Աշակերտները մարզից եկել են թանգարաններ ու պարզել, որ այնտեղ իրենց չեն սպասում. նախարարի պարզաբանումը

Տավուշի մարզի Ենոքավան գյուղի դպրոցականները, համարելով, որ թանգարան անվճար այցելության տոմսեր ունեն, մի քանի օր առաջ ճանապարհ են ընկել դեպի Երեւան՝ համատեղելու մայրաքաղաքում էքսկուրսիան ու այցերը մշակութային հաստատություններ: Բայց պարզվել է, որ վերջիններում իրենց չեն սպասում:

Ինչպես հայտնի է, այսօր արդեն նախկին կրթության եւ գիտության նախարարությունը, մշակույթի նախարարության հետ համատեղ ներդրել է աբոնեմենտային համակարգ, ինչի շնորհիվ դպրոցականները հնարավորություն են ստանում տարեկան մեկ անգամ անվճար գնալ թատրոններ, թանգարաններ ու համերգասրահներ:

Ենոքավանի հիմնական դպրոցի 7-րդ դասարանի աշակերտները նախընտրել էին Մատենադարանը, իսկ 3-րդ եւ 4-րդ դասարանցիներն այցելել էին Հովհաննես Թումանյանի թանգարան: Աշակերտների մեկ այլ խումբ էլ որոշել է Դիլիջանում գործող փողի թանգարանը տեսնել: Աշակերտների ծնողների փոխանցմամբ, բոլոր դեպքերում երեխաներին հրաժարվել են ընդունել՝ պատճառաբանելով, որ նրանց տոմսերն այլեւս չեն գործում:  

«Պատճառ են բերել, որ պետք էր մինչեւ մայիսի 20-ը այցելել, բայց չէ՞ որ դա մեզ տվել են մայիսի 22-23-ին, մայիսի 20-ին ո՞նց կարող էինք թանգարան գնալ: Մեր դպրոցում տոմսերը երեխաներին տվել էին «Վերջին զանգի» նախօրյակին եւ ասել էին՝ մինչեւ հունիսի 20-նն է ժամկետի մեջ»,- պատմեց ծնողներից մեկը:

Մատենադարանում, քանի որ ծանոթ աշխատակից է հանդիպել, կազմակերպել է, եւ երեխաներին ընդունել են: «Թողեցին, անցանք, նայեցինք, բայց անակնկալ էր, շատ վատ զգացինք, որ այդպես էր»,- ասաց նա: Մյուս թանգարաններում ծնողները ստիպված են եղել վճարել երեխաների մուտքի համար:

Նկատենք, որ մշակութային հաստատությունների այս տոմսերի հետ կապված ավելի վաղ նույնպես ծնողների եւ ուսուցիչների շրջանում անորոշություն կար, թե մինչեւ երբ են դրանք կիրառելի:

«Դա թյուրիմացություն է եղել: Մենք թանգարաններին նորից կզգուշացնենք: Տոմսերն ուժի մեջ են լինելու մինչեւ հուլիսի 30-ը, եւ օնլայն գրանցմամբ թատրոն եւ համերգասրահներ գնալու հնարավորությունը կլինի մինչեւ այդ օրը, որովհետեւ մենք համակարգը ուշ ենք գործարկել: Թանգարանների դեպքում համակարգը մեկնարկեց դեկտեմբերին, այսինքն՝ առաջին երեք-չորս ամիսները կորցրեցինք: Նույնն էլ թատրոնների դեպքում: Քանի որ համակարգը գործարկվեց, եթե չեմ սխալվում, ապրիլ ամսին, ապա մինչեւ հուլիսի 30-ը այս ուսումնական տարվա համար կգործի, իսկ հաջորդ ուսումնական տարվա համար կսկսվի սեպտեմբերին մինչեւ մայիս»,- պատասխանելով ստեղծված իրավիճակի մասին մեր հարցմանը՝ ասաց կրթության, գիտության, մշակույթի եւ սպորտի նախարար Արայիկ Հարությունյանը:

Ինչ վերաբերում է դիտարկմանը, թե ինչու համակարգը մշտապես չգործի նաեւ ամռանը, որովհետեւ հավանական է ամառային արձակուրդներին աշակերտներն ավելի շատ ազատ ժամանակ ունեն մշակութային հաստատություններ այցելելու համար, նախարարն արձագանքեց. «Կքննարկենք: Ուրեմն կընտրենք սեպտեմբերից սեպտեմբեր ժամանակահատվածը»:  

Հովհաննես Թումանյանի թանգարանի տնօրենի ժամանակավոր պաշտոնակատար Անի Եղիազարյանն ասաց, որ աբոնեմենտային համակարգի ժամկետը երկարաձգելու վերաբերյալ նոր հրաման իրենք չեն ստացել, իսկ առանց համապատասխան հիմքի այցելուներ ընդունել չեն կարող. «Հրամանը դեռ չի եկել: Երբ որ ստանանք, այդ օրվանից նորից կսկսենք ընդունել ըստ հրամանի»:

Անի Եղիազարյանը հաստատեց, որ Ենոքավանի դպրոցի աշակերտները միակը չեն եղել, որոնք իրենց տրված անվճար տոմսերով այցելել են թանգարան ու պարզել, որ դրանք արդեն ժամկետանց են:

«Այդպես էլ է պատահում: Լինում է, որ զանգում են, նախապես տեղեկանում են, հետո արդեն ճշտված գալիս են մարդիկ: Տարբեր է: Սովորաբար մենք սահմանամերձ բնակավայրերից եկածներին, անկախ այդ աբոնեմենտային համակարգից, միշտ փորձել ենք աջակից լինել, զեղչեր անել՝ նկատի ունենալով ե՛ւ հեռվից իրենց գալը, ե՛ւ փոխադրամիջոցի ծախսերը հոգալու հարցը: Այսինքն՝ անկախ այդ աբոնեմենտային համակարգից, թանգարանը միշտ այդ քաղաքականությունը վարել է: Անվճար մուտքի հնարավորություն չի տրվել այնքանով, որ այդ պահին մենք չենք կարող մուտք անել մի բան, որը հրաման չունի հիմքում դրված: Ի՞նչ հիմքով ես կարող եմ ընդունել»,- նկատեց հաստատության տնօրենի պաշտոնակատարը: Ի դեպ, պետությունը աբոնեմենտային համակարգի շրջանակներում թանգարաններին փոխհատուցում է միայն մասնակի՝ մուտքի տոմսի արժեքը, որ Թումանյանի թանգարանի դեպքում 300 դրամ է: Էքսկուրսիոն ծառայությունը թանգարանը մատուցում է անհատույց:

Անի Եղիազարյանը նույնպես կողմ է, որ աշակերտներին տրամադրվող տոմսերն ուժի մեջ լինեն ամբողջ տարին: Նա համակարգում այլ շտկումների կարիք նույնպես տեսնում է: «Ես կարծում եմ, որ տարին տասներկու ամիս կարող է գործել համակարգը, անշուշտ, որովհետեւ նպատակը շատ բարի է ու լավը: Բայց պիտի մշակվի որոշակի համակարգվածություն: Նախ արդեն նախորդ շրջանի փորձառությունը եւ փաստերը ունենալով պիտի այդ բաշխվածությունը կանոնակարգվի: Դա եղել էր խթան, որպեսզի ե՛ւ աշակերտները հնարավորություն ունենան թանգարաններ գնալ, ե՛ւ թանգարաններում առատ այցելություններ ապահովվեն: Բայց փաստը ցույց է տալիս, որ այն թանգարանները, որոնք անկախ աբոնեմենտային համակարգից, ակտիվ են եղել եւ ունեցել են մեծ հոսքով ընդունելություն, շարունակում են է՛լ ավելի ծանրաբեռնվել, իսկ այն թանգարանները, որոնց մուտքը տարվա ընթացքում քիչ է, գրեթե այդպես էլ մնացել է: Այստեղ կարծում եմ պիտի քննարկում լինի եւ պիտի հասկանալ, որ համակարգը պիտի խթանի նաեւ այն թանգարանների այցը, որտեղ այցելուների պակաս կարիք կա»,- նկատեց Հովհաննես Թումանյանի թանգարանի ներկայացուցիչը:

Տպել
7495 դիտում

Ինչ պայմանավորվածություն է ձեռք բերվել Փաշինյանի՝ Տավուշ այցի ժամանակ. մանրամասներ (լուսանկարներ)

Ես չեմ վիրավորում, ասում՝ «գյադեն հերդ ա», քոքից բռնվեք, կհանդիպենք․ Հովհաննես Դավթյանը՝ Արզաքանցյանին

Մենք պետք է թույլ չտանք պատերազմի սկսում․ ինչ է ասել վարչապետը տավուշցիների հետ հանդիպմանը

Պուտինն իրեն լեգիտիմություն տվեց՝ այլանդակությունները շարունակելու համար, ՌԴ-ին բարի ճանապարհ դեպի գերեզման. Սուքիասյան

Երևանն այս տարի կունենա 20 հա տարածք զբաղեցնող տնկարան, կտնկվի 2000 ծառ

ԱՄՆ-ն մտադիր չէ շնորհավորել Ռուսաստանի նախագահին ընտրություններում հաղթելու համար․ Պատել

Ամեն խաղի պետք է պատրաստվենք, ինչպես վերջինի․ Հարոյանը՝ Կոսովոյի հավաքականի հետ խաղի մասին

Հայաստանի և Մալթայի ԱԳՆ պաշտոնյաների խորհրդակցությունների ընթացքում անդրադարձ է եղել ՀՀ-ԵՄ գործընկերության խորացմանը

ՌԴ ԿԸՀ-ն ավարտել է ձայների հաշվարկը․ ընտրողների 87,28% քվեները Վլադիմիր Պուտինինն է

Նռնակ, պայթուցիչ ու փամփուշտներ․ Կապանի բնակիչը փրկարարական ջոկատում հանձնել է ԼՂ-ից բերված զինամթերքը

Վրաստանի ԱԺ կրթության հանձնաժողովի նախագահը գալիս է Հայաստան․ մանրամասներ

Մկրտչյանը ԱՄՆ ՄԶԳ փոխկառավարչի հետ քննարկել է ԼՂ-ից բռնի տեղահանվածներին աջակցության հարցում համագործակցությունը

Ինչ իրավիճակ է ՀՀ ճանապարհներին ժամը 20։00-ի դրությամբ

Վրաստանը պետք է ավելին անի Ռուսաստանին զսպելու համար․ ՆԱՏՕ-ի գլխավոր քարտուղար

Երկու երիտասարդ վիճել են տաքսու վարորդի հետ, ապա դանակահարել ուղևորին

Պուտինը հանդիպել է ՌԴ նախագահի թեկնածուների հետ, առաջարկել շարունակել ակտիվ համատեղ աշխատանքը

Հայաստանը հստակ դիրքորոշում ունի հասնել խաղաղության․ նախագահը հանդիպել է ֆրանսիացի մտավորականների հետ

Բորիս Բախշինյանը նշանակվել է Արարատի և Վայոց ձորի մարզերի առաջին ատյանի ընդհանուր իրավասության դատարանի դատավոր

Իսակովի պողոտայում՝ ռուսական եկեղեցու դիմաց, «ԿամԱԶ»-ը վրաերթի է ենթարկել հետիոտնին

ՀՀ ԱԳՆ պատվիրակությունը Բրյուսելում մասնակցել է Եվրոպական միության Արևելյան գործընկերության Ավագ պաշտոնյաների հանդիպմանը

Բայրամովը Լուիս Բոնոյի հետ հանդիպմանը վերահաստատել է Ադրբեջանի հանձնառությունը խաղաղության գործընթացին

Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր

Հակոբ Բալայանն ու Երևան քաղաքի ավագանու անդամ Միքայել Խաչատրյանը շրջայց են իրականացրել Էրեբունի վարչական շրջանում

Գորիսում 3 անձի նկատմամբ մահափորձի վարույթով հետախուզվող տղամարդը հայտնաբերվել է. մանրամասներ

ԱԺ-ում տեղի է ունեցել «Քաղաքացիական պայմանագիր» խմբակցության նիստը․ քննարկվել են տեղահանվածներին տրամադրվող ծրագրերը

Հռոմի Պապը չի շնորհավորել Պուտինին նորից վերընտրվելու համար․ Սուրբ Աթոռից հերքում են տեղեկությունները

Շիրակի մարզպետարանի կալանավորված պաշտոնյաների լիազորությունները կասեցվել են

Ինչ իրավիճակ է Ստեփանծմինդա-Լարս ավտոճանապարհին

Դուք շարունակում եք շարժվել Բուխարեստի գագաթնաժողովի որոշմամբ, Վրաստանը կդառնա ՆԱՏՕ-ի անդամ․ Ստոլտենբերգ

Քանաքեռավանի գազալցակայանում «Պեժո»-ի լիցքավորման պահին տեղի ունեցած պայթյունի հատկանիշներով նախաձեռնվել է քրվարույթ

Նիկոլ Փաշինյանը մանրամասնել է, թե ինչ խոսակցություն է ունեցել տավուշցիների հետ

Հասանովը Ստոլտենբերգին զեկուցել է հայ-ադրբեջանական սահմանին տիրող իրավիճակի մասին

Չեխիայի Հանրապետության խորհրդարանի Պատգամավորների պալատի նախագահը եվրոպական դրոշ է փոխանցել Սիմոնյանին

Աբովյանում ուղևորափոխադրման հարցի շուրջ տեղի ունեցած խուլիգանության գործով երեք անձի մեղադրանք է ներկայացվել

Երևանյան 28 փողոցներում վերգետնյա մալուխները կանցկացվեն ստորգետնյա կապուղիներով

Անդրանիկ Քոչարյանը ՆԱՏՕ ԽՎ նստաշրջանից առաջ հանդիպում է ունեցել ՀՀ ԱԳ փոխնախարարի հետ

Բաքվում Պուտինի օգտին քվեարկել է ռուսաստանցիների 77%-ը, ռեկորդային քվեարկությունը գրանցվել է Չեչնիայում՝ 98,99 տոկոս

Կալանավորվել է Շիրակի մարզպետարանի Քաղաքաշինության վարչության պետը և ևս մեկ հոգի

36-ամյա երիտասարդը հարվածներ է հասցրել ընկերուհուն, 26-ամյա աղջիկն էլ դանակահարել է նրան

Աշխարհի Գավաթում Հայաստանը կներկայացնի 5 ծանրորդ