Հավակնորդներ. ո՞վ կտիրանա «ԱրմենՏելին»

13/06/2019 schedule10:00

Տպագրվել է «Հայկական Ժամանակ» օրաթերթի՝ 2006 թվականի հունիսի 13-ի համարում

Այլեւս կասկած չկա, որ հունական OTE ընկերությանը պատկանող «ԱրմենՏելի» բաժնետոմսերի 90 տոկոսի վաճառքն առաջիկա մեկ ամսում կկայանա: Ավելին, արդեն իսկ կարող ենք ասել, որ այն կլինի հայկական ընկերության շուրջ կնքված ամենախոշոր առքուվաճառքի գործարքը: Առկա տվյալները վկայում են, որ սպասվող գործարքը կազմելու է մոտ կես միլիարդ եվրո եւ ավել: «ԱրմենՏելի» բաժնետոսմերի շուրջ զարգացող իրադարձություներին նվիրված մեր նախորդ հրապարակման մեջ ներկայացրել էինք անգլիական HSBC բանկի կազմակերպած մրցույթին հայտեր ներկայացրած ընկերությունների գերակշռող մասին: Անցած երեք օրերին հայտնի դարձավ եւս մեկ ընկերության անունը:

«ԱրմենՏելը» գնելու ցանկություն է հայտնել Քուվեյթի հեռահաղորդակցության ոլորտի օպերատոր «MTC Kuwait» ընկերությունը, որը գործունեություն է ծավալում ֆիքսված եւ բջջային կապի ոլորտներում: «MTC Kuwait»-ը համարվում է հեռահաղորդակցության խոշորագույն ընկերություններից մեկը, որը հիմնականում զբաղված է աֆրիկյան երկրների հեռահաղորդակցության շուկաները նվաճելով: Լրատվական գործակալությունների հրապարակումներում հաճախակի են հանդիպում տվյալներ, որոնք այն մասին են, թե ինչպես է «MTC Kuwait» ընկերությունը միլիարդավոր դոլարներ ներդնում աֆրիկյան եւ արաբական երկրների հեռահաղորդակցության շուկաներ նվաճելու նպատակով: «MTC Kuwait» ընկերությունը փաստացի տարանցիկ օղակ է, որի միջոցով քուվեյթական նավթի վաճառքից ստացվող միլիարդների մի մասը ուղղվում է հեռահաղորդակցության ոլորտ:

Հիշեցնենք, որ բացի այս ընկերությունից, «ԱրմենՏելի» բաժնետոմսերի 90 տոկոսը գնելու համար հայտեր են ներկայացրել նաեւ բելգիական «Բելգակոմը», հունգարական «ՊանՏելը», Արաբական Միացիալ Էմիրությունների բջջային կապի օպերատոր «Էտիզալատ», հայկական «ՍԻԼ գրուպ», Անգլիայում գրանցված «Սարգսյան գրուպ» եւ ռուսական «Սիստեմա», «Ռոստելեկոմ» ու «ՎիմպելԿոմ» («ԲիԼայն» ապրանքանիշի սեփականատեր) ընկերությունները: Ու հայկական «ԱրմենՏելի» համար ծավալված մրցույթը խոստանում է գերազանցել բոլոր սպասելիքները: «ԱրմենՏելի» համար մրցույթի առաջին փուլը կավարտվի հունիսի 17-ին, երբ HSBC բանկից ստացած տվյալների հիման վրա հունական OTE-ն կհրապարակի մրցույթի երկրորդ փուլ անցած հայտատուների անունները:

Այդ հայտարարությունից հետո երկրորդ փուլ անցածները ցանկության դեպքում «կթարմացնեն» իրենց առաջարկները: Այսինքն, նրանք կարող են բարձրացնել «ԱրմենՏելի» դիմաց իրենց կողմից առաջարկվող գումարների չափը: Իսկ մեկ ամսից` հուլիսի 20-ին կհայտարարվի մրցույթի հաղթողի անունը: Ուստի, կարող ենք ասել, որ ամեն ինչ դեռ առջեւում է, եւ բացառված չէ, որ ի վերջո «ԱրմենՏելը» վաճառվի այնպիսի գնով, որը ավելին կլինի, քան վերջին տարիներին վաճառված Հայաստանի տարբեր ոլորտների մեկ տասնյակից ավել ձեռնարկությունների դիմաց տրված ողջ գումարները: «ԱրմենՏելի» համար պայքարողների նման առատության պայմաններում անգամ մրցույթի ֆինանսական կողմի հետ կապված տվյալներ չեն հրապարակվում: Հայտնի են միայն ոչ պաշտոնական որոշ թվեր, ըստ որոնց, հայտերում առաջարկվող գումարները որոշ դեպքերում հատում են կես միլիարդ եվրոյի սահմանագիծը:

«ԱրմենՏելի» վաճառքի թեմային բացառապես անդրադառնում են ռուսական գործակալությունները եւ պարբերականները:  Ռուս փորձագետներին հղում անելով՝ հրապարակումներում նշվում է, որ «ԱրմենՏելի» օբյեկտիվ արժեքը կարող է կազմել 450 միլիոն դոլար: Սակայն ռուսները չեն մոռանում նշել, որ վերջին տարում իրենց  խոշորագույն օպերատորները մասնակցել են մի քանի միջազգային մրցույթների, բայց այդպես էլ ոչ մեկում չեն հաղթել:   Փոխարենը, անցած տարիներին ռուսական ընկերություններին հաջողվել է առանց մրցույթների, ուղղակի բանակցություններով կամ միջպետական խողովակների միջոցով հաստատվել ԱՊՀ անդամ երկրների  շուկաներում: Ռուսական ընկերությունները արդեն իսկ գնել են Ուկրաինայի, Ուզբեկստանի, Ղազախստանի, Ղրղզստանի, Տաջիկստանի, Թուրքմենիայի եւ Բելառուսի հեռահաղորդակցության ոլորտներում գործող թվով 11 օպերատորների: Այսինքն, ՀՀ-ն ԱՊՀ անդամ հերթական պետությունն է, որի հեռահաղորդակցության ոլորտը ցանկանում են գրավել ռուսական ըներությունները: 

Վահագն Հովակիմյան

Տպել
419 դիտում

Վարչապետ Փաշինյանը շնորհավորել է Իսլանդիայի վարչապետին Ազգային տոնի կապակցությամբ

Ավելի քան 4000 մարզիկ՝ շուրջ 190 երկրից. Արցախը պատրաստվում է համահայկական 7-րդ ամառային խաղերին

10 հազար տոննա ոսկու հանքանյութ են արդյունահանել հատուկ պահպանվող տարածքում. հարուցվել է քրգործ

ՔՊ վարչության որոշ անդամների դեպքում ընտրությունը սպասելի էր, որոշ անդամների դեպքում՝ ոչ․ Արարատ Միրզոյան

Երեւանի քաղաքապետարանը վերելակների նոր խմբաքանակ ձեռք բերելու համար մրցույթ է հայտարարում. Հակոբ Կարապետյան

Քոչարյանի եւ ՌԴ դեսպանի հանդիպման վերաբերյալ ԱԳ փոխնախարարի ասածն իր կարծիքն է, կրկնում եմ՝ ես չեմ ողջունում․ ԱԺ նախագահ

Ես բացառում եմ, թե գրոհ կա Գագիկ Ծառուկյանի ուղղությամբ․ Արարատ Միրզոյան

Հնարավոր է կարկուտ. ԱԻՆ-ը զգուշացնում է

Համահայկական 7-րդ խաղերի երկրորդ ջահը վառվեց Խոր Վիրապում (լուսանկարներ)

Ինձ համար Ռոբերտ Քոչարյանի եւ ՌԴ դեսպանի հանդիպումը տարակուսելի է եւ ողջունելի չէ․ Ռուբեն Ռուբինյան

Համաշխարհային միջուկային զինանոցը կրճատվել է․ Զեկույց

Վարչապետի որոշմամբ Աշոտ Մուսայանն ազատվել է անշարժ գույքի կադաստրի կոմիտեի ղեկավարի տեղակալի պաշտոնից

Որո՞նք են կանանց իրավունքների խախտմանը նպաստող պայմաններն աշխատավայրում. ՄԻՊ-ի իրազեկող տեսանյութը

Ես կոնֆլիկտային մարդ չեմ եւ կարծում եմ՝ դժվար չի լինելու ինձ հետ հարաբերվելը. Նարինե Թուխիկյան

Կոմիտասի շուկայի հարակից մայթը ազատվում է կրպակներից՝ սեփականատիրոջ միջոցներով. Երեւանի քաղաքապետարան

ՀՀ-ում տնտեսվարողների կարծիքը հարկային վարչարարության վերաբերյալ դեպի լավն է փոխվել. ՊԵԿ-ը հարցում է անցկացրել

Ֆրանսիացի քաղաքապետը Շուշիի հետ կնքված բարեկամության հռչակագիրը կբողոքարկի դատարանում

ԱՄՆ-ն դիտարկում է Իրանին ռազմական հարված հասցնելու հնարավորությունը. Պոմպեո

Վարդան Բալայանն ազատվել է Արցախի ՊԲ հրամանատարի տեղակալի պաշտոնից

Դիլիջան-Իջևան սարսափն այլևս չկա. մայրուղու հսկայական հատվածներ արմատապես ասֆալտապատվել են. Սաֆարյան