Խաչատրյանը քաղաքացիներին կոչ է անում ներկայանալ ՀՔԾ եւ հայտնել Մարտի 1-ի վերաբերյալ իրենց հայտնի բոլոր տեղեկությունները

Սպանության հետ կապված աշխատանքները, դուք էլ համոզվեցիք, որ շարունակվում են շատ ակտիվ: Ես չեմ կարող կանխակալ կարծիք հայտնել, թե ապագայում կլինեն ձերբակալություններ: Այս մասին այսօր ԱԺ-ում լրագրողների հետ զրույցում ասաց Հատուկ քննչական ծառայության պետ Սասուն Խաչատրյանը: 

Հարցին՝ Գեղամ Պետրոսյանը ընդունե՞լ է, որ հենց ինքն է կրակել եւ սպանել Զաքար Հովհաննիսյանին, ՀՔԾ պետը պատասխանեց. «Գեղամ Պետրոսյանը ցուցմունք չի տալիս այս պահին»:

Հարցին, թե ճի՞շտ է, որ Գեղամ Պետրոսյանը որպես վկա ցուցմունք է տվել եւ հայտարարել, որ Մարտի 1-ին բանակը ներգրավել է քաղաքական գործընթացներին, Խաչատրյանը պատասխանեց. «Չեմ կարող այդ մասը հրապարակել, բայց որքանով ինձ հայտնի է՝ տուժողների իրավահաջորդների ներկայացուցիչները այդ մասին բարձրաձայնել են, այսինքն, բաց աղբյուրներում այդ տեղեկությունները կան, եւ ես դրանք չեմ հերքում»:

Անդրադառնալով հարցին, թե վարչապետ Նիկոլ Փաշինյանը հայտարարել է, որ Մարտի 1-ի 10 սպանությունների հեղինակներին էլ պետք է բացահայտել, նման հնարավորություն տեսնո՞ւմ է, Խաչատրյանը պատասանեց. «Իհարկե, պետք է: Իհարկե, բարդություններ կան, անցել է շուրջ 11 տարի, մենք գիտենք, որ բազմաթիվ իրեղեն ապացույցներ կեղծել են, այդ մասին ունենք բազմաթիվ ապացույցներ, ինչը օբյեկտիվորեն դժվարացնում է մեր աշխատանքը: Բայց ես մի առիթով ասել եմ, որ ես լավատես եմ, մեր ամբողջ ծառայությունը լավատես է, եւ մենք ամեն ինչ անելու ենք, որ բոլոր սպանությունները, դեպքի բոլոր հանգամանքները բացահայտվեն»:

Հարցին՝ ունե՞ն ապացույցներ, որ հենց Գեղամ Պետրոսյանին կցված ատրճանակից է սպանվել Զաքար Հովհաննիսյանը, ՀՔԾ պետը պատասխանեց. «Ես այս պահին նախաքննության շահերից ելնելով՝ չեմ ցանկանում այդ հարցին պատասխանել: Ես ձեզ ասեմ, որ քրեական դատավարության օրենսդրության համաձայն, որպես մեղադրյալ ներգրավելու հիմքը ապացույցների բավարար համակցությունն է: Այսինքն, այդ համակցության առկայության դեպքում է հնարավոր միայն անձին ներգրավել որպես մեղադրյալ եւ նրա նկատմամբ խափանման միջոց կիրառել: Դուք էլ գիտեք, որ դատարանը խափանման միջոց կալանքը կիրառելու միջնորդությունը բավարարել է: Այսինքն, դատարանը խափանման միջոց կիրառելիս պատասխանում է 2 հարցի՝ արդյո՞ք կա խափանման միջոց կալանք կիրառելու պայմանը,այն է՝ հիմնավոր կասկած եւ խափանման միջոցի հիմքը: Այսինքն, խուսափելու եւ քննությանը խոչընդոտելու այդ հիմքերը: Դատարանը գտել է, որ առկա է ե՛ւ պայմանը ե՛ւ հիմքը»:

Անդրադառնալով հարցին, թե փաստաբան Սեդա Սաֆարյանը հայտարարել է, որ բավարար ապացույցներ կային նաեւ այն մասով, որ Գագիկ Ծառուկյանն ու Սամվել Ալեքսանյանը սննդով են ապահովել զինվորականներին, Խաչատրյանն ասաց, որ չի մեկնաբանում եւ խորհուրդ տվեց դիմել տիկին Սաֆարյանին:

«Եկեք պայմանավորվենք. քրեական գործը 4 մեղադրյալների մասով արդեն գտնվում է դատարանի վարույթում: Այդ գործով ՀՔԾ-ն գործառույթ չունի այս պահին, եւ ես կոռեկտ չեմ համարում հիմա մտնել այդ դաշտ, որը դատախազի, պաշտպանի, դատարանի եւ տուժողների դաշտն է: Դատավարության մասնակիցները նրանք են այս պահին»:

Հարցին՝ եթե Պետրոսյանը հիմա ցուցմունք չի տալիս, ինչպե՞ս պետք է շղթայական ռեակցիայով նոր բացահայտումներ լինեն, Խաչատրյանը պատասխանեց. «Մինչ այս էլ ոչ ոք չէր խոսում, բայց ունեցանք բացահայտումներ»:

Հարցին՝ մտավախություններ կա՞ն, որ Մարտի 1-ի գործը ինչ-որ մի պահի փակուղի կմտնի, Խաչատրյանը պատասխանեց. «Մտավախություններ միշտ էլ կան, բայց մենք պետք է այնպես անենք, որ դա տեղի չունենա: Մենք պետք է ամեն ինչ անենք դրա համար, բոլոր իրավապահ մարմինները պետք է անեն: Կցանկանայի մեր քաղաքացիներին կոչ անել, որ այս ընթացքում ներկայանան ՀՔԾ եւ հայտնեն իրենց հայտնի բոլոր տեղեկությունները»:

Խաչատրյանը նշեց, որ այդպիսի մարդիկ եղել են, որոնք մասնակից են եղել կամ նրանց տեղեկություններ են հայտնի եղել եւ արժեքավոր տեղեկություններ են հայտնել ՀՔԾ-ին:

«Կան անձինք, ովքեր համագործակցում են վարույթն իրականացնող մարմնի հետ, բայց քննության շահերից ելնելով՝ չեմ ցանկանում այդ մասին խոսել»,- ասաց ՀՔԾ պետը:

Խաչատրյանը չմեկնաբանեց մամուլի հրապարակումը Գագիկ Խաչատրյանին առաջադրված մեղադրանքի եւ որոշակի գումար վերադարձնելու պայմանով ՀՔԾ-ի հետ ձեռք բերած պայմանավորվածության մասին:

ՀՔԾ պետը հայտարարեց, թե չունի այն հավելվածից, որի մասին վերջերս հայտարարել էր ԱԱԾ պետ Արթուր Վանեցյանը՝ նշելով, որ իր հեռախոսում կա արդեն հավելված, որը գրեթե բացառում է գաղտնալսումները:

Հարցին՝ օլիգարխների ներգրավվածության մասով կլինի՞ կոնկրետ զարգացում, մեղադրանք, Խաչատրյանը պատասխանեց. «Դուք ուզում եք, որ ես կանխակալ կարծիք հայտնեմ այս պահին: Որ պահին կլինի ապացույցների բավարար համակցությունն այս կամ այն անձին որպես մեղադրյալ ներգրավելու համար, այսինքն՝ անձի նկատմամբ քրեական հետապնդում սկսելու համար, կսկսվի: Բոլոր ուղղություններով քննություն գնում է»:

Տպել
11631 դիտում

Վարչապետ Փաշինյանը շնորհավորել է Իսլանդիայի վարչապետին Ազգային տոնի կապակցությամբ

Ավելի քան 4000 մարզիկ՝ շուրջ 190 երկրից. Արցախը պատրաստվում է համահայկական 7-րդ ամառային խաղերին

10 հազար տոննա ոսկու հանքանյութ են արդյունահանել հատուկ պահպանվող տարածքում. հարուցվել է քրգործ

ՔՊ վարչության որոշ անդամների դեպքում ընտրությունը սպասելի էր, որոշ անդամների դեպքում՝ ոչ․ Արարատ Միրզոյան

Երեւանի քաղաքապետարանը վերելակների նոր խմբաքանակ ձեռք բերելու համար մրցույթ է հայտարարում. Հակոբ Կարապետյան

Քոչարյանի եւ ՌԴ դեսպանի հանդիպման վերաբերյալ ԱԳ փոխնախարարի ասածն իր կարծիքն է, կրկնում եմ՝ ես չեմ ողջունում․ ԱԺ նախագահ

Ես բացառում եմ, թե գրոհ կա Գագիկ Ծառուկյանի ուղղությամբ․ Արարատ Միրզոյան

Հնարավոր է կարկուտ. ԱԻՆ-ը զգուշացնում է

Համահայկական 7-րդ խաղերի երկրորդ ջահը վառվեց Խոր Վիրապում (լուսանկարներ)

Ինձ համար Ռոբերտ Քոչարյանի եւ ՌԴ դեսպանի հանդիպումը տարակուսելի է եւ ողջունելի չէ․ Ռուբեն Ռուբինյան

Համաշխարհային միջուկային զինանոցը կրճատվել է․ Զեկույց

Վարչապետի որոշմամբ Աշոտ Մուսայանն ազատվել է անշարժ գույքի կադաստրի կոմիտեի ղեկավարի տեղակալի պաշտոնից

Որո՞նք են կանանց իրավունքների խախտմանը նպաստող պայմաններն աշխատավայրում. ՄԻՊ-ի իրազեկող տեսանյութը

Ես կոնֆլիկտային մարդ չեմ եւ կարծում եմ՝ դժվար չի լինելու ինձ հետ հարաբերվելը. Նարինե Թուխիկյան

Կոմիտասի շուկայի հարակից մայթը ազատվում է կրպակներից՝ սեփականատիրոջ միջոցներով. Երեւանի քաղաքապետարան

ՀՀ-ում տնտեսվարողների կարծիքը հարկային վարչարարության վերաբերյալ դեպի լավն է փոխվել. ՊԵԿ-ը հարցում է անցկացրել

Ֆրանսիացի քաղաքապետը Շուշիի հետ կնքված բարեկամության հռչակագիրը կբողոքարկի դատարանում

ԱՄՆ-ն դիտարկում է Իրանին ռազմական հարված հասցնելու հնարավորությունը. Պոմպեո

Վարդան Բալայանն ազատվել է Արցախի ՊԲ հրամանատարի տեղակալի պաշտոնից

Դիլիջան-Իջևան սարսափն այլևս չկա. մայրուղու հսկայական հատվածներ արմատապես ասֆալտապատվել են. Սաֆարյան