Ապագա քաղաքացու էտալոնը. կեր ու սուս

13/06/2019 schedule10:05

Տպագրվել է «Հայկական Ժամանակ» օրաթերթի՝ 2006 թվականի հունիսի 13-ի համարում

Ի վերջո, 2003 թվականի նախագահական ընտրություններում Ռոբերտ Քոչարյանի նախընտրական շտաբի պետ Սերժ Սարգսյանը իրավացի էր, երբ նախագահական ընտրություններում տեղի ունեցած ընտրակեղծիքները կապում էր մեր մենթալիտետի հետ: Ավելի ճիշտ, ոչ թե Սարգսյանն էր իրավացի, այլ նրա բերած փաստարկների մեջ ճշմարտություն կար: Իսկ ճշմարտությունն այն է, որ հնարավոր չէ հինգ տարվա մեջ երկու-երեք օր լինել արդար, այն պարագայում, երբ այդ հինգ տարվա ամեն օրը մասնակցել ես կեղծիքի եւ ներգրավված ես եղել կեղծիքի մեջ: Եւ պետք է խոստովանել, որ ընտրական կեղծարարությունը մեզանում կեղծիքի այսբերգի երեւացող-չնչին մասն է: Օրինակ, այս օրերին հանրապետությունում տեղի է ունենում կեղծման մի գործընթաց, որը մասշտաբներով ամենեւին չի զիջում նախագահական ընտրություններին եւ տարբերվում է միայն նրանով, որ այս մի կեղծիքի շուրջ աղմուկ չկա:

Խոսքը դպրոցական գնահատականների կեղծման մասին է: Հանրապետության դպրոցների տնօրենները, ուսուցիչները, աշակերտներն ու ծնողները այս օրերին զբաղված են հենց այդ գործով եւ ընտրակաշառքների, ահաբեկումների, շանտաժի ու սիրաշահման շնորհիվ փոխում են կամ փոխել են տալիս կիսամյակային գնահատականներ, բնականաբար` իրենց ավելի հարմար թվային հարաբերակցություն ստանալու մղումով: Եւ հիմա ակնհայտ է, որ այն աշակերտը, որին «երկուսի» փոխարեն «հինգ» են նշանակել կաշառքի կամ ծանոթի կամ վարչական ռեսուրսի միջոցով, շատ չի տարբերվում Ռոբերտ Քոչարյանից, կամ ավելի ճիշտ` ի դեմս նրա պատրաստվում է մի նոր Ռոբերտ Քոչարյան, որը հանրապետության նախագահ է դարձել խաղի այն կանոններով, որի շրջանակներում «երկուսը» դառնում է «հինգ»:

Այս պարագայում Սերժ Սարգսյանին կարելի է համեմատել տվյալ աշակերտի ծնողի հետ, ուսուցչին` ԿԸՀ կամ ԸԸՀ անդամի հետ: Եւ բնական է, որ նույն ծնողը նույն ուսուցչի հետ նույն դպրոցում արդեն իսկ ընտրական հանձնաժողովի անդամի կարգավիճակում պետք է կեղծեն ընտրությունները: Իսկ ընտրությունների պարագայում աղմուկ բարձրանում է միայն մեկ բանի շնորհիվ. մեկի թիվը փոխվում է ի հաշիվ մյուսի, եւ այս մյուսը չի կարողանում հանդուրժել իր կորուստը: Կիսամյակային գնահատականների դեպքում ուրիշ է. ծույլին նշանակված «հինգը» չի խանգարում իրապես խելոք երեխայի «հինգին», ինչը վերջինիս ու նրա ծնողին զրկում է ընդվզման մոտիվացիայից: Եւ հենց այս զուգահեռի իմաստով Սերժ Սարգսյանը ճիշտ էր:

Բայց եթե նա լիներ Գառնիկ Իսագուլյանի վերլուծական կենտրոնի վերլուծաբան, նրան այս վերլուծության համար գուցե թե նաեւ պարգեւատրում հասներ: Ամբողջ խնդիրն այն է, որ այս մասին խոսում է մեկը, որ մեծ հավակնություններ ունի քաղաքականության մեջ: Եւ այդ հավակնությունների հեղինակին պետք է ընդամենը մի հարց տալ. իսկ դուք նպաստո՞ւմ եք այս մենթալիտետի տարածմանը, թե՞ փորձում եք որոշակի փոփոխություններ մտցնել այս ասպարեզում: Իհարկե, պատասխանը պարզ է, եւ գործող վերնախավը իր գոյատեւման միակ երաշխիքը տեսնում է ժողովրդին «մենթալիտետային զանգվածի» վերածելու մեջ, որի ուսուցիչը պետությունից գողացած փողերով գնված քնձռոտ ծաղիկը ձեռքին պետք է թռվռալով շնորհակալություն հայտնի «Բարգավաճ Հայաստան» կուսակցությանը:

Սա Հայաստանի ապագա քաղաքացու նրանց էտալոնն է, որը իրեն մտածելու, հասկանալու նեղություն առանձնապես չի տալիս եւ այդ գործառույթը վերապահում է հայրենի իշխանություններին: Ռոբերտ Քոչարյանի իշխանության տարիներին ամենամեծ աճը գրանցել է հենց այսպիսիների թվաքանակը, եւ թերեւս հակառակ հաշվարկը սկսելու ժամանակը վաղուց է հասունացել: 

Տպել
483 դիտում

ԱՄՆ-ն մտահոգված է Վանի, Դիարբեքիրի և Մարդինի քաղաքապետների պաշտոնանկության որոշմամբ

20 վերելակների փոխարինման մրցույթի արդյունքները կասեցվել են. քաղաքապետարանը, միեւնույն է, հույս ունի այս տարի հասցնել

Արայի լեռան ստորոտում հրդեհաշիջման աշխատանքները շարունակվում են. կրակի ընդհանուր մակերեսը կազմում է 1800 հա

Ոստիկանությունը ներկայացնում է «Օրենքով գող» մասիվցի Անդիկի սպանության բոլոր մանրամասները (տեսանյութ)

Հայ խաղաղապահները Գերմանիայում մասնակցել են բազմազգ զորավարժության առաջին փուլին

Վարոս Սիմոնյանը նշանակվել է էկոնոմիկայի նախարարի տեղակալ

Ռոբերտ Ղուկասյանը նշանակվել է վարչապետի խորհրդական. պաշտոնական

Մի քանի ամիս առաջ Արտաշատում կատարված պայուսակի գողությունը բացահայտվել է

Բողոքի ակցիաներ Գյումրու լուծարվող գիշերօթիկներում. ու՞ր են գնալու երեխաներն ու գործազուրկ մանկավարժները

Մեկի համար Ամուլսարը սար է, մյուսի համար՝ հանք, 3-րդի համար՝ առիթ

Գառնու ձորում վթարից տուժած երկրորդ ուղեւորը հիվանդանոցում մահացել է. զոհերը ՌԴ քաղաքացիներ են

Արմավիրի մարզի Այգեշատ գյուղում ավտոմեքենան ամբողջությամբ այրվել է

Լեհաստանի Օսուվ քաղաքում հուշատախտակ է տեղադրվել` ի հիշատակ հայազգի զիվորների

Նախագահը հանդես է գալիս պետականության ամրապնդմանը միտված որոշումների օգտին. Ամուլսարի հանքի մասին

Հայաստանում որսը կիրականացվի միայն չորեքշաբթի, շաբաթ, կիրակի օրերին. կթույլատրվի գայլի ու շնագայլի որսը

Խոշոր հրդեհ Արալեզում. այրվել են կերաղացի տանիքը, 150 հակ անասնակեր, 6 ծառ ու խաղողի 3 վազ

Երևանում թալանել են «Հիդրոէլեկտրոմոնտաժ» ՓԲԸ-ի կոմերցիոն տնօրենին՝ հափշտակելով 20 հազար դոլար

Արայիկ Հարությունյանը մասնակցելու է «Վորլդսքիլզ» առաջնության շրջանակում կազմակերպվող երկօրյա համաժողովին

Հարցաքննվել է ԱԺ նախկին պատգամավոր Արտակ Սարգսյանը

ՀՀ-ն աջակցում է Եգիպտոսին ԵԱՏՄ-ի ազատ առևտրի համաձայնագրի շուրջ բանակցություններում. Մնացականյան