Արսեն Ջուլֆալակյանի ու Արտակ Մանուկյանի օրենքի նախագիծն ընդունվեց առաջին ընթերցմամբ

Ազգային ժողովի պատգամավորներ Արսեն Ջուլֆալակյանի ու Արտակ Մանուկյանի՝ Սպորտի եւ ֆիզիկական կուլտուրայի մասին օրենքում փոփոխություններ եւ լրացումներ կատարելու մասին օրենքի նախագիծն ընդունվեց առաջին ընթերցմամբ: Այսօր՝ հունիսի 4-ին, կողմ քվեարկեց 112 պատգամավոր: Մեկական հոգի քվեարկեցին դեմ ու ձեռնպահ: Նախագիծն իր մեջ ներառում է մի քանի կետեր, որոնցից մեկը վերաբերում է Հայաստանի հավաքական թիմերին:

«Նախագծով փորձում ենք հստակեցնել հավաքական թիմի կարգավիճակը, անդամներին եւ մարզիկներին, ինչպես է ձեւավորվում հավաքական թիմը, որոնք են թիմի նպատակները եւ խնդիրները, թիմում ընդգրկված մարզիկների իրավունքներն ու պարտականությունները, մարզիչների եւ մասնագետների իրավունքներն ու պարտականությունները, նյութատեխնիկական եւ ֆինանսական ապահովվածությունը, հավաքական թիմի ղեկավարումը, թե ինչպես եւ ում կողմից է հավաքական թիմը ղեկավարվում: Ի դեպ, պատահական զուգադիպությամբ պարզվեց, որ կան մարզիկներ, որոնք մինչեւ այսօր չգիտեն, թե ով է ղեկավարում հավաքական թիմը: Օրենքով կսահմանվի, եւ ովքեր չգիտեն, կբացեն, կտեսնեն, որ հավաքականը ղեկավարում է գլխավոր մարզիչը իր օգնականների միջոցով»,- ներկայացրեց Ջուլֆալակյանը:

Օլիմպիական փոխչեմպիոն, աշխարհի, Եվրոպայի չեմպիոն Ջուլֆալակյանը, որը պատգամավորի աշխատանքին զուգահեռ շարունակում է հանդես գալ ՀՀ հունահռոմեական ոճի ըմբշամարտի հավաքականում, նշեց, թե ինչով է կարեւոր հավաքականի անդամի կարգավիճակի հստակեցումը: Նա ասաց, որ դա կարող է նպաստել նրան, որ մարզիկին աշխատանքային ստաժ գրանցվի:

«Առանձին կուզենամ կանգ առնել հավաքականի անդամի կարգավիճակը սահմանող կետի վրա: Սահմանելով, թե ով է համարվում հավաքականի անդամ՝ հետագայում կարող ենք լուծում տալ մի շարք խնդիրների, որոնից է ստաժը: Երբ ունենանք սահմանված, թե ով է հանդիսանում հավաքականի անդամ, հետագայում այդ մարզիկի գործունեությունը կարող ենք գրանցել որպես ստաժ, եւ սպորտը թողնելուց հետո տվյալ մարզիկը կկարողանա անցնել այլ աշխատանքի եւ խնդիր չի ունենա աստաժի հետ կապված: Հետագայում էլ՝ ավելի ուշ, երբ անցնի թոշակի, հավաքականում եղած տարիները կավելանան թոշակին, եւ նվազագույն թոշակ չի ստանա:

Բացի դրանից՝ հավաքականի անդամները կկարողանան ապահովվել սոցիալական փաթեթներով, բժշկական ապահովվածությամբ: Հետագայում, երբ ունենանք արդեն Բանակի կենտրոնական մարզական ակումբը, միգուցե կկարողանանք նաեւ պաշտպանության գերատեսչության հետ գալ ընդհանուր հայտարարի, որ գոնե հենասյունային մարզաձեւերի հավաքականների անդամները կարողանան ծառայել սպորտային վաշտում»,- ասաց նա:

Ջուլֆալակյանը նշեց, որ նախագծում կա նաեւ մի հարց, որը պետք է վերանայվի: Դա վերաբերում է ֆեդերացիաների հիմնադրման թույլտվություն տալու կարգին: Նա ասաց, որ նախագծի հեղինակները ցանկանում էին այդ լիազորությունը հանձնել սպորտի գերատեսչությանը, սակայն հետո պարզ դարձավ, որ այդպիսով չի պահպանվում ՀԿ-ների մասին օրենքը: Այդ պատճառով նախագծի այս հատվածը պետք է վերամշակվի:

Տպել
597 դիտում

Վարչապետ Փաշինյանը շնորհավորել է Իսլանդիայի վարչապետին Ազգային տոնի կապակցությամբ

Ավելի քան 4000 մարզիկ՝ շուրջ 190 երկրից. Արցախը պատրաստվում է համահայկական 7-րդ ամառային խաղերին

10 հազար տոննա ոսկու հանքանյութ են արդյունահանել հատուկ պահպանվող տարածքում. հարուցվել է քրգործ

ՔՊ վարչության որոշ անդամների դեպքում ընտրությունը սպասելի էր, որոշ անդամների դեպքում՝ ոչ․ Արարատ Միրզոյան

Երեւանի քաղաքապետարանը վերելակների նոր խմբաքանակ ձեռք բերելու համար մրցույթ է հայտարարում. Հակոբ Կարապետյան

Քոչարյանի եւ ՌԴ դեսպանի հանդիպման վերաբերյալ ԱԳ փոխնախարարի ասածն իր կարծիքն է, կրկնում եմ՝ ես չեմ ողջունում․ ԱԺ նախագահ

Ես բացառում եմ, թե գրոհ կա Գագիկ Ծառուկյանի ուղղությամբ․ Արարատ Միրզոյան

Հնարավոր է կարկուտ. ԱԻՆ-ը զգուշացնում է

Համահայկական 7-րդ խաղերի երկրորդ ջահը վառվեց Խոր Վիրապում (լուսանկարներ)

Ինձ համար Ռոբերտ Քոչարյանի եւ ՌԴ դեսպանի հանդիպումը տարակուսելի է եւ ողջունելի չէ․ Ռուբեն Ռուբինյան

Համաշխարհային միջուկային զինանոցը կրճատվել է․ Զեկույց

Վարչապետի որոշմամբ Աշոտ Մուսայանն ազատվել է անշարժ գույքի կադաստրի կոմիտեի ղեկավարի տեղակալի պաշտոնից

Որո՞նք են կանանց իրավունքների խախտմանը նպաստող պայմաններն աշխատավայրում. ՄԻՊ-ի իրազեկող տեսանյութը

Ես կոնֆլիկտային մարդ չեմ եւ կարծում եմ՝ դժվար չի լինելու ինձ հետ հարաբերվելը. Նարինե Թուխիկյան

Կոմիտասի շուկայի հարակից մայթը ազատվում է կրպակներից՝ սեփականատիրոջ միջոցներով. Երեւանի քաղաքապետարան

ՀՀ-ում տնտեսվարողների կարծիքը հարկային վարչարարության վերաբերյալ դեպի լավն է փոխվել. ՊԵԿ-ը հարցում է անցկացրել

Ֆրանսիացի քաղաքապետը Շուշիի հետ կնքված բարեկամության հռչակագիրը կբողոքարկի դատարանում

ԱՄՆ-ն դիտարկում է Իրանին ռազմական հարված հասցնելու հնարավորությունը. Պոմպեո

Վարդան Բալայանն ազատվել է Արցախի ՊԲ հրամանատարի տեղակալի պաշտոնից

Դիլիջան-Իջևան սարսափն այլևս չկա. մայրուղու հսկայական հատվածներ արմատապես ասֆալտապատվել են. Սաֆարյան