«Տեսնել Գյումրին, նշանակում է տեսնել ամբողջ Հայաստանը». ՀՀ-ում Իտալիայի արտակարգ եւ լիազոր դեսպան

Երեւանում անցկացվող հայ-իտալական համաժողովի երկրորդ օրը Իտալիայից ժամանած պատվիրակության անդամները Հայաստանում Իտալիայի արտակարգ և լիազոր դեսպան պարոն Վինչենցո Դել Մոնակոյի գլխավորությամբ անցկացրեցին Գյումրիում: «Բարով եք եկել»,- Գյումրու քաղաքապետարանի նիստերի դահլիճում հյուրերին ողջունեց քաղաքապետ Սամվել Բալասանյանն ու ավելացրեց՝ ողջույնը բոլոր գյումրեցիների անունից էր: Իսկ որպեսզի Հայաստանում Իտալիայի արտակարգ և լիազոր դեսպան պարոն Վինչենցո Դել Մոնակոյի գլխավորած պատվիրակության անդամները նախապես ծանոթանային Գյումրիին, յուրաքանչյուրը որպես նվեր եռալեզու Գյումրի գիրքը ստացավ:«Ես գիտեմ, որ շատ մեծ հետաքրքրություն կա Գյումրու նկատմամբ, որպես պատմական քաղաքի: Ես, որպես քաղաքապետ, ուզում եմ ասել՝ անպայման արեք Գյումրի, կատարեք ներդրումներ: Ձեր այսօրվա շրջայցի ընթացքում դուք կհամոզվեք, թե ինչ քաղաք է Գյումրին»,- ասաց Սամվել Բալասանյանը:

Դեսպան Վինչենցո Դել Մոնակոն ասաց՝ հատուկ վերաբերմունք ունի Գյումրիի նկատմամբ: Մինչ այս այցն էլ շատ բան գիտեր այս պատմական քաղաքի մասին: «Ես Գյումրին իմ երկրորդ նստավայրն եմ համարում Երեւանից հետո: Իմ անձնական վերաբերմունքից եւ պատմական նշանակության տեսանկյունից Գյումրին ինձ շատ է հիշեցնում այն քաղաքների մշակութային շերտերը, որոնք ես գիտեմ Իտալիայում: Մի քաղաք, որն ունեցել է փառահեղ անցյալ, շատ բան արել, եւ անում է Հայաստանի համար: Մի քաղաք, որը նաեւ շատ դժվարություններ է տեսել պատմության ընթացքում, բայց այդ դժվարությունները չեն կարողացել ոչնչացնել քաղաքի դեմքն ու այն դրական էներգիան, որը հորդում է այս քաղաքից»,-ասաց դեսպանը:

«Շիրակի մարզը, մասնավորապես, Գյումրին բացառիկ քաղաքներից է, որի ճարտարապետությունն ու քաղաքաշինական դիմագիծը հիանալի հնարավորություն են տալիս զբոսաշրջիկներին գրավելու, նոր ներդրումների համար եւս հիանալի հնարավորություններ կան: Շիրակի մարզը նաեւ էքստրեմալ տուրիզմի, գաստրոտուրիզմի և այլ ասպարեզներում իր ներուժն օգտագործելու լայն հնարավորություն ունի: Մենք բաց ենք համագործակցության համար, պատրաստ ենք քննարկելու ցանկացած առաջարկ՝ նպաստելու տեղի և Իտալիայի գործարարների հանդիպումներին ու համագործակցությանը»,-համաժողովի ընթացքում ներկաներին ասաց Շիրակի մարզպետ Տիգրան Պետրոսյանը:

Սամվել Բալասանյանը ներկաներին առաջարկեց մտածել ներդրումային լուրջ ծրագրերի մասին: «Ես գիտեմ, որ տարբեր մասնագիտությունների եւ տարբեր ընկերություններ ներկայացնող կազմակերպությունների անդամներ կան այսօր այստեղ: Վստահաբար ասում եմ, որ ցանկացած ներդրումային ծրագիր եթե ներկայացվի, կանգնած կլինենք Ձեր կողքին, եթե ունենք ծրագրեր, պարոն դեսպան, ապա արեք: Մենք այս մասին շատ ենք խոսել, մենք ունենք Կումայրի արգելոց թանգարան, դրանով բոլորն են այսօր պարծենում, դա պատմական մեծ արժեք է»:

Դեսպանն էլ ընդգծեց՝ հստակ մտադրությամբ են համաժողովի երկրորդ օրը Գյումրիում: «Դուք գիտեք իմ հատուկ վերաբերմունքը Գյումրիի նկատմամբ, մի այսպիսի մոտեցում կա՝ երբ ասում ենք՝ գնում ենք Գյումրին տեսնելու, նշանակում է՝ տեսնում ենք ամբողջ Հայաստանը: Մենք Գյումրի հաճույքով ենք գալիս եւ նպատակներս միայն մշակութային չէ: Տնտեսական նկատառումներ նաեւ ունենք: Ձեր ուղերձը լուրջ ենք ընդունել եւ դրա համար ենք այստեղ մեծ պատվիրակությամբ եւ կարեւոր առաքելությամբ: Ես նաեւ խնդրել եմ, որ այս հանդիպմանը մասնակցի Իտալիայի արտաքին գործերի նախարարությունը եւ Իտալիայի Շինարարների միությունը ներկայացնող իմ կոլեգան, այստեղ է նաեւ Իտալիայի առեւտրի վարչության պետը, որի նստավայրը Մոսկվան է, բայց լուրջ կապեր կան նաեւ Հայաստանի հետ: Այստեղ է նաեւ մի կարեւոր կազմակերպություն, որը ներկայացնում է Իտալիայի ճարտարապետության ոլորտը: Այնպես որ լուրջ անելիք կա»:

Համաժողովն անցկացվեց բացառապես հետևյալ առաջնահերթ ոլորտների շեշտադրումներով՝ մարզային նախաձեռնություններ և ֆինանսական գործիքներ, վերականգնվող էներգիա և էներգիայի արդյունավետացում, թափոնների վերամշակում և շրջանառություն, խելացի քաղաքներ, քաղաքային տրանսպորտ, Հյուսիս-հարավ ճանապարհային միջանցք, քաղաքային հատակագծում և Գյումրի քաղաքի պատմական կենտրոնի վերականգնում:

Համաժողովից հետո հյուրերը Շիրակի մարզպետ Տիգրան Պետրոսյանի ուղեկցությամբ շրջեցին քաղաքում, եղան սբ Յոթ Վերք եկեղեցում, ծանոթացան քաղաքի ճարտարապետությանը:Հիշեցնենք, որ հունիսի 10-ին առաջին անգամ Երևանում անցկացվեց հայ-իտալական բիզնես համաժողով, որին մասնակցեցին Իտալիայի Կառուցապատող ընկերությունների ազգային ասոցիացիան (ANCE), Իտալիայի Ճարտարագիտական և վարչական-տեխնիկական խորհրդատվության կազմակերպությունների ասոցիացիան (OICE), Խառը մեխանիկայի կոնֆինդուստրիան (ANIMA) և Իտալիայի Արտաքին առևտրի ազգային ինստիտուտը (ICE):

Տպել
744 դիտում

Արագիլների անկման կապակցությամբ Հրազդան գետի, Հովտաշենին հարող ցամաքուրդային ջրերի նմուշառման աշխատանքներ են իրականցվում

ՔԿ պարզաբանումը՝ Սամվել Կարապետյանի եղբորորդու գործի վերաբերյալ

Փոխվարչապետ Տիգրան Ավինյանը հանդիպել է ՄԱԿ-ի գլխավոր քարտուղարի հատուկ հանձնակատարին

Բացի աշխատանքից՝ բարեկեցություն ստեղծելու այլ ճանապարհ չկա․ Նիկոլ Փաշինյան

Նեթանյահուն դարձել է Իսրայելի ամենաերկար պաշտոնավարած վարչապետը

Սեւանի ոստիկանները բացահայտել են ապօրինի ծառահատման դեպքը. վարորդը չի ենթարկվել ոստիկանների պահանջին

«Իմ քայլը հանուն Շիրակի» բիզնես համաժողովի ընթացքում ներդրումային ծրագրեր ներկայացրին մոտ 50 ընկերություններ եւ անհատներ

ՍԴ ոչ լեգիտիմ նախագահ Հրայր Թովմասյանը հայտարարում է, որ ՀՀԿ-ի դատավորներին չի կարելի փոխել

Սոս Սարգսյանը ոչ միայն մեծ արվեստագետ էր, այլեւ մեծ քաղաքացի․ Արմեն Սարգսյան

Էդմոն Մարուքյանն ԱՄՆ-ում խոսել է Հայաստանում իրականացվող բարեփոխումների մասին

Հայաստանի Հանրապետությունը պետք է վերագտնի արդյունաբերական երկրի իր երբեմնի փառքը. վարչապետ

ՄԻՊ-ն ամփոփել է Իջեւանի իրադարձություններն ու արձանագրված խնդիրները

Իշխանության ներկայացուցչի նկատմամբ բռնություն գործադրելու մեղադրանքով որոնվողին գտել են Ուջան գյուղում

Արդարադատության նախարարին կից հասարակական խորհրդի նիստում քննարկվել են դատական, հակակոռուպցիոն ոլորտների բարեփոխումները

Դատարանը վարույթ է ընդունել «Արմոս» ՍՊԸ-ի հայցն ընդդեմ պատգամավոր Գեւորգ Գորգիսյանի

Զարեհ Սինանյանը ՌԴ-ում ապրող հայ ակտիվ երիտասարդներին հրավիրեց սերտ համագործակցության

Դիզվառելիք տեղափոխող բեռնատարը Օձունի մոտ շրջվել է. 2 մարդ տեղափոխվել է Ալավերդու ԲԿ

Կոռուպցիոն համակարգին ուղղակիորեն կապված տնտեսական համակարգի հետ կոմպրոմիս չի լինելու․ վարչապետ (ուղիղ)

Անցնող շաբաթ հակառակորդը Արցախի դիրքապահների ուղղությամբ արձակել է 900 կրակոց

Ոստիկանները Երեւանի Կոմիտասի պողոտայից բերման են ենթարկել 31-ամյա գրպանահատի