Գումարս չտալով՝ ինձ ապօրինի ազատեց աշխատանքից. Դեբեդավանի բնակիչը բողքում է «Տավուշ» ՋՕԸ-ի տնօրենի դեմ

Տավուշի մարզի Դեբեդավան գյուղի բնակիչ Սերգեյ Դարիգյանն ահազանգել է «Հայական ժամանակ»-ի խմբագրություն եւ հայտնում է, որ իրեն «Տավուշ» ՋՕԸ-ում մարզի ջրմուղում աշխատեցրել են, ապա գումարը պակաս վճարելով՝ ապօրինի կերպով ազատել աշխատանքից:

Դարիգյանը հայտնում է, որ բազմիցս անհաշտություններ է ունեցել Տավուշի ջրօգտագործողների միության գործադիր տնօրեն Որսկանյան Յուրայի հետ, վերջինս էլ իրեն ազատել է: «4 կմ կանալ մաքրելու համար ինձ 60 հազար դրամ գումար է տվել, բայց պետք է տար 230 հազար դրամ: Մի քանի անգամ ուզեցի, չէր տալիս, խաբում էր 2 տարի շարունակ, բողոքեցի՝ աշխատանքից ազատեց»-պատմեց նա:

Տավուշի ջրաօգտագործողների միության գործադիր տնօրեն Յուրա Որսկանյանը, բոլորովին այլ կերպ ներկայացրեց իրավիճակն ու նախկին աշխատակցի հետ տեղի ունեցածը: ՋՕԸ-ի գործադիր տնօրենի խոսքով՝ անցյալ տարի տարածքի վարչական ղեկավարի հետ միասին բազմիցս ջանք են թափել, որ կարողանան Սերգեյ Դարիգյանին աշխատանքի վայր տանել եւ ցուցումներ տալ:

Որսկանյանը նշեց, որ Սերգեյ Դարիգյանն ազատվել է աշխատանքի չներկայանալու պատճառով: «Ես, ՋՕԸ-ի տնօրեն լինելով հանդերձ, չեմ կարողացել իրեն բռնացնել. մի օր Կիրովականի շուկայում թութ էր ծախում, մի օր Սադախլու էր ու էդպես շարունակ, միշտ կորած էր: Ընդհանրապես չէինք կարողանում իրեն աշխատանքի մեջ բռնացնեինք»,-ասաց նա:

Տավուշի ջրաօգտագործողների միության գործադիր տնօրենից հետաքրքրվեցինք, թե ինչու չի վճարել Դարիգյանի հասնելիք գումարը: Որսկանյանը բացառեց նման դեպքերը. «Բացառված է, որ ինչ-որ մեկին աշխատեցնեմ եւ չվճարեմ: Դա չի կարելի, եւ տնօրենին վայել արարք չէ, պատշաճ հրամանագրված է եղել եւ իր գումարը ստացել»:

Դեբեդավանի բնակիչ Սերգեյ Դարիգյանը մեր զրույցում նաեւ հայտնեց, որ ՋՕԸ-ի գործադիր տնօրենի հրահանգով բազմիցս ստիպված է եղել անջատել համայնքի ջուրը: Գյուղի կենտրոնում աղբյուր կա, որի մոտ միշտ հերթեր են: Դեբեդավանին պոմպերով մատակարարվող խմելու ջուրն անորակ է, այն պիտանի չէ խմելու համար: 

«Աղբյուրի ջուրը բերվել է Դեբեդավանի շրջակա սարից: Բայց Որսկանյանը միշտ հրահանգ էր տալիս, որ ջուրը առավոտյան 08:00-ից բաց թողնեմ եւ երեկոյան 8-ին էլ անջատեմ, ասում էր՝ այդպես պետք է անենք, որ ջրի կորուստ չունենանք: Ասում էր՝ շաբաթ, կիրակի գործի օր չէ, ջուրը կարող ենք անջատել, հո էդ ժողովրդին չէինք կոտորելու առանց ջուր: Ասում էի, որ էդպես ճիշտ չէ, վերջը հանեց գործից»,-պատմեց Դեբեդավանի բնակիչ Սերգեյ Դարիգյանը:

Դեբեդավանը Նոյեմբերյանի տարածաշրջանի` Վրաստանին սահմանակից ամենահեռավոր գյուղն է: Շուրջ 700 բնակիչ ունեցող գյուղում ոռոգման ջրի պակասություն է, սակայն առավել սուր է խմելու ջրի խնդիրը:

ՋՕԸ-ի գործադիր տնօրենին խիստ վրդովեցրեց Դարիգյանի ասածը: «Ես առավոտից իրիկուն ջանք եմ թափում, որ ժողովուրդը ջուր ունենան, ուրեմն ես կասե՞մ, որ ջուր չմիացնեն, նման բան հնարավո՞ր է»,- ասաց Յուրա Որսկանյանը:

Տպել
40964 դիտում

Ուզում եմ շնորհակալություն հայտնել բոլոր մարդկանց, ում շնորհիվ հաղթահարեցինք աղբահանության ճգնաժամը. Հայկ Մարության

ՍԴ-ն մերժեց Հրայր Թովմասյանի լիազորությունները դադարեցնելու վերաբերյալ ԱԺ դիմումը վարույթ ընդունել

Թուրքիային աջակցող «Սիրիայի ազգային բանակ» խմբավորումը հայտարարություն է տարածել

Արման Սարգսյանը ոստիկանության Սյունիքի մարզային վարչության անձնակազմին ներկայացրեց նորանշանակ պետին

Աննա Հակոբյանը Շվեյցարիա է մեկնել Երևան-Մոսկվա-Ժնև սովորական չվերթով, էկոնոմ դասով ու վերադարձել նույնով

Նախարար Հակոբ Արշակյանը ԱՄէ-ում մասնակցում է «Արհեստական բանականությունը սպորտում» համաժողովին

Կաթողիկոսը Աննա Հակոբյանից հետաքրքրվել է Մեհրիբան Ալիեւայի հետ նույն ինքնաթիռով մեկնելու լուրերի մասին

Հայբիզնեսբանկը հանդես է գալիս բարելավված և ավելի շահավետ պայմաններով՝ «ABB-ավտո» վարկատեսակով

Այս տարվա 9 ամիսներին 39 զինծառայող է զոհվել Արցախում ու Հայաստանում. դատախազություն

Քիմ Քարդաշյանի ամուսինը պաշտոնապես հայտարարել է քրիստոնեություն ընդունելու մասին

Քննարկվել է Աշխատանքի և սոցիալական հարցերի նախարարության 2020 թ. պետական բյուջետային հատկացումների հայտը

«Սանիթեք» ընկերությունը սկսել է միջազգային արբիտրաժային դատարան դիմելու գործընթացը

Նոր մեգանախագիծ. աշխարհի տարբեր ծայրերից Երևան կժամանեն մեր օրերի լեգենդար կոմպոզիտորները

ԵԱՀԿ Մինսկի խմբի համանախագահներն այսօր եւ վաղը Հայաստանում են լինելու․ ԱԳՆ խոսնակ

Թուրքիայի նախագահը մեկնել է Ադրբեջան

Ակնկալում ենք վրացական կողմի պարզաբանումը․ Աննա Նաղդալյանը՝ հայ լրագրողների՝ Վրաստան մուտքն արգելելու մասին

Հայաստանը պայմաններ է ստեղծում Union Pay վճարային համակարգին միանալու համար, ինչը կօգնի չինացի զբոսաշրջիկներին

Թուրքիայի հարձակման հետևանքով սպանվել է 2 քուրդ լրագրող, եւս 4-ը վիրավոր են

2019-ի առաջին կիսամյակում Հայաստանում 253 մլն դրամով շատ ներդրում է իրականացվել, քան 2018-ի նույն շրջանում. նախարար

Հայաստանի ֆուտբոլի հավաքականը երկրպագուներին, երազելուց բացի, ոչինչ թույլ չի տալիս անել