Ճամբարակի համայնքապետը ապօրինություններ է անում. քաղաքացին դիմում է վարչապետին

Գեղարքունիքի մարզի Ճամբարակի համայնքապետը չի ենթարկվում մարզպետի կայացրած որոշմանը: Այս մասին «Հայկական ժամանակ»-ի հետ զրույցում ասաց Ճամբարակի բնակիչ Օվսաննա Բարսեղյանը:

Բարսեղյանը նշեց, որ ինքը համայնքում պայքարում է ապօրինի շինարարությունների եւ մի շարք խնդիրների դեմ: «Համայնքի ղեկավար Վազգեն Ադամյանը ապօրինի շինարարություններ է թույլ տվել իրականացնել Ճամբարակի Գարեգին Նժդեհ փողոցում, Տիգրան Մեծ 24 շենքի բակում, Տիգրան Մեծ 4 շենքի բակում: Այդ տարածքը լրիվ փակվում է, երեխաները չեն կարողանում այնտեղ խաղալ»:

Հարցին՝ ի՞նչ շինարարություն է իրականացվում, ո՞ւմ կողմից, Բարսեղյանը պատասխանեց. «Նժդեհի փողոցում արվող շինարարությունն իրականացնում է համայնքի ղեկավարի մոտ ընկերը՝ բանկի մասնաճյուղ կառուցելու համար: Մենք տեղեկություն ունենք, որ այդ շինարարությունը պետք է հունիսի 15-ին ավարտված լիներ եւ տային բանկերից մեկին, սակայն մեր այս դիմումների պատճառով հետաձգվում է»:

Հարցին, թե ի՞նչ քայլեր է ձեռնարկել, Բարսեղյանը պատասխանեց. «Ի սկզբանե 2019-ի փետրվարին դիմել եմ Գեղարքունիքի մարզպետ Գնել Սանոսյանին, դրանից հետո դիմել եմ ԱԱԾ տնօրեն Արթուր Վանեցյանին, դիմել եմ Գեղարքունիքի մարզից ընտրված ԱԺ պատգամավոր Վարազդատ Կարապետյանին: Դրանից հետո Սանոսյանից պատասխան եմ ստացել, որ այդ 3 շինարարությունները ապօրինի են եւ կարող են վերսկսել միայն՝ համապատասխան փաստաթղթերի դեպքում: Այդ մի օրը կասեցվել է, հաջորդ օրերին սկսել են նորից աշխատել»:

Անդրադառնալով հարցին, թե ինչո՞ւ է համոզված, որ դրանից հետո համապատասխան փաստաթղթեր չեն եղել, Բարսեղյանը պատասխանեց. «Եթե այդ փաստաթղթերը լինեին, իրենք մեզ ցույց կտային եւ կանեին այդ շինարարությունը: Բազմիցս պահանջել ենք, ցույց չեն տվել ոչինչ: Դիմել եմ նաեւ Քաղաքաշինության, տեխնիկական եւ հրդեհային անվտանգության տեսչական մարմնի ղեկավար Գեղամ Շախբազյանին, նա նույնպես գրավոր պատասխանել է, որ դրանք անօրինական շինարարություններ են եւ պետք է կասեցնել այդ աշխատանքները՝ սահմանված կարգով լուծում տալու համար: Բայց նրանք նորից շարունակեցին իրենց աշխատանքները»:

Բարսեղյանի խոսքով՝ դրանից հետո նա եղբոր հետ գնացել է ոստիկանության 6-րդ վարչություն. «Շատ մեծ դժվարությամբ դիմում վերցրեցին մեզնից, չէին ուզում վերցնել: Բա մենք ինչի՞ համար ենք պայքարել, ես ուզում եմ մենք ազատ ապրենք, քանի որ մեր մոտ կրիմինալը շատ-շատ է: Ես հատուկ խնդրեցի, որ գործը հանկարծ չքննեն ոստիկանության Ճամբարակի բաժնում, քանի որ վստահություն չեն ներշնչում: Մինչ սա այլ հարցերով էլ եմ դիմել մեր ոստիկանություն եւ տեսել եմ, որ այդ մարդիկ համայնքի ղեկավարի հետ համագործակցում են: Տեսնելով, որ շատ եմ բողոքում, եղբորս էին ահաբեկում: Նա բանջարեղենի խանութ ունի համայնքում, մարդկանց չէին թողնում մտնել այդ խանութ: Ոստիկանություն հաղորդում ներկայացրեցինք դրա վերաբերյալ, սակայն նրանք հանցակազմի բացակայության պատճառով գործին ընթացք չեն տվել»:

Բարսեղյանը ասաց, որ վերջերս գնացել է համայնքապետարան, որպեսզի համայնքապետ Վազգեն Ադամյանին ցույց տա Շախբազյանից ստացված պատասխանը, սակայն Ադամյանն իրեն չի ընդունել: «Ես այդ պատասխանը տվեցի նրա օգնականին եւ ասացի, որ հետեւողական եմ լինելու եւ մինչեւ օրինական փաստաթղթեր չլինեն, ես պայքարելու եմ, որ այդ շինարարությունները չիրականացվեն: Սակայն դրանից հետո շարունակում են այդ շինարարությունը: 6-րդ վարչությունից նամակ ստացանք, որտեղ նշված է, որ գործը հասցեագրվել է Գեղարքունիքի մարզային վարչություն, մարզային վարչությունն էլ ուղարկել է մեր տեղի ոստիկանություն: Ամուսնուս էլ են ահաբեկել, պայմանագրային զինծառայող է, նա անընդհատ ինձ ասում էր՝ ինձ դիվադադար ես անում, թող, քո ինչի՞ն է պետք այս ամենը: Իմ նպատակը զուտ եղել է քաղաքում օրինականություն հաստատելը, ոչ մի շահադիտական բան չունեմ այստեղ»:

Բարսեղյանը նշեց, որ համայնքապետ Վազգեն Ադամյանի հայրը՝ Վովիկ Ադամյանն էլ օրվա ընթացքում 2-3 անգամ «Սեւան ազգային պարկ»-ից անօրինական կերպով ավազ է բերում եւ դա վաճառում են. «1 կամազի արժեքը 40 հազար դրամ: Դրա մասին տեղյակ եմ պահել Ճամբարակի ԱԱԾ պետ Կարեն Ենգոյանին, նա ասաց՝ ես զեկուցել եմ վերեւներին: Պատկերացրեք՝ նույնիսկ նկարներ եւ տեսանյութ եմ հրապարակել, թե ինչպես են անում այդ ամենը եւ ոչ մի ռեակցիա: Մինչեւ այսօր էլ շարունակում են այդ ամենն անել»:

Օվսաննա Բարսեղյանը «Հայկական ժամանակ»-ի միջոցով դիմում է ՀՀ վարչապետ Նիկոլ Փաշինյանին, որպեսզի կանխի քաղաքում տեղի ունեցող ապօրինի շինարարությունները, քանի որ մնացած կառույցներից ստացված արձագանքը չի ազդել քաղաքապետ Վազգեն Ադամյանի վրա:

Ճամբարակի համայնքապետարանից ՀԺ-ին փոխանցեցին, որ այս պահին համայնքապետը երկրում չի գտնվում: 

Տպել
2207 դիտում

Հրշեջները մարել են Ներքին Չարբախի գերեզմանատանը բռնկված հրդեհը

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին

100 փաստ Նոր Հայաստանի մասին-2. (ամբողջական)

Քաղաքապետը որոշեց քանդել շենքը, դատարանը որոշումն անվավեր ճանաչեց, բայց կառուցապատողը, մեկ է, կքանդի