Երեկվա եւ այսօրվա միջեւ ես ընտրում եմ վաղը․ Արման Բաբաջանյանը պաշտպանում է Վահե Գրիգորյանի թեկնածությունը

Սահմանադրական դատարանի դատավորի քվեարկությունից է կախված Հայաստանում դատաիրավական համակարգի բարեփոխումների հետագա ընթացքը ու ճակատագիրը։ Այս մասին այսօր Ազգային ժողովում ՍԴ դատավորի ընտրության հարցի քննարկման ժամանակ իր ելույթում ասաց ԱԺ «Լուսավոր Հայաստան» խմբակցության պատգամավոր Արման Բաբաջանյանը:

Նրա խոսքով՝ Հայաստանի դատական համակարգում ստեղծված իրավիճակը իշխող ուժի մեկամյա «արխայնության, անգործության» հետեւանքն է․

«Այսօր այս Ազգային ժողովի պարտականությունն է ավելի քան 20 տարի առաջ մեր երկրում բույն դրած քրեաօլիգարխիկ համակարգին սպասարկող դատական իշխանություն կոչված կամ կոչվող որջը վերադարձնել ժողովրդին եւ անել հնարավոր ամեն ինչ, որպեսզի Հայաստանի դատական իշխանությունն անշրջելիորեն իր բոլոր դատական ակտերն ու որոշումները բխեցնի միայն ժողովրդի իշխանությունից եւ հռչակի բացառապես հանուն Հայաստանի Հանրապետության», - հայտարարեց Բաբաջանյանը:

Ըստ պատգամավորի՝ ՀՀ-ում դատաիրավական բարեփոխումները անհրաժեշտություն են, այն դեպքում երբ առանձին գործով ի ցույց տրվեց դատական համակարգի ճղճիմությունը, կախյալ վիճակը՝ նկատի ունենալով Ռոբերտ Քոչարյանի եւ մյուսների գործով դատավոր Դավիթ Գրիգորյանի որոշումը՝ գործը կասեցնելու եւ ՍԴ ուղարկելու մասին:

«Լինենք անկեղծ եւ իրերը կոչենք իրենց անուններով՝ հեղափոխությունից մեկ տարի անց մեր երկրի ինքնիշխանությունն ու պետականությունը նվաստացրած քրեաօլիգարխիկ համակարգի կնքահայրը ապացուցեց, որ ի զորու է ազդել դատարանների վրա ու ստանալ իր համար ցանկալի որոշումներ: Այդ մեղադրյալը դա շարունակում է ապացուցել նաեւ այսօր՝ դատարանում ցուցադրելով ցինիզմի հասնող ինքնավստահություն՝ բարոյական եւ հոգեբանական ճնշում գործադրելով դատարանի վրա: Եւ ահա հենց այս պայմաններում մենք ընտրում ենք Սահմանադրական դատարանի դատավոր, որը կոչված է հակազդել դատական համակարգում Ռոբերտ Քոչարյանի կնքահայրությամբ հաստատված եւ Սերժ Սարգսյանի կողմից խորացված անարխիայի տարածմանը: Այս քննարկումն ու քվեարկությունը ոչ թե իրավական, այլ ամբողջությամբ քաղաքական ակտ է, հետեւաբար մեր դրդապատճառները ու եզրահանգումները նույնպես պետք է ունենան քաղաքական բովանդակություն եւ հիմնավորում», - հայտարարեց Բաբաջանյանը:

Նա ասաց՝ անկեղծ է ուզում լինել եւ, որ ՍԴ դատավորի ընտրության հարցը իր համար քաղաքական հավատամքի ու ինքնության հարց է: Հիշեց իր ազատազրկման տարիները ու ասաց.

«Ես ուրախ եմ, որ բացի Վահե Գրիգորյանից՝ ձեր մեջ չկա այն մարդը, ով սեփական մաշկի վրա է զգացել ու ապրել այդ տարիների սարսուռը Հայաստանի ազատազրկման վայրերում: Բայց ես անկախ իմ կամքից, այստեղ ներկայացնում եմ այն հարյուրավոր, հազարավոր քաղաքացիներին, ովքեր մարդատյաց դատավորների որոշումների հետեւանքը կյանքով ու առողջությամբ են վճարել: Շատերն էլ ուղղակի դրանից խուսափելու համար արտագաղթել են մեր երկրից: Ի դեպ, օրերս ձեր մարզպետներից մեկը այդ իշխանության անկյունաքարերից մեկին աղուհացով էր դիմավորում, փոխվարչապետը ինչ-որ տոնախմբություն էր նրա հետ իրականացնում։ Սա՝ իմիջիայլոց»:

Պատագամավորը հիշեց, որ Սերժ Սարգսյանը նախաձեռնեց սահմանադրական փոփոխությունները՝ իրենց իշխանությունը պահելու համար։ Նրա պնդմամբ՝ մոլորություն է մտածել, որ նախկին իշխանությունները իսպառ հեռացել են, հետեւաբար, այսօրվա ընտրությունը ընդամենը հնարավորություն է թույլ չտալ, որ այդ իշխանությունների պարագլուխները վերադարձի հույս ունենան․

«Հեղափոխությանը հաջորդած ավելի քան մեկ տարվա ընթացքում մենք պարբերաբար, գրեթե անընդհատ ականատես ենք դառնում հին ու նոր Հայաստանների բախմանը: Հետեւաբար, երեկվա եւ այսօրվա միջեւ ես ընտրում եմ վաղը»,- եզրափակեց Արման Բաբաջանյանը։

Տպել
6556 դիտում

Ապրիլյան պատերազմի ժամանակ բանակն իր առջեւ դրված խնդիրը կատարել է․ ճակատագրական սխալներ չեն եղել․ Սեյրան Օհանյան

Ռուստամ Բադասյանն ընդունել է Միացյալ Թագավորության դեսպանության գործերի ժամանակավոր հավատարմատար Դեյվիդ Մորանիին

Դեղերի փորձագիտական կենտրոնի տնօրեն է նշանակվել Վիլեն Գաբրիելյանը

Կեղծ թղթադրամներով գնումներ արած երիտասարդը կալանավորվել է․ ոստիկանություն (տեսանյութ)

Աշխատանքի ընդունե՞լն էր անօրինական, թե՞ ազատելը. ուսուցչին աշխատանքից 2-րդ անգամ են ազատել

Սեյրան Օհանյանը ԱԺ նախագահին այցելել է քաղաքավարությունից եւ բարեկրթությունից ելնելով․ քաղաքական հարցեր չեն քննարկել

Արմեն Հարությունյանն ընդունել է ՄԱԿ-ի Պարենի համաշխարհային ծրագրի հայաստանյան գրասենյակի ներկայացուցիչներին. ԱԻՆ

ԲԴԽ-ն առաջարկում է Սահմանադրական բարեփոխումների հանձնաժողովում ընդգրկել Վիգեն Քոչարյանին

«Պարտեզ» ռեստորանի մոտ տեղի ունեցած զինված միջադեպի գործով 7 մեղադրյալի մասով նախաքննությունն ավարտվել է

Վարդենյաց լեռնանցքը բաց է բոլոր տիպի ավտոմեքենաների համար, իսկ Սոթք-Քարվաճառ ավտոճանապարհը՝ դժվարանցանելի. ԱԻՆ

911 հեռախոսահամարով 1824 քաղաքացու տրվել է բժշկական խորհրդատվություն. ԱԻՆ

Տոկիո 2020-ից ընդամենը 6 ամիս առաջ ձյուդոյի Եվրոպայի չեմպիոն Կարապետյանը կոտրվածքի պատճառով բացակայելու է

Մեկնարկել է «1991 ստորաբաժանում» ծրագրի նախապատրաստական դասընթացը. հայտ էր ներկայացրել 17-23 տարեկան 400 երիտասարդ

Հայտնի են Սահմանադրական բարեփոխումների հանձնաժողովում ընդգրկվող իրավաբանների ու ՀԿ ներկայացուցիչների անունները

Թեհրան-Երեւան-Թեհրան երթուղով փոխադրումներ իրականացնող մարդատար ավտոբուսը վթարի է ենթարկվել

Քաղավիացիայի կոմիտեն «Ռայանէյր»-ի ղեկավարներին տեղեկացրել է Միլան-Երևան չվերթի խնդիրների մասին

Հենրիխ Մխիթարյանն 9-րդ անգամ ճանաչվեց Հայաստանի լավագույն ֆուտբոլիստ

Սեյրան Օհանյանն արդեն երկու ժամից ավելի է՝ Ապրիլյան պատերազմի հանգամանքները քննող հանձնաժողովի նիստին է մասնակցում

«Սորոսի հիմնադրամ»-ը չի ֆինանսավորել նախարարի, փոխնախարարների, «Մել» ֆիլմն ու «Հուզանք ու զանգ»-ը

Վարդան Մինասյանը՝ Հայաստանի 2019 թ. լավագույն մարզիչ