Երեւանն ավելի կարեւոր ֆունկցիա ունի՝ ամեն կերպ աջակցել նորմալ ընտրությունների անցկացմանը. Խանումյան

Արցախի քաղաքական եւ հասարակական ուժերը երեկ տարածած հայտարարությունով տեղեկացրել էին «Միացում» միավորումը ստեղծելու մասին: Հայտարարության մեջ նշված էր նաեւ, որ Արցախի մի շարք քաղաքական եւ հասարակական ուժեր օրենքի խախտմամբ ծավալել են ակտիվ նախընտրական արշավ՝ պաշտոնական մեկնարկից շատ ավելի վաղ։ Ձեռնարկվում են Հայաստանի Հանրապետության եւ Արցախի միջեւ ապակայունության եւ պառակտման նպատակ հետապնդող քայլեր: Դրանից բացի սոցցանցերում տեղեկություն է տարածվել, թե հնարավոր է Ռոբերտ Քոչարյանը նույնպես ցանկություն ունենա մասնակցել Արցախի նախագահական ընտրություններին: Չնայած գործող Սահմանադրությունը նման հնարավորություն չի տալիս Քոչարյանին:

«Մենք միշտ ունեցել ենք մեր հստակ գիծը եւ նպատակ չունենք այդ գծից շեղվելու»,- այս մասին «Հայկական ժամանակ»-ի հետ զրույցում ասաց Արցախի ԱԺ ընդդիմադիր՝ «Ազգային վերածնունդ» խմբակցության ղեկավար Հայկ Խանումյանը:

- Պարոն Խանումյան, Արցախում մի շարք ուժերի նախաձեռնությամբ ստեղծվել է «Միացում» շարժումը: Նրանց հայտարարության մեջ նշված է, որ Արցախի իշխանությունները կանգնած են հասարակական գործընթացների նկատմամբ վերահսկողությունը կորցնելու շեմին: Ի՞նչ պրոցեսներ են ընթանում եւ ի՞նչ դիրքորոշում ունի այս հարցում ձեր ղեկավարած «Ազգային վերածնունդ» կուսակցությունը:

- Մենք այդ մասին ասում էինք անցյալ տարի: Անցյալ տարի առաջարկում էինք, որպեսզի Բակո Սահակյանը փոխարինվի քաղաքականապես չեզոք նախագահովԯ ժամանակավոր, որը կընտրեր խորհրդարանը մինչեւ 2020 թվականի ընտրությունները, որպեսզի այդ չեզոք եւ ընտրություններում որեւէ շահագրգռվածություն չունեցող անձը կարողանար ապահովել առավելագույնս նորմալ ընտրություններ: Ցավոք սրտի, այդ գործընթացները, որոնք նաեւ փողոցային պայքարի միջոցով եղան, ինչպես նաեւ քաղաքական ուժերի բանակցությունների միջոցով, հաջողության չհասան: Իշխանության մնաց Բակո Սահակյանը եւ ունենք այն, ինչ ունենք այսօր:

- Հնարավո՞ր է ձեր կուսակցությունն էլ միանա այդ շարժմանը:

- Տեսնենք՝ շարժումն ինչ է դառնում: Հայաստանին միացման գաղափարը մեր ծրագրում կա: Այն գործընթացը, որն իրենք են առաջարկում, մենք դեռ 1 տարի առաջ էինք առաջարկում: Հետո էլ շատ վստահ չեմ, որ այդ ուժերը միացած են տարբեր հարցերի շուրջ: Նայելով ուժերի ցուցակը՝ այդպիսի վստահություն մոտս չկա: Դրա համար պետք է հասկանանք, նոր անենք: Օրինակ, սահմանադրական փոփոխությունների ժամանակ մեր կուսակցությունն է միայն դեմ քարոզել, երբ մեկ անձի իշխանության վերարտադրության հարց էր Արցախում: Մենք միշտ ունեցել ենք մեր հստակ գիծը եւ նպատակ չունենք այդ գծից շեղվելու:

- Սոցցանցերում շրջանառվում է, թե Ռոբերտ Քոչարյանը հնարավոր է Արցախի նախագահական ընտրություններին մասնակցի: Հնարավոր տարբերակ համարո՞ւմ եք դա:

- Այսօր Արցախում կա Սահմանադրության փոփոխության հարց: Կա քաղաքացիական նախաձեռնություն, որի նպատակն է՝ հնարավորություն տալ Սահմանադրությամբ ոչ միայն արցախյան գրանցում ունեցող մարդկանց առաջադրվելու, այլեւ ՀՀ գրանցում ունեցողներին: Եթե փոփոխությունը լինի՝ ՀՀ ցանկացած քաղաքացի, անկախ գրանցման վայրից, կարող է առաջադրվել: Եթե այդ փոփոխությունը չլինի՝ ոչ Քոչարյանը, ոչ էլ այլ արցախյան գրանցում չունեցող մարդ չի կարող առաջադրվել: Հետեւաբար՝ տեսականորեն դա հնարավոր է, բայց բավականին բարդ ու երկարատեւ գործընթաց է:

- Բայց, եթե այդ գործընթացը տեղի ունենա, արցախցին իր քվեն կտա՞ Ռոբերտ Քոչարյանին:

- Միանշանակ դժվար է ասել, որովհետեւ որեւէ սոցիոլոգիական հարցում այդ առումով չկա ձեռքիս տակ եւ ես նույնպես նմանատիպ հարցումներ չեմ արել, որպեսզի կարողանամ ձեր հարցին պատասխանել: Կարծում եմ, ընտրապայքարը կգնա Արցախում բոլորին հայտնի քաղաքական ուժերի ներկայացուցիչների միջեւ: Ես չեմ կարծում, որ այլ գործիչներ այս պայքարին կմիանան:

- Ինչպե՞ս է ձեր ղեկավարած կուսակցությունը պատրաստվում գալիք ընտրություններին: Կողմնորոշվե՞լ եք նախագահի թեկնածու առաջադրելու հարցում:

- Մենք մարտին տեղի ունեցած համագումարում արդեն հայտարարել ենք, որ խորհրդարանական ընտրություններին գնալու ենք առանձին ցուցակով եւ նախագահի առանձին թեկնածու ենք առաջադրելու: Թեկնածուի մասին ավելի հստակ հավանաբար հոկտեմբերին կհայտարարենք:

- Այսինքն, դեռ չե՞ք կողմնորոշվել, թե ով է լինելու ձեր թեկնածուն:

- Կուսակցությունում քննարկումներ են ընթանում, մեզ համար ուրվագծված է թեկնածուի պատկերը, դա հստակ հոկտեմբերին կհայտարարվի:

- Վերջին շրջանում որոշ շրջանակների կողմից տարանջատում է լինում արցախցի-հայաստանցի, անգամ Արցախում կար պետական պաշտոն զբաղեցնող մարդ, որը նմանատիպ գրառումներով էր հանդես գալիս: Արցախում եւ Արցախի խորհրդարանում նմանատիպ հարցերին ինչպե՞ս են վերաբերվում:

- Կարծում եմ՝ այդ տարանջատումը քաղքենիական մակարդակի վրա է: Քաղքենի մակարդակ ունեցող որոշ գործիչներ կամ օգտատերեր են փորձում այդ տարանջատումը մտցնել: Կարծում եմ՝ իրականում նման տարանջատում գոյություն չունի:

- Արցախում կա՞ն ուժեր, որոնք այդքան էլ հակված չեն Արցախի միացմանը Հայաստանին:

- Միգուցե եւ լինեն, բայց չեմ կարծում, որ նրանց տեսակարար կշիռը մեծ է:

- Վարչապետ Նիկոլ Փաշինյանը վերջերս կոչ արեց Արցախի ժողովրդին՝ աջակցել միայն այն ուժերին, որոնք հանդես են գալիս Հայաստանի ժողովրդի եւ նրա լեգիտիմ ներկայացուցիչ կառավարությանն աներկբա աջակցության դիրքերից: Կհետեւե՞ն արցախցիներն այդ կոչին:

- Կարծում եմ՝ դա կարեւոր կոչ է եւ կարծում եմ՝ կհետեւեն: Կտեսնենք՝ ժամանակը ցույց կտա, համենայնդեպս, Երեւանն ավելի կարեւոր ֆունկցիա ունի՝ ամեն կերպ աջակցել նորմալ ընտրությունների անցկացմանը, հաշվի առնելով, որ այսօրվանից արդեն այդ ընտրությունները կասկածի տակ են, որովհետեւ ընտրություններ կազմակերպով՝ ուժերը կամ իշխանությունները հակված չեն նորմալ ընտրություններ կազմակերպելու: Կան ուժեր, որոնք հսկայական ռեսուրսներ են ծախսում, փորձում են ամեն կերպ կաշառել ընտրողներին: Այդ գործընթացը վտանգի տակ է եւ Երեւանը ճիշտ կաներ, որ աջակցեր Արցախում հասարակության ուժեղացմանը ու տարբեր գործիքներով նորմալ ընտրություններ անցկացնելուն:

Տպել
1424 դիտում

Արթուր Ալեքսանյանն ապահովեց Տոկիո-2020-ի ուղեգիրը. ըմբշամարտի աշխարհի առաջնություն

Շուշիում մկրտվել են Ապրիլյան պատերազմում զոհված հերոսների հարազատները

Նիկոլ Փաշինյանը ցավակցական հեռագիր է հղել Մեծի Տանն Կիլիկիո Կաթողիկոս Արամ Ա-ին՝ մոր մահվան կապակցությամբ

Մեկնարկեց մարդու իրավունքների երկրորդ փառատոնը․ միջոցառումներ կանցկացվեն նաև Վանաձորում․ լուսանկարներ

Վրաերթ Կոտայքի մարզում. տուժածը հիվանդանոցում մահացել է

Զինված հարձակում՝ Կյոկուշին ֆեդերացիայի նախագահի նկատմամբ. Արման Բաբաջանյանն ահազանգում է

Երևանում տեղադրվել են պլաստիկ շշերի համար նախատեսված 4 սորտավորման ամաններ

Երևանի Արցախի պողոտայի տներից մեկում հրդեհ է բռնկվել, տուժածներ չկան

ԱՀ պետնախարարը հանդիպել է «Հայոց պետականության անցյալը, ներկան ու ապագան» միջազգային գիտաժողովի մասնակիցներին

1 մլն արժողությամբ 1,5 մետրանոց հեռուստացույցը կարող է ազդեցություն ունենալ. որ դեպքերում են զրկվում նպաստից

Հայաստան է ժամանել Քուվեյթի շեյխուհի Հուսա Սաբահ Ալ-Սալեմ Ալ-Սաբահը

Արցախի հիվանդանոցը կդառնա համալսարանական հիվանդանոց

Ապօրինի ծառահատում և զենք-զինամթերքի հայտնաբերում․ Իջևանի ոստիկանների բացահայտումը

Երևանում տեղի ունեցած խոշոր վթարից տուժած 2 երեխաները ստացել են առաջին բուժօգնություն եւ տուն են գնացել

30-ն անց աղջիկներին տանջող հարցերից է՝ «Տանը մնացի՞». Թամարա Պետրոսյանը նոր մոնո ներկայացմամբ հանդես կա

Ըմբշամարտի Աշխարհի առաջնություն. Արթուր Ալեքսանյանը հաղթեց թուրք ըմբիշին և դուրս եկավ 1/4

Հայ Առաքելական եկեղեցին այսօր նշում է Խաչվերացի տոնը

Ըմբշամարտի ԱԱ. Կարեն Ասլանյանը 10:1 հաշվով հաղթեց տաջիկ ըմբիշին ու դուրս եկավ 1/8

Երևանի Ծիծեռնակաբերդի խճուղում 4 մեքենա է բախվել. կա 7 տուժած, այդ թվում՝ երեխաներ

Երեւանում, Քասախ գյուղում և Կապան քաղաքում փրկարարները հայտնաբերել եւ տեղափոխել են օձերի