Ալսուի դուստրը «Մանկական ձայնի» հաղթողի կոչումից զրկվելուց հետո շնորհավորել է ընկերներին

Հայտնի երգչուհի Ալսուի դուստրը՝ Միկելա Աբրամովան, իր հետ կապված սկանդալից հետո առաջին անգամ մեկնաբանել է «Մանկական ձայնը» մրցույթը: Նա շնորհավորել է հատուկ թողարկման մասնակիցներին: Այն բանից հետո, ինչ չեղարկվել էր ապրիլի 26-ին կայացած եզրափակչում նրա հաղթանակը, նախագծի հեղինակները հատուկ թողարկում էին կազմակերպել, որը տեղի ունեցավ մայիսի 24-ին: Հաղթող ճանաչվեցին բոլոր ֆինալիստները՝ Էրժան Մաքսիմը, Անաստասիա Սիսաուրին, Ռոբերտ Բագրատյանը, Միշա Գրիգորյանը՝ Փոքրիկ ղարբաղցին, Նինո Չեսները, Ռենատա Թաիրովան, Վալերի Կուզակովը, Մարիամ Աբդելկադերը: Ինքը՝ Միկելան, չէր մասնակցել հատուկ թողարկմանը:

«Կցանկանայի շնորհակալություն հայտնել բոլորին՝ իմ հրաշալի հետեւորդներին, հիանալի ընկերներին ձեր ձայների, նրա համար, որ ցավում էիք ու ուրախանում ինձ համար, ինչպես նաեւ ձեր աջակցության համար: Ես դա զգում էի նույնսիկ հեռավորության վրա: Իհարկե շատ շնորհակալություն Առաջին ալիքին՝ ղեկավարությանը, կազմակերպիչներին, մեր հիանալի մարզիչներին եւ բոլոր նրանց, ովքեր մեզ հետ աշխատել են նախագծի շրջանակներում:

Բեմ բարձրանալու ու այս հիանալի սուպերնախագծի մասը կազմելու իմ երազանքն իրականացավ: Իմ կյանքի ամենալավ, ամենաուրախ, ամենահագեցած ամիսներն էին: Ես մեծ քանակությամբ ընկերներ ձեռք բերեցի տարբեր քաղաքներից, նույնիսկ երկրներից: Եվ հենց դուք եք իմ ամենամեծ պարգեւը, որը շատ թանկ եմ գնահատում... շատ եմ ձեզ սիրում: Դուք լավագույն ընկերներ եք: Ամբողջ հոգով ձեզանից յուրաքանչյուրի կողքին էի: Շնորհավորում եմ»,- գրել է նա՝ նշելով հատուկ թողարկման բոլոր մասնակիցների անունները:

Ապրիլի 26-ին կայացած եզրափակչից հետո մեծ աղմուկ էր բարձրացել: Երկրպագուներն ու ռուսական շոու-բիզնեսի մի շարք աստղեր սոցցաներում գրում էին, որ Միկելան հաղթել է հոր փողերի ու մոր կապերի միջոցով: Առաջին ալիքը որոշում էր կայացրել ուսումնասիրել քվեարկության ընթացքը: Պարզվել էր, որ խախտումներ են եղել, այդ պատճառով էլ արդյունքները չեղարկվեցին, ու Միկելան զրկվեց հաղթողի կոչումից: Մայիսի 24-ի թողարկման վերջում տեղի ունեցածը մեկնաբանել է Առաջին ալիքի գլխավոր տնօրեն Կոնստանտի Էռնստը:

«Արդյունքները չեղարկելով մենք երախաներին ցանկացել ենք ասել, որ դուք չպետք է մեծերի մանիպուլյացիաների առարկաներ դառնաք, մեծերին ցանկացել ենք ասել՝ չարժե նույնիսկ փորձել: Եվ խնդրում եմ՝ եկեք սիրենք մեր երեխաներին այնպիսին, ինչպիսին նրանք կան՝ մրցանակներով կամ առանց դրանց, հաղթանակած կամ պարտված: Մենք եկել ենք եզրակացության, որ այս իրավիճակում չենք կարող կրկին քվեարկություն անցկացնել»,- ասել է նա ու բոլոր մասնակիցներին հայտարարել հաղթողներ:

Կոնստանտին Էռնստը նրանց հանձնել է նախագծի 6-րդ եթերաշրջանի հաղթողի արձանիկները, ինչպես նաեւ 1-ակամ մլն ռուբլի պարգեւավճրար: Նա նշել է նաեւ Միկելայի անունը՝ ընդգծելով, որ նա նույնպես հաղթող է ու «Մանկական ձայնի» ընտանիքի անդամ:

Մայիսի 24-ի թողարկման ընթացքում Փոքրիկ ղարաբաղցին կատարել է «Прохожие» երգը: Ռոբերտ Բագրատյանը երգել է «Дорогие мои старики» ստեղծագործությունը:

Տպել
2091 դիտում

Իսկ գուցե պատճառներն ավելի պա՞րզ են

Սեպտեմբերի 21-ին Գյումրիում փակ են լինելու որոշ փողոցներ (տեսանյութ)

Նիկոլ Փաշինյանը եղել է Հանրայինի արխիվի նոր մասնաշենքում, լսել Առաջին ալիքի հաշվետվությունը

Գրոզնիում առեւտրի կենտրոն է հրդեհվել. ուժգին կրակն ընդգրկում է 700 քմ տարածք

Եվրախորհրդարանը դատապարտել է Թուրքիայում հիմնարար իրավունքների ու ազատությունների ոտնահարումը

Աղավնատուն գյուղում սպանության փորձի մասնակիցների ինքնությունը հայտնի է․ նոր մանրամասներ

Փոխվարչապետ Գրիգորյանն ընդունել է ԵՀ Հարևանության հարցերով գլխավոր տնօրենի տեղակալին

Սևանի ոստիկանները ապօրինի թմրաշրջանառության դեպք են բացահայտել (տեսանյութ)

Ոստիկանները բացահայտել են Վահագնի գյուղի հարակից անտառում երկու ծառի անօրինական հատման դեպք

Վթար Երևանի Շիրակի փողոցում. վարորդներից մեկը տեղափոխվել է հիվանդանոց

Ով է հերոս եւ ով՝ հակահերոս. Կառավարությունն արձագանքում է հանրային պահանջին

ՀՀ ԱԽ քարտուղարը նշանակման առթիվ շնորհավորել է ԱՄՆ նախագահի ազգային անվտանգության գծով խորհրդականին

Երեւանի Նոր Արեշ փողոցի բնակարաններից մեկում հայտնաբերվել է դի

ՀՀ կառավարությունը շահագրգռված է «Բոինգ» կորպորացիայի հետ փոխշահավետ համագործակցությամբ. վարչապետ

Ոստիկանապետի ժամանակավոր պաշտոնակատարը հանդիպել է Բելառուսի իրավապահների պատվիրակության հետ

Վարչապետն ընդունել է «HSBC International» Եվրոպայի զարգացման գծով տնօրենին

Եվրոպայի չեմպիոն Հարությունյանն ու Եվրոպայի Մ-23 չեմպիոն Թեւանյանն ըմբշամարտի ԱԱ-ից կգան առանց մեդալի

Գյումրու քաղաքապետ Սամվել Բալասանյանը գնեց մեծ կտավի իր 100 մասնիկը

Վերահսկվում է հակաանասնահամաճարակային միջոցառումների կատարման ընթացքը ողջ հանրապետությունում. ՍԱՏՄ

Նիկոլ Փաշինյանն այցելել է Հանրային հեռուստաընկերություն (տեսանյութ)