Հրայր Թովմասյանը հնարավորություն ունի ապացուցելու՝ կապված է նախկի՞ն իշխանության հետ, թե՞ ՀՀ օրենքի հետ․ Ալեն Սիմոնյան

Ես չորս ժամ տեւած նիստից ավելին էի սպասում։ Այս մասին այսօր հայտարարեց Ազգային ժողովի փոխնախագահ, «Իմ քայլը» խմբակցության պատգամավոր Ալեն Սիմոնյանը՝ լրագրողների հետ զրույցում անդրադառնալով Դատավորների ընդհանուր ժողովի հայտարարությանը։

«Մենք էլ ենք մեղավոր, որ միգուցե օր առաջ պետք է էն անեինք, ինչի մասին էսօր խոսվում է: Մենք էլ ենք դրա մեջ մեղավոր, ուստի, եկեք մեղավորներ չփնտրենք: Հայաստանի Հանրապետությունում լինելու է անկախ դատարան, որը ենթարկվելու է միայն Հայաստանի Հանրապետության ժողովրդին եւ օրենքին»,- ասաց Սիմոնյանը:

Հիշեցնենք, որ երեկ մի քանի ժամ տեւած նիստից հետո Դատավորների ընդհանուր ժողովը հրապարակեց հայտարարություն, որում կարեւորում է դատական համակարգում բարեփոխումների անհրաժեշտությունը՝ դրանք համարելով ընդհանուր իրավական առաջընթացի ու զարգացման էական նախապայման, միաժամանակ՝ խստորեն դատապարտում դատավորների հանդեպ ցանկացած անհարգալից գործողություն եւ կոչ է անում ձեռնպահ մնալ դատական իշխանության հեղինակությունը նսեմացնող, դատավորների պատիվն ու արժանապատվությունը արատավորող հայտարարություններից, դատարանների բնականոն աշխատանքը խոչընդոտող ցանկացած գործողությունից: Հայտարարությունում նշված է նաեւ, որ «Բարձրագույն դատական խորհրդի անգործությունը չի արտահայտում դատավորների հավաքական կամքը, եւ այդ մարմինը գործնականում չի երաշխավորում դատավորների անկախությունը»:

Ալեն Սիմոնյանը համաձայն չէ այն կարծիքի հետ, թե դատական բարեփոխումների փաթեթը օրակարգ մտցվեց միայն այն ժամանակ, երբ փոխվեց Ռոբերտ Քոչարյանի խափանման միջոցը։

«Ես կարծում եմ, որ հիմա այն փուլն է, որ ԱԺ-ն լիակատար գործում է եւ կարող է զբաղվել այս հարցով։ ԱԺ-ում մենք իշխանություն ենք վերջին հինգ ամսվա ընթացքում։ Դուք ասում եք, որ Քոչարյանի հետ կապ ունի, բա Քոչարյանին մի անգամ էլ էին բաց թողել, բա ինչո՞ւ չարեցինք դատական բարեփոխումների փաթեթը։ Բազմաթիվ գործեր կան, պարզապես Քոչարյանի գործը աղմկահարույց է։

Եկեք չկապենք իրար։ Այսօր քաղաքական դաշտում գործում են երկու խմբի մարդիկ, առաջինը քաղաքական ուժ ներկայացնող մարդիկ են, երկրորդը՝ ովքեր վճարվում են, որ քաղաքականությամբ զբաղվելու տեսիլք ստեղծեն, ովքեր զբաղված են մեր դեմ փողով հոդված գրելով»,- Սարդարապատում լրագրողների հետ զրույցում ասաց ԱԺ փոխնախագահը։

Անդրադառնալով դատավորներին վեթինգի ենթարկելուն՝ Ալեն Սիմոնյանը նշեց, որ որեւէ վատ բան չի տեսնում դրա մեջ, ավելին՝ դեմ չէ նաեւ, որպեսզի բոլոր պետական պաշտոնյաները եւս վեթթինգի ենթարկվեն, այդ թվում՝ պատգամավորները։

«Ես որեւիցե խնդիր չունեմ նման գործելաոճ կիրառելու, բոլորս էլ գիտենք, որ ՀՀ-ում բոլոր հարուստ մարդիկ եղել են պետական պաշտոնյաները։ Եթե առաջարկվի պատգամավորներին վեթթինգ անել, ես խնդիր չեմ տեսնում»։

Հարցին՝ արդյոք պե՞տք է հրաժարական տա ՍԴ նախագահ Հրայր Թովմասյանը, Ալեն Սիմոնյանն ասաց․

«Հրայր Թովմասյանը հնարավորություն ունի ապացուցելու՝ կապված է նախկի՞ն իշխանության հետ, թե՞ ՀՀ օրենքի հետ»։ Թե ինչպես պետք է ապացուցի՝ Սիմոնյանը չմանրամասնեց։

Անդրադառնալով ապրիլյան պատերազմի հանգամանքները պարզելու համար քննիչ հանձնաժողով ստեղծելուն՝ Ալեն Սիմոնյանն ասաց, որ ակնհայտ է՝ այդ դեպքերի ժամանակ շատ հարցեր կային․

«Այդ մտահոգությունների մասով մենք պետք է ստուգենք եւ ճշտենք ամեն ինչ, որպեսզի Հայաստանում անհետեւանք չմնա ոչ մի բան։ Օրինակ՝ նախկին վարչապետներից մեկն ասաց՝ տանկի մեջ վառելիք չկար, պետք է նման բաները անհետեւանք չմնան, որ այսուհետ բոլորն իմանան, որ ամեն ինչ արվել է ՊՆ կողմից, պետության կողմից, որպեսզի մեր զինվորներն աեմն ինչով ապահովված լինեն»,-ասաց Սիմոնյանը։

Ալեն Սիմոնյանը տեղյակ չէ, թե ովքեր են լինելու հանձնաժողովի անդամները։ Հարցին, թե գուցե հանձնաժողովի անդամները լինեն չծառայած անձիք, ԱԺ փոխխոսնակը նշեց․

«Բանակում չծառայած էդ բառը քիչ է պետք օգտագործել։ Ես բանակում ծառայել եմ եւ եթե առաջարկեն լինել հանձնաժողովի անդամ, կհամաձայնեմ»,-եզրափակեց Սիմոնյանը։

Տպել
19677 դիտում

Armtimes.com-ը փնտրում է վեբ կայքի և սոցիալական ցանցերի ղեկավարի

Հայկ Սեխլիյանի բուժման համար անհրաժեշտ գումարի գրեթե կեսը հանգանակվել է. պետությունը եւս փորձելու է աջակցել

Ամուլսար այցից հետեւություն արեցի, որ մարդիկ գիտեն՝ ես ոչ մի միլիմետր չեմ շեղվի ճշմարտությունից. վարչապետ

Պարգեւատրվել են Շիրակի մարզի զորացրված զինվորները, նրանց զինղեկներն ու համայնքապետերը

Գյումրու Բուլվարային փողոցից բերման է ենթարկվել 33-ամյա տղամարդ՝ գրպանում թմրանյութով ներարկիչներ

Պատարայի ջրամբարի կառուցումը Ստեփանակերտի խմելու ջրի ապահովման գլխավոր երաշխիքն է լինելու. Ա. Հարությունյան

Զոդի կամրջի ողբերգական ավտովթարի գործով կալանավորված վարորդը ցուցմունք է տվել եւ մանրամասներ հայտնել

Ռազմական ոստիկանության գնդապետը ստացել է մոտ 7 մլն ռուբլի կաշառք. նա կալանավորվել է (տեսանյութ)

Կոխակն գյուղում հրդեհվել են տներից մեկի եւ կից անասնագոմի տանիքները

200 տոննա հայկական դեղձը կարող է փչանալ. բեռնատարները մի քանի օր է՝ Լարսում սպասում են զննման

ՔԿ-ն ամփոփ տեղեկանք է ներկայացրել Ամուլսարի գործի շրջանակներում իրականացված ամբողջ գործընթացի մասին

Կյանքից հեռացել է կոմպոզիտոր, ՀՀ արվեստի վաստակավոր գործիչ Յուրի Հարությունյանը

ՎՏԲ-Հայաստան Բանկն արագացրել է ապառիկ վարկեր ձևակերպելու գործընթացքը

Խոսրովի անտառի մոտակայքում հրդեհ կա. ՀՀ շրջակա միջավայրի փոխնախարար

Հեռուստացույց, անվադողեր, բժշկական թափոններ. աղբամանները դրանց համար չեն, ուրեմն ինչ անել

«Արմավիր» ՔԿՀ–ում դատապարտյալը կախվել է. նա մեղադրվում էր կնոջը և աներորդուն սպանելու մեջ

Գիշերօթիկի երեխաներին իրենց ընտանիքներ վերադարձնելով կավելացնեն մուրացկանների թիվը. Ուլիխանյան

Արայիկ Հարությունյանը մասնակցում է «Վորլդսքիլզ Կազան 2019» համաժողովին

Վարչապետ-ժողովուրդ հզոր կապի արանքում ինչքան թույլ կադրեր կան, պետք է, որ չդիմանան. Ռոբերտ Ղուկասյան

Դավիթ Տոնոյանն Իրանի դեսպանի հետ քննարկել է տարածաշրջանային անվտանգության և միջազգային զարգացումների վերաբերյալ հարցեր