Անցումային արդարադատությունը միջազգային բոլոր փաստաթղթերում նշվում է որպես հաշտեցման գործիք․ արդարադատության փոխնախարար

Անցումային արդարադատության ինստիտուի միջազգային իրավական հիմքերը թեմայով այսօր խորհրդարանում զեկույցով հանդես եկավ Արդարադատության նախարարի տեղակալ Աննա Վարդապետյանը։

Քանի որ անցումային արդարադատության (այսուհետ՝ ԱԱ,-հեղ․) էության վերաբերյալ ամենատարբեր մեկնաբանություններ են լինում, փոխնախարարը նախ ներկայացրեց, թե ինչ է անցումային արդարադատությունը միջազգային իրավական հիմքերով․

«Միջազգային իրավական բոլոր փաստաթղթերում անցումային արդարադատությունն ամրագրված է որպես գործիքների եւ կառուցակարգերի ամբողջություն, որը նպատակ ունի ապահովել հասարակության անցումը մի իրավիճակից դեպի մյուսը»,-ասաց Վարդապետյանը։

Նա հատուկ քաղաքական ձեւակերպումներ չարեց՝ նպատակ ունենալով ցույց տալ, որ գործիքակազմը իրավական է․

«ԱԱ-ի գործիքակազմը առաջին հերթին նպատակ ունի վեր հանել այն պատճառները, որոնք հանգեցրել են հասարակության մեջ զանգվածային խախտումների։ ԱԱ-ի մասին խոսելիս հաճախ նշվում է, թե խոսքը գնում է պատերազմական պետությունների, արյունահեղությունների մասին, եւ, չգիտես ինչու, մոռանում են նշել, որ զանգվածային խախտումները կարող են լինել առանց բռնության դրսեւորման, կարող են լինել տնտեսական, քաղաքական, սոցիալական, մշակութային բազմաթիվ զանգվածային խախտումներ, որոնք ի վերջո կարող են հասարակության մեջ բերել ժողովրդավարական արժեքների նվազեցմանը, առանձին դեպքերում՝ նաեւ արժեզրկմանը»,-ասաց փոխնախարարը՝ նշելով, որ հենց այս պատճառով պետությունն ինքը ազատ է ընտրելու, թե ինչ կառուցակարգ եւ ինչ գործիք է օգտագործելու․

«Եթե պետությունը ցանկություն է հայտնում օգտագործել ԱԱ-ի մեխազնիմները, դա չի նշանակում, որ պետությունը սահմանափակված կամ պարտավորված է հատ-հատ կիրառել բոլոր գործիքները, յուրաքանչյուր պետություն ինքն է ընտրում, թե ինչ գործիքակազմ է իրեն անհրաժեշտ՝ լրացնելու իր ունեցած ինստիտուցիոնալ բացը»։

ԱԱ-ն, ըստ փոխնախարարի, միջազգային բոլոր փաստաթղթերում նշվում է որպես հաշտեցման գործիք։ ԱԱ-ի բոլոր գործիքները միտված են մի բանի՝ հասարակությանը բերել հաշտեցման, եթե հասարակության մեջ կա դիսոնանս կամ առճակատում։

Վարդապետյանը նշեց, որ ԱԱ-ի գործիքակազմը հստակ սահմանված է․ քրեական մեղադրանքներ, վեթինգ՝ գնահատման գործընթաց եւ այլն։ Փոխնախախարը խնդրեց վեթինգը լյուստրացիայի, զտման հետ չշփոթել, այն միայն հստակ գնահատման գործընթաց է։

Տպել
696 դիտում

Իմ դեմ կեղծ ցուցմունք են տվել. Վայոց ձորի մարզպետը՝ իր օգնականի մասնակցությամբ միջադեպի մասին

Քաջարան-Մեղրի ավտոճանապարհին մառախուղ է՝ տեսանելիությունը 1-2 մետր

Միայն հարգանքից ելնելով է առաջարկվել Վանեցյանի եւ Օսիպյանի ազատումը ձևակերպել հրաժարականի դիմումներով. ԱԺ նախագահ

«Մուլտի Գրուպ» կոնցեռնի տնօրենին մեղադրանք է առաջադրվել նաև առանձնապես խոշոր չափի փողերի լվացման համար. ՔԿ

Մենք ունենք 2 պետություն, բայց 1 հայրենիք եւ մեր նպատակը 1 պետություն, 1 հայրենիք ունենալն է. Դավիթ Բաբայան

Հայաստան է ժամանել Բելառուսի Զինված ուժերի գլխավոր շտաբի պետը

Ես Արցախ եմ հրավիրելու այս բոլոր մրցանակակիրներին և նորից մեծարելու եմ նրանց. Բակո Սահակյան

Հայ ժողովուրդը ոչ միայն դարձել է ավելի ուժեղ, այլ ավելի ամուր է կանգնել իր ոտքերի վրա. վարչապետ

Անցնող շաբաթ Ադրբեջանի հետ շփման գծում հայ դիրքապահների ուղղությամբ արձակել է շուրջ 1000 կրակոց

«Մեր ժամանակների հերոսը» մրցանակաբաշխության գլխավոր մրցանակակրի անունը կարդաց ՀՀ վարչապետը

Նիկոլ Փաշինյանը շարունակում է շնորհավորական ուղերձներ ստանալ Անկախության օրվա առթիվ

Google-ը Հայաստանից մուտք գործողներին այսօր եռագույն է ողջունում

Խոշոր հրդեհ Սյունիքի մարզի անտառներում (լուսանկարներ)

Երեւան-Գյումրի գնացքի տոմսերի համար 3-4 ժամ հերթ են կանգնում, տոմսեր վաճառում են միայն բողոքներից հետո. ահազանգ

Գյումրու Սև բերդում տեղի է ունենում «Մեր ժամանակների հերոսը» խորագրով մրցանակաբաշխությունը. ուղիղ

Բացահայտվել է 73 մլն դրամի էլեկտրաէներգիայի ապօրինի օգտագործմամբ կրիպտոարժույթի արտադրություն իրականացնելու դեպք

28 տարի առաջ այս օրը մենք ինքներս ենք որոշել ապրել անկախ Հայաստանի Հանրապետությունում. Արարատ Միրզոյան

Սեպտեմբերի 21-ը հայ ժողովրդի համար դարձավ նոր ճանապարհի սկիզբ. Բակո Սահակյանը շնորհավորել է Նիկոլ Փաշինյանին

Գյումրու Սեւ բերդ ամրոցում մեկնարկում է «Մեր ժամանակների հերոսը» մրցանակաբաշխությունը (լուսանկարներ)

«Արսենալ»-ը շնորհավորել է Հայաստանի անկախության տոնը