Մխիթարյանին ասել են, որ Բաքվում չցուցադրի ՀՀ դրոշը. Մելիքբեկյանի հարցազրույցը CNN-ին

«Արսենալի» կիսապաշտպան Հենրիխ Մխիթարյանին ասել են, որ Եվրոպա լիգայի եզրափակչում՝ Բաքվում, չծածանի հայոց եռագույնը: Այս մասին CNN-ին տված հարցազրույցում ասել է Հայաստանի ֆուտբոլի ֆեդերացիայի գլխավոր քարտուղար Արմեն Մելիքբեկյանը: Նա նաեւ նշել է, որ ՀՖՖ հարգում է «Արսենալի» ղեկավարության ու ֆուտբոլիստի՝ Բաքու չմեկնելու որոշումը:

««Այս դեպքում Մխիթարյանը ներկայացնում է «Արսենալը», այլ ոչ թե ազգային հավաքականը: ՀՖՖ-ն իհարկե հետեւում է իրավիճակին: Պետք է ասեմ, որ Բաքու չմեկնելու որոշում կայացվել է ֆուտբոլիստի ու ակումբի կողմից, եւ մենք կարծում ենք, որ ներկա իրավիճակում դա լավագույն որոշումն է, եւ աջակցում ենք այդ որոշմանը: Մենք՝ որպես Հայաստանի ֆուտբոլի ֆեդերացիա, հասկանում ենք, որ մի քանի պատճառներ կան: Դրանիցից մեկն այն է, որ իրավիճակը խիստ քաղաքականցվել է միջոցառումը կազմակերպող երկրի կողմից: Հնչել են քսենոֆոբիա քարոզող արտահայտություններ: Եվս մեկ բան, որ շատ կարեւոր է, մեր աղբյուրների համաձայն՝ Մխիթարյանին խորհուրդ են տվել Հայաստանի դրոշը չծածանել Բաքվում, ինչը բացարձակ անընդունելի է: Ինչպես ֆուտբոլասերները գիտեն, նա ցուցադրել է հայկական դրոշը «Մանչեստեր Յունայթեդի» կազմում Ստոկհոլմում 2 տարի առաջ կայացած եզրափակչից հետո, երբ նա հանդիպման հերոսներից մեկն էր: Երբ խոսում ենք անվտանգությունից, դու պետք է նաեւ անվտանգ լինես, եթե հաղթանակի դեպքում ցանկանաս ցուցադրել դրոշը»,- ասել է Մելիքբեկյանը:

Արմեն Մելիքբեկյանը նաեւ ուշադրություն է հրավիրել այն փաստի վրա, որ այս դեպքում խնդիրները միայն Մխիթարյանի հետ չէ, որ կապված են: Նա ընդգծել է, որ Հայաստանում կան անգլիական թիմի բազմաթիվ երկրպագուներ: Մելիքբեկյանը ցավ է հայտնել, որ նրանք չեն կարող մարզադաշտից հետեւել այդ կարեւոր իրադարձությանը:

«Մենք շատ մտահոգություններ ունենք, ամենամեծ մտահոգություններից մեկն այն է, որ նույնիսկ Բրիտանիայի մի շարք քաղաքացիների, որոնք հայկական ծագում ունեն, մերժել են Ադրբեջանի մուտքի վիզա տրամադրել, եւ սա նույնպես շատ հիասթափեցնող է: Ի դեպ, մենք Հայաստանում ունենք «Արսենալի» երկրպագուները, որոնք այդ թիմին երկրպագել են, նույիսկ երբ դեռ Մխիթարյանն այնտեղ չէր, եւ իհարկե նրանք էլ չեն կարող գնալ Ադրբեջան՝ հանդիպումը նայելու: Շատ վատ է, որ խաղացողը պետք է ընտրություն կատարի սպորտի ու անվտանգության միջեւ, սա արդար չէ»,- ասել է նա:

Եվրոպա լիգայի 2018-2019 մրցաշրջանի եզրափակիչը կայանալու է մայիսի 29-ին: «Զինագործների» մրցակիցը «Չելսին» է:

 

Տպել
7655 դիտում

Ինձ թվում է՝ թիմի խաղն ստացվեց. Տիգրան Բարսեղյանը՝ Լիխտենշտեյնի դեմ հանդիպման մասին

Նախարար Պապիկյանը մարզպետների հետ խորհրդակցություն է անցկացրել

39-ամյա կինը որոնվում է որպես անհետ կորած (տեսանյութ)

Գյումրիում մեքենաները մաքսազերծվում են 20 րոպեում. Հյուսիսային մաքսատունն անցել է աշխատանքային ռեժիմի

Ուզում եմ շնորհակալություն հայտնել բոլոր մարդկանց, ում շնորհիվ հաղթահարեցինք աղբահանության ճգնաժամը. Հայկ Մարության

ՍԴ-ն մերժեց Հրայր Թովմասյանի լիազորությունները դադարեցնելու վերաբերյալ ԱԺ դիմումը վարույթ ընդունել

Թուրքիային աջակցող «Սիրիայի ազգային բանակ» խմբավորումը հայտարարություն է տարածել

Արման Սարգսյանը ոստիկանության Սյունիքի մարզային վարչության անձնակազմին ներկայացրեց նորանշանակ պետին

Աննա Հակոբյանը Շվեյցարիա է մեկնել Երևան-Մոսկվա-Ժնև սովորական չվերթով, էկոնոմ դասով ու վերադարձել նույնով

Նախարար Հակոբ Արշակյանը ԱՄէ-ում մասնակցում է «Արհեստական բանականությունը սպորտում» համաժողովին

Կաթողիկոսը Աննա Հակոբյանից հետաքրքրվել է Մեհրիբան Ալիեւայի հետ նույն ինքնաթիռով մեկնելու լուրերի մասին

Հայբիզնեսբանկը հանդես է գալիս բարելավված և ավելի շահավետ պայմաններով՝ «ABB-ավտո» վարկատեսակով

Այս տարվա 9 ամիսներին 39 զինծառայող է զոհվել Արցախում ու Հայաստանում. դատախազություն

Քիմ Քարդաշյանի ամուսինը պաշտոնապես հայտարարել է քրիստոնեություն ընդունելու մասին

Քննարկվել է Աշխատանքի և սոցիալական հարցերի նախարարության 2020 թ. պետական բյուջետային հատկացումների հայտը

«Սանիթեք» ընկերությունը սկսել է միջազգային արբիտրաժային դատարան դիմելու գործընթացը

Նոր մեգանախագիծ. աշխարհի տարբեր ծայրերից Երևան կժամանեն մեր օրերի լեգենդար կոմպոզիտորները

ԵԱՀԿ Մինսկի խմբի համանախագահներն այսօր եւ վաղը Հայաստանում են լինելու․ ԱԳՆ խոսնակ

Թուրքիայի նախագահը մեկնել է Ադրբեջան

Ակնկալում ենք վրացական կողմի պարզաբանումը․ Աննա Նաղդալյանը՝ հայ լրագրողների՝ Վրաստան մուտքն արգելելու մասին