Եթե Ջուլիետին չտեսնեի, գուցե այս պիեսը չբեմադրեի. Ռուսական թատրոնում պրեմիերա է սպասվում

Լուսանկարում՝ Հռիփսիմե Նահապետյան, Արեն Խաչատրյան

Մայիսի 25-ին Կոնստանտին Ստանիսլավսկու անվան դրամատիկական թատրոնում պրեմիերա է սպասվում: Բեմադրող ռեժիսորն է Կարեն Ներսիսյանը: Թատրոնի գեղարվեստական ղեկավարը թատերասերների դատին կհանձնի Ուիլյամ Շեքսպիրի «Ռոմեո եւ Ջուլիետ» հանրահայտ ողբերգության հիման վրա բեմադրված ներկայացումը:

Կարեն Ներսիսյանը Ռուսական թատրոնի գեղարվեստական ղեկավարի պաշտոնը զբաղեցնում է դեկտեմբեր ամսից: Ռուսական թատրոնում սա նրա առաջին բեմադրությունն է: Լրագրողների հարցին, թե ինչու սկսեց հենց «Ռոմեո եւ Ջուլիետ»-ից, գեղարվեստական ղեկավար Կարեն Ներսիսյանն ասաց. «Շատ լավ պիես է: Շատ գեղեցիկ ու հզոր սիրո պատմություն է: Հետաքրքիր են բոլոր կերպարները, բոլոր իրավիճակները, սոցիալական անհավասարություն, սեր... Շեքսպիրը հիասքանչ է իր բազմիմաստությամբ»:

Ջուլիետայի կերպարը մարմնավորում է Հռիփսիմե Նահապետյանը, Ռոմեոյինը՝ Արեն Խաչատրյանը:

«Հռիփսիմեին միանգամից եմ ընտրել, անգամ առանց մտածելու: Եթե ես թատերախմբում չտեսնեի Ջուլիետին, գուցե այս պիեսը չբեմադրեի: Մեծ երջանկություն է, երբ թիմում կա հետաքրքիր դերասանուհի Հռիփսիմե Նահապետյանը: Արեն Խաչատրյանը, որը մարմնավորում է Ռոմեոյին, նույնպես հետաքրքիր է: Մեզ այնքան հաճելի ու միեւնույն ժամանակ բարդ է գտնվել ստեղծագործական այս գործընթացում, քանի որ շեքսպիրյան պիեսներն ուղղակի քամում են: Կենտրոնացումը, հույզերը, ապրումները, որոնք պահանջվում են երեք րոպեանոց տեսարաններում, այլ դրամատուրգների պիեսների դեպքում անհրաժեշտ են մի ամբողջ գործողության ընթացքում»,-նկատեց գեղարվեստական ղեկավարը:

Կարեն Ներսիսյանը հայտնեց, որ բեմադրության փորձերը յուրաքանչյուր օր տեւել են գրեթե 7 ժամ: Աշխատել է թատերախմբից միանգամից 17 հոգու հետ, ինչն իրեն անհրաժեշտ էր՝ հասկանալու համար, թե ինչպես կստացվեն մեծ թիմով աշխատանքները:

Գեղարվեստական ղեկավարի վստահեցմամբ՝ Շեքսպիր կարդալը կամ բեմադրություններ նայելն առողջարար է: Գեղարվեստական ղեկավարը նկատեց, որ Ռուսական թատրոնում Շեքսպիր չի բեմադրվել 40 եւ ավելի տարիներ, ուստի պետք է այդ բացը լրացնել:

Տպել
1386 դիտում

Թուրքիայում ռազմական գործողությունների արդյունքում փախստականների թիվը հասել է 160 հազարի. ՄԱԿ

Ինձ թվում է՝ թիմի խաղն ստացվեց. Տիգրան Բարսեղյանը՝ Լիխտենշտեյնի դեմ հանդիպման մասին

Նախարար Պապիկյանը մարզպետների հետ խորհրդակցություն է անցկացրել

39-ամյա կինը որոնվում է որպես անհետ կորած (տեսանյութ)

Գյումրիում մեքենաները մաքսազերծվում են 20 րոպեում. Հյուսիսային մաքսատունն անցել է աշխատանքային ռեժիմի

Ուզում եմ շնորհակալություն հայտնել բոլոր մարդկանց, ում շնորհիվ հաղթահարեցինք աղբահանության ճգնաժամը. Հայկ Մարության

ՍԴ-ն մերժեց Հրայր Թովմասյանի լիազորությունները դադարեցնելու վերաբերյալ ԱԺ դիմումը վարույթ ընդունել

Թուրքիային աջակցող «Սիրիայի ազգային բանակ» խմբավորումը հայտարարություն է տարածել

Արման Սարգսյանը ոստիկանության Սյունիքի մարզային վարչության անձնակազմին ներկայացրեց նորանշանակ պետին

Աննա Հակոբյանը Շվեյցարիա է մեկնել Երևան-Մոսկվա-Ժնև սովորական չվերթով, էկոնոմ դասով ու վերադարձել նույնով

Նախարար Հակոբ Արշակյանը ԱՄէ-ում մասնակցում է «Արհեստական բանականությունը սպորտում» համաժողովին

Կաթողիկոսը Աննա Հակոբյանից հետաքրքրվել է Մեհրիբան Ալիեւայի հետ նույն ինքնաթիռով մեկնելու լուրերի մասին

Հայբիզնեսբանկը հանդես է գալիս բարելավված և ավելի շահավետ պայմաններով՝ «ABB-ավտո» վարկատեսակով

Այս տարվա 9 ամիսներին 39 զինծառայող է զոհվել Արցախում ու Հայաստանում. դատախազություն

Քիմ Քարդաշյանի ամուսինը պաշտոնապես հայտարարել է քրիստոնեություն ընդունելու մասին

Քննարկվել է Աշխատանքի և սոցիալական հարցերի նախարարության 2020 թ. պետական բյուջետային հատկացումների հայտը

«Սանիթեք» ընկերությունը սկսել է միջազգային արբիտրաժային դատարան դիմելու գործընթացը

Նոր մեգանախագիծ. աշխարհի տարբեր ծայրերից Երևան կժամանեն մեր օրերի լեգենդար կոմպոզիտորները

ԵԱՀԿ Մինսկի խմբի համանախագահներն այսօր եւ վաղը Հայաստանում են լինելու․ ԱԳՆ խոսնակ

Թուրքիայի նախագահը մեկնել է Ադրբեջան