Հաշտվելու այլընտրանք չկա․ երկու քայլ ընդառաջ է գալիս օլիգարխիան, երկու քայլ՝ հանրությունը․ Միքայել Նահապետյան

Ազգային ժողովում անցումային արդարադատության վերաբերյալ լսումների ժամանակ Հայաստանում հանրային համերաշխություն հաստատելու օրակարգի քննարկման համատեքստում «Քաղաքացու որոշում» կուսակցության մամուլի խոսնակ Միքայել Նահապետյանն անդրադարձավ ապօրինի կուտակված սեփականության թեմայի շուրջ եղած թշնամանքին ու դրա հաղթահարման իրենց տեսլականին․

«Բոլորիս հայտնի հանգամանքներում անկախացումից ի վեր տարբեր մարդիկ սկսել են կապիտալ կուտակել, եւ երբեմն դա արել են շատ ծանր պայմաններում՝ համատարած սովի մեջ, ապօրինություններով, զենքով, զոռով, եւ քանի որ ապօրինի կուտակված սեփականությունը այլ կերպ հնարավոր չէր երաշխավորել, քան իշխանական լծակներ ունենալը՝ նրանք մտել են գործադիր մարմիններ, Ազգային ժողով, ստեղծել կուսակցություններ եւ այլն։ Նրանք հետեւողականորեն վերացրել են ընտրական մեխանիզմները, որպեսզի իրենց որեւէ մեկը չփոխարինի, նրանք վերացրել են դատական համակարգը, որպեսզի իրենց որեւէ մեկը չդատապարտի, եւ սա ամբողջովին տրամաբանական է այն համատեքստում, թե ինչ պայմաններում են իրենց սեփականկությունը կուտակել»,-ասաց Նահապետյանը՝ նշելով, որ այս առումով չափազանց էական է հաշտեցման գործընթացը, քանի որ այս խավին է հանրությունն ասում օլիգարխիա, եւ նրանք են, որ հիմա հանրային թշնամանքի հիմնական օբյեկտն են հանդիսանում։

Ըստ Նահապետյանի՝ հաշտեցմանն այլընտրանք չկա, որովհետեւ հաշտվելու այլընտրանքը օլիգարխների կողմից լինելու է սեփականության, ազատության համար անընդհատ վախով ապրելը, իսկ հանրության համար՝ հակահեղափոխության, պետական հեղաշրջման վախով ապրելը․

«Ինչպես եմ ես տեսնում հաշտեցման գործընթացը․ երկու-երկու։ Այսինքն՝ երկու քայլ ընդառաջ է գալիս օլիգարխիան, երկու քայլ՝ հանրությունը։ Ինչ է պետք օլիգարխներին՝ պետք է, որ իրենց սեփականությունը ճանաչվի, եւ պետք են ազատության երաշխիքներ, այսինքն՝ չդատապարտվեն։ Ինչ է պետք հանրությանը՝ պետք է փոխհատուցում, եւ վերոնշյալ մարդիկ այլեւս պետական պաշտոններ չզբաղեցնեն։ Ահա այն բանաձեւը, թե ով ում ինչ պետք է զիջի․ փոխհատուցման դիմաց՝ համաներում, քաղաքականությունից դուրս գալու դիմաց՝ սեփականության ճանաչում»,-ասաց ՔՈ ՍԴԿ մամուլի խոսնակը՝ հավելելով, որ կարելի է գնալ նաեւ սրան հակառակ տարբերակով՝ հայտարարելով, որ մեզնից որեւէ մեկը բիզնեսով չի զբաղվում, բայց արդարության զգացումը հնարավոր չէ կեղծել․

«Ցանկացած թուղթ հնարավոր է կեղծել, արդարության զգացումը՝ չէ։ Այս տարբերակում մարդիկ այլընտրանք չեն ունենալու, քան ավելի ռադիկալ ուժերին իրենց քվեն տալու։ Կարող է մեր 300 հազար դրամ ստացող քննիչները չգտնեն 300 հազար դոլար ստացող ֆինանսիստների թաքցրած 99 տոկոսը, բայց էն մի տոկոսը որ գտան, դրա համար մարդիկ են դատվելու, եւ սա այն դատական քրեական արդարադատության տրամաբանությունն է, որի մասին աղաղակում են, որ այ էս լավ բանը վերացնում են, գնում են անցումային արդարադատության։ Ժողովուրդ ջան, էդ քրեական արդարադատության տրամաբանության մեջ վերջը դատվելն է։ Եկեք նստենք, քննարկենք հաշտեցման հնարավորությունները»,-եզրափակեց Միքայել Նահապետյանը։

Տպել
900 դիտում

Գյումրիում տոնը շարունակվում է (լուսանկարներ)

ՀՀ վարչապետի գլխավորած պատվիրակությունը Գյումրիից մեկնել է ԱՄՆ

Ամենօրյա պայքար հանուն անկախության. խմբագրական

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան

Հայ ժողովուրդը ոչ միայն դարձել է ավելի ուժեղ, այլ ավելի ամուր է կանգնել իր ոտքերի վրա. վարչապետ

Անցնող շաբաթ Ադրբեջանի հետ շփման գծում հայ դիրքապահների ուղղությամբ արձակել է շուրջ 1000 կրակոց

«Մեր ժամանակների հերոսը» մրցանակաբաշխության գլխավոր մրցանակակրի անունը կարդաց ՀՀ վարչապետը

Նիկոլ Փաշինյանը շարունակում է շնորհավորական ուղերձներ ստանալ Անկախության օրվա առթիվ

Google-ը Հայաստանից մուտք գործողներին այսօր եռագույն է ողջունում

Խոշոր հրդեհ Սյունիքի մարզի անտառներում (լուսանկարներ)

Երեւան-Գյումրի գնացքի տոմսերի համար 3-4 ժամ հերթ են կանգնում, տոմսեր վաճառում են միայն բողոքներից հետո. ահազանգ

Գյումրու Սև բերդում տեղի է ունենում «Մեր ժամանակների հերոսը» խորագրով մրցանակաբաշխությունը. ուղիղ

Բացահայտվել է 73 մլն դրամի էլեկտրաէներգիայի ապօրինի օգտագործմամբ կրիպտոարժույթի արտադրություն իրականացնելու դեպք

28 տարի առաջ այս օրը մենք ինքներս ենք որոշել ապրել անկախ Հայաստանի Հանրապետությունում. Արարատ Միրզոյան