Լիխտենշտեյնին չհաղթելը ՀՀ հավաքականին չեն ների, Հունաստանի դեպքում պետք է իրատես լինել

1 հեշտ մրցակից ու 1 Եվրոպայի չեմպիոն. երկրպագուների սիրտը շահելու համար ՀՀ ֆուտբոլի հավաքականը գոնե 1 հաղթանակ պետք է տանի Եվրո 2020-ի ընրտական առաջիկա 2 տուրերում: Նախ հունիսի 8-ին ընդունելու է Լիխտենշտեյնին, ապա 11-ին հյուրընկալվելու է Եվրոպայի նախկին չեմպիոն Հունաստանին: Երկրպագուները միավորներ են ակնկալում այս հանդիպումներից հատկապես առաջինից:

Լիխտենշտեյնի դեմ խաղում սայթաքումը ֆուտբոլասերները չեն հասկանա: Այս մրցակցի պատճառով ՀՀ ընտրանին արդեն հասցրել է տեղը-տեղին քննադատության ենթարկվել: Հավաքականներն առաջին անգամ հանդիպել են Ազգերի լիգայի խմբային փուլում: Երեւանում Հայաստանը հաղթեց 2:1 հաշվով, սակայն խաղով չտպավորեց: Հյուրընկալվելիս էլ 2 միավոր կորցրեց (2:2), այն դեպքում, որ Լիխտենշտեյնն այն թիմերից է, որոնց ՀՀ-ն պետք է հաղթի նույնիսկ խաղային խնդիրներ ունենալու դեպքում եւ առավելեւս այն իրավիճակում, երբ միավորներն օդ ու ջրի պես են պետք:

Եվրո 2020-ի ընտրական J խմբում այս 2 թիմերն էլ դեռեւս միավորներ չունեն: Նախորդ 2 տուրերում միայն պարտվել են. Հայաստանը՝ Բոսնիա եւ Հերցեգովինային ու Ֆինլանդիային, Լիխտենշտեյնը՝ Հունաստանին ու Իտալիային:

Եթե Լիխտենշտեյնի դեմ խաղում միավորներ կորցնելը երկրպագուները չեն ների, ապա Հունաստանի դեպքում պետք է իրատես լինել: Այս ընտրանու դեմ խաղերում ՀՀ հավաքականի վիճակագրությունը տխուր է: Ոչ մի հաղթանակ չկա. 1 ոչ-ոքի, 3 պարտություն: Պարտություններից 2-ը գրանցվել են Եվրո 2004-ի ընտրական փուլում՝ տանը 1:0, դրսում՝ 2:0 հաշվով: Հենց Եվրո 2004-ում Հունաստանն անակնկալ կերպով չեմպիոն դարձավ: Մյուս պարտությունը եղել է 2012 թ. կայացած ընկերական խաղում (1:0): Ոչ-ոքին (0:0) նույնպես եղել է ընկերական խաղում՝ 2008 թ.:

«Արսենալում» Հենրիխ Մխիթարյանի թիմակցի՝ Սոկրատիսի հավաքականն այս խմբի ուղեգրերից 2-րդի հավակնորդներից մեկն է. առաջինը, շատերի կարծիքով, կարելի է Իտալիայի կողմից ամրագրված համարել: Հունաստանը Բոսնիա եւ Հերցեգովինայի նման ունի 4 միավոր, սակայն լրացուցիչ ցուցանիշների շնորհիվ առաջ է անցել՝ 2-րդն է:

Ընտրական փուլի 3-րդ ու 4-րդ տուրերից առաջ ՀՀ հավաքականի կազմի վերաբերյալ խոսակցությունները նախորդ դեպքերի համեմատ քիչ էին, թեեւ դրանցից խուսափել չստացվեց: Նախ հայտնի դարձավ, որ Անդրե Չալըշըր չի միանում հավաքականին, քանի որ այդ օրերին նշանակված է նրա հարսանիքը: Ուշադրություն գրավեց նաեւ այն, որ Արաս Օզբիլիզը գալիս է առանց խաղային պրակտիկայի, իսկ վերջերս «Հոֆենհայմ» տեղափոխված Սարգիս Ադամյանը, ինչպես նաեւ Մարկոս Պիզելին հավաքականի հետ չեն լինելու վնասվածքների պատճառով: Ինչ վերաբերում է դարապսապահի դիրքին, ապա Արամ Հայրապետյանը կարծես թե հասել է նրան, որ այդ մասին քննարկումներն աստիճանաբար քչանան:

Երեկվանից՝ հունիսի 4-ից, թիմը սկսել է ուսումնամարզական հավաքը: Գլխավոր մարզիչ Արմեն Գյուլբուդաղյանցի գլխավորությամբ ընտրանին մարզվում է Տեխնիկական կենտրոն/Ֆուտբոլի ակադեմիայում:

Եվրո 2020-ի որակավորման փուլի 3-րդ ու 4-րդ տուրերից առաջ J խումբն ունի հետեւյալ տեսքը.

1.Իտալիա 6 միավոր

2.Հունաստան 4 միավոր

3.Բոսնիա եւ Հերցեգովինա 4 միավոր

4.Ֆինլանդիա 3 միավոր

5.Հայաստան 0 միավոր

6.Լիխտենշտեյն 0 միավոր

Հայաստան-Լիխտենշտեյն հանդիպումը հունիսի 8-ն Վազգեն Սարգսյանի անվան «Հանրապետական» մարզադաշտում մեկնարկելու է 20:00-ին: 3 օր անց Աթենքում կայանալիք հանդիպումը սկսվելու է, Երեւանի ժամանակով, 22:45-ին:

Տպել
1167 դիտում

Կես տոննա անասնակեր, 4 հա խոտածածկույթ ու մասամբ այրված վագոն-տնակ. հրդեհ Վերին Գետաշենում

Լոզան-2020․ օլիմպիական խաղերի բացման պաշտոնական արարողությունը կկայանա «Մալի» սառցադաշտում

«Արարատ-Արմենիա»-«Ֆ91 Դյուդելանժ»՝ 2:1. ԵԼ խմբային փուլն ավելի մոտ է

ԱՄՆ-ն մտահոգված է Վանի, Դիարբեքիրի և Մարդինի քաղաքապետների պաշտոնանկության որոշմամբ

20 վերելակների փոխարինման մրցույթի արդյունքները կասեցվել են. քաղաքապետարանը, միեւնույն է, հույս ունի այս տարի հասցնել

Արայի լեռան ստորոտում հրդեհաշիջման աշխատանքները շարունակվում են. կրակի ընդհանուր մակերեսը կազմում է 1800 հա

Ոստիկանությունը ներկայացնում է «Օրենքով գող» մասիվցի Անդիկի սպանության բոլոր մանրամասները (տեսանյութ)

Հայ խաղաղապահները Գերմանիայում մասնակցել են բազմազգ զորավարժության առաջին փուլին

Վարոս Սիմոնյանը նշանակվել է էկոնոմիկայի նախարարի տեղակալ

Ռոբերտ Ղուկասյանը նշանակվել է վարչապետի խորհրդական. պաշտոնական

Մի քանի ամիս առաջ Արտաշատում կատարված պայուսակի գողությունը բացահայտվել է

Բողոքի ակցիաներ Գյումրու լուծարվող գիշերօթիկներում. ու՞ր են գնալու երեխաներն ու գործազուրկ մանկավարժները

Մեկի համար Ամուլսարը սար է, մյուսի համար՝ հանք, 3-րդի համար՝ առիթ

Գառնու ձորում վթարից տուժած երկրորդ ուղեւորը հիվանդանոցում մահացել է. զոհերը ՌԴ քաղաքացիներ են

Արմավիրի մարզի Այգեշատ գյուղում ավտոմեքենան ամբողջությամբ այրվել է

Լեհաստանի Օսուվ քաղաքում հուշատախտակ է տեղադրվել` ի հիշատակ հայազգի զիվորների

Նախագահը հանդես է գալիս պետականության ամրապնդմանը միտված որոշումների օգտին. Ամուլսարի հանքի մասին

Հայաստանում որսը կիրականացվի միայն չորեքշաբթի, շաբաթ, կիրակի օրերին. կթույլատրվի գայլի ու շնագայլի որսը

Խոշոր հրդեհ Արալեզում. այրվել են կերաղացի տանիքը, 150 հակ անասնակեր, 6 ծառ ու խաղողի 3 վազ

Երևանում թալանել են «Հիդրոէլեկտրոմոնտաժ» ՓԲԸ-ի կոմերցիոն տնօրենին՝ հափշտակելով 20 հազար դոլար