Մեկ տարի է՝ հանրապետության նախագահը ՍԴ դատավորի թեկնածու առաջադրելու գործընթացի մեջ է․ դա նորմա՞լ է․ Էմիլ Տարասյան

Այս երկրում շատ չկան անհատ իրավաբաններ, որոնք, ըստ Հանրապետության նախագահի, կարող են հավակնել այդ պաշտոնին, եւ հետեւաբար, մենք 1 տարի հավաքագրել ենք թեկնածուներ, եւ այդ եղած շրջանակից ներկայացվել է Վահե Գրիգորյանը: Այս մասին այսօր ԱԺ-ում լրագրողների հետ զրույցում ասաց ՀՀ նախագահի աշխատակազմի ղեկավար Էմիլ Տարասյանը՝ պատասխանելով հարցին՝ ինչու է Արմեն Սարգսյանը 2 անգամ ՍԴ դատավորի թեկնածուի պաշտոնում առաջադրել Վահե Գրիգորյանին:

Տարասյանի պնդմամբ՝ Արմեն Սարգսյանը ներկայացրել է հետգրություն, որի մեջ մանրամասն ներկայացված է, թե ինչու է առաջադրել Գրիգորյանի թեկնածությունը․

«Մեկ տարի է, որ հանրապետության նախագահը գտնվում է այդ գործընթացի մեջ: Դա նորմա՞լ է։ 4 թեկնածու ներկայացվել է, եւ չեն ընտրվել: Հայտարարության մեջ հստակ նշված էր, որ այդ գործընթացը չէր կարող անվերջ տեւել»,- ասաց նա՝ հավելելով, որ անընդհատ թեկնածու առաջադրելն ու չընտրելն արդեն խնդիր է:

Դիտարկմանը, թե Արմեն Սարգսյանի հայտարարության հետգրությունը քաղաքական նկատառում է պարունակում, Տարասյանն ասաց, որ դա լրագրողի դիրքորոշումն է, եւ որ ինքը ոչինչ չի կարող ասել: 

Տարասյանն ասաց, որ այստեղ խնդիրը քաղաքական շահարկումներից զերծ մնալն է, եւ Արմեն Սարգսյանը թեկնածուներ առաջադրելիս առաջնորդվել է միայն համապետական ու համազգային շահերով, եւ գնահատում է մարդու մասնագիտական որակը:

Այն կարծիքին, որ սահմանադրագետները խնդիր են տեսնում նույն թեկնածուին 2 անգամ առաջադրելու մեջ, Տարասյանն ասաց, որ նախագահը առաջադրողն է, ընտրողը չէ, եւ, որ դա արվում է Սահմանադրական դատարանի օրենքի համաձայն:

Հիշեցնենք՝ Արմեն Սարգսյանը ՍԴ դատավորի թեկնածու է առաջարկել Վահե Գրիգորյանին: Դրանից առաջ նա մի քանի թեկնածուների էր ներկայացրել, սակայն խորհրդարանը նրանց չէր ընտրել: Գրիգորյանի թեկնածությունն Արմեն Սարգսյանն առաջադրում է երկրորդ անգամ։ Առաջին անգամ հայտնի իրավաբանին չէր ընտրել ՀՀԿ խմբակցությունը։

Իսկ Արմեն Սարգսյանը Վահե Գրիգորյանին առաջադրելու հայտարարության մեջ հետգրությամբ նշել էր․

«Հաշվի առնելով անցած մեկ տարվա փորձը, Հանրապետության նախագահն անհրաժեշտ է համարում, որ ապագայում քննարկվի իր իսկ կողմից ՍԴ դատավորի նշանակման հնարավորությունը՝ փոփոխելով գործող ընթացակարգերը՝ նկատի ունենալով Սահմանադրության 138-րդ հոդվածում (Պաշտոնատար անձանց ժամանակավոր նշանակումը) առկա կարգավորումների տրամաբանությունը»:

Տպել
10290 դիտում

Գազամատակարարման պլանային ընդհատում Վանաձորում. 8 ժամ գազ չի լինելու

Փակվել է Ալավերդի-Բագրատաշեն մայրուղու Արճիս գյուղի հատվածը. բողոքում են խմելու ջրի բացակայությունից

Թուրքական մամուլին զայրացրել է Հայոց ցեղասպանության մասին իսրայելցի հեղինակների գիրքը

Խոսրովի անտառ պետական արգելոցի ճանապարհին՝ «Մեղրաքար» կոչվող հատվածում հրդեհ է (լուսանկարներ, տեսանյութ)

Շախմատի միջազգային ֆեդերացիան հետաքննում է՝ ում պատճառով է Մարիա Գևորգյանը զրկվել Թուրքիայի մրցաշարին մասնակցելուց

Փրկարարներին հաջողվել է կանխել քաղաքացու ինքնասպանության փորձը Կիևյան կամրջից

Շենգավիթում հնչած կրակոցների հետեւանքով մահացածը թաղային հեղինակություն է

Վարչապետը տիկնոջ եւ դուստրերի հետ մասնակցել է Գյումրու օրվան նվիրված տոնական միջոցառումներին (լուսանկարներ)

Այս տարի Գյումրին լինելու է Հայաստանի անկախության տոնակատարությունների կենտրոնը․Նիկոլ Փաշինյան

Գյումրիում մեկնարկել է քաղաքի օրվան նվիրված տոնական համերգը (լուսանկարներ, ուղիղ միացում)

Կրակոցներ Երեւանում․ կա 1 զոհ եւ վիրավորներ․ հայտնաբերվել են պարկուճներ, դանակներ․ Shamshyan.com

Գյումրին հայի համար աշխատասիրության, տաղանդի ու ոգու քաղաք է․ Կոմանդոսը մասնակցում է Գյումրու օրվա տոնակատարությանը

Հավանաբար այս տարվա ընթացքում կունենանք ժամանակացույցը՝ 2 տարի է, 3 թե 4․ Շիրակի մարզպետը՝ տնակների խնդրի մասին

Հենց նոր մի հետաքրքիր տեղեկություն իմացա. Նիկոլ Փաշինյան

Լարված վերջաբան Գյումրիում. Փյունիկը 1-3 հաշվով պարտվեց «Շիրակին»

Լուծարվող գիշերօթիկների աշխատակիցները վարչապետի հետ չկարողացան խոսել

Գյումրին պետք է դառնա Երեւանին մրցակից. Ֆելիքս Ցոլակյանը մասնակցում է Գյումրու տոնի միջոցառումներին (լուսանկարներ)

Մենք 21-րդ դարում ենք, բայց մեր ունեցած տեխնիկան 20-րդ դարի է. Ֆելիքս Ցոլակյան

Նիկոլ Փաշինյանը եւ Աննա Հակոբյանը պարում են Գյումրու Ռուսթավելի փողոցում (տեսանյութ)

Հոկտեմբերի 11-ին նախատեսված է Գյումրու ավտոմաքսատան բացումը․ Դավիթ Անանյան