Հարուցված բազմաթիվ քրգործեր. կտրուկ ակտիվացել է «Վանաձոր» ՔԿՀ-ում ապօրինի թմրամիջոցների ներթափանցման դեմ պայքարը

12/06/2019 schedule17:59

ՀՀ Լոռու մարզի դատախազությունում այս տարվա սկզբին ուսումնասիրվել էր 2018 թվականի ընթացքում ՀՀ ԱՆ «Վանաձոր» քրեակատարողական հիմնարկում ապօրինի թմրամիջոցների իրացման, ձեռք բերման և առհասարակ դրանց ապօրինի շրջանառության դեմ տարվող պայքարի ու կանխարգելման օրինականության վիճակը: Պարզվել էր, որ նաև ՔԿՀ-ի աշխատակիցների կողմից իրենց աշխատանքային պարտականությունները պատշաճ կերպով չկատարելու հետևանքով էապես նվազել են լատենտային բնույթ կրող այս հանցագործության դեպքերի բացահայտման ցուցանիշները: Այս մասին հայտնում են դատախազության մամուլի ծառայությունից:

Մասնավորապես արձանագրվել է, որ 2018թ. ողջ տարվա ընթացքում ՀՀ ԱՆ «Վանաձոր» ՔԿՀ աշխատակիցների կողմից հայտնաբերվել և կանխվել էր թմրամիջոցների ապօրինի շրջանառության ընդամենը 3 դեպք: Մինչդեռ Լոռու մարզի դատախազության հետևողականության արդյունքում ակնհայտ էր դարձել, որ հիշյալ հիմնարկում եղել են թմրամիջոցների ապօրինի շրջանառության այլ արատավոր դրսևորումներ: Օրինակ, Լոռու մարզի ընդհանուր իրավասության առաջին ատյանի դատարանում քննվող քրեական գործի հերթական դատական նիստի ընթացքում ամբաստանյալը հայտնել էր, որ ՀՀ ԱՆ «Վանաձոր» ՔԿՀ-ում պատիժ կրելու ընթացքում օգտագործել է «ազալեպտին» և «դիազեպամ» տեսակի հոգեմետ նյութեր, որոնք իրեն տրամադրել են քրեակատարողական հիմնարկի դատապարտյալները:

Չնայած մարզի դատախազի կողմից այս կապակցությամբ ներկայացված զեկուցագրի հիման վրա ՔԿՀ-ում նյութերի նախապատրաստման շրջանակներում անձը տված բացատրություններով հերքել էր դատարանում իր կողմից արված հայտարարությունը, սակայն նշանակված դատատոքսիկոքիմիական փորձաքննության եզրակացությամբ հաստատվել էր, որ նրանից վերցված մեզի փորձանմուշում հետազոտությամբ հայտնաբերվել է «ամֆետամին» տեսակի թմարմիջոց: Ընդ որում՝ նույն եզրակացությամբ փաստվել էր, որ տվյալ տեսակի թմարմիջոցն ու դրանց մետաբոլիտները կարող են հայտնաբերվել օրգանիզմ ներմուծումից հետո շուրջ 1-ից մինչև 10-ն օրվա ընթացքում: Այսինքն թմրամիջոցը ՔԿՀ է ներթափանցվել, իրացվել և օգտագործվել այդ ժամանակահատվածում, ինչը փաստացի դուրս էր մնացել ՔԿՀ համապատասխան ծառայողների տեսադաշտից:

Նշված փաստական տվյալները վկայել են, որ ՀՀ ԱՆ «Վանաձոր» ՔԿՀ-ի, ինչպես նաև ՀՀ ոստիկանության Լոռու մարզային վարչության ենթակայության տակ գտնվող բաժինների աշխատակիցների կողմից ապօրինի թմրամիջոցների իրացման դեպքերի նկատմամբ չի իրականացվել պատշաճ վերահսկողություն, չեն ձեռնարկվել գործուն միջոցառումներ դրանք կանխելու ուղղությամբ: Ավելին՝ քրեական գործերի նյութերի ուսումնասիրությամբ պարզվել էր, որ 2018թ. հայտնաբերված երեք դեպքերից երկուսում ապօրինի ձեռք բերված թմրամիջոցի կամ հոգեմետ նյութերի՝ ՔԿՀ ներս անցկացնելու և իրացնելու փորձերին անմիջական մասնակցություն են ունեցել ՔԿՀ-ի աշխատակիցները:

Հաշվի առնելով առկա անհանգստացնող վիճակը՝ ՀՀ Լոռու մարզի դատախազ Արսեն Մարտիրոսյանն այս տարվա փետրվարին միջնորդագիր էր ներկայացրել ՀՀ ԱՆ «Վանաձոր» ՔԿՀ պետին և ՀՀ ոստիկանության Լոռու մարզային վարչության պետին՝ ձեռնարկելու ակտիվ, համագործակցված և գործուն միջոցառումներ՝ ՀՀ ԱՆ «Վանաձոր» ՔԿՀ-ում թմրամիջոցների ապօրինի շրջանառության դեպքերը հայտնաբերելու, դրանք կանխարգելելու ուղղությամբ:

Մարզի դատախազություն ստացված պատասխան գրություններով հավաստիացվել էր, որ միջնորդագրի քննարկման արդյունքում ՔԿՀ-ում ուժեղացվել է հսկողությունը արգելված իրերի, հատկապես թմրամիջոցների ներթափանցման ուղիները, հանգամանքները և մեղավորներին հայտնաբերելու ուղղությամբ և այդ նպատակով ձեռնարկվում են ակտիվ միջոցառումներ: Բացի այդ՝ Ոստիկանության մարզային վարչության ենթակա բաժիններին և ՔԿՀ համապատասխան ծառայողներին հանձնարարվել էր ակտիվացնել թմրամիջոցների իրացման փաստերի հայտնաբերման նպատակով համագործակցությունը, գործուն միջոցներ ձեռնարկել թմրամիջոցների ապօրինի շրջանառության, այդ թվում թմրամիջոցների իրացման վերաբերյալ օպերատիվ-տեղեկություններ ձեռք բերելու և իրացնելու ուղղությամբ համակարգված միջոցառումները: 

Արդյունքում, ըստ մարզի դատախազությունում իրականացված՝ 2019 թվականին ՀՀ ԱՆ «Վանաձոր» ՔԿՀ-ում թմրամիջոցների ապօրինի շրջանառության դեմ տարվող պայքարի աշխատանքների վիճակի միջանկյալ ուսումնասիրության՝ մարզի դատախազի միջնորդագրի հիման վրա նշված ուղղություններով ակտիվացված աշխատանքների շնորհիվ այս տարվա ընթացքում, հունիսի 10-ի դրությամբ, արդեն իսկ հայտնաբերվել է ՔԿՀ թմրամիջոց անցկացնելու փորձի 5 դեպք, այսինքն 2 դեպքով կամ 60 տոկոսով ավելի, քան ամբողջ 2018թ. ընթացքում: Նշված 5 դեպքերից 4-ով ՀՀ քրեական օրենսգրքի 34-268-րդ, 34-266-րդ և 266-րդ հոդվածների տարբեր մասերի հատկանիշներով հարուցվել է 4 քրեական գործ, իսկ մեկ դեպքով քրեական գործ հարուցելը մերժելու մասին որոշում է կայացվել՝ նկատի ունենալով, որ ՔԿՀ այցելած անձի մոտ հայտնաբերված թմրամիջոցը եղել է մանր չափի, ինչի պատճառով վերջինս ենթարկվել է վարչական պատասխանատվության:

Նշված քրեակատարողական հիմնարկ ապօրինի հոգեմետ նյութ անցկացնելու և իրացնելու փորձ կատարելու դեպքի առթիվ վերջին քրեական գործը ՀՀ ԱՆ «Վանաձոր» քրեակատարողական հիմնարկի հետաքննիչի կողմից նախապատրաստված նյութերով հարուցվել է հունիսի 7-ին՝ ՀՀ քրեական օրենսգրքի 34-268-րդ հոդվածի 1-ին մասով և ՀՀ քրեական օրենսգրքի 34-266-րդ հոդվածի 2-րդ մասի 3-րդ կետի հատկանիշներով: Նյութերի նախապատրաստմամբ պարզվել է, որ Վանաձոր քաղաքի բնակիչն ապօրինի ձեռք է բերած և իր տաբատի գրպանում քողարկած՝ «Պրեգաբալին» հոգեմետ նյութ պարունակող «PGN-300» գրառմամբ թվով երկու հատ դեղապատիճը իրացնելու նպատակով փորձել էր անցկացնել ՀՀ ԱՆ «Վանաձոր» քրեակատարողական հիմնարկ՝ փորձելով օգտվելով նույն հիմնարկում պահվող կալանավորված անձին տեսակցելու հնարավորությունից: Սակայն հանցագործությունն ավարտին հասցնել չէր կարողացել, քանի որ վերջինիս անձնական խուզարկությամբ թմրամիջոցը հայտնաբերվել և վերցվել էր ՔԿՀ ծառայողների կողմից: Դեպքի առթիվ հարուցված քրեական գործը նախաքննություն իրականացնելու նպատակով ուղարկվել է ՀՀ ՔԿ Լոռու մարզային վարչություն:

Տպել
200 դիտում

Խոշոր վթար Լոռու մարզում. կա 1 զոհ, 3 վիրավոր (լուսանկարներ)

Երեւան-Բաթումի գնացքում հարբած տղամարդը հայհոյել ու քաշքշել է ուղեւորներին

Ստամբուլում բացվել է Հրանտ Դինքին նվիրված «հիշողության կենտրոն»

Հենրիխ Մխիթարյանի հարսանեկան ֆոտոշարքը The Daily Mail-ում

Ապամոնտաժվում են կամուրջների, վերգետնյա անցումների և ուղեանցերի անօրինական գովազդները

Կոտայքում 81-ամյա կինը ոստիկաններին հայտնել է, որ իր կիսաշրջազգեստի գոտու մեջից հափշտակել են մոտ 15 հազար դոլար

Խարկովում 18-ամյա հայ ուսանողին դուրս են նետել պատուհանից. կասկածյալներն ադրբեջանցիներ են

Խաղաղությունը եւ հանդուրժողականությունը Հայաստանում առաջնահերթ սկզբունքներ են. Միրզոյան

Քարագլուխ համայնքում բրուցելոզ հիվանդությունը չի նահանջում. վարակված են նաեւ մի քանի բնակիչներ (լուսանկարներ)

ՀՀ ՄԻՊ-ն ու ԵԽ գլխավոր քարտուղարի տեղակալը կարևորել են դատաիրավական բարեփոխումների իրականացմանն աջակցելը

Երեւանի Արգենտինայի հրապարակում կտեղադրվի Մանուել Բելգրանոյի կիսանդրին

Ապամոնտաժվում են Կոմիտասի պողոտայի շուկայի հարակից առևտրային տաղավարները (լուսանկարներ)

Ֆրանսիան կողմ չէ Եվրոպայի խորհրդից Ռուսաստանի դուրս գալուն

ԱԺ-ում քննարկվել են մշակույթի ոլորտի գնումներին առնչվող հարցեր. կձեւավորվի հատուկ աշխատանքային խումբ

Հենրիխ Մխիթարյանը լուսանկար է հրապարակել իր պսակադրությունից

Աղբահանության նորաստեղծ հիմնարկի տնօրենը կվարձատրվի այնքան, որքան քաղաքապետը՝ 850 հազար դրամ, հավաքարը՝ 200-300 հազար

Տեղի է ունեցել ՀՅԴ-ԲՀԿ կուսակցությունների հանդիպում

NTV-ն հրապարակել է Ջիգարխանյանի նախկին կնոջ եւ Էլինա Մազուրի ծեծկռտուքի ամբողջական տեսանյութը

Մահացել է Եգիպտոսի նախկին նախագահ Մուհամմեդ Մուրսին

ՃՏՊ Նորավան գյուղի մոտակայքում. կան տուժածներ