Դատավորը 2013-ին 80 հազար դոլար, իսկ 2014-ին 14 անշարժ գույք է ստացել որպես ժառանգություն

ՀՀ վճռաբեկ դատարանի քաղաքացիական եւ վարչական պալատի դատավոր Արտակ Բարսեղյանը, որը 2009 թվականից զբաղեցնում է այդ պաշտոնը, 2014 թվականի փետրվարի 13-ին բարձրաստիճան պաշտոնատար անձանց էթիկայի հանձնաժողով է ներկայացրել իր 2013-ի տարեկան գույքի եւ եկամուտների հայտարարագիրը:

Հայտարարագրից պարզ է դառնում, որ Բարսեղյանը 2013-ի սկզբում ունեցել է 4 մլն դրամ եւ 5 հազար դոլար, իսկ տարեվերջում այն դարձել է 4 մլն դրամ եւ 85 հազար դոլար: Բարսեղյանը հարկային տարում ստացված եկամուտներ բաժնում նշել է, որ 80 հազար դոլարը ստացել է ժառանգության կարգով: Դրանից բացի նույն տարում Բարսեղյանը ունեցել է 12 մլն 517 հազար 963 դրամի չափով եկամուտ, որից 9 մլն 517 հազար 963 դրամը գոյացել է աշխատավարձից, իսկ 3 մլն դրամը ստացված փոխառություններից:

2015-ի փետրվարի 13-ին Բարսեղյանը էթիկայի հանձնաժողով է ներկայացրել իր 2014-ի տարեկան հայտարարագիրը: Այդ տարվա ընթացքում Բարսեղյանը ձեռք է բերել 14 անշարժ գույք՝ 1 հասարակական նշանակության շինություն (67 մլն 480 հազար դրամ), 1 արտադրական նշանակության շինություն (38 մլն 300 հազար դրամ), 1 բնակարան (19 մլն 70 հազար դրամ), 1 բազմամյա տնկի (6 մլն 800 հազար դրամ), 9 հողամաս (Ընդհանուր 19 մլն 485 հազար դրամ), 1 նորակառույց անշարժ գույք, որը դեռեւս պետական գրանցում չի ստացել (30 մլն 765 հազար 500 դրամ): Ըստ հայտարարագրի վերոնշյալ ամբողջ գույքը Բարսեղյանը ստացել է ժառանգության կարգով:

Հարկային տարում Բարսեղյանը ձեռք է բերել 50 հազար դրամ արժողությամբ բաժնեմաս, որը հարկային տարում օտարվել է: Տարեսկզբում եւ տարեվերջում Բարսեղյանի դրամական միջոցները փոփոխության չեն ենթարկվել՝ 4 մլն 85 հազար դոլար:

2014-ին Բարսեղյանը աշխատավարձից ստացել է 10 մլն 177 հազար 427 դրամի չափով եկամուտ:

2016-ի փետրվարի 12-ին Բարսեղյանը էթիկայի հանձնաժողով է ներկայացրել իր 2015-ի տարեկան հայտարարագիրը: 2015-ին նա ձեռք է բերել 1 ավտոտնակ (192 հազար դրամ), 1 հողամաս (417 հազար 600 դրամ) եւ 1 ավտոմեքենա «AUDI Q7 QUATTRO 3.6 L» մակնիշի (19 մլն դրամ):

Հարկային տարում Բարսեղյանի դրամական միջոցները նվազել են: 2015-ի սկզբում ունեցած 4 մլն դրամը եւ 85 հազար դոլարը տարեվերջում դարձել է 70 հազար դոլար:

2015-ին դատավորն ունեցել է 31 մլն 289 հազար 104 դրամի չափով եկամուտ, որից 11 մլն 397 հազար 95 դրամը գոյացել է աշխատավարձից, 2 մլն 918 հազար 209 դրամը եւ 14 մլն 500 հազար դրամը գոյացել է 2 տարբեր փոխառություններից, իսկ 2 մլն 473 հազար 800 դրամը, որպես եկամտի աղբյուր նշված է «այլ եկամուտներ»:

2017-ի փետրվարի 14-ին Բարսեղյանը էթիկայի հանձնաժողով է ներկայացրել իր 2016-ի տարեկան հայտարարագիրը: Նա օտարել է իր հասարակական նշանակության շինությունը 61 մլն 791 հազար դրամով: 2016-ի սկզբում Բարսեղյանի ունեցած 70 հազար դոլարը, տարեվերջում դարձել է 60 մլն դրամ եւ 70 հազար դոլար: 2016-ին Բարսեղյանն ունեցել է 76 մլն 99 հազար 940 դրամի չափով եկամուտ, որից 11 մլն 308 հազար 940 դրամը գոյացել է աշխատավարձից, 61 մլն 791 հազար դրամը գոյացել է վերոնշյալ գույքի օտարումից, իսկ 3 մլն դրամի գոյացման աղբյուր նշված է՝ «այլ եկամուտներ»:

2018-ի մարտի 29-ին Բարսեղյանը էթիկայի հանձնաժողով է ներկայացրել իր 2017-ի տարեկան հայտարարագիրը: 2018-ի սկզբում Բարսեղյանն ունեցել է 60 մլն դրամ եւ 70 հազար դոլար, իսկ տարեվերջում այն դարձել է 55 մլն դրամ եւ 70 հազար դոլար: 2018-ին Բարսեղյանն ունեցել է 23 մլն 10 հազար 363 դրամի չափով եկամուտ, որից 11 մլն 396 հազար 363 դրամը գոյացել է աշխատավարձից, 3 մլն դրամը եւ 5 մլն դրամը գոյացել է 2 տարբեր փոխառություններից, իսկ 3 մլն 614 հազար դրամի ստացման աղբյուրը նշված է՝ «այլ եկամուտներ»:

2019-ի մայիսի 27-ին Արտակ Բարսեղյանը էթիկայի հանձնաժողով է ներկայացրել իր 2018-ի տարեկան հայտարարագիրը: 2018-ին Բարսեղյանը օտարել է՝ «NISSAN X -TERRA 4.0» մակնիշի ավտոմեքենա՝ 500 հազար դրամով: Տարեսկզբում նրա ունեցած 55 մլն դրամը եւ 70 հազար դոլարը, տարեվերջում դարձել է 55 մլն դրամ եւ 50 հազար դոլար:

2018-ին Բարսեղյանն ունեցել է 15 մլն 616 հազար 885 դրամի չափով եկամուտ, որից 11 մլն 116 հազար 885 դրամը գոյացել է աշխատավարձից, 500 հազար դրամը՝ վերոնշյալ ավտոմեքենայի վաճառքից, իսկ 4 մլն դրամի եկամտի աղբյուրը անհայտ է մնում, քանի որ դարձյալ նշված է՝ «այլ եկամուտներ»:

Նշենք, որ Բարսեղյանը 1997 թվականից մինչեւ 1999 թվականը աշխատել է ՀՀ Արդարադատության նախարարությունում նախ՝ որպես օրենսդրական հարցերի վարչության գլխավոր մասնագետ, այնուհետեւ` նախարարի օգնական։

1999 թվականից մինչեւ 2001 թվականը եղել է Արարատի մարզի Առաջին ատյանի դատարանի դատավոր։ 2001 թվականի հոկտեմբերի 19-ին ՀՀ Նախագահի հրամանագրով նշանակվել է ՀՀ տնտեսական դատարանի դատավոր։ 2008 թվականից մինչեւ 2009 թվականը աշխատել է Երեւանի քաղաքացիական դատարանի դատավոր: 2009 թվականի հունվարի 15-ին ՀՀ Նախագահի հրամանագրով նշանակվել է ՀՀ վճռաբեկ դատարանի քաղաքացիական եւ վարչական պալատի դատավոր։

Տպել
4248 դիտում

Թուրքիայից ԵՄ արտահանումը 2019-ի 7 ամսում կազմել է 47.2 մլրդ եվրո

Այսօր առանձին շրջաններում սպասվում են տեղումներ, առաջիկա օրերին՝ առանց տեղումների եղանակ

Հրշեջները մարել են Ներքին Չարբախի գերեզմանատանը բռնկված հրդեհը

Դատավոր Դավիթ Գրիգորյանը դատական հայց է ներկայացրել ԲԴԽ անդամ Լիպարիտ Մելիքջանյանի դեմ

Արմավիրի մարզադաշտը կարող է վերանվանվել Նիկիտա Սիմոնյանի անունով

Բակո Սահակյանն ընդունել է «Իմ քայլը» հիմնադրամի եւ «Վորլդ Վիժոն»-ի ներկայացուցիչներին

Չինացի ներդրողները դեռ պետք է որոշեն`գալիս են Հայաստան, թե ոչ․ վարչապետը՝ Ալավերդու պղնձաձուլարանը վերագործարկելու մասին

«ARMENIAN HELICOPTERS» ընկերության 4 ուղղաթիռները կարող են ծառայել ԱԻՆ-ին՝ հրդեհաշիջման կամ այլ աշխատանքների ժամանակ

20-ամյա տղային անազատության մեջ են պահել եւ գումար պահանջել ազատ արձակելու համար

Պանամայի քաղաքացի ներկայացած անձինք կեղծ թղթադրամների համար պահանջել են 1 միլիոն դոլար (տեսանյութ)

«Արարատ»-ի գլխավոր մարզիչը հրաժարական է տվել

Էլեկտրական գեներատորով բեռնված մեքենան թեքվել էր, առկա էր գեներատորի ընկնելու վտանգ

Աշխարհի 17 երկրներից նկարիչներ կգան Հայաստան, նրանք 10 օր կապրեն ու կստեղծագործեն Տավուշում

ԱԳ նախարար Զոհրաբ Մնացականյանը մի շարք հանդիպումներ է ունեցել Վիլնյուսում

Երեխային կարող է խփել միայն իսկական մանկավարժը. Արմինե Դավթյանի հայտարարությունը մտահոգել է ոլորտի պատասխանատուներին

ՔՊ նիստին որոշվել է ՍԴ նախագահ Հրայր Թովմասյանի լիազորությունները դադարեցնելու գործընթաց սկսել

Եթե Ադրբեջանը Ղարաբաղի հարցում կատեգորիկ եւ կոմպրոմիս չճանաչող է, մենք էլ կասենք` Արցախը Հայաստան է եւ վերջ. Փաշինյան

Վլադիմիր Կարապետյանը մեկնաբանել է Արթուր Վանեցյանի հայտարարությունը

Երեւանի բնակարաններից մեկի նկուղում հայտնաբերվել է 69-ամյա քաղաքացու դի

Փոխվարչապետ Ավինյանն ընդունել է Հայաստանում դիվանագիտական առաքելությունն ավարտող ՄԹ դեսպանին