Մանվել Գրիգորյանի հետ առնչվող սրճարանի տարածքի վարձակալը հրաժարվել է 6 մլն դրամ վարձավճար վճարելուց

Վերջերս Արմավիրի մարզի Էջմիածին քաղաքի քաղաքապետ Դիանա Գասպարյանը ֆեյսբուքյան իր էջի միջոցով տեղեկացրել էր, որ 2003 թվականին Մանվել Գրիգորյանի մերձավորները, իսկ իրականում Մանվել Գրիգորյանը, քաղաքապետարանի դիմացի տարածքում սրճարան կառուցելու համար քաղաքապետարանից տարածք են վարձակալել՝ 25 տարի ժամկետով, տարեկան մոտ 23 հազար դրամ վարձավճարով: Գասպարյանը նշել էր, որ ցանկանում է վարձակալության չափը սահմանել տարեկան 7 մլն դրամ եւ դրա մասին վարձակալներին տեղյակ է պահվել: Իսկ քաղաքացիներին Գասպարյանը կոչ է արել այդ սրճարանից ոչինչ չգնել եւ բոյկոտել նրանց աշխատանքը: Գասպարյանը նշել է, որ այդքան գումար վարձակալները չեն համաձայնվի վճարել եւ իրենք կկարողանան միակողմանի լուծել պայմանագիրը:

«Հայկական ժամանակ»-ի հետ զրույցում Դիանա Գասպարյանն ասաց, որ անցած տարի հայտնի իրադարձություններից հետո այդ սրճարանը չէր աշխատում, իսկ այս տարի արդեն սկսել էին կահավորանքի գործընթացը: Գասպարյանը նշեց, որ հաշվի առնելով քաղաքում տիրող տրամադրությունները՝ հորդորել է, որ եթե քաղաքացիները ցանկանում են իրենց բացասական վերաբերմունքն արտահայտել, ապա դա կարող են անել այդ սրճարանից ոչինչ չգնելով:

«Ես իմ պաշտոնի հետ կապված որեւէ պարտադիր կատարում ենթադրող հրահանգ, ցուցում չեմ տվել: Դա ուղղակի կոչ է եղել: Մարդիկ ազատ են՝ կարող են հետեւել, կարող են չհետեւել»,- ասաց Գասպարյանը:

Հարցին, թե վարձավճարը բարձրացնելու առաջարկի վերաբերյալ ինչ-որ պատասխան ստացե՞լ է, Գասպարյանը պատասխանեց. «Վարձակալը տեղեկացվել է այն մասին, որ վարձատուն՝ քաղաքապետարանը, մտադիր է կադաստրային արժեքի 100 տոկոսի չափով հարկել այդ տարածքը եւ մենք արդեն ստացել ենք իրենց պատասխանը: Այն ըստ էության կարելի է դիտարկել, որպես մերժում՝ մեր սահմանած վարձավճարին: Մնացածը ենթադրում է արդեն դատական պրոցես պայմանագիրը խզելու համար»:

Գասպարյանն ասաց, որ ցանկանում են վարձավճարը դարձնել մոտ 6 մլն դրամ: «Քանի որ քաղաքի սրտում է այդ սրճարանը, ամենակարեւոր հատվածներից է, ու քանի որ գրոշներով էր այն վարձակալված, մենք որոշել ենք բյուջե այդպես բերել այնքան գումար, ինչքան որ իմ գնահատմամբ՝ առնվազն արժե այդ տարածքի վարձակալության գինն է»:

Գասպարյանն ասաց, որ տարածքը կահավորելը առաջացրել է քաղաքացիների վրդովմունքը եւ մտահոգությունը, որ կարծես թե սրճարանն ուզում են գործարկել:

«Քաղաքապետարանը նաեւ թույլտվություն չի տվել այդտեղ գործողություններ ծավալելու»,- ասաց Գասպարյանը: Հարցին՝ հնարավոր է նաեւ թույլտվությո՞ւն չտրամադրեն, Գասպարյանը պատասխանեց. «Երբ ներկայացնեն, արդեն կքննարկենք»:

Անդրադառնալով հարցին, թե արդյո՞ք սա միակ տարածքն է, որը նույն շրջանակները վարձակալությամբ էին վերցրել նմանատիպ ցածր գներով, Գասպարյանը ասաց. «Իհարկե, ոչ: Մենք դեռեւս անցած տարի հայտարարեցինք, որ Հատուկ քննչական ծառայության վարույթում գտնվող քրեական գործի շրջանակներում բազմաթիվ վկաների ցուցմունքներով հաստատվել էր, որ մի շարք տարածքներ կամ աճուրդով օտարվել էին կամ մրցույթի արդյունքով վարձակալության էին տրվել Մանվել Գրիգորյանի մերձավորներին կամ նրա հետ կապվող անհատներին եւ ընկերություններին: ՀՔԾ-ն հաստատված էր համարել, որ մրցույթներն ու աճուրդները որպես այդպիսին չեն կայացել, ֆիկտիվ են եղել, հանձնաժողովի անդամներ են եղել, որոնք առհասարակ այդտեղ չեն եղել: Եղել են ստորագրություններ, որը իրենցը չի եղել: Սակայն հաշվի առնելով, որ բավական ժամանակ էր անցել, քրեական պատասխանատվության ենթարկելու վաղեմության ժամկետն էր լրացել, այդ մասով գործերը կարճվել էին: Այդ քրեական գործի հիման վրա այն ժամանակ տարածքային կառավարման ու զարգացման նախարարությունը մեզ մոտ ստուգումներ անցկացրեց եւ դա նաեւ իրենց կողմից արձանագրվեց: Պատրաստվում են դիմել դատարան՝ այդ գործարքները առոչինչ ճանաչելու պահանջով»:

Գասպարյանն ասաց, որ քաղաքապետարանն ամեն կերպ աջակցում է Էջմիածնում բիզնեսի կայացմանը:

Հարցին՝ 1 տարվա ընթացքում ամբողջ կլանային համակարգերը վերացե՞լ են, քաղաքապետը պատասխանեց. «Եթե խոսում ենք դասական իմաստով կլանի մասին. կլաններն առնվազն իրենց նպատակներին հասնելու համար պետք է վայելեն իշխանությունների հովանավորչությունը, այդ իմաստով կարող եմ վստահեցնել, որ որեւէ խումբ Էջմիածնում առավելություն կամ հովանավորչություն չի վայելում ու որեւէ մեկը մյուսից առավել չէ: Քաղաքային իշխանությունների մակարդակի իմաստով վստահաբար հովանավորչություն չկա եւ քաղաքապետարանը բոլորի նկատմամբ դրսեւորում է անաչառ վերաբերմունք: Այլ իմաստով կլանների վերաբերյալ որեւէ մեկնաբանություն չեմ կարող անել, որովհետեւ դա արդեն իրավապահ մարմինների տիրույթում է, եթե մենք խոսում ենք արդեն հանցավոր կլանի երեւույթների մասին»:

Տպել
1027 դիտում

ՀԱՕԿ-ը եւ ՀԸՖ-ն երբեք չեն միջամտել մարզչական որոշումներին. Ռոբերտ Խաչատրյան

ՍԴ որեւէ անդամ հրաժարականի դիմում այդպես էլ չներկայացրեց Ազգային ժողով

Եվրոպայի փոխչեմպիոն մարմնամարզիկ Արթուր Դավթյանն օլիմպիական խաղերում հանդես է գալու 2 վարժությունում

Տարեցների եւ երեխաների խնամքի շուրջօրյա հաստատություններում կարանտին է հայտարարվել. այն կշարունակվի երկու շաբաթ

Քիչ առաջ հանդիպեցի «Այո»-ի նկարի հեղինակներից Ստեփան Նարոյանի դստեր եւ կնոջ հետ. Սուրեն Պապիկյան

ԱԺ փոխնախագահ Ալեն Սիմոնյանը հանդիպել է ՀԱՊԿ գլխավոր քարտուղարին

ՀՀ եւ Վրաստանի պաշտպանության նախարարության միջեւ ստորագրվեց 2020 թվականի ռազմական համագործակցության ծրագիրը. Տոնոյան

Մահացել է հուշարձանագետ Սամվել Կարապետյանը

ՀՀ մարմնամարզության այս տարվա առաջնությունը տարբերվում է նախորդներից. ՀՀ հավաքականի գլխավոր մարզիչ

Բակո Սահակյանը խորհրդակցություն է հրավիրել Արցախում կորոնավիրուսի տարածման կանխարգելմանն ուղղված աշխատանքների հարցով

Մայրն ահազանգում է, որ ինքն ու սեռական բռնության ենթարկված իր երեխան վտանգի մեջ են. կոտրել են նրա մեքենան

Տեքստիլի արտադրության հայկական առաջատարները մասնակցում են «CPM 2020 – Collection Premiere Moscow» ցուցահանդեսին

Աշտարակում բացվել է «Քամանչայի թանգարան եւ Գաստրոբակ» յուրատեսակ վայրը

Ալեքսան Պետրոսյանի ազատ արձակման որոշման դեմ Դատախազության բողոքը մերժվել է

Ահազանգ է ստացվել, որ Սյունիքի մարզի երկու դպրոցներում փակցված է վարչապետ Նիկոլ Փաշինյանի նկարը. Մխիթար Հայրապետյան

Հայտնի է՝ ինչու է լեգենդար ֆուտբոլիստ Դել Պիեռոն Երեւան այցելել. պետք է ՌԴ վիզա ստանար

Պողոս Պողոսյանի եղբորորդին քիչ հավանական է համարում, որ նրան կպատժեին առանց Ռոբերտ Քոչարյանի հրամանի

Ծխախոտ կամ այլ իրեր մեքենայից գցելու դեպքերը տեսանկարահանող սարքերի միջոցով արձանագրվում են. ՃՈ պետ

Բռնության կոչերը քրեականացնելու նախագծի ընդունման դեպքում պիտի արգելվի վաճառել Հիտլերի «Իմ պայքարը» գիրքը․ Վարդանյան

Վանաձորի բնակիչը գողացել էր թոշակառու հոր խնայողությունը