Իրանից հայրենադարձ ընտանիքը, հարեւանին վնասներ հասցնելով, Բաղրամյանում 4 հարկանի բնակարան է կառուցում

Երեւան քաղաքի բնակիչ Սիրուշ Վերդիյանը «Հայկական ժամանակ»-ի խմբագրություն է դիմել եւ հայտնում է, որ իր բնակարանին կից՝ Բաղրամյան պողոտա 54/5 հասցեում ընթացող շինարարության պատճառով ամբողջությամբ ճաքճքվել են իր տան պատերը:

Սիրուշ Վերդիյանը առաջին հարկի բնակիչ է եւ իրենց բնակարանը բազմաթիվ վնասներ է կրել շենքին հարակից շուրջ մեկ տարի ընթացող շինարարությունից: Քաղաքացի Վերդիյանը հայտնում է, որ բացի խոնավությունից ու պատերին հասցված վնասից՝ ամբողջ շինաղբն ու փոշին կլոր տարի լցվել է բնակարան: Վերջինս զրկված է անգամ պատուհան բացելու եւ հագուստը դրսում չորացնելու հնարավորությունից: Սիրուշ Վերդիյանի բնակելի շենքից ուղիղ երկու մետր հեռավորության վրա է չորս հարկանի նորակառույցը, իսկ անմիջապես պատուհանի տակ կլինի սեփականատիրոջ ավատոկայանատեղին:

Բաղրամյան պողոտա 54/5 հասցեում շինարարական աշխատանքները սկսել են 2018 թվականի փետրվարից: Իրանից հայրենադարձ եղած մեծ ընտանիք 4 հարկանի բնակելի շենք է կառուցում այդ հասցեում, որպեսզի իր ամբողջ գերդաստանով բնակվի: 6 բնակարան ներառող շենքի մեջ ապրելու է Խեչո Խաչատուրյանի հայրական կողմը:

Քաղաքացի Սիրուշ Վերդիյանը այս խնդրով դիմել է Երեւան քաղաքի ընհանուր իրավասության դատարան. դատարանի որոշմամբ՝ նշանակվել է դատաշինարարատեխնիկական փորձաքննություն՝ կատարումը հանձնելով «Փորձագիտական կենտրոն ՊՈԱԿ»-ի փորձագետներին:

Սակայն Սիրուշ Վերդիյանը նշում է, որ փորձաքննություննը պատշաճ չի կատարվել. «Թե դրանց մեջքի հետեւում ով է կանգնած, ես չգիտեմ, բայց որ վախենում են ու խուսափում՝ դա հաստատ է»:

Բաղրամյան պողոտա 54/5 հասցեում հողամաս է եղել, Վերդիյանի խոսքով՝ ծառերը կտրել են եւ շինարարություն սկսել. «Խաղողի ծառեր ունեի, առանց տեղյակ պահելու, առանց նախազգուշացնելու մինչեւ տեսա, արդեն կտրել էին: Տունս 83 թվականի շինություն է, այդ 4 հարկանին կառուցելուց հետո ընդհանրապես արեւ չի ընկնում, ճաքեր է տվել, ինչքան անձրեւ գա, իմ տունն է լցվում, որովհետեւ պատերը ներքեւից ճաքած են, խոնավություն է քաշում: Ուսանող թոռնուհիներիս մահճակալը լրիվ ջուր է»,- պատմեց Սիրուշ Վերդիյանը՝ ընթացքում ցույց տալով տան աջ կողմի խունացած պատերը, շորերն ու մահճակալները:

Չորս հարկի կառուցումն արդեն ավարտվել է, սակայն դեռ բավական ժամանակ կպահանջվի, որ շինարարական աշխատանքները վերջանական ավարտին հասցվեն: Բաղրամյան պողոտա 54/5 հասցեում այս պահին աշխատանքներ են ընթանում:

«Կողքի հարեւանին գումար են տվել, իրար հետ լեզու են գտել, ուրիշ տեղ էլ իրենք տուն ունեն, պետք եղած ժամանակ գնում են, բայց ես ոչինչ չեմ կարողանում անել, ուր գնանք՝ մեր միակ կացարանը դա է: Ասում եմ՝ արի նայի՝ ինչ եք արել, թողնում գնում է»,-ասաց նա:

Նորակառույց շինության սեփականատերը Խեչո Խաչատուրյանն է, որն այս պահին գտնում է արտերկրում: «Հայկական ժամանակ»-ին հաջողվեց կապ հաստատել շինարարության պատասխանատու Էմիլ Մայիլյանի հետ, որն էլ հայտնեց, որ շինությունն արվում է բոլոր նորմատիվներին համապատասխան. «Շենքը նեղացված է՝ այսինքն, եթե առաջին երկու հարկերում երկու բնակարան է, ապա երրորդ եւ չորորոդ հարկերում մի բնակարան է, որովհետեւ նեղացել է արեւի լույսի մուտքի համար: Առաջին երկու հարկերում էլ հողի մի ամբողջ երկայնքով 4 մետր թռիչքով կողքի շենքից հեռացրել եմ»:

Էմիլ Մայիլյանը մեր զրույցում նշեց, որ հարեւաններից ընդամենը մեկ անձ է բողոք ներկայացրել՝ Սիրուշ Վերդիյանի ընտանիքն է, որոնք էլ սկզբում 1000 ԱՄՆ դոլար են վերցրել, տարածքի երկաթները մաքրելու համար, սակայն ավելի ուշ դժգոհություններ են առաջացել:

«2000 ԱՄՆ դոլար էին պայմանավորվել, որ տիկին Սիրուշի ամուսինը այդ տարածքի իրեն պատկանող երկաթներն ու տեխնիկան վերացնի, աղբանոց էր սարքել, որը մաքրեց: Նրանք այդ գումարի կեսը ստացան եւ դիմեցին դատարան»,-պատմեց Էմիլ Մայիլյանը:

Շինարարության պատասխանատուի խոսքով՝ նորակառույց բնակարանի սեփականատեր Խաչատուրյանը Սիրուշ Վերդիյանի ընտանիքին առաջարկել է մեկ տարով կամ մի փոքր ավելի երկար ժամկետով ժամանակավորապես լքել նշված հասցեի իրենց բնակարանը՝ մինչեւ կավարտվի շինարարությունը: Խաչատուրյանն առաջարկել է վճարել համապատասխան մեկ այլ բնակարանի վարձակալության գումարը, որպեսզի Վերդիյանները որոշ ժամանակ հեռու լինեն աղմուկից ու փոշուց, իսկ շինարարության ավարտից հետո վերադառնան իրենց հին բնակարան, սակայն նրանք չեն համաձայնվել:

Տպել
16472 դիտում

#UNsmoke՝ դիմելով բոլոր նրանց, ով կարող է նպաստել ծխից զերծ ապագա կերտելուն

ՎՏԲ-Հայաստան Բանկը բացեց իր 72-րդ` «Արարատ» մասնաճյուղը

Յունիբանկը ընդլայնել է մոբայլ հավելվածի հնարավորությունները

«Ավրորա»-ի միջոցառումները մեկնարկեցին Շուշիում 155 տարվա պատմություն ունեցող «Գոհար տիկնոջ Վերին մզկիթ»-ի վերաբացմամբ

Թուրքական բանակն այսօր հարվածներ է հասցնում Ադ-Դարբասիա եւ Ալ-Քարմանիա գյուղերի ուղղությամբ

Քոչարյանի մոտ քաղցկեղային բջիջ չի հայտնաբերվել. նա եւս մի քանի օր կմնա հիվանդանոցում

ԿԳՄՍ նախարարությունը կազմակերպել է անգլերենի ուսուցիչների համաժողով` «Դասավանդում հանուն հաջողության»

Լավ վերաբերմունք ցուցաբերեք զբոսաշրջիկներին. Նիկոլ Փաշինյանի խնդրանքը՝ տաքսու վարորդներից մինչեւ պատահական անցորդներին

Երևանում հայտնաբերվել է մեկ սահնօձ տեսակի օձ և տեղափոխվել անվտանգ տարածք

Կյանքից հեռացել է ականավոր մաթեմատիկոս, ՀՀ-ում Մաթեմատիկական տրամաբանության դպրոցի հիմնադիր Իգոր Զասլավսկին

Օլիմպիական չեմպիոն Արթուր Ալեքսանյանը դարձել է Հայաստանում ՅՈՒՆԻՍԵՖ-ի բարի կամքի դեսպան

Ֆրանսիան մտադիր է կանգնեցնել Սիրիայում Թուրքիայի գործողությունները. Ելիսեյան պալատը վճռականորեն դատապարտում է

Երեւան-Գյումրի-Երեւան գնացքներով նախատեսվածից ավելի շատ տո՞մս է վաճառվում (լուսանկար)

Նշանակումները լինելու են անակնկալ. աշխատանքային խորհրդակցություն ոստիկանությունում (տեսանյութ)

7 որդի ունեցող եւ դրա համար Ծնողական փառքի մեդալով պարգեւատրված ընտանիքը զրկվել է նպաստից

Պատրաստ եմ աշխատանք եւ ապաստան տրամադրել սիրիահայ՝ մինչեւ 10 հոգանոց ընտանիքի. Ռ. Երանոսյան

Գեղանիստում տեղի ունեցած սպանությունը բացահայտվել է. կասկածյալը ձերբակալվել է. ՔԿ

Աննա Հակոբյանը ներկա է գտնվել Ժնևի հայկական եկեղեցում Ամենայն Հայոց Կաթողիկոսի մատուցած Սուրբ Պատարագին

Քիմ Քարդաշյանը Գառնիում երեխաների համար պաղպաղակ է գնել դրսում տեղադրված սառնարանից (լուսանկար)

ՍԴ-ն այսօր կորոշի Հրայր Թովմասյանի հարցով ԱԺ դիմումը վարույթ ընդունել-չընդունելու հարցը