«Սասստեքս»-ում լարված վիճակ է. աշխատակիցների մուտքը գործարան արգելված է (լուսանկարներ, տեսանյութ)

«Սասստեքս» կարի ֆաբրիկայի բակում վաղ առավոտից էին կրքելը լարվել: Աշխատակիցներն արդեն երկրորդ շաբաթն է՝ 08:30 գալիս, սակայն ներս մտնելու իրավունք չեն ստանում: Տարածքի շինարարության պատասխանատու Ներսես Տասչյանին հանձնարարված է որեւէ մեկին ներս չթողնել: Ինչո՞ւ հարցին Ներսեսը կարճ պատասխանեց՝ աստեղ շատ ստախոսներ կան: Հետո ստախոս համարվելու հերթը նաեւ լրագրողներին հասավ: Աշխատակիցները պատմեցին, որ իրենց գործընկերենրից մեկին Ներսեսն ասել է, որ էլ չպետք է աշխատի եւ ազատված է աշխատանքից: Արտասվող կինը պատմեց, որ պատճառը եղել է լրագրողների հետ զրուցելն ու թունավոր կտորով աշխատելու մասին բարձրաձայնելը:Ներսեսը հյուրերին պատմեց, որ առավոտյան, երբ հարցրել են՝ ուզու՞մ եք աշխատել, մի մասն ասել են՝ այո, մյուսները՝ ոչ: Ովքեր համաձայն են եղել աշխատելու, պնդել են, որ ունեցած պայմանագրերը մնան ուժի մեջ: Նրանք, ովքեր աշխատել չեն կամեցել, կրկին նույն պահանջն են ունեցել, հրաժարվել են նոր պայմանագրի կնքումից: «Երեւանում, Վանաձորում այս նույն գործարանը կա, եւ աշխատակիցները Վանաձորում 100.000 դրամից ավել են աշխատած: Եթե ուզեն, իրենք ալ կաշխատին: Բայց իրենց սուտ աբնե են խոսում, ասում են՝ թունավոր կտոր է, մենք չունինք էդպիսի կտոր, ասում են՝ աշխատանքից ազատել եմ, բայց ես մեկ մարդ անգամ աշխատանքից չեմ ազատած»:Միմյանց ուղղված մեղադրանքներին այսօր լրագրողներից բացի ականատես էին նաեւ  ՀՀ Առողջապահական և աշխատանքի տեսչական մարմնի աշխատակիցները: Ասացին՝ Գյումրիում են Շիրակի մարզպետարանի հրավերով, նաեւ լրատվական հրապարակումներն են նկատի ունեցել: Նրանց հետ Ներսես Տասչյանն առանց աշխատակիցների շրջեց ֆաբրիկայում, բացատրեց՝ ինչպես են աշխատում, ինչ են անում: Իրավապաշտպան Արմեն Պետրոսյանն էլ նկատեց, թե ճիշտն առանց Ներսեսի աշխատակիցների հետ հանդիպելն է, քանի որ վերջինից բոլորը վախենում, նորմալ չեն խոսում:Բայց աշխատակիցների մոտ դանակը ոսկորին հասել, վաղուց արդեն անցել է: Այսօր, հատկապես, ամեն ինչի մասին բաց խոսեցին: «Չենք կարող էդ իրանց պլանի դիմաց էդ մեքենաներով աշխատել, բոլորը հին, փչացած մեքենաներ են: 15-ից 20.000 դրամով ոչ մեկն աշխատել, ապրել չի կարող: Գոնե մեր նվազագույնը պահեն, հետո դրան ավելացնեն գործարքայինը: Իրանց տված բանաձեւն անհնար բան է»,- ասացին նրանք:Նաեւ պնդեցին, որ աշխատել են հրակայուն, թունավոր կտորով, ինչի հետեւանքով առողջական խնդիրներ են ունեցել՝ սրտխփոց, սրտխառնոց, ալերգիա, քոր, բերանների խոռոչներում եւ աչքերի շրջանում վերքեր: Ներսեսն ասաց՝ ստում են: Այնուհետեւ հրահանգեց պահեստից բերել այն կտորը, որով աշխատել են: Աշխատակիցներից մեկը մի քանի կտորներ բերեց, կարող բանվորները, սակայն, պնդեցին, որ դրանց մասին չեն խոսում: Անկախ այդ հանգամանքից, տեսչության աշխատակիցները հենց դրանք վերցրեցին լաբորատոր փորձաքննության համար:

Ինչու՞ են աշխատակիցները բանվորի գործ արել, արկղեր կրել, հարցին, Ներսեսը պատասխանեց՝ քույրաբար են արել, մենք որպես եղբայր խնդրել ենք, բայց դրանք ծանր չեն եղել: Գործարանի ղեկավարության տեսակետը կիսող աշխատակիցներից մեկն էլ շտապեց տեղեկացնել, թե իրենց աշխատաժամից չի գնացել այդ ժամանակը: Արկղերը կրել են աշխատանքից հետո: Այնուհետեւ որոշում կայացվեց բացել կադրերի բաժնին հատկացված սենյակի դուռը, որպեսզի աշխատակիցները տեսչական մարմնին իրենց բողոքները գրավոր ներկայացնելու հանարավորություն ունենան: Այս խառն իրավիճակում գործարան եկավ հիմնական պատվիրատուն՝ Վալտեր Գոջկետան (Valter Gojceta): Անվարժ, բայց հասկանալի ռուսերենով ասաց՝ իր հեռանալուց հետո այստեղ ամեն բան կարգին է եղել, թե հիմա ինչ է պատահել, չի հասկանում: Շիրակի փոխմարզպետ Վարդան Գրիգորյանի հետ զրույցում վստահեցրեց, որ իր ղեկավարությունն անպայման ուզում է Հայաստանի հետ աշխատել: Այնպես որ, Գյումրին պետք է հանգստանա, հանդարտվի, խնդիրները կարգավորվեն, որ անցնեն գործի:Բայց թե այդ գործի անցնելը երբ կլինի, դեռ անհայտ է: Փոխմարզպետի բոլոր ջանքերն ապարդյուն էին: Ներսես Տասչյանն այդպես էլ չկարողացավ պատասխանել հարցին՝ վաղն աշխատանքայի՞ն է լինելու ֆաբրիկայում, թե՝ ոչ:

Ու՞ր է Քրիստիան Գելիջին եւ երբ է գալու Գյումրի: «Երբ ուզի կգա: Մի քիչ առողջական խնդիր ուներ, 4 օր առաջ է եկել Հայաստան»: Փաստորեն, Քրիստիան Գելիջին իր աշխատակիցներին տեսնելու ցանկություն չի ունեցել, նաեւ այս օրերին որեւէ կապ չի հաստատել Շիրակի մարզպետի հետ՝ խնդրի պարզաբանման համար: Բայց մեկ բան Ներսես Տասչյանը վստահ ասաց՝ աշխատակիցների քիչ վարձատրվելը խոտան ապրանքի հետ կապ չունի: Նման բան չկա: Հիշեցնենք, որ երբ խնդիրը ծագեց, աշխատակիցները մեղադրվեցին խոտան աշխատանք Եվրոպա ուղարկվելու մեջ: Դրանով էլ այդ օրերին պայմանավորվեց վերջիններիս ստացած ցածր աշխատավարձը:  

Լուսանկարներում ֆաբրիկայի սենյակներից մեկն է եւ այն տեխնիկան, որով աշխատում են

Տպել
1941 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան