Նիդերլանդների խորհրդարանը բանաձեւ է ընդունել՝ դատապարտելով ցեղասպանվածների մասին Էրդողանի հայտարարությունը

Նիդերլանդների խորհրդարանն այսօր գրեթե միաձայն բանաձեւ է ընդունել, որով դատապարտում է Թուրքիայի նախագահի ս.թ. ապրլի 24-ի հայտարարությունը՝ Հայոց ցեղասպապանության զոհերի վերաբերյալ եւ միեւնույն ժամանակ պարտավորեցնում է կառավարությանը՝ այդ դիրքորոշման մասին տեղեկացնել Թուրքիայի իշխանություններին:

Միջնորդությունը հունիսի 6-ին Նիդերլանդների խորհրդարան է ներկայացրել Քրիստոնեական միության պատգամավոր Ջոել Վորվերնդինդը:

Նիդերլանդների հայկական կազմակերպությունների ֆեդերացիան (FAON) կոչ էր արել խորհրդարանին ձեռնարկել միջոցներ `ի պատասխան այդ անընդունելի դիտողությունների:

Արտգործնախարար Ստե Բլոկը միջնորդության դեմ չի եղել, բայց հարցը թողել է խորհրդարանի որոշմանը:

Ապրիլի 24-ին Թուրքիայի նախագահ Ռեջեփ Թայիփ էրդողանը նամակ էր հղել Պոլսո Հայոց Պատրիարքական ընդհանուր փոխանորդ Արամ Աթեշյանին, որում Հայոց ցեղասպանությանը զոհ գնացած 1.5 միլիոն հայերին համարել է «Առաջին համաշխարհային պատերազմի զոհեր»: Միջոցառումներից մեկի ժամանակ էլ նա ընդգծել է, որ շատերն այդ ժամանակահատվածում զոհվել են «հայկական հրոսակախմբերի ու զինված խմբավորումների» հրահրած անկարգությունների հետեւանքով:

«Պատմական եղելություններին հակառակ՝  հայկական հարցի միջոցով մեզ նեղը գցողների արյունոտ անցյալը ամեն առիթով պետք է իրենց երեսով տանք»,- ասել է Թուրքիայի նախագահը՝ հավելելով. «Արեւելյան Անատոլիայի մահմեդականներին, անգամ կանանց, երեխաներին ու ծերերին կոտորող հայկական հրոսակախմբերի ու նրանց աջակիցների տեղահանությունը ամենաողջամիտ որոշումն էր, որ կարելի էր կայացնել նման պայմաններում: Տեղահանությունն այլ բան է, կոտորածը այլ: Ու՞մ եք խաբում: Մենք մեր արխիվները մինչեւ վերջ բացել ենք, է՜յ հայեր, թե արխիվներ ունեք, դուք էլ բացեք»:

Թուրքիայի նախագահ Ռեջեփ Թայիփ Էրդողանի այդ հայտարարություններին արձագանքել էր Հայաստանի վարչապետ Նիկոլ Փաշինյանը՝ ապրիլքսանչորսյան այդ ելույթը անվանելով Հայոց ցեղասպանության ժխտման նոր մակարդակ եւ «ազգի սպանությունների արդարացում»: 

«Ամենից առաջ` ապրիլի 24-ին այդպիսի հայտարարությունը հայ ժողովրդի եւ ողջ մարդկության հանդեպ խորին վիրավորանք է եւ ծայրահեղ ատելության խոսք անձամբ Էրդողանի կողմից: Աշխարհը պետք է չլռի»,- «Twitter»-ի իր միկրոբլոգում գրել էր ՀՀ վարչապետը:

Տպել
9134 դիտում

Երեւանի, Եղեգնաձորի եւ Մալիշկա գյուղի բնակելի հատվածներից 5 գյուրզա, 1 սահնօձ է հայտնաբերվել ու տեղափոխվել

Դատարան ժամանեցին Մարտի 1-ի զոհերի իրավահաջորդները, ՀՀ գլխավոր դատախազը

«Մարտի 1»-ի տուժածներից Բաբկեն Մկրտչյանի իրավահաջորդը բաց նամակով դիմում է դատավորին

Հրդեհ Թաիրով գյուղում. խոտածածկ տարածքի հրդեհման հետեւանքով այրվել է վագոն-տնակ

«Արցախ» ակումբն անվանափոխվել է. պաշտոնական

ԱԱՏՄ-ն բժշկական կազմակերպություններին հորդորում է զերծ մնալ աշխատողի հետ պայմանագրեր կնքելու «արատավոր» պրակտիկայից

Հովհաննես Մովսիսյանն այցելել է իրանական IRNA գործակալություն

ՀՀ ԱԽ քարտուղարը և ՉԺՀ Կոմկուսի քաղաքաիրավական հարցերի քարտուղարը հանդիպել են

«Քաղաքացիական պայմանագրի» վարչության փոխնախագահներ են ընտրվել Ռուբեն Ռուբինյանն ու Հակոբ Սիմիդյանը

ՀՀ անվտանգության խորհրդի քարտուղարը հանդիպել է իրանցի գործընկերոջը, հրավիրել նրան Երեւան

Ներկայացվել է ՊԵԿ 2020-2024 թվականների ռազմավարական գործունեության ծրագրի նախագիծը

Ըմբիշ Վիգեն Նազարյանը՝ Եվրոպայի պատանեկան առաջնության փոխչեմպիոն

Գեւորգ Ղազարյանը կարող է հայտնվել ղազախական թիմում

Համահայկական խաղերի կոմիտեն կոչ չի արել ՀՀ նախագահներին մասնակցել Արցախում խաղերի բացման արարողությանը

ՀՀ մարզերում բաժիններ են բերվել «օրենքով գողեր» (տեսանյութ)

Ռոբերտ Քոչարյանի եւ մյուսների գործով վաղը դատարան կգան Մարտի 1-ի 10 զոհերի իրավահաջորդները

Եղեգնաձորում բենզալցակայանին կից տեղի է ունեցել գազի բալոնի պայթյուն (տեսանյութ)

Սերժ Թանկյանը, հայտնի ֆուտբոլիստները եւ ուրիշներ շնորհավորել են Մխիթարյանին ամուսնության կապակցությամբ

Սասստեքսն իր աշխատակիցներից մի քանիսին է ներս մտնելու իրավունք տվել

Պաշտպանության նախարարն ընդունել է Գերմանիայի դեսպանին