

Ի պատասխան՝ Ջանջուղազյանն ասաց, որ անբավարար ֆինանսավորումը կազմել է հակաբյուջետային զսպման խթանման 2,3 տոկոսը: Նախարարի խոսքով՝ ամեն տարի ունեցել ենք քրոնիկական ցածր ցուցանիշներ՝ մեկ կամ երկու տարվա բացառությամբ, երբ ծախսերը, հակառակը, գերակատարվել են․

«Հիմա ունենք առավելագույն սահման։ Եթե ուշադրություն դարձնենք՝ կատարողականը զգալիորեն ցածր է եղել։ Չեմ կարծում, թե բոլոր տարիների համար դա պետք է բացատրվի հնարավոր կոռուպցիոն ռիսկերի գործոնով, հետեւաբար 2018 թվականի համար դա հիմնական գործոն դիտարկել՝ տեղին չէ։ Որ դեր է ունեցել, այո, ես ասացի՝ ունեցել է, որ որոշ մաս ընդհանրապես վերաիմաստավորվել է եւ գնահատվել է, որ պետք չի էդ ծախսը անել, դա էլ է տեղի ունեցել, բայց ես ձեռնպահ կմնայի ընդհանրական գնահատական տալ, որովհետեւ յուրաքանչյուր ծրագրի համար պետք է վերցնել իր բացատրությունը»,-ասաց նախարարը։

Նա նկատեց, որ կանխատեսումների ժամանակ են գերագնահատված եղել ծրագրերը․

«Մենք միշտ ուզում ենք ավելին, բայց, ավաղ, ոչ միշտ է ավելին ստացվում»։

Բաբկեն Թունյանն արձագանքեց, որ ծախսերի թերակատարումը կոռուպցիոն ռիսկերով պայմանավորելը կառավարությունն է ներկայացրել․

«Էս հարաբյուջետային ազդակի հետ կապված՝ 2,3 տոկոսը նշանակում է մոտ 250 մլն դոլարի չափ արդյունք չի ստեղծվել տնտեսության մեջ։ Պարզ է, որ ամբողջը չի կարող պայմանավորված լինել կոռուպցիոն ռիսկերով, բայց գոնե դրա ո՞ր մասն է՝ ըստ ձեր գնահատականի։ Այսինքն՝ կարող ե՞նք ասել, որ կեսն է՝ 120 մլն դոլարը, ու կարող ե՞նք ասել, որ կոռուպցիոն ռիսկերն էս 120 մլն դոլարից շատ էին, այսինքն՝ մենք կասկածում էինք, որ էսքան կարող է գողանային, դրա համար էլ էս ծախսերը չեն կատարվել»,- հստակեցրեց պատգամավորը։

Ջանջուղանյանն ասաց, որ չի կարող նման բան ասել․

«Մենք ասել ենք, որ դա որպես գործոն դեր խաղացել է, եւ դրա պատճառով որոշ ծրագրեր հետաձգվել են, դադարեցվել են, եւ հետեւաբար դեր խաղացել է, բայց որ ասենք, թե դրանով է պայմանավորված․․․էդ ծրագրերից փոքր մասն է, որ 2018-ին է նախաձեռնվել, դրանց մեծ մասը ավելի վաղ էին նախաձեռնվել, հետեւաբար, եթե գործ ունենք չավարտված ծրագրերի հետ, չեմ կարող հստակ թվային գնահատական տալ, ներեցեք»,- եզրափակեց Ջանջուղազյանը։

Տպել
1626 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան