700 թափք շինաղբ պետք է տարվի, որ «Կարմիր բլուր»-ը մաքրվի. աշխատանքները շարունակվելու են համայնքի բյուջեով

Շարունակվում են «Էրեբունի» պատմահնագիտական արգելոց-թանգարանի մասնաճյուղերից մեկի՝ «Կարմիր բլուր» հնավայրի՝ շինարարական աղբից մաքրման աշխատանքները։

Այս մասին «Հայկական ժամանակ»-ի հետ զրույցում հայտնեց Երեւանի փոխքաղաքապետ Տիգրան Վիրաբյանը՝ նշելով, որ «Կարմիր բլուր» ուրարտական բացառիկ հուշարձանի մի զգալի հատվածը ծածկված է շինաղբով։ Ոչ միայն շինաղբը մաքրելու, նաեւ Կարմիր բլուրը զբոսաշրջային կենտրոն դարձնելու համար անհրաժեշտ են մի շարք միջոցառումներ։

Այդ ամենն իրականացնելու համար ավելի վաղ ստեղծվել էր «Ազատենք Կարմիր բլուր հուշարձանը շինարարական աղբից» նախաձեռնությունը։ Նախաձեռնության շրջանակում հնավայրում մեկնարկած աշխատանքների 10 %-ն իրականցնելուց հետո Երեւանի քաղաքապետրանը խոստացել է, որ աշխատանքները շարունակվելու են համայնքի ռեսուրսներով:

Փոխքաղաքապետի խոսքով՝ ըստ նախնական հաշվարկների՝ 700 թափք շինաղբ պետք է տարվի, որպեսզի «Կարմիր բլուր»-ն ամբողջությամբ մաքրվի շինարարական աղբից: «Արդեն 80 բեռնատար շինարարական աղբ է տեղափոխվել: Որպեսզի հնագիտական շերտերը չվնասվեն, տեղում աշխատում են նաեւ հնագետները: Կարմիր բլուրը աղբից ամբողջությամբ ազատելուց հետո նախատեսում ենք առաջնահերթ լուծել տարածքի ցանկապատման հարցը»,-ասաց Տիգրան Վիրաբյանը:

Փոխքաղաքապետի խոսքով՝ «Էրեբունի» պատմահնագիտական արգելոց-թանգարանում փուլային մեծ նախագիծ են իրականացնում, իսկ «Կարմիր բլուր»-ի աշխատանքները դրա մի մասն են, որովհետեւ իրականացվելու է մեծ համալիր ծրագիր:

«Այս մեկ տարվա ընթացքում կարվեն նախագծի նախահաշվարկային աշխատանքները, կիրականացվի ընդհանուր պարսպապատման, լուսավորության հարցը: Տարածքը յուրահատուկ մոտեցման ու խնամքի կարիք ունի, այդ ամենն իրականացնելու ենք այլ մասնագետների ներգրավմամբ, որպեսզի պատմամշակութային հատուկ պահպանման գործում ոչ մի նորմ չխախտվի»,-ասաց Վիրաբյանը:

ԱՄՆ-ում բնակվող բարերարի միջոցով նոր մասնաշենք է կառուցվելու, ժամանակակից տեխնոլոգիաներով հագեցած թանգարանի նախագիծ են նախատեսել իրականացնել եւ վստահ են, որ դա կօգնի մեծ թվով զբոսաշրջիկներ բերել Հայաստան:

Տպել
37966 դիտում

Կառավարությունը արտոնություն տվեց կրակայրիչներ արտադրող ընկերությանը. կստեղծվի 15 նոր աշխատատեղ

Մհեր Գրիգորյանը շնորհավորել է Կանադայի նորանշանակ դեսպանին պաշտոնն ստանձնելու կապակցությամբ

Վահագն Վերմիշյանն ազատվեց զբաղեցրած պաշտոնից

ՏՄՊՊՀ նախագահ Գեղամ Գևորգյանը մեկնել է Մոսկվա

2019-ի 4-րդ եռամսյակում 205 սիրիահայի անձնագիր է տրվել եւ տուրք չի գանձվել

Մայր Աթոռ Սուրբ Էջմիածինը հայտարարում է Մայր Տաճարի համար համահայկական հանգանակություն

Մեկնարկել է ՀՀ կառավարության հերթական նիստը. օրակարգում ներառված է 36 հարց

Կրակային պատրաստության գործնական պարապմունք է անցկացվել 4-րդ զորամիավորման զորամասերից մեկում

Դավիթ Սանասարյանի գործով դատարանն սկսեց ապացույցների հետազոտումը

Մինչեւ բոլոր ընկերություններին չես տուգանում, վարչական ակտ չես կիրառում, շատ քչերն են վերացնում խախտումները. Շախբազյան

Ալեսանդրո դել Պիեռոն Երեւանում է

Դեսպանությունը Ճապոնիայում և Կորեայում գտնվող ՀՀ քաղաքացիներին կոչ է անում կապ հաստատել իրենց հետ

Հայբիզնեսբանկ. քարտից քարտ արագ փոխանցման հնարավորություն

Զոհրաբ Մնացականյանը Ժնեւում հանդիպել է Պաղեստինի ԱԳ նախարար Ռիյադ ալ Մալիքիի հետ

Հրդեհ էլեկտրական ենթակայանի մոտակայքում. 4 էլեկտրական սյուն է այրվել

Մենք, իհարկե, տեղյակ ենք եղել պաստառի գոյությանը. «Garoon» գործակալությունը պարզաբանում է տարածել

Վրաստանում կորոնավիրուսով հիվանդ անձի հետ շփված 4 մարդկանց մոտ վարակը չի հայտնաբերվել. նախարար

Հրշեջ-փրկարարները մարել են խոտածածկ տարածքներում բռնկված հրդեհները՝ ընդհանուր ընդգրկելով մոտ 6 հա տարածք

Ասում եմ՝ ԱՅՈ՛. «ԱՅՈ՛» քարոզչական կողմի տեսահոլովակը պատրաստ է (տեսանյութ)

ՀՀ տարածքում կան փակ եւ դժվարանցանելի ճանապարհներ, մերկասառույց